السلام عليكم ورحمة الله وبركاته
مصافحه اولى

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بسمك اللهم منزل كاف ها يا عين صاد=ومنزل الكهف وتبارك والقلم والزلزله
مرسل الريح اللواقح رافع السبع الشداد=يا كريم الجاه بإسمك نبتدي بالبسمله
يا مُنَجّي هود بأمرك من ذواري قوم عاد=يا غفور ويا رحيم ويا مجيب المسأله
اسألك يا من بكفك غيب مجهول العباد=اطلبك يا رب عفوك ياعظيم المنزله
عالم الخافي وعالم جهر مكنون المراد=وعالم اسرار البحور وكلّ شي ٍنجهله
بإسمك اللهم ينطق كلّ ذي روح وجماد=لك نهار الزحف يأتي كلّ شي ٍ هروله
جاعل الفردوس منزل للعباد وخير زاد=وجاعل ٍ نارك عقاب ٍ للقلوب المُهمَله
اجعل الجنّه قراري واجعل التقوى عتاد=يوم تغتص الحناجر والمناكب مثقله
رحمتك ربي وعفوك بالملأ يوم الحصاد=في نهار الحق نأتي والصحائف مقفله
احفظ المسلم بدينك وامنحه زود اجتهاد=واجعله زاد محبب في صدور ٍ تكفله
يوم تندك الرواسي والنواطح كالرماد=ما يفيد المؤمن إلا صالحاته واعمله
اكفنا شرّ المهالك واكفنا شرّ العناد=واكفنا شرّ الزمان اللي يروّع مُجمَله
وقتنا كثرت جروحه بالظلايم والفساد=فيه طعم المرّ حالي والحلا في حنظله
الزمن ياخذ قراره ويتصرّف بانفراد=يعتمد بند المراره والشقا والبهذله
انتشر جهل المعارف في قيمنا واستفاد=وانحبس علم المنافع في سطور الهجوله
جرح ما نعرف مكانه ما يداويه الضماد=وجرح يتكاثر نزيفه من طبيب الململه
الحياة اللي هدفها كبر كرسي واقتصاد=اولتها كُبر قسم وتاليتها بلبله
قال رمح الحق انصت واسمع العلم الوكاد=الكفو حظه يعاني والشيم في معضله
راعي الدينار يقضي جُلّ وقته في طراد=والفوائد بالتساوي في مخابي حنّشله
الحظيظ اللي بعقله زاد علمه واستزاد=والتعيس اضحت حياته بالقيود مكبّله
عادة الشجعان تمشي في طوابير الركاد=وكلمة الكذبان باتت بالملاحم مُنزله
وقتنا بندق عياله نسي صانعها الزناد=والرصاصه في نحرها خير يارب اجعله
الشباب اليوم واجد كثرهم كثر الجراد=لكن الملبس فرنسي والعضود محجّله
نعمة الامطار قلّّّت واختفى خير البلاد=وابتسم وجه المعاصي في عيون المهزله
شي مضحك شي مبكي لابياض ولاسواد =صاب رمح الوقت الاسود حظنا في مقتله
يا زمن ابكيت عيني بل وحطمت الفؤآد=يازمن فردك يعاني والجموع مهلهله
يا سقى الله يا سقى الله خيمتي وأم البجاد=ولاسقى الله لاسقى الله قصر خالي من هله
غفوة ٍ بالبر افضل من غرف نوم الرقاد=ونومة الخليان عندي وزن بندر بأكمله
الغداء في سفح وادي جال غدران الوهاد=والنفل والشيح ريحه والكباش مجندله
والعشاء نرسم مكانه سمرة في راس واد=نستمع طيب السوالف والدلال مهيّله
دلّة الرسلان تلمع فوحها مثل الزباد=حولها عكف الشوارب والقصائد عوهله
يلفح الغربي جبيني من ذعاذيع البراد=وطرق مجرور القوافي في ضميري زرفله
بسمك اللهم نختم يا مجيب ويا جواد=والصلاة على محمد في مقامه تاصله[/poem]

:
:


وعليكم السلام ورحمة الله وبركاته ..
أنها مصافحة (( حبلى )) بالشعر .. !!

محمد الأجدل
مثل هذا الشعر لايمر عابراً ..
ومثل هذا الأسم لن يمر عابراً ..
نص (( فاخر )) ..
حوى مايبحث عنه النهم للشعر ..
نص جاء رصيناً .. ثميناً .. متيناً ..
يستحق أن يقرأ مراراً وتكراراً ..
بأختصار نص لايمكن ان يكتبه شاعر عادي ..

شي مضحك شي مبكي لابياض ولاسـواد
ـــــــــ صاب رمح الوقت الاسود حظنا في مقتله
يا زمن ابكيت عيني بل وحطمت الفـؤآد
ـــــــــ يازمن فردك يعانـي والجمـوع مهلهلـه

فقط إيراد البيتين لأخذ (( عيّنة )) شعر من هذا النص الفخم ..
الذي يستحق التواجد في (( الشعبي )) وبجدارة .. !!

صح بيانك .. !!
صح بيانك .. !!
صح بيانك .. !!

محمد الأجدل

وحضور يبشّر بقدوم مبدع جديد هنا
لك تقديري وتحياتي