.
. ياسرحان من فوق اسوَد الرجم ويش اِتشوف؟ لا تقنب بصوتك تشغل القلب ياسرحان ياسرحان, ياجوعان, يالضامر الملهوف ليا كنت ميّت جوع! انا ميّتٍ ولهان أنت الجوع في بطنك, وطاوٍ حشاك الخوف من رمي الشواوي,والمظاهير,والرعيان وانا الجوع في قلبي, وجوف الصدر مشغوف ورغم اِختلاف الهَمْ يْا سرحان حنّا اخوان . . |
.
. اِيوه تذَكّرت كل اخبارك (السارّه) وشلون مْا اذكرك وانت اللي شغَلت الفكِر أشواق قلبي عليك اِبنبضها حارّه يامالك القلب, ياماليه, يامحتكِر . . |
.
. خَلّي عنك النرجسيّه والتفاخر آنا,وآنا.. والصفات المخمليه!! مِنك! داخل مجتَمَعْك! الكلّ ساخر لين صرتي مَضحَكَه يانَرجَسيّه :) . . |
.
. سلام.. واعذب ماكتبته وما قلت ياحاتمي بالوصل.. بالصوت, والشوف أنا! مقصّر في مواصَلْك واهمَلت وانته! تسوّي في مجافيِك معروف . . |
.
. البارحه جتني بيوت بدون اِسم من واحدٍ درب الردى عمايلِه مقيولةٍ قبله, وحَطّ اِلها وَسِم ماهيب من صنعه ولا فعايلِه ^ ^ مانع فهد اللي سواته! حِطّ في قلبه سهَم من شان مايرجع على خمايلِه بعض العرب! في طبعها مثل الغنَم اللي تضيع اِعن الطريق القايله ياجعلهم يفدون مركوز الجسم وجعل شواربهم فدا جدايلِه . . |
.
. اسمي على اذهان خلق الله ثبّتـّه بـ اِني صديقٍ تشرّفنـي صداقاتـي اصحابي اصدق عباد الله واوفاهم نعماً بصدقي ونعمـاً بـ اِختياراتـي ^ ^ ^ <<< هذا المُستخدِم! سارقها من رصيد عفاس اِبن حرباش http://www.montada.mergab.com/showthread.php?t=45054 :) . . |
.
. لها ثغرٍ كما الجمره, مثل جمر الغضى ثغره تعضّه بالبَرَد, مدري بـ ياقوتٍ ومحّاري! انا ادري مُعجزه فيْ الخلق.. واللْه راعي القدره خلق في ثغرها وصفٍ سوات الثلج والناري وياسبحان من ولَّف مابين الثلج والجمره! بوسط النار ثلج, وصار ثلج ونار سهّاري غريبه مايذوب الثلج!, كيف النار مستعره؟ صداقه بين ثلج ونار فيها الفكر يحتاري صداقه صادقه قبل امس,واليوم,وبعد بكره مثل ماني مصادق صادقٍ صادَق لي افكاري وانا! ماكنت اصدّق من يقول (العشق من نظره)! وصدّقت المثل بعد الغرام وسمّه الهاري حقيقة عاشقٍ سيف المحبه غاص في صدره دخل في خافقه سيف الغرام بحدّه العاري . . |
.
. تسولف لي عن اشواقي عروقي وبـ اسمك صرّحت لي واِهمست لي ياكثرك بالغلا فـِ عروق روقي ثبت قَدرك, وشوقي لك ثبت لي . . |
.
. عيونك وَطن, وعروق قلبي لعينك شَعْب تدافَع وَلا وتعيش بك واِتحيابك شوق وبدونك! تراجَع خوف, ويدُبّ فيها رُعب فديت العيون.. اللي لها ينبضنّ اِعروق . . |
.
. آسف يامال العافيه.. روح (ما اباك) ملّيت من كثر الغلا , والتميلح :) . . |
.
. هلا بالعيطموس اللي كما ريمٍ شرودٍ ذار هَنوفٍ بالجَمال! امست مثل حسن القمر وابهى ربَت بين البَخَتري,والنفل,والشيِح,والنوّار وروابي نَجد..واطيب جوّها وازكى هبايبها اهَلها روس قوم..اسياد اهل بيرق وقحص إمهار لَها حقّ الفَخَر والكبريا, وإتشدّ حاجبها ابوها! مثل حَضرَة جَدّها..فارس,بَطَل,مُغوار وخوالٍ من مواكير الحَرار إتعِدّ مَنسَبها لها عِزّه,لها حشمه,لها هيَبة طوال اعمار بلا ميعاد زارتني بهيَبه..صرت هايبها وقلت:اهلاً وسهلاً زادت الأفراح والأنوار صراحه! ساير افراحي بعمري! هاذي اطيبها وصَلتي وإستريحي لاتعبتي يحتويك الدار مثل ماتحتوي بيِض القلوب اغلى حبايبها وقالت: بَس انا...! قلت:إجعليها بيننا تذكار ولو ساعة وَصل تغتال فرحتنا عقاربها وقالت:جيت لك رغم الألم,والخوف,والأمرار وتجَشَّمت المخاطر..والعروق الخوف ذوَّبها ومادام الشرط نور! وبالرضا يُقبَل بدون إجبار! انا شَرطي! طَلَب..فكّر وروحك لاتغَلّبها ورجيتك واثقه جاوِب..وعَطني صادق الأخبار إجابه وافيَه..بالصدق لَبّسها وطيِّبها وترى تحرَم عليّ الشاذليّه..بنّها وإبهار قبل مـَ اسمع جوابك!..دَلّتِك! لايمكن اشربها . . |
.
. كنت الأمل, وانت الألَم . . |
.
. مالي غِنى عَنّي, وَلا لك غِنى عَنك ^ ^ هاذا الصحيح, الصدق.. واقع ,ومفروض وَلا تبالغ.. مَلّ حتى الحكي مِنك وبلاش ندخل فيْ التفاصيل واِنخوض . . |
.
. تستعذب اِحروفي! يا حساس ياعَذب؟ ذوقك هو الراقي, وفكرك ونظرتك جذبتني كلي من اقصى الغلا جذب والشعر ماله طعْم من دون حضرتك . . |
.
. أكثر الناس يعرق لـ اجل حَبّة تميس وغيرهم فيْ الزمن يعرق بلعب التنِس . . |
.
. بَرَق لون الأرَق فوق الورق واِستدرَك الإلهام سنين الذكريات الماضيه والودّ وشجونه . . |
.
. (يالبيه)<< صارت لـ اجل مغليك, لَزمَه فيك سمه من سماتك.. لوّ ماهيب من لهجَتْك تدوّر على حكي ٍ يريّح صدر مغليك وصارت(يالبيَه) ! اكثر اِعلومك وهرجَتْك . . |
.
. ....................... مثل عين حرٍّ يوم شاف الحبارى! هَد ولِعِب حولها, واِليا قضى اللعب! سَنّعها فِجَر قلبها داخل نَحَرها وشَدِّه شَد ونِتَف ريشها, واضفى عليها ومَزّعها . . |
.
. لاترَدد.. في عروق القلب جِسّ وطِبّ واِختَر وكلّها ضميا لشوفك.. يابعد عيني وراسي دَم قلبي في شراييني ليا شافك! يشختِر يندفع وسط العروق.. وكلّي آصير اِمتواسي . . |
.
. لبيه يامَن يملك القلب لبيه ياللي جَدير بمسكن القلب واحرى مثل تواصيفك مع الوقت! مافيه اُنثى..وتملك في الزمن روح عذرا ومن كثر ماسوّيت في القلب ياهيه! إرموش عينك جيش, وإعروقي اسرى أنته فراقك همّ..لاحلّ طاريه! بالكبد شاتيلا, وبالقلب صبرا لك سلطة الباشا, ولك هيبة البيه كنّك عظيم الفُرس(شروان كسرى) واللي خلَق عبده عَن الشرك ناهيه وإعبادة الاصنام جَهل ٍ وكُفرا واللات والعُزّى من النار تدنيه وحرَّم مَناة الثالثه ذيك الاُخرى إنّـك حبيب ٍ ماخُلِق مَن يحاليه في القلب بلحالك فقط..والله ادرى . . |
.
. شغل عدل :) صدر الشعر من عِدَّة إشهور ضايق وعلى التنفّس! مالقى له وسيله ماغير من راس الطويله يوايق على فياض الشعر..ويزيد ويَله ولولا قديمِه!!كان وَلَّع حرايق ياخذ ويستعرض قدايِم حصيلِه واليوم صدر الشعر! فايق ورايق ونوى بهاذا النَصّ..يشفي غَليلِه لعيون منهو لـ اجمل الشعر لايق شغل عَدل..والقاف فعلاً يبيلِه يامرحبا من قلب رايق وفايق قلبٍ يرحّب شوق باللي يجيلِه إقلط؛تفضّل..مالك اليوم عايق ياواحدٍ عندي!...تساوي قبيله غلاك! يفرق عَن جميع الخلايق كلمة خَليلٍ مخلصٍ مع خَليلِه وعليك قلبي من مثانيه سايق عودِه؛ونعناعه؛وبنّه؛وهيَلِه وفَزّ إلْك وإعروقه لشوفك تَهايَق يامَن حَكى عَن سَلسَبيلِه هَديلِه يامَن جَماله مايبيله وثايق (الزيَن! يَكفْي عَن كثيره..قليله) يِعِدّ عَسّاس الحيا للحقايق وياويل من يكذب..من اللْه ياويَلِه وإختامها..لعيونك الشعر لايق ,,,,,,,,,,,,,,,,,,, شغل عَدِل.. لعيونك انته! يبييييله . . |
.
. عِزّاه ياقلبٍ لهمّه يصارع قلبٍ عليه الهَمّ فيْ الوقت يرعى في سكّته ضاقت جميع الشوارع ومن حيرته ضاقت به الاْرض ذرعى . . |
.
. ؟ إسألني إسأل يابعد كل الاحباب والبال رايق,والعلاقه وطيده إطرح سؤالك واِشرحه,واَسهِب اِسهاب واِليا انتهى! .. بشوييييش حاول تعيده أبغاك تتفلسف ثقافه..وتنساب بالاسئله.. والصعب ينحلّ قيده أنت اِنسيابك بالحكي! فَنّ وآداب وعندك بالاِستطراد حكمه فريده . . |
.
. ليتني لارحت اراجع فـ الدواير وابتَلَشت! القى على دربي عتيبي ^ ^ مناحي بن فالح السبيعي . . |
.
. شفت الندى ليَمَن غشى ناعم الوَرْد! يشبه (تفاصيلِك) ويشبه خدودك يا جَنَّة الكَنَّه, ويادَفوَة البَرْد تكفى لاتحرمني نعومة ورودك . . |
| جميع الأوقات بتوقيت GMT +3. الساعة الآن 05:34 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية