من درر / عبدالله الطلحي
ماكل دخان في المجلـس يجيلـه قبـول من قال دخان عود الطيب مثـل البكـت ولاكل قافٍ سمعته قلـت ليتـه يطـول قيفـان ماهـزت إحساسـي ولاحركـت ولاكل راعي سوالف ملتـزم بالأصـول كم سالفة من خيـال الـراوي تفبركـت يا مضحّك الناس مايطري عليك الفضول الناس تضحك معك وإلا عليك إضحكـت إن كان منته بقايل شـي يمـلا العقـول الصمت خير إلك من ترديد بعض النكت محدٍ بقايل لراعي الصمـت ليتـه يقـول لكـن كـم قيـل للهراج ليتـه سـكـت وياشاعرٍ صرت من دنيا الهوى في ذهول دنيا الهوى شربكت دنيـاك وتشربكـت ماتهرج إلا عن الفرقى وظلـم العـذول وقلوب تشكي لها وقلوب منـك إشتكـت لـو القصايـد تقـدم للقضايـا حـلـول ماكل ساعة نزف جرحك وعينك بكـت في سكة الوهم ماتلقى محطـة وصـول كم ضيعت ناس قدامك ونـاس اهلكـت قبلك ترانـا مشيناهـا طلـوع ونـزول سقنا الركايب بدرب الجهل ليـن بركـت حتى وصلنا بعد مرت علينـا الفصـول لنهاية الصيف وايام الخريـف اوشكـت من هرجنا ويش مكسبنا بعـد مانـزول ياما حكينا ويامـا النـاس عنـا حكـت والهرج من دون قال الله وقال الرسـول جسمٍ بلا روح لـوإن العقـول أدركـت ماشاء الله وصلّى الله وسلّم على رسول الله ، .. |
[align=right]
سبقتني يا سداح :) كنت بجيبها مير لا هنت [/align] |
من روائع / وصل العطياني
يا لابس المشلح على بالك يقولـون ونعـم والاّ تبى من لبسة المشلح غـرور وكبريـا والنعم زينة مير حولك مالهـا ماطـأ قـدم وأزيدك من الشعر بيت ,الناس ماهم باغبيا إن كان بيتك ما يعرف البنّ الاشقر والشحم اكيد ما مرّت على مسمعـك تبقـى وتحيـا حيث ان تبقى وتحيا مدهالهـا بيـت الكـرم ما شرّفت بيت البخيل اللي ما في وجهه حيا الجود ما يطرح علم والبخل ما يرفع علـم والنور ما يقبـل وجيـه الاّ وجيـه الأتقيـا اللي غناته طاعـة الله والله انـه مـا نـدم واللي يحسبون الغنا بالمال ماهـم باغنيـا يهدي بك الله رجل واحد خير من حمر النعم فالساعة اللي ما يفيدك لا قريب ولا اخويـا الموت يفرس فالبشر فرس الذيابـة فالغنـم ما دايم الا الله ما دايم لا ملـوك ولا انبيـا والمرجلة ما جات عند اهل المراجل من عدم الا بطردٍ مثل طـرد البـدو لبـروق الحيـا والاّ الريا لو في علومٍ غانمة ما لـه طعـم ركعة بنيّة صادقة تسوى مية ركعـة ريـا هذا الكلام اللي يقص العظم ويجـذ ّ النسـم ان جاز لك لا بأس وان ما جاز في قلع النيا لو يرفعونك فوق سلّم ما انت طايل يا قـزم الا ليا طالت خشوم الفطس في شرق آسيـا .... |
اقتباس:
|
اقتباس:
|
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحبر يرفع قيمة القرطاس =في عين قاريني وكاتبني ما رحت لديار الشعر عساس =رحت .؟ وجناب الشعر طالبني ووقفت ادوّر لي على مجلاس =وجيت المكان اللي يناسبني طلاقة يدين وطناخة راس =صوب السما والنور تجذبني لي وجه حق ووقفتي نوماس =ليه الاماني ما تقرّبني جميع غلطاتي من الاحساس =واللي يعاتبني .. يعاتبني ماهوب شرط اعجب جميع الناس =انا . ما كل الناس تعجبني قناعتي حاجه بدون قياس =مع كل موقف لي تجرّبني يالله زدني قو عزم وباس =ولامن خذتني دنيتي .. جبني فا الليل ادوّر للعيون نعاس =والصبح ياكلني ويشربني معظم طموحاتي نصيب الياس =ليه اهدم في واقعي وأبني بقى لها شهقه ولفظ انفاس=وما عاد تغريني وتندبني لا صرت في ظلمى وانا نبراس=حتى التعب ما عاد يتعبني ما للعذر عن كل غايه ساس =الوقت عن دنياي غرّبني [/poem] [align=right] ناصر مناحي [/align] |
للجميل / بدر محمد السبيعي
حسبي على اللي حطني بين قوسين من بين كل النـاس سبـب عنايـه اختصنـي بالهـم والغـم والبيـن تقـول كنـي مرتكبـلـي جنـايـه اي والله استاهـل منـول وهلحيـن هويـت مـن لايستحـق الهوايـه عطيته اكثر من حقـوق المزاييـن واسرفت له بالحـب لاخـر نهايـه مشٌيت حبه فـي جميـع الشراييـن صورته في قلبـي وتمشـي معايـه بنيت له في داخـل القلـب برجيـن ورفعت له من فوق الابـراج رايـه ثم بعدها ورانـي الخاطـر الشيـن من قلب ٍ اسود مثل لـون العبايـه وارسل سهوم ٍ تنصف القلب نصفين سهم ٍ يناطحنـي وسهـم ٍ ورايـه تقول كني مـن كبـار المعاديـن ؟؟ ضوٌق علي الارض واضوق سمايه عسـاه تلعبـه كبـار الشياطـيـن اللـي خلقهـا الله بلـيـا هـدايـه ويعيش في دنيـاه مابيـن ناريـن واشفي غليلي منه واروي ضمايـه خلاص من درب الهوى والمحبيـن خلاص خذنا مـن دروسـه كفايـه اي والله استاهـل منـول وهلحيـن هويـت مـن لايستحـق الهوايـه ... |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اذا طامرتَ من فوق الرجومي=فلا تنزل على رقاق الحزومي فطعم الجيد في نطح الهلايم=كطعم الخوف عن نطح القرومي فلو أن المراجل بالتمنّي=تساوا الطيبون والرخومي وألا ياصاحبي ياشين طبعك=تضيق من السوالف والعلومي سوالف جاهلٍ يجهل وطنّا=بداعي حقده يبث السمومي ولكن مهلاً ( أبعطيه درساً )=عقب عرّض لزرقات السهومي نعم نحن من أبناء البوادي =هممنا أكبر من كبار الجرومي حرارُ فالسماء إن جاد صيدُ=وفي داجي الظُلم نحن النجومي نغيّر ف الخرايط مانهايط=بحد السيف ملعون الرسومي وجاء العدل من بعد التشتت=وصار الدار بالرسم امحسومي زحفنا من ديار اخوان نورة=هل البوش العطر يوم الهجومي إلى حيث انتهى فينا المقامُ=واخو مريم اخو الصقر الصرومي ومانيلك من عيال الحمايل=سوى أنك من الأصل امحجومي فغض الطرف إنك من زبيرُ=تدّق الطبل دقّك للرقومي وليس البرّ أن تسكن ف ( جبلة )=ولكن أن تسير مع اليمومي فجدك عند فجحان المطيري=يرحّب بالمعازيم ويحومي حسافة يوم عاش مع الأشاوس=خلفك وقمت يالبومة ترومي تبي تطاول طويلين اليماني=ولبست الذل لبسك للهدومي ولونجهل على جهل ( الجويهل )=دخلنا الصبح فالسجن العمومي وحرام انا ندرعم به عشانك=فمن أنتَ ؟ عسى مالك عزومي فأنتَ سيّد الرقص وزبونه=اذا طب المسارح مايشومي على قرع الطبل تزداد حمقاً=وتهز الوسط مع عزف النغومي فما زال الطلب ينصّب نحوك=من اطوال الزناقح والزقومي فلاتترك منابرنا ( الشريفة )=بدون أن تنبطح فيها وتقومي (وزبنتي يابعد روحي زبنتي )=يدوم الله وخلقه ماتدومي [/poem] لــ محمد صالح العتيبي |
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ندور للتجاره مير ماش أموال=يا روس أموالنا هاتي مقاضينا بلشنا فالغلا واصل الغلا لا زال=يطاردنا وياكل من مخابينا من أول ياخذ الاسبوع مية ريال=وهاللحين الميه يالله تعشينا من أول يفرح الرجال بالرجال=وهاللحين الفرح لاهنت بعدينا من أول ناخذ الفله بدون الفال=وهاللحين الشقق بالفال تنبينا غلا فاحش وتغريبه وضيقة بال=من الحاصل نسينا ويش اسامينا يسود الجوء استجداء بعد جدال=كلام عقولنا من حظ اذانينا وذا كاتب وذا محلل وذا دجال=وشاشات وكميرات وملايينا وخذنا صبح قبل نكمل الفنجال=كفى فنجالنا الدله وشاهينا يفور الدم وسط عروقنا ما سال=يوقف نبض / تنبض دمعة العينا هنا مات الجمل ما عاد به جمّال=هنا وش أنت يا سكر قصب سينا هنا ما عاد به طيّب وعال العال=هنا صاب المرض حتى المجانينا هنا والا بلاش نغني الموال=ونين قلوبنا لحنه يكفينا صديقي يوم قابلته سئلته قال=وهو كتلت حزن يشكي من الدينا لابو فاتورة الجوال والجوال=ما دام الدين عيا لا يخلينا ما أبي تاجر ولا ابغى اكون رجل اعمال=أبي مديون ومحافظ على الدينا !![/poem] مناحي |
لـ المبدع / عبدالرحمن السمين
أشغلَتك الليالي يـا غريـب الطبـوع لين ذقت الجفيّـا بأسمـك المستعـار طال ليل الثلوث وغاب فجـر الربـوع والحقيقه قتلها الصمت وضح النهـار بين طارى يروع وبيـن فرقـاً تلـوع روحّت عزتي من فوق شـرد المهـار وبين سوْ المصير وبين شحْ الفـزوع يكبرون الصغـار ويصغـرون الكبـار بان وجه الصحيح وهوبل الصوت طوع فوق رجمٍ عوى ذيبـه وتّـلْ الـزرار لا قلـوبٍ تحـنْ ولا فراسـة ربـوع أنثلم سيف أبن غانـم وثـار الغبـار أتعبتنـا الحيـاه وكـل جـرحٍ يفـوع سكته في ضميري مثل ممشى القطـار يخلق الكثر فسْق ويخلق القـلّ جـوع والفضايل سوالف ليل خلـف الستـار يـا مسلّـم عيونـي للعيـا والدمـوع الرجل لابكى يحسـب عليـه أنكسـار لا تقول التغاضي ما يسمـى خضـوع لا وطيت الكرامه وش بقى مـا يثـار ما طلبتك سوى صوتك براس السبوع لين بـذّت علومـي جمـرة الأنتظـار غاب نجم السما واخطيت خط الرجـوع وأنت جْرتك بيضا مع طـوال العمـار بين عيد القلوب وبين عيـد الشمـوع لاهيٍ فـي طريـقٍ مـا يوصلّـك دار ما برق زخرف الدنيا بقلـب القنـوع لو حِرمّنَا من الدنيـا كسانـا الوقـار ... |
http://www.al-wed.com/pic-vb/10.gif
لو كااان ( قلبك ) مثل ماكنت لي اول ماجيتك اركض واطيح احيااان من دوووونك ماني ( فقيرك ) ولاني فيك ( متسوّل ) القصد كله مابيك تبيع مجنوووونك !! تعبت انا ارقى على المرقاب واحوّل ماكني الا اخيل الكووون .. بعيونك !! . . . . . . . . . . . . لو كان قلبك مثل ما كنت .. لي اول ما جيتك اركض واطيح احيان من دونك !! ماني فقيرك .. ولاني فيك .. متسوّل القصد كله .. مابيك تخووون .. مجنونك تعبت انا ارقى على ( المرقاب ) واحوّل ماكني الا اخيل الكوووون .. بعيونك بالله .. تكفى .. اذا بتغيّب .. لاتطوّل اخاف من ( شلة ٍ ) فيني .. يعزونك وتروح كنك من اللي صااار متهوّل مع ان موتي على ( يديك .. وطعونك ) سو ما بدالك على ما تشتهي مخوّل مافيه قلب ٍ يعيشك (حب) ويخونك !! دايم وانا اللي اغض الطرف واتأوّل انخى لك العذر .. ( يا لبيه يا عونك ) الظاهر اني معك مسجوووون .. ومطول مابي فضاء الناس .. شد اوثاق مسجونك خذ راحتك كيف ما ودك بي اتجوّل دام المحاني ( تضمك .. والغلا .. كونك ) ياكثر ماني نبضت الشوووق واموّل بالله طلبه .. ترفق بي .. على هونك !! صوّرت واقع حياتي فيك .. ماهوّل كل المشاااوير يوم اقفيت .. يبكونك ماتذكر انك تشيل الصوت وتموّل واهتز كلي .. اجاوب .. هزة امتونك !! لو المشاعر .. مع الايام .. تتحوّل ماجيت انا اشكي واشيل الجرح وكفونك يلعب بي ( الهم ) لامن رحت .. لمنوّل واتذكر انه .. حلاة الوقت .. بجنونك لازلت انا ارسم بك ( الاحلام ) واعوّل يا منتهى الحلم .. خذني داخل عيونك ولو كان قلبك .. مثل ماكان بالاول ماجيتك اركض واطيح احيان من دونك !! . . . الشاعر / محمد العسكر |
اقتباس:
|
للمبدع المحبوب / عفاس بن حرباش
الله يبيـح احلامـي المذبوحـه اللي رماهـا بالحقيقـه رامـي كانت على جدار السعاده لوحـه ماتت ، وطاح إجدارها قدامـي مالي ومال الزلـه المدموحـه اللي ثمنها من رصيـد ايامـي ثلاثة ارباع البشـر مشفوحـه واللي بقى جايع حياه وضامـي يشقى ولايلقى عـلاج جروحـه ماكول لو ذبحه ماهوب اسلامي الى متى واوضاعنا المشروحـه تطيح من دون المقام السامـي الشعب كله ساكنن منفوحـه ! تجنيدهم للفقـر شبـه إلزامـي دمعه تطيح ودمعـةً ممسوحـه ودمعه تجف من الشعور الحامي اللي مدح يجني كرم ممدوحـه واللي سكت عفه ..سكوته دامي واعلامنا باوضاعه المفضوحـه صغّر وطن فالخارطه مترامي ؟ اسطورته من ساق دونه روحه ماهوب لاماجد ولا هو سامـي كان القصيده ماهي بمسموحـه ولا ، تراهـا لبنـدر القسامـي .. |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحزن تعبير . والدمعه خلاصة شعور = والشعر مثل الدموع . وصدق الاحساس غير هذا اول الغيث يا حبر القلم والسطور = مبطي وانا اردّ مافي خاطري واستخير تعبت والوقت ينبش في قبور الصدور = واسرار الايام لو طال المدى وسط بير الى متى ؟ والاماني كذب . والصمت جور = و ( رزنامة العمر ) حتّت من ورقها كثير وين انت يا أغلى ظلامٍ ما يساويه نور؟ = صاحِبك ودّه يكمل كل عمره ضرير ياصاحبي دونك القى الذنب ..| والعرف ..| سور = والنفس يا حبّها للذنب . و القلب طير اي والله اني تعبت ألفّ حولك وادور = ماودّي اسمع جوابك عن سؤال المصير شفها تساقط من عيوني كبار الامور = و اشوفك اكبر من الحاجه وحلم الفقير اشتقت لك . يا قراح الما وصوت الطيور = الارض جردا ويغشاها.. الضما . والهجير تعال . واكسر بحلو الذكريات الغرور =( اقولها ). والاماني في رمقها الاخير وجه الحياوي لعب فيه الزمان الجسور = واللي صفالي من الايام قلب وضمير الحاصل إني عجزت القى لذنبك طهور = واستغفر الله بعض الصبر مافيه خير[/poem] لــ سالم حمد |
اقتباس:
|
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هجوس الشعر لجت في ضميري=على خشمي غصب مني تسيري اقيدها وروض في خطاها=وعقلها كما عقل البعيري وتصبح طلق في روس المحاني=تغني بالهجيني والقصيري اوردها على هداج تيما=ولا تادر على جمة غديري احشمها ودخلها بوجهي=ولا تهتز لو افقد مصيري لأن الرجل يوخذ من لسانه=وتصبح كلمتي حجه لغيري وعيب في لحيتي ونا محمد=يصير النا الرغا عقب الهديري كتبت الشعر في سن ٍ مبكر=كبير الشعر لو سني صغيري ولا علمني احد ٍ كيف وزنه=ليا مني كتبته ماستشيري لأني وارثه ماني لك الله=درسته او يدرسنيه غيري حفظة الشعر من مجلاس ربعي=ونهلت بمنهل العد الغزيري حرصت بحفظ موروث القصايد=من امثال الزلامي والسديري وارد محاورات الشيخ مطلق=ليا نادى شليويح المطيري ولا قطيت وجهي في المحافل=ولا مديت يمنايه لأميري ولا نزلت راسي مثل شعري=اطارد فالسراب وفي الهجيري ولا سابقت في شعر المسابق=ازاحم فالقبيلي والخضيري اجيهم ثم اعود ثم اجيهم=ابي الأقرار منهم بتعبيري يقومني ويجلسني بكيفه=ونا راضي بواقعي المريري ومنهو ماعرف قدري وشعري=نزولي سهل عنده يامنيري انا ابرأ من بعضهم ياألاهي=كما يحصل بهالوقت الأخيري ونا ماني ولد نعمه وكشخه=ولانومي على الفرش الأثيري طعامي خبز بر ودر خلفه=واذا عدمت نعود للمضيري وابشركم ترانا ماخسرنا=نعمنا مع هذ الخير الوفيري نشخص بالعقال وبالعمامه=عقب نوم اليالي في الحصيري ليا حل الربيع نروح حايل=ولا جاء الصيف سندنا عسيري نحاول بالتظاهر بالحضاره=مع التيار نمشي مانطيري نميز فالثقال وفالخفافي =ولاروح لنا حبة شعيري ونعرف ماحصل تال الزماني=من احداث الزمان المستطيري ولكن ويش نعمل يالسنافي=رحاة كنها السيف الشطيري رحاة ماتوقف ربع ساعه =على روس الخلايق تستديري زعلنا من ابو عمار ياسر=لحيث انه يجامل في القطيري ولكن انه صدق راع المثايل=يقول تحب ...لاجربت غيري لفانا بعدهم ناس ضعايف=كما وصف الحبارى المستذيري مثل عباس في غزه وحيفا=وفي بيروت وش قال الحريري ولكنا نمشي في السوالف=بصير العين واليمنى قصيري اسلي خاطري بأبيات شعري=ليا قامت تزاحم في ضميري[/poem] لــ سنجار |
اقتباس:
|
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على البحر الطويل آفرد شراع الشعر يابحّار = بحورك تنتظرك .. وموجها : معنى وقافيّه تتعب من يبي يبحر معك .. ويدّور المحار = عسى الله لايضرك .. في قريحتك الهلاليّه آخذت من القصيد اليوسفي ما يلفت الانظار = تقول ان : الطروق اللي تغنيها آنَدلُسيّه تغرّد في فضاك وتترك ديار وتروح ديار = دروبك قفر .. ودورب العرب لازالت آخليّه عسى حالك كذا رحّال : ما يهناك الاستقرار = مدام انك بخير , ورحلة الشاعر رفاهيّه وأنا يوم اني اقراء آخر قصيده / واقف ٍ محتار = ماعاد القى من اللي ينذكر ما ينحسب ليّه لكن من باب تسجيل الحضور : آسجل الاقرار = واقول أن النصايح صايبه 200 بـ .. % , نصايحك الثمينه ما تقدّر بـ .. أثمن الاسعار = بعد خصيت نجم ٍ في إخطاه الابتدائيه ! عطيته مختصر كل الدروب , ووجهة التيار = وقدامه : جميع الناس .. خياله ورجليه ياشاعرنا القدير / الوضع من مبطي عليه غبار = وحساسيتْه .. تال الوقت زايدة ٍ حساسيه ماهوب بخير لو انه يعيش بحالة استنفار = وكل ٍ صار شاعر .. والمشاعر نارها حيه ! وأنا : وأعوذ بالله من أنا يؤسفني اللي صار = لكني يوم افكر فالحقيقه ويش في يديّه ؟ نجوم الليل مهما زيّنت جيد الظلام , صغار = على ذمة عيوني كلها , هذي وهاذيه ليا جاها النهار وشعشعت شمس النهار انوار = ما كن الله خلقها ياوسيع العرف موليّه نقدّم للظروف اعذار .. ونقول الزمن دوّار = وحنا خابرين ان الدعاوي ماهي بـ ( هيّه ) ! ماندري : لعبة الاعلام والا لعبة الاقدار = ولكن الاكيد : ان الشعر ما غيره ضحيه هذا شي ٍ من الخاطر واقدّم قبله الاعذار = إذا اني قلت كل اللي على البال بـ / شفافيه [/poem] لـ مشعان البراق |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على هونك ترا لا زلت تنقز بأوّل المشوار=عسى تثبت قدم رجلك على درب النجوميّه أخذ مني نصايح تنفعك مع معشر الشعّار=وتشوفك نجم ما شافوا من نجوم السماء زيّه وتصبح شاعر المليون مدري شاعر المليار=وتظهر لك مع وجيه العرب سمعه و جاهيّه بداية رحلتك يمكن تعرقل مير لا تنهار =تعرّض للهوى .. وأكل المطبّات الهوائيّه تنحنح للهبوب وجرّ صوتك مع حمام الدار=ولا تفرض على صوتك مشاعرك الحقيقيّه لا بدّ أنك تنافق لين تفهم لعبة الشطّار=ولا بدّ أنك تجامل في العلاقات الحميميّه وهايط من يردّك لا تهايط .. وأنت دمّك حار=لا زدت هياط .. زادت نشوتك سعره حراريّه ! ولو صكوّا عليك أهل الصحافه ماعليك حصار=أخذ جوله في كلّ المنتديات الأدبيّه وعلّق صورتك في ناصية بوّابة الزوار=ولمّعها وبروزها بديكورات ورديّه وسجل بإسم ثاني وأنفخ الأوّل ثمان أمرار=ترا القانون ما يمنع عليك الإزدواجيّه بفزعه من عيال العمّ وإلاّ من عيال الجار=تطيّرك الشلل في مسرح ٍ كلّه شلليّه ولو نفرض على الخط السريع نحط ّ لك دوّار=توقّع لا تروّعنا بسرعتك الجنونيّه ودوّر للمدوح الزايفه في رحلتك معبار=وخلك بهلواني والقصايد بهلوانيّه وحضّر مع طوال العمر بالطبله وبالمزمار=وطبّل للبشوت وزمّر وهاذي ضروريّه ولا تنسى نصيبك وأنت حرّ ومن بيوت أحرار=ولو راحت على قول المثل شحذه علانيّه لا تقبل غير ( رنج ) ولو يحدوّنك على الفكسار=ترا الفكسار تال الوقت من حظّ العليميّه وبكره يعزمنـّك طالبات الجامعه بإصرار=وتقيم أصبوحتك في جوّ مفعم بالرومانسيّه وتشرّفهن بصورة تجمع الجمهور للتذكار=هذا غير العلوم اللي عن التصوير مخفيّه ويمكن يعرضون أصبوحتك في نشرة الأخبار=خبر عاجل على كلّ القنوات الفضائيّه عطيتك كل ّ ماعندي ولا أدري عنك وش تختار=يا بو شهره ترا الشهره لها طبخات سريّه أخصّك بالنصيحه والرجال اللي لهم مقدار=بعيد الشكّ عنهم وأنت هاذي لك خصوصيّه يقولون العرب ثلثين شعّار النبط في النار=وأنا ما أقول غير الغيب علمه عند واليّه ![/poem] لـ سداح |
[poem=font="Simplified Arabic,5,indigo,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black""]
ياصاحبي جاتك مزون البعد تسبقها رعود = وانا من امس اتوقّع الفرقا واخيل بروقها الله لنا لا نام ليل الوصل واختار الركود = والله لنا لا شحّت شموس الغلا بشروقها معشوقتك صبرت و صبر العاشقه ماله حدود = بس الجمايل من لها لا طالبت بحقوقها اسهرت لجل رضاك كل اهدابي الحرّه جنود =واكرمت لجلك ناس حامت كبدي بمنطوقها سيّلت لعيونك مشاعر بيّحت كل السدود= وانت بأنانية رجل شرقي علي تعوقها ازرع سنابل شوق واحصد من ورا الغله برود =يسقي عروق النفس لين الظيم بلّ عروقها ماهمني يا صاحب الرقم القياسي فالصدود=ان كان لك وجهه جديده للغرام تسوقها ان كان مليت الحكايات القديمه والوعود= ما عاد ابدفن زلتك واطفي لهيب حروقها لا صارت اشواك الجروح بعالم الذكرى ورود = بكرا تحس بطعم حنظلها و غصب تذوقها ببقى وفيّه للغلا .. ماهمني نقض العهود = لو تضحك الدنيا على العشاق ملء شدوقها وان جاتنا سطوة مزون البعد تسبقها رعود = انا , من امس , اتوقع الفرقا واخيل بروقها[/poem] دارين |
للمبدع الكبير / عامر عمار
شفتك مغرّد تناجي الطير صبّاحي وما كانت البارحه هي ليلة إنجوحك مشاعرك تحتفل في ليلة اتراحي احضر عزا خاطري ولا فرح روحك لو عش باشجار بيتك راعبه ناحي اسمع ندا نايحه ولا صدى بوحك جرّبت مره تخاويني بمسراحي خطوه برحلة شقاي وعدت لصروحك جيت اختبر في غزارة موجك الواحي لقيت روس الصخر قد كسّرت لوحك تضغط على الجرح ودّك تسمع صياحي واذا تعالى صياحي قلت: وش نوحك مانيب عندك حبيب بسبعة ارواحي ولا تخيّلت يوم اكون مذبوحك الغاليه من خرز عقدك بمسباحي ماعاد تملك عقيق يبلسم جروحك بس انت مجنون! يعني صاحبك صاحي! إذا انت مجروح.. بالطقاق مجروحك! القيظ هبّت سمومه والعسل ساحي والنحله اللي على السدره نعت دوحك وعيونك الخرس كانت هم وانزاحي الله يكافيك شر عيون مشفوحك إحرص على برقعك من عاتي رياحي ترى بتلفحك لين تصد وتضوحك .. |
لـ المبدع / نايف معلا
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يالله عسى ماصار رحمه وتكفير = ويالله عساها شدَّة أيام وتزول عقب انتشار إنفولونزا الخنازير = ماعاد ندري وش نسوي وش نقول دب الهلع في الناس ، والناس ماغير = تتابع الأخبار وتصول ، وتجول شفهم على أبواب المشافي طوابير = أمة بشر ما بين صاحي ومهبول هذاك دوب إنه على رجله يسير = وهذاك متكمم وفي يده ( ديتول ) وهذاك جيبه ممتلٍ بالقصادير = ما بين ( تام فلو ) وإلا ( بنادول ) وهذاك لو يعطس أحد يعكس السير = وهذا يسلم مثل تسليمة الزول ساد القلق والخوف من غير تبرير = وأصبح مصير الناس ياناس مجهول كله من اللي يصدرون التقارير = اللي يزيدون حمل ، جور وحمول قالوا شفافية وقلنا خبر خير = مير الشفافية غدت نكبة إيلول وقالوا مازال الوضع وفق المعايير = والقائمة كل يوم عن يومٍ تطول ماعندهم للي يصير أي تفسير = وللمشكلة ما عندهم أيَّة حلول كل يوم تصريح ، ومقالة ، وتحذير = ولا منهم اللي جاب له حل معقول أحدٍ يقول نساير الوضع ويسير = وأحدٍ يبا يلغي الدراسة على طول وأحدٍ يقول الحل الأول والآخير = العيش في جوٍ عن الناس معزول وجاك اللقاح ! وجتك معه المحاذير = وصارت قضية بين ناقل ومنقول ومن عقبها ماعاد ندري وش يصير = وخبر جهينة دونه الباب مقفول بعد الشفافية وكثر التعابير = وفي ظل حاجتنا لتوضيح مأمول صرنا على الكلمة نسوق التباشير = اللي تفض جدالنا بصحة القول ؟ علامة استفهام من غير تعبير = ترسم على صورة وجه كل مسؤول ويا مدورين الحل من دون تفكير = عندي لكم حل مناسب ، ومقبول يعمل على شاشات الإعلام تصوير = لمسؤول بارز له مكانة ومدلول ويعطى اللقاح أمام كل الجماهير = وصلى الله وسلم على خير مرسول وكذا نقـفل باب كل التفاسير = ولغز اللقاح يصير للناس محلول تم الكلام ولا بقى غير تذكير = وأنا صدوق إحساس وأخاطب عقول تحذير ما نجَّى من الموت تحذير = ولا ردَّت المقسوم حبَّة بنادول [/poem] |
| جميع الأوقات بتوقيت GMT +3. الساعة الآن 03:23 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية