http://www.youtube.com/watch?v=PsHejH-w_ec


[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جعل الحياة تصير دايم مع الله = ونعيش في عزه وطيب ومكانه
وراع المعاصي والكباير بدنياه = يعيش في ذله وضيق ومهانه
[/poem]

http://www.youtube.com/watch?v=rZku2p6-_tY

الله اكبر ((((( محبة الله جنه ومحبة المخلووووق عذاب )))))

مجنونة القاف والمعنى ,,


[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الليالي على خط الشقاوه تمرر = والزمن مثل موج البحر بالضيم راهي
عند فال الحياة قلوبنا ما تضرر = ولو يشح الزمن قلنا العوض يالالهي
ماشربنا ياماجد من حليب المدرر = وناقة الفال وضحا درهمت بإتجاهي
الامل من ثمار الخير صعب يتشرر = وسكة الياس مرصوده بعين المتاهي
والعزايم لها رمزٍ وعلمٍ مقرر = تجعل الرجل دايم بين عزٍ وجاهي
كم صبرنا عسى ضيم الزمن مايكرر = دام تحت السواهي عشعشن الدواهي
وكان ضحكة حجاجك وقت علمٍ مسرر = مالقاها جحا لو قيل عنه فكاهي
وكان شد انتباه الناس قول المحرر = والله انه ياخالي مايشد انتباهي
كم سنه قالو الاقصى بوقته يحرر = ولا لقينا ياكود ملمعين التباهي
زبدة الهرج من فعل النشاما تقرر = وميزة الصمت مثل البشت بالرجل زاهي
وإن تردى ضعيف النفس ماهو مبرر = دام عذره مثل فعله مع الناس واهي
وانت يالخال ماجد دام صدرك مزرر = خل غيرك يولي بين ساهي ولاهي
كم فتى للمراجل شد عزمه وقرر = وكم فتى عاش وقته وسط زيغ المقاهي
صار مع صحبة الاشرار دايم مغرر = خلف جرة خطاهم بين آمر وناهي
نتركه من على شوك البلاوي يجرر = وللزمن مطرقه تصحيه تحت السواهي
ومجلسٍ به علومٍ مثل درٍ مدرر = ونار حيه ومجلس جود وبريق شاهي
اعتبرها ذهب صافي بجيبي مصرر = ومكسبه من غلاته ماغشاه اشتباهي
[/poem]

هذي محاوره شعريه .. بيني وبين الشاعر (( سداح )) ..

.. عبد الرحمن البراق (( ابو مجاهد ))

ياسلام الله وانا عجلان في كفي هديـه
ـــــــــــــــــــــــ والهديه رمز لأهل الشعر ورموز الجزاله
لا لفا سداح دكتور الجـروح الداخليـه
ـــــــــــــــــــــــ ابشرو بالخير والنظره تبى تعطي دلاله

.. سداح ..

مرحبا وأنته ليا هدّيت فـ السرعه شويّه
ــــــــــــــــــ قلت لك هات الهديّه وأخذ من عندي رساله
والرساله ما تخصّ إلاّ رياجيل الحميّه
ـــــــــــــــــــ وأنت واحد من رياجيل الحميّه والشكاله

.. عبدالرحمن البراق (( ابو مجاهد ))

قلتها في شارع الستين والله ماعليـه
ــــــــــــــــ دام أنا محسوب ياسداح مع قول العداله
ماعلاكم زود مار الحبل برقبة المطيـه
ــــــــــــــــ درهمت للوادي الممطور يوم الخير فاله

.. سداح ..

أنتبه وانته تسوق الموتر من العربجيّه
________ وشارع الستين لن طاوعتني دوّر بداله
بارك الله فـ الرّعاه اللي يحفظون الرعيّه
_________ والثرا تحت الثريّا والرشا فوق المحاله

.. عبدالرحمن البراق (( ابو مجاهد ))

انت تدري وش بلا العربان يازبـن الونيـه
ــــــــــــــــــ إتركوني بالطريق المعتبـر حسـد ونذالـه
والله إنه لا يبارك فيك يالنفس الرديـه
ـــــــــــــــــ ماعرفتي وش حرام الوقت عن صافي حلاله

.. سداح ..

الحكومه تمنع انواع الجهل والعنصريّه
_________ علّم أصحاب السموّ وعلّم أصحاب الجلاله
قالوا البراق واقف للعرب بالبندقيّه
_______ ومتلطّم عن سموم القيض ومنكّس عقاله

.. عبدالرحمن البراق (( ابو مجاهد ))

مابغينا كل واحد يضرب لربعـه تحيـه
ــــــــــــــــــ والمصيبه تاركٍ رتبة لوى يمشي لحاله
وش علا البراق دامه مالفا من مكرهيه
ــــــــــــــــ بيرقه منشور ساق العز مع سوقة جماله

.. سداح ..

كان تبغا للقضيّه واحد يحلّ القضيّه
_________ دوّر اللي يشرب الفنجال ويكبّ البياله
ما تموت العقرب اللي في ذنبها سمّ حيّه
________ مير لا تآمن تجيك الصبح بالداب وعياله

.. عبدالرحمن البراق (( ابو مجاهد ))

كم جلسنا مع قضاة المحكمه صبح وعشيه
ــــــــــــــــ مار شفناها تصفق للذي عنده بقاله
ماغدا سداح قبلي في بياد المهميه
ـــــــــــــــ والفتى وإن طاب طيبه قيل من طلعة خواله

.. سداح ..

دام ضغطك مرتفع عان الدوا فـ الصيدليّه
__________ عالج صروف الدهر قبل الشهر ينقز هلاله
ودّنا نعطيك علم ٍ تحفظه مثل الوصيّه
________ مير سمّ وقول صلّى الله على محمد وآله

.. عبدالرحمن البراق (( ابو مجاهد ))

دامك الدكتور تكفى لا تحملنا زريه
ـــــــــــــــــ عالج الوضع بتواضع قبل لاتقطع حباله
والرساله ياصحيبي كلها منك إليه
ـــــــــــــ ياصلاة الله وتسليمه على راع الجماله

.. سداح ..

لا بغيت الحق والمعروف يا زبن الونيّه
_________ السنافي طاب فاله والرّدي ما طاب فاله
ابو مازن يوم سلّم خطّة القدس لهنيّه
_______ قام بوش يهوش والخطّه رموها بالزباله

.. عبدالرحمن البراق (( ابو مجاهد ))

والله إني مامشيت وفي ضميري ألف نيه
ـــــــــــــــــــ خلها تسري مسار الذيب بالطيب ومجاله
انت عندك علم عن بوش ومضاريفٍ خفيه
ــــــــــــــــــــ مار ربي ينتصر للحق ويزيل الضلاله

،، بعد عراك الهموم والأحزان والقلق المطبق على الأحداق والحيرة المتشعبة

بين الخلايا والخوف الصارم والفزع الممتد ..

في تلك الأيام قدمت كل شيء لهم ووقفت كالعلم الشاهق متحديا كل الصعاب

بسيوف الشجاعة ونبال الأصرار والعزيمة لا أبالي بإعدائي وأعدائهم وأين يكون المصير !!

ولكن !!!

بعد سكون العواصف المخيفة ورياح الظروف العاتية وبكل ((( بساطة ))) ..

قالوا : إنك لم تقدم التضحية من إجلنا ولا نرى جميلا مشرقا إو معروفا بازغا منك ؟؟

فقلت : وما التضحية أذاٍ ؟؟

قالوا : حتى نرى بنادقهم وخناجرهم قد أصابت قلبك الطاهر وجبينك الشامخ !!

وأذا اصبحت جثة هامدة علمنا علم اليقين أنك قدمت من أجلنا الكثير فسوف نبكي

بكائا مريرا على فراقك (( ياأبا مجاهد )) !!!

(( والحقيقة ))تقول : بعد كل هذا علمت إنكم سراب لا يقطع الضماء ولا تستحقون ماأصنع

لــــــــــكــــــــــــــم ,,,

قلم // ابو مجاهد ..

.. فيهم كل عله ..

قلة دين .
قلة حياء .
أهل غيبه ونميمه .
مسلسلات كذب .
هيااااط .
جحود ونكران .
غفله عدم خوف من الله .
خيانات وغدر .
عصيان وتكبر .
نـفــــــــــــــــاق .

يعني ماعليهم حســــوفـــه وفراقهم عيد .