أوتوجراف للمبدع / مشعل فالح الذيابي :-
بنتـي الحبيبـة والعزيـزة منيـرة طلبتي اهدائي بعـد كـل ٍ اهـداك وهاضت قرايح هاجسـي بتعبيـره هاتي اوتوجرافك وفي صفحته هاك اهداء ابوك اللـي سكنتـي نظيـره واللي على اسم اغلا المخاليق سمّاك اللـي ليـا نمتـي عيونـه سهيـرة يدعيلك ان الله مـن الشـر يحمـاك لولاك ما خاض الامـور العسيـرة ولا كابد الدنيـا والاتعـاب لـولاك الله عليـك يديـم عـزه وخـيـره وستـره وعافيتـه بدينـك ودنيـاك ويفتح لك ابواب السعـد والبصيـرة ومن شر كل اللي منه شـر ياقـاك صحيـح تـوك يامنيـرة صغيـرة ما لوّنـت سـود الليالـي نوايـاك لكنّ فيـك احـلام عمـري كبيـرة وليا كبرتـي يكبـر الحلـم ويّـاك وانتـي بتحقيـق الامانـي جديـرة يجذبك دين ويدفعك طيـب مجنـاك ابغاك لربوعـك ولاهلـك سفيـرة باخلاقك ودينك وعاطـر سجايـاك وابغاك في لبسـك وقولـك ستيـرة وليا مشيتـي نظرتـك يـم ماطـاك وخطوتك عن باب القصيرة قصيرة ما ابغى يقال احد ٍ تحلّاك واوحـاك وعينك عن عيوب الخلايق ضريـرة وخافقك عن زلات الاقـدام ينهـاك والصدق طبعك فالعلـن والسريـرة ونهج الصحابيات نهجـك ومبـداك وابغـاك دوم لوالدينـك ذخـيـرة بالبر واجر البـر ماهـوب يخفـاك وترديـن غبـات العلـوم الغزيـرة وتعانقين المجد مـن فعـل يمنـاك وابغاك الاولى فـالادب والاخيـرة فالهرج كثر الهرج يبـدي خفايـاك تجملي بالصمـت فـي كـل ديـرة والابتسامـة لا تفـارق محـيـاك وتكفين ياعنـق المهـا المستذيـرة حذرا يزين مـن التفافيـق مرمـاك تـراك قايـدة الظبـا فالمسـيـرة وما للظبا مجناب عن جرة خطـاك تجنبي ممشى الـدروب الخطيـرة واخذي طريق الدين لا حارت ارياك حتى يجي لك مع هل الدين سيـرة وكل ٍ يقول ان جا مجالك وطريـاك يابنـت مالـك فالصبايـا نظـيـرة الله يعز اللـي علـى العـز ربّـاك ... |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتلحقك رحمة ولا ماويه "=" في نصرة بلادك وعز اسلامك لعيونها المياسه المحميه "=" شد الأزار ولاتفك حرامك حتى تطوف وتذبح الحوثيه "=" وتنصب على روس الجبال اعلامك ماعاد لجدار السوالف فيه "=" البحر من خلفك وهم قدامك شر النفوس وحربها الاهليه "=" فلت مفاهيم الغلا لحسامك خل القنابل فوقهم وسميه "=" طّيب ليالنا تطيب ايامك سم وتعش من الطيور الحيه "=" وادعس على الحرجه بروس اقدامك ساسك عريب وعزوتك دوليه "=" غن لبيارقها وشد حزامك قدام اسوقلك الطلب جاهيه "=" وتبصم على حب الوطن بابهامك وان مت دون حقوقك الشرعيه "=" من قوة ايمانك وطيب اسلامك [/poem] سعود بادي |
اقتباس:
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياناشدٍ عني وانا عنه نشاد= متى الليالي بالمواصل تجودي تجيبك الصدفه على غير ميعاد= والا على موعد وغيبة حسودي الشوق جمره في السراجيف وقاد=يجتاح تفكيري ويرهق صمودي وانا معه في معمعة حرب وجهاد=يشن غاراته وانا اصمد واذودي ولايطفي الحسره ولوعات الأكباد= الا لياهبت بمقدمك نودي جيَتك عندي كنها العيد لاعاد=وتباشروبه قاطنين العدودي أعلن بشايرها على روس الاشهاد=وأقول مات اليوم عشرة يهودي وليا تلاقينا وكف الدهر جاد= لو كان ماجوده علي معهودي ماأرضى منه بأقل من ناقة شداد=ساعة صفا فيها نبيح السدودي لين السوالف للمواليف تنقاد=ولين المشاعر للموارد تقودي تحمل من الاشواق ماهد الاطواد=وماإشتاقت لنوٍ حقوق النفودي النا بظل الغيم في الروض مقعاد=فـ أجواء تحسدنا عليها الوروردي والذكريات اللي لها أزمان تنعاد= ويفوح منها ريح عنبر وعودي والحاسد الخاسي مقرَن في الأصفاد=ونبط عينه لو تبعنا بعودي ناخذ من أيام السعد وقت وأسعاد =ونقول ياساعة صفا إصفي وعودي[/poem] لـ / عبدالله العتيبي |
اقتباس:
|
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يارجل عن مجلس اهل الهـرج هجيبـي= النفـس مانـي علـى الغِيبـه مدربهـا عن مجلس اهل الدنس يارجلي اسري بـي= سيري مع الارض واسعي في مناكبهـا ماني براعي حكـي والنـاس تدريبـي= هرجـة ردا ماسعيتبهـا ولا اقربـهـا رباني الشايـب اللـى كاسـب الطيبـي= الطيب والديـن فـي دنيـاي مكسبهـا مازيـد نـار الحماقـه باالمشاهيـبـي= لاقامـت النـار توقـدهـا ثعالبـهـا ياذيب ياللـي علـى المرقـاب ياذيبـي= اخذالقصـيـده ولحنـهـا وغنـّبـهـا الله يـرحـم مكمـلـت المواجـيـبـى= واهل الردا جعـل رب الكـون يذهبهـا وياالله تقـطـع مشـذبـت العراقـيـبـي= واللي حياتـه علـى الغـرات يشعبهـا يابوك يابنـدر احـذ وقتـك اصعيبـي= لاترخـص النفـس للانـذال تجلبـهـا الذيب سرحـان فـي روس المراقيبـي= شايبـك ياعزوتـي دنـيـاه جربـهـا البوم تبـدي عـليه الشمـس وتغيبـي= فـي ماكـره نـام وعيونـه يقلبـهـا أُنفض جناح الرجوله وإسبـق الشيبـِي= المرجلـه فرصـة الرجـال واقضبهـا لاصرت بين الرفاقـه خالـي الجيبـي= مااعطـوك لو أنهـا قرشيـن تطلبـهـا ابـاك حـرٍٍٍٍٍ تعشـيـه المخاليـبـي= والآزمــه ماتثنى دون واجبـهـا كمـل مواجيـب ربـك عالـم الغيبـي= ونفس الهوا عن طريـق الغـي جنبهـا وربعـك تراهـم ضلالـك فالواهيبـي=القالـه الـلـي بنـوهـا لاتخربـهـا وان كان فى بعض الاريآ ماانته امصيبي= احفض لسانك يجـوز النـاس تنشبهـا تراك من روس معطبـت المضاريبـي= فازوبهـا يـوم ولـد اللآش ماازهبـهـا وان كـان ماخـذت ماقلتـه بترتيبـي= لاواخسـاره علـى القصـه وكاتبـهـا[/poem] محمد قبلان |
ذهب صافي
لـ / عبداللطيف الغامدي ياغربة الشاعر مـن اللـي يلاقيـه عينٍ تطوّح بـه ونفـس معزولـه يصدّ عن ما يدخـل الفاهـم التّيـه لو انهـا مطمـع كثيريـن حولـه بالذات لا منـه لـزم فـي مبدايـه وان مرته عجلـه يقـول مهبولـه عساي يابعض الزعل ما اقدر ارضيه لاصار برضـاه الظنـون مخذولـه لو كلّ ما يطري على البـال اغنيـه املت جيـوب المعدميـن السيولـه ولو كل موسم شدّني عسّ اراضيـه خذيت منه القاع عرضـه وطولـه لكني اكِرم منطقـي عـن تهاويـه لجـل اتّحـراه النفـوس الملـولـه اشب شعري فـي ضميـر واطفيـه عشان ما اخدش فيه دين ورجولـه احسّ حتى القاف ما عـدت ادانيـه بينـي وبينـه حاجزيـن لوصولـه لا عاد يتعبنـي سكوتـي واعديـه ولاعاد يغرينـي قصيـدي واقولـه واما ليا جت عند وقفـات ووجيـه ما تعتري وجه الصحيـح الطلولـه طـراه دارٍ حطنـا مـن عـزاويـه اليـا تعـزوى كـل مغنـم ينولـه قامت ثعول الفـرس منّـا تناحيـه ومنّا يدينـه عـن هدفـه معقولـه قولوا لي الحوثي هـذا وش نسمـه عليـه سـوء التسمايـت محلولـه اعمى والاعمى معه الاعمى يقديـه ينزل به اصقـاع الهـوان بنزولـه يالزمره المتهاويـه وشلكـم فيـه هذا ذرى الديـن وعليـه الحمولـه الله عطاه اشرف وساميـن تعليـه الكعبـه الغـرّى ومـأوى رسولـه واعطا الرجال القايميـن بدعاويـه العـزم عنـد النايبـات المهـوله في ظل ابو متعب بعـد ظـل باريـه نـدوس فـوق الكايـدات بسهولـه وانتم مجرد فكـر فرقـه وتمويـه شيطانكـم يفعـل عليكـم فعـولـه احمـد نجـاد وصاحبيـه وعوانيـه زمره ليـا جـت للمحـك مغلولـه معمميـن الاول اشـبـه بتالـيـه واكرمكم اللي مـا يسـاوي نعولـه وامّا الوطـن مـاوالله انّـا نخليـه نظهر ولانا والولا حسـب اصولـه نغليـه لا والله مـا حنّـا بنغلـيـه الاّ المشاعر مـن غـلاه معمولـه وحنّا ليا وصلت ليا الحلـق اياديـه وحنّا سيوفه فـي طلبـه و خيولـه عشرين مليـون تّسابـق وتفديـه مـا بينهـا المتهاونـه والكلولـه قلوب صـدق وكـل قلـبٍ يغذيـه الذِكـر والشـرع الحكيـم ومثولـه وانتـم وكـلٍ لـه مقـدّر ينـاديـه ما يمنعه كثر الحذر مـن حصولـه تقدّمـوا والمـوت واحـد ونبغيـه قّدامكـم عشريـن مليـون دولـه ... |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الرفقه اللي ذكرها ماينومسك=أضرب بها قدام تبلش وتنشب لاتشتري لك شريةٍ ماتحمسك=جنب ودورلك فن الضيق مجنب العود أبو شعله ودخان يعمسك=والبطن دايم علته مالها طب لاتلمس الاجرب وحذراك يلمسك=أخذ الحذر لو كل رجلٍ وما حب يضحك تصنَع كل ماأقبل يخامسك=ويشذب عراقيبك ليا اقفى وحردب ويبقى علامة سوء لوفك وان مسك=ومن خاشر الاجرب على الحوض يجرب وأحرص على اللي يشبه لراعي المسك=يكفيك من طيبه تشم وتطيب وأبعد عن اللي كنه الحبر يطمسك=الثوب يلبس مير ماهوب يقلب ترى المقمع ماتعوضك بنيمسك=واللوح ماعوظك فالسيف الاحدب وش مكسبك ياللي تعبي ترامسك=من جمة همجة ولاهيب تشرب وشمس آخر الصفره ترى ماتشمسك=والشمس لاتحدا ولاهيب تسحب ابذر على موسمك واحرق محامسك=واعرف ترى ماكل الايام مكسب لاتنجرف مع طلمسيٍ يطلمسك=ولاتناقش واحد ماتهذب ينشق نور الصبح والليل دامسك= الشقلباني لوتعدله تشقلب واجهر بصوتك لاتكثر مهامسك=واياك ثم اياك تجهر وتكذب[/poem] محسن الدوسري |
[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] السما من غيمة الوصل جاء فيه صحوه=كل شجره قام يمش الضمـا بعروقهـا انكسر وجه السماء في عواتقها ضحوه=واقفت الامـزان برعودهـا وبروقهـا الفراق اللي نحى الشمس للياس نحوه=نكّس اعـلام شعـار المحبـه فوقهـا واعذابي كان مالي من الحـزن لهـوه=من ضروف تقصر احلامنـا وتعوقهـا والله اني مشتهن صوتها العذب شهوه=لكن العشاق بعض الحضوض تبوقهـا جادلن للحسن فيهـا طـراوه وزهـوه=حسنها حتى بحـور الخيـال يفوقهـا جسمها كيكن مغلف وهرجتهـا قهـوه=مرهين منها لكنـي عجـزت اذوقهـا [/poem] مشاري النثري |
للقدير / فراج العتيبي
سبحانـك اللهم ياعالـم بسـدات الغـيـوب احطت علـم بكـل شـيٍ ياوسيـع المقـدره استغفرك واثني كما تثني على نفسك واتـوب واخشى عقابك وارتجي رحمتك دنيـا واخـره يارب انا اللي شال مالا يستطيع من الذنـوب ابوء لك بالذنـب واطلبـك العفـو والمغفـره ادعيك في دعوى شفيع الخلق واعز محبـوب يارب تشرح صدري وامري طلبتـك تسـره وّفق لساني للكلام اللـي تلـب لـه القلـوب اللي عروقه مغدقـه واللـي فروعـه مثمـره لي هاجسٍ قد سل حالي واستهم من الخطـوب نفض كيان الروح لين احكم عليها السيطـره اصبحت في حكمه اشب النار واشن الحـروب مجند افكاري تحت رايته وامشـي فـي ثـره لاهبني من رايح الغربـي ذعاذيـع الهبـوب اسمع لصوته من ورى الضلع القصيّر زمجره احيان ينهج بي عن الضيقه مع وساع الدروب واحيان اشوفنـه يضيـق خاطـري ويكـدره ياليتني يوم اتغنى به على اللحـن الطـروب في ليلن اظلم من ظلامـه والنجـوم مبعثـره يخجل على دمه ولا ينتابنـي نوبـه ونـوب هو بس يتركنـي بحالـي والامـور ميسـره لو ماتفقنـا نتفـق مافيـه غالـب ومغلـوب وان راح ماجاب إخبري بآروح ماجبت إخبره الوقت داير والفلـك دوار والعمـر محسـوب واكذب على نفسي لاقت العمر مـاراح اكثـره اقولها والشعر ماهو عيب من ضمن العيـوب لاكنه اللي قد عطيتـه جـلّ وقتـي واهـدره .. |
اقتباس:
|
لدكتور الإبداع / حمد بن وصل العصيمي
جبل دخان سولف للمدائن عن خبـر ذي قـار وعن هند ابنة النعمـان عـن فلـت ظفايرهـا عن ارض عنفوان البيد فيهـا علـم الاشجـار تموت وقوف في وجه العواصيـف وتبخترهـا عن الدم العروبي يوم بعـروق الكرامـه فـار عن نحور الجيـاد العاديـات وعـن حوافرهـا تحدث عن سرايا خالـد وعـن سيفـه البتـار عن الغـر المياميـن الكـرام وعـن ماثرهـا من اول فوج فا الهجره ليا اخر فوج فا الانصار من امة سيد الامـة مـن اولهـا ليـا اخرهـا عن ارض القادسيه وانهـزام الفيلـق الجـرار تحت لمع السيوف اللي سعـد للحـق ذاخرهـا نعم حنا سلايل صفوة الصفـوة مـن الاطهـار واحق الناس فاطهـر بقعتيـن وفـي منابرهـا خلقنا الله سيوف مسلطـة فـي هامـة الكفـار نذلل في كساسـرة الطغـاة وفـي قياصرهـا عبدنا الله وذلينا المجـوس اللـي تعبـد النـار وهذي قسمنا فـي ماضـي الدنيـا وحاضرهـا ليا غلي الثمن دون الوطن ما نغلـي الاعمـار تهـون اعمارنـا واللـي نوردهـا نصـدرهـا ثمنه الجنه اللي مـن تحتهـا تجـري الانهـار والا يا طيب طـاري بيـدخ الجنـه وكوثرهـا جبل دخـان بلـغ للشهيـد الجنـدي المغـوار تحيات الصحابه فـا البقيـع وفـي مقابرهـا! ... |
للمبدع / عايض النفيعي
ياكـدرة الخاطـر وياحـزة الضيقـه عليـك حـزات والله مالهـا داعـي تجيـن والقلـب يابسـة ٍ معاليـقـه وأروح لا مغيّـب ٍ عنّـي ولا واعـي مابيـن تغريبـه ومابيـن تشريقـه ما ثابت الاّ انعواجة حدب الأضلاعـي لولا إن صـدري متيّتـة ٍ صناديقـه تفرّق الشمل مـن عقـب التجماعـي ماني حريص ٍ علـى لمّـه وتفريقـه وافقت له يوم وافق درب الأسناعـي ما والله أبرك لحمل ٍ جور مـا طيقـه ماعادنـي للهوى يانفـس تبّـاعـي الشـر مانيـب منـدوب ٍ لتسويقـه والخير من فوق راسه طايل ٍ باعـي يمكنّي أخطيت في ضحكـه وتعليقـه ويمكنّي أبطيت وأوجاعي هي أوجاعي سكتّ وامجادلي لو ما نشف ريقـه ؟ بلانـي الله بمدخـالـي ومطـلاعـي بنـادق امزهبّـه وارمــاه تفّيـقـه وأهداف متحركه مـع كـل ذعذاعـي يرفّ لي شـارب ٍ ضـاري بتحليقـه ويصفّ قدامـي المبسـوط والناعـي صديـق ماهمّـه الاّ بـس تصديقـه إي والله إن صحبته ( صحبة تمتّاعي ) لا عـاده الله ولا عـادت طواريـقـه يروح عنّي ويلقى غيري ( نفاعـي ) أكرهت نفسي على رجال مـا اطيقـه وبانت غصب في تمركـاي وتربّاعـي والمجلـس اللـي يكبونـه مطاليقـه مانيب في ربعتـه مربـوط بكراعـي ساقي سليمـة عظـم والله وتوفيقـه ما ضاقت الأرض وفجوج الله وساعي أشـوار ٍ امقدّيـه وأقـدار ٍ امعيقـه وناس ٍ على فالها وأمر الله امطاعـي في نجد ماعاد أعـرْف الاّ شواهيقـه ولا كن مقلع طميّـه غيـر مقلاعـي اجنـون متكاثـره واذيـاب ٍ امويقـه وانجوم متفرقه .. جملـه وقطّاعـي واللي من العام ما شيفـت غداريقـه ماهو طبيعي وكل انتاجـه اصناعـي يقطعك حب ٍ غرق في حبر و( وريقه ) كسرّت مجدافـي بسبّتـك واشراعـي جالي معك وقت تخديده .. وتطريقـه واليوم ما حـي والله يقـدر اقناعـي هذا زمـن كـل خلـق الله عشّيقـه بنتين مرعيّه .. وبنت ٍ بلا راعـي !! يا نجل يا خدر يا نعّـاس يـا مفيقـه لمّاع سـودك علامـه زاد لمّاعـي ؟ أكفي دلال الهوى من فـوق أباريقـه بدون توديع وأوضاعك من أوضاعـي لا احدك ولا تحدينـي علـى الضيقـه ينجدك منديلك .. وينجدنـي اذراعـي .. |
اقتباس:
للمبدع محمد بن مصوّي |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبّت يدين الذهاب الليّ بلياّ أياب = الليّ مايرحم محبّ ولايفرّح خوي كذا على وجهه ابلا امقدمات وعتاب = امسيت راسك سوي واصبحت راسك خوي ما أمر من من لوعة الفرقا ياكون الغياب = وما أدهى من الحالتين ؟ الا الشديد القوي الليّ يخليك في دوامّة الاغتراب = يعيشّك جوّ مايطري على الفوضوي احيان يرجعك للماضي وطيش الشباب = واحيان يعرض عليك الحاضر المأسوي وانا بعد غيبته ؟ مالي بتلع الرقاب = لوّ ان جوّالي امن المعجبات ايعوي عقلي مزاجيته .. ماهيب تطرد سراب = امّا يطول السما ؟ والا عساه ايهوي لي قلب واحد .. واحب اعشق مالذاّ وطاب = من وجهه اليوسفي .. لـ عوده المرتوي المايس الليّ على كفيه ذاب الخضاب = لاقال شتقول فيه ؟ اقول ياوي ياوي اليا اسرفن فارعات الطول بالميك أب = تفرق على الفاتنات بزينها المستوي ريّانةٍ لوكّها المرموق فالطبع ذاب = اللوك لوك حضري والطبع طبع بدوي يضحك لها البارق ويبكي عليها السحاب = وانا عليها توجادي ضحى وعشوي يلعبي البعد والتفكير والاكتئاب = والجرح ينزف ورى صدري .. ويدوي دوي دوّي قنابل ( الباسيج ) فالانتخاب = يوم أعلن ( أحمد نجادي ) ريّس ( لموسوي ) حسبي على البعد والفرقا وليل العذاب = واغيابك اللي كوى الضلع القصيّر كوي هذي وقايع غرامك في فؤادي خراب = والحزن فاركانها مبطي وهو منزوي الحق على ماتبقى بعد طول الغياب = من قبل لا تيبس اعروقه ويذوي ذوي [/poem] فالح بن قشعم |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غيبي إذا فـ .. الغياب وبعدنا راحه=وأخذي معك ماتبين و ( خلي الباقي ) الباقي :- اللي تقلّد متني وشاحه=أنا كفيله مادامه جاء .. من أعماقي حريّة الطير ../ مقرونه مع جناحه=وحريّة الورد ../ مقرونه مع الساقي وحريّتي معه ../ مقرونه مع إلحاحه=إسلوبك العذب .. ضد .. إسلوبه الراقي سيلٍ من الحزن داخل صدري [ إجتاحه ]=كفيل بـ .. إغراقك , وكفيل بـ .. إغراقي أخذي معك .. قلب عاجز لاْ أكبح جماحه=وأخذي معك ياحياتي .. طيّب أخلاقي وأخذي من الوقت .. مايكفي من أفراحه=وأخذي .. [ أمل ] من زمن ماحرر وثاقي وأخذي معك .. [ ضيقةٍ ] فـ .. الصدر ذبّاحه=وأخذي.. من الذكريات , ودافي أشواقي مع أن الاشواق وسط العين ( فضّاحه )=أنا [ كتوم ] ولاْأحد قد فتّش أوراقي بس أعذريني ليا من صرت في الساحه=أرسمك في بيت .. و أعجب كل عشاقي [/poem] متعب الشيباني |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ٍ على قد حاله يرسم احلامه= تضخيم حلمك سهل بس النوال اصعب وبدال مايشهده بالليل لانامه=يصحى على صوت ناي الواقع المتعب الواقعيه عقل والوهْم دوّامه = والهم يوجع لو ان الهم مايضرب وباللي ماعنده قناعه يرمي اسهامه= اسهام من سهْد ليل وحزن ماينضب لو كل واحد قنع في مدة ايامه=مابانت آثار للتخمه ببطن اشعب ولاراح ياكل مع الوالي وخدّامه =وجلس مع اهله ببيته ياكل ويشرب ياكثر لطف الكريم ومااكثر انعامه =ماتنحصر بالنسب والمال والمنصب شوف الولد والديه بخير قدامه= لو ماكسب غيرها حاجه هي المكسب والناس متذمّره دايم ولوّامه =ترتاح والا على حاجاتهم تتعب لو ان طبع الاوادم خامه وخامه=بس الاقليه انجرفوا مع الاغلب وشلون نبني فكر بافكار هدامه = ونضحك وحنّا نتابع فلمنا المرعب مدري عدم حس بالواقع وبآلامه=والا تعبنا من الجد ونبي نلعب[/poem] سلطان بن بتلاء |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله : مالي عنك صدة . ومهزاع = ربي : ولا لي عن قضاك انهزامة تعمل . وتفعل ما تشاء . وامرك مطاع = والكون كلة : في يدينك نظامة وان كان : ما دليتني خير الاسناع = عرفي . ومعرفتي بدونك غشامة ياربي : اقنعني بما تقضي اقناع= وعني : على طاعتك . والاستقامة انا بشر . وابليس ماكر . وخداع = والكامل الله : والتصنع . رخامة ومن قال : انا باعي فهق كل الابواع = ناقص : لو ان المجد خلفة . وامامة يأهل القصيد : الشعر . واصحابة انواع = والمحترم : يفرض علينا احترامة وفن التعامل . والتداول . والامتاع= ما يتقنة : وائل . وراغب علامة وعقولنا : للجزل تصغي . وتنصاع = والهزل : نمرض لاسمعنا كلامة ومن : يجحد حقوق الرياجيل ..... = ومن : يمدح الخبلان راسة هلامة وانا : لو اعرف للكذب . كان ذالساع = عندي : فلل فالقاهرة . والمنامة لكن : ما اعرف للحيل . والتمطاع = ورزقي من الله : في بنوك اليمامة يا محمد : اعذرني ترا قلبي انزاع = وقلبي : من احداث الزمن فية شامة والناس يا محمد : جماعات . واشياع = وأنت : ابن عمي . والحيا قرامة وقلبي يابو شاكر : لطاريك مولاع = والكاذب : الطلقة تمثنى عظامة ماني بخبل : ولأنتة بقاصر ذراع = المجد : خشرة كلنا . في سنامة وكان : الخطاء قدمك قفل كل الارواع =ومحتاج راياً : ما يبطل كمامة ليّن جنابك : مع رفيقك اليا فاع = الرجل : دايم نجدتة من حزامة ولو : الخطية كبر أبانات وضلاع = اذا : خسرت المخطي . اكسب عمامة ودون المواجع : قفل ابواب الاوجاع = زومان : طبعة غير . طبع النعامة[/poem] راشد الرياحي |
درّة شعر لـ / عبداللطيف الغامدي
ابريل شهر من السّنه ودّي امحيـه للي تحرّى منـه يصـدق عقوبـه لو تصـدق ايامـه تكـذّب لياليـه لين امتلك رمـز الحيـاه الكذوبـه صادفت فيه الوجد واصبحت واليـه يوم الـولاه المارقيـن اجردوبـه يمرنـي دايـم مـن اول خطاويـه ويزيد منسـوب العنـا والصعوبـه اخفيت تقويمي ...على انّي بعديـه من غير ما يطري الخفوق محبوبه واثر السوالف كلّهـا تنتهـي فيـه ويمرّ في بالي ولو ما حكـوا بـه ان سولفوا باسمه بدالي من التيه وان هوّنو من سالفه مـا غدوبـه ترفٍ مسك لبّ المشاعـر باياديـه وروس السنين الممحلات معصوبه رسى ولكن ما رسى فـي موانيـه وسكان ساحـل مقلتيـه اشتقوبـه طلبتـه يمـدد بعمـري ثوانـيـه قال الثوانـي يالحبيـب محسوبـه له في عيوني دمعتيـن المشاريـه ولي في عيونه نظرتين محجوبـه اتذكّـره يومـه يـعـدّ لتمـاديـه فالبعـد ويقـول الليالـي لعوبـه ما جا على بالـي جفـاه وتخليـه الا بعـد مـا لبّـس الحلـم ثوبـه نشدت قلبي لا متى وانـت مغليـه ونشدت عيني وين تالـي دروبـه لا عيني تشوفه ولا القلب ساليـه يا كثر في عينـي وقلبـي ذنوبـه ليت الهجوس اللي تجيبـه توديـه وليت المحبه مـن جفـاه مغلوبـه وليت الاصابع توصل الجرح وامحيه من قلبي اللي مرّه الوجـد دوبـه |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ما لقيتك رحت لهمومي=صارت همومي وطن و وجودك الغربه علمتها بالجديد و بآخر علومي=و فكيت باب الشعور و طارت السربه ! و علقت باقي ثواني من هنا نومي=في رجل طيرآ حزين و قلت له طر به ما اطول مساي الحزين و يا بطا يومي=أستغرب اللي يقول : الصبح يا قربه كف الفرح منكسر .. كف الحزن يومي=حتى المثل .. ما قدر كفي على ضربه جمعت كومة سنين و قلت لك سومي=من السما غيمه و من قاعي التربه ما قلت يا مزنة هلت علي دومي !=لا صار ما تجلي .. الاحزان و الكربه اللوم كله .. على شرهاتي و لومي=يا لومي اللوم ما لك حق تجهر به البارحه قلت لجروح المسا قومي=اكثر جروح الهوى .. مسموح نفخر به لا صارت افكار عقلي تدعم سلومي=ما عاد باقي شعور البارح .. أشعر به[/poem] طلال الجميلي |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر علمني جميع الحانه=ايلين قدته بالرسن وعنانه فكرٍ جمعته وانتثر باوراقي=وبينت للعالم جميل الوانه ارد على الجمه وغيري يقصر=ولايوم صدرت النضى ضميانه تارد قراحٍ من تجارب وقتي=اسمع بنات افكاري المليانه خمسة شهور ارسم ملامح دره=ايلين صارت فالجواهر دانه اسرق لها ( ا)من الجفون اوقاتي=كم ليلةٍ نادى الفجر باذانه وانقالها (ا)من الفرايد جمله=في مسمع اللي ينتبه رنانه ويبقالها فالذاكره تخميره=يعيشها لادرهمن اشجانه وانا محمد ماجهلت المعنى=وفكري خيالٍ واسعه بيبانه بحرٍ يهولك ابتلاطم موجه=وان غصت يجذبك ابزها مرجانه ماهمني لاقلت..كلمة شاعر=ولاهمني شهره وصح لسانه ابغى اعبر عن شعور احسه=صدري زفيره من لهب بركانه والغيض جمرٍ يتقد مايبرد=والعين من زود الشقى سهرانه ابكي على تاريخ ماضي امه=امه بنت للمجد كل اركانه تاريخهم مثل الذهب والولو=غطى على كل الامم سلطانه وحاضرهم اصبح مثل وبل القيعه=ماتختلف ضميانةٍ رويانه طيرٍ منول لاطراله حلق=واليوم طيرٍ كسرت جنحانه توصيفها في شطر بيتٍ واحد=بيتٍ تهاوت قدمنا جدرانه تنكست وامست كما اطلالٍ =نمرها في كتبنا الهلكانه مليار وكثر بس في فزعتهم=اطرح جميع اصفاره الغلبانه تشرق علينا شمس وتودعنا=وحنا سواة الجثه الهمدانه كن السما تنظر بوجهٍ غاضب=والارض من زود القهر حدمانه ماعاد تخرج من ثمرها حاجه=ماغير عجٍ يزعجك بالحانه هذا هو اللي حاصل بواقعنا=واللي مكذب نستمع برهانه اما نقول احسنت والا يسكت=والا نرد السالفه للدانه قصيدةٍ رتبتها من فكري=في ما حصل للامه الغلبانه[/poem] محمد بن نجر |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيبي والشتا واقف على صدري .. وخلف الباب=ولا ادري لو ترك صدري .. بيرحل من ورى بابي ؟! ثلاث سنين أدفّيني بذكرك يا أول الأحباب=ثلاث سنين تذكرني ببردك .. يا آخر أحبابي ! ثلاث سنين أدوّر لك حبيبي في طريق غياب=ثلاث سنين اضيّعني .. ولا ألقى بك ولا ألقى بي سوى ما ينثر حضورك بـ ( قلبي ) من ندم وعتاب=سوى ما ينثر غيابي بـ ( قلبك ) من بعض ما بي ! ثلاث سنين .. وعيوني وقلبي زاخرة بـ ( اصحاب ) = تنام بها .. ولا اصحى بي سوى لا ناموا أصحابي ! ثلاث سنين أذكّرهم : تراكم ( حسبة الغيّاب ) = ثلاث سنين أنسيّهم من اللي غيّب حسابي ! ولا أدري لو تجي بكره .. تلاقي لك بعض ترحاب .. = بـ ( قلبي ) ، ولاّ ما تلقى سوى اللي البرد خلى بي ! بعض حب .. وكثيرٍ من سواد وخوف وإستغراب=الأول منّها بـ .. قلبي ، وباقيها على أهدابي!! كذا سوّى غيابك في حبيبك .. ليت قلبك غاب=قبل يذبل زهر شوقي عليه .. وتتلف أعصابي ! قبل لا أمدّ له قلبي وأحاسيسه .. بدون حساب=قبل لا أذكر ارحّب به .. وينسى لا يتحفّى بي ! عليه الحب .. من أوّل وقوف البرد عند الباب=إلى آخر ما وقفت أرجي رحيل البرد عن بابي [/poem] محمد السبيعي |
اقتباس:
صح لسانك ولا هنت |
لـ القدير / محمد بن رشيد
على طاري الأمطار ومتابع الامطار تذكّرت يوم ٍ مرّ ماانساه ياجدّه ! علومه تناقلها الصحافه عن الاخبار وذكراه تبقى في نفوس البشر مدّه ! نهاره يقول اليوم / يا انهاية المشوار وسماه اصبحت من هول مافيه مسوّده! يحّن الرعد / ماكنّه الا مدوّر ثار ويجود السحاب ابماه والسيل له عدّه ! اشوف الشوارع كنها من مطره انهار واقول الفرج يارب يافارج الشدّه ! ياكم شخص من هول الحدث واقفٍ محتار يقلّب كفوفه / والعباير على خدّه ! كوارث وشي ٍ صار ماضن مثله صار يجّف الحبر لوجيت ابا احصيه واعدّه ! لكن ماحصل عبره لمن يعتبر وأنذار وكل ٍ ماياجد غير ماحاشته يدّه ! نبا حصر للاضرار يالجنة الاضرار ترى (حي شرق الخط ) حاله على قدّه ! من الواقع اللي عايشه يلفت الانظار عليهم زمنهم شن هجمات مرتدّه ! مصابه كبير وهمّه اكبر من الاعذار وجرحه عميق وحظّه اللي وقف ضدّه ! نقل هم سدّ بحيرة الصرف لا ينهار مايامن يحفر الفار فالسّد ويهدّه ! ( تضيع الامانه ) كل ماباحت الاسرار وصدر الزمن من عظمها بيّحت سدّه! لاتسأل عن المليون واللي غدى مليار صعيبه على اللي يرخي الحبل ويشدّه ! ظلمت البحر ياقايل انّ البحر غدار ليا ابعدت عن جزره يبا يلحقك مدّه ! تحاول / لكنك منت سالم من الاقدار ماتاسعك طول الارض لو قلت ممتدّه ! عليك الليالي دايره والفلك دوّار ولابد الصحيح ايصّح للناس / لابدّه ! .. |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقّف قبل ظنّك يذبّ الخريمه=ويروح بك مخطي ومقفي ومرتاب يكفي تعب جرح النديم لنديمه=محتاجتك تسمع لي الصمت وش جاب (الحب) فوق الحب صفح وحشيمه=لاينقطع سلك المحبيين بغياب لاتعتذر ماللمعاذير قيمه=حنّا بشر نخطي قبل نصبح احباب صحيح تجهدني الجروح الاليمه=واعجز وانا ادوّر لزلاتك اسباب لكن بعين الحب دمعه يتيمه=ماارضى لها وتطيح في لحظة عتاب خل الدموع اذا اشتكت كل غيمه=من غيبتك مع كل تذكار تنساب القلب مايقبل لنبضه هزيمه=حتى لو اقنعني بها قلت كذاب ماينتقم غير النفوس السقيمه=ومن لاتصيّد فرصة الوصل ماصاب مسموح في صف الجروح القديمه=لكن طلبتك رد من دونها الباب[/poem]الفجر البعيد |
| جميع الأوقات بتوقيت GMT +3. الساعة الآن 07:59 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية