[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل ماأنت بليل .. قلي وش تحط ووش تشيل=من الهموم اللي علي تسوقها وتقودها
مافاد بك شد الحزام وعشرة الصبر الجميل= البستني غبر الليال الشايكات وسودها
في موقفي ماني محسب للكثير وللقليل=ماأحسب حساب المقفيه وش نقصها من زودها
مااخبلك ياللي تطلب الجزله من يدين البخيل= تطلب يدينٍ مايغير جودها موجودها
الشجره اللي ماتحتها لا ظلال ولا مقيل= الله يجث عروقها وفروعها وفنودها[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا تحسب اني على قربك .. وشوفك شفوق=ان جيت قلنا هلا .. وإن رحت ياطيبها
العام لك حق وافي .. من كبار الحقوق=قدام نفسك معي تصغر مواجيبها
واليوم مالك مكان ولا لـ/ لاماك ذوق=بعض التجارب تتعبنا مكاسيبها[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصدق اني ماكتبت بك لو بيت؟؟=ولا طرى في يوم اجيب لك طاري!!
لكن هذا الليل بالذات مريت= من شين حظك حين مريت ساري
كم مرةٍ عن مايضيمك تغاضيت=حتى سحبت الشعر مني جباري
وكم مرةٍ عن مايجي منك صديت=واقول مايقصد ولا هو بداري
واليوم اشوفك عن حدودك تماديت=وتعيد غلطاتك علي وتماري
غرتك نفسك لين طشت وتجريت=واصبحت ضاري وانت بالفعل ضاري
رح قبل لا اطّلع لِسِيرتك منشيت=وتصير متعة كل كاتب وقاري[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين أنت ياللي قلت صبرك واكلمك=صبري قضى ... لكن وين اتصالك
زودتها حبه .. عسى الله يسلمك=خلك على كلمتك قبل آآعنالك
انته تعلم مابه أحدٍ يعلمك = لكن قصارك ماتشابه طوالك[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يعلم.. بالخفايا والأسرار=ماغير رب الكون.. بالكون عالم
يابن العرب .. معذار .. مافيه معذار=والذل ..ماله في بلادي معالم
عندك.. خبر كاذب.. وتسمع للأخبار=وانا.. بري من تهمتك ..وانت ظالم[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اثر بياضك مختلط مع سوادك=مامعك عقلٍ مع طريقك يقديك
تعبت ابرر لك وأراعي عنادك=وانته على كيفك تسوي مباديك
قدايمك ماعاد تدمح جدادك=الله على اللي يستر الحال يهديك
اربع حروفٍ جابتك من بلادك=واربع حروفٍ كان تبغى توديك[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العام حلم .. وتالي الوقت كابوس=عجزت لا احصل لصورتك تفسير[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يخارجنا خسرنا خساره=خسارةٍ مره ولا تنتعوض
نجم السعد عيا يوافق مداره=وحصان حظ المجتهد مايروض
والمنتظر وش جاب طول انتظاره=وامره مع اللي مايسره مفوض[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بكره تبي تسمع كلامٍ من الناس=غير الذي قبل امس منهم سمعته
لكن من ذا الحين لاباس لاباس=يجيك حل اللغز لو ما رمعته
حتيش لو الوضع بالحيل حساس=امراً على نفسي لنفسي قطعته
وازيدك من الشعر بيتٍ من الراس=المقفي يقفي وانا ماتبعته
من لا يعز النفس بالرجل ينداس=ويشين بين الخلق ذكره ونعته[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عز الله اني مانويتك بالإزعاج=وأكثر حروفي مالها بك علاقه
ما اخفيت قصدي غير منعاً للإحراج=مادام تجهل في رموز البطاقه
لكن بعض احيان احط به كرباج=حق الوجيه اللي تحب الملاقه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقول الله يديمك.. طال صمتك.. وانتهى صبري=وانا لي وقت ..ادور للخبر وانته ..على الصامت
أتابع نشرة الأخبار... وينك ياسبا هبري=تبشرني .. تعبت اجاهد العذال والشامت
انا خابرك صارم .. جعل بك .. مايختلف خبري=ولك ذكرٍ .. ليا مر العرب .. من هيبتك قامت[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالشعر انا واياك خويا واصدقا=انت الرفيق اللي ماابي غيره رفيق
كم ليلةٍ قافي على متنك رقا=وكم ليلةٍ معك اختصرت بك الطريق
معك استريح من المتاعب والشقا=وازهم طواريقك ليا حسيت ضيق
وارتب حروفك على وضح النقا=واكرم الجمهور عما لا يليق
لكن قلي من رصيدك وش بقا= مدري تطيق الحمل والا ماتطيق
الهم ماعمره عن القلب اتقا=في كل ساعه من معاليقي يويق
مايمنعه عني حجاب ولا وقا=متوقي ضلوعي ومودعها حريق
لكن قله في خفوقي وش لقا=لو يختلف ظنه ترى خبره عتيق
ماتنفع الهقوات لو انه هقا=( البحر الاحمر صار فعيوني مضيق)[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بإذن الله اللي يعلم السر والغيب=اني لـ/ افك الباب ... واسكر الباب
حتى نصفي مابقي من مطاليب=( ماضاع حق وراعي الحق طلاب )
الله يديم النا حصان الأطاليب = قدر اللحى محسوب من قدر الاشناب[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علوم وآمال ومواعيد وأحلام=شيٍ يفوق العقل ماينتصور
وحساب تقصر عنه خانات الأرقام=كنه صحيح العلم لكن مزور
فلمٍ غبي معروض في شاشة افلام=واللي يتابع للأخير متهور
روابع الأقزام ترسم للأقزام=والصدق ماله في فضاها مدور
ياشين دورات الليالي والأيام=غبارها دايم علينا مثّور[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يفوح عطرك كل مامر طاريك=من كل لحظه عشتها وانت فيها
يسعد مساك وعطر الله لياليك=والساعه اللي خافقي مانسيها
حتى يديني تفتقد لمسة يديك=وتضم جمر الشوق في راحتيها[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انت في "عينك" وفي "رمشك" دمارٍ" شامـل"=سهم" "عينك" " صابني" "واماتني" "واحياني"
"ليلك اسود" "والبدر" في "وسط" "ليلك" "كامل"="انت "الاول" وانت" نادر" ما لوصفك" "ثاني"
"إيه جايك" "في مكانك" "إيه قلبي" صامل"=" إيه بردان" وبعيد" "الشوف" "مادفاني"
"الخطر" على" حياتي" وانته" اكبر" عامل"=" بس دونك" لو يمر " الموت" ماينهاني"[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احساسك اللي يسحر الورد ياورد=والورد من روحك يغذي عبيره
لا حول انا دايم وانا اشكي من البرد=وين الدفا اللي مايبي القلب غيره[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا والليل توه والسوالف زانت=لاتروح بعيد لين الصبح يشرق نوره
الظلام انزاح وجهه والملامح بانت= والشعر من رهبة الموقف طلع من طوره
اشهد ان الفرصه اللي في حراها حانت=والهوى صوته يغني والسعد فالصوره
كل ماتكبر على قلبي همومه هانت=والصبر يكشف خفايا الواقع المغموره[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله الله صح مافيها كلام!!=ليه تستفهم ولك عينٍ تشوف ؟؟
لا تسمع في مفسرة الحلام=أنت بين مير ماأنته بمعروف
بس قلّي كم عدد بيض النعام؟=العدد مشروط قدام الوصوف[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محتاج اشوفك كل مااحتجت شوفكـ=في معزلٍ نايد وخافي عن الناس
لكن ظروفي خالطتها ظروفكـ=والجو يصفي بس ياسرع ما انحاس
ارفق على قلبي واشوف معروفك=لاتتعبه تراه بالحيل حساس[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم مره اعيش معك الحلم لكنك = عني تقفي وانا ما اقاوم اقفايك
اما اقترب لي وخل البادره منك=والا تريح شوي ... وعدني جايك[/poem]


:woow55:

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هرج الخطا بالطبع مانيب ادانيه=عن دربه وراعيه منصاع كلي
من لا يعز النفس مااحدٍ يصافيه=يقبل ولكن مايحصل مهلي
وان جات غلطه من رفيقٍ مخاويه=عنها انصرفت بكل دقي وجلي
تقدير لكرام اللحى اللي تواليه=اللي مرافقها يعز ويسلي
والمنطق اللي مايناسب مخليه=انا عنه فالنايفات متعلي
لو يقترب ماارغب بقربه ولا ابيه= اعرف محله زين واعرف محلي[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دعني وشأني وخلك لاهي بشانك = ماانته بربي تحاسبني على اعمالي
لو اكتب اسمك وابين وين عنوانك=كلٍ عرف خافي الموضوع طوالي
لكن تريح هناك وصك بيبانك=ماودي الِحق بقايا ثوبك البالي[/poem]

يقول الشاعر جمال بن نايف :

الركن هذا غير وانا هويته
........... ركنٍ يضم بداخله كل جزله
أرتاح لامني دخلت وقريته
....... لانه ذهب وابداع مافيه هزله



وأقول : :)

الركـن هذا دام ياذيــب جيته
......... الشعر لايمكن عن الركن خزله
نبني على شاانك وشرواك بيته
............ والا عن الجمهور كله نعزله