من البارح .. على بابك
اسولف بك على نودك بديت : افقدك فـ / غيابك بديت : احتاج لـ / وجودك فديتك .. ما ألطف عتابك فديتك .. ما اصدق وعودك خذيني .. جملة احبابك عطيني .. ربع عنقودك |
http://www.montada.mergab.com/pictur...1&pictureid=34
انا يا ( الساحل الشرقي ) .. أحبك فديتـك .. من بحرك ليا تـرابـك من بعد مكه و من بعد المدينه انا جداً سعيد ، بـ طرق بابك انا وشلون ما أسعد لا لفيتك ويعرف عنك .. من جاء لك لقا بك رحابه .. و ارتياحاً لا يضاهى هواك ألطف .. والاعذب هو شرابك عن اجمل شيء في كل الاراضي يكفيني .. لو اركض في سرابك ترعرعنا .. وعشنا بك طفوله .! كبرنا وانت باقي في شبابك اسافر كل فتره واتمشى ..! وقلبي ما يحن الا لـ جنابك انا يا ( الساحل الشرقي ) ..أحبك ..! فديتك من بحرك ليا ترابك |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على كبر الاوادم .. جرحها يفرق بـ ( حال و حال ) !=وجرحك ! مثلك بـ ( عيني ) كبير ولا لقيت ادواه لو ان اسمي ! حروفه كلها تآقف على الاطلال=لكن الماضي المؤلم .. يبرر عن جفا .. طرياه[/poem] |
كثير .. اشياء على بالي ، تجي و تروح .. ما أكتبها !
تمر .. وتجرح احساسي .. تمر .. و تحرق اعصابي ! عشانك ! ما جزعت من الهموم .. اللي احس ابها عشانك ! ممكن اجامل .. عشانك .. لو على حسابي ! |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ابيات .. و أعجبتك .. وقلتي : ضروري !=لازم تكملها .. ترى بـ( تعجب ) النـاس أكتب .. شعر عشان .. اوصّل شعـوري=وانتي يهمك شعر .. ما همك / احسـاس [/poem] |
سرى الليل الطويل .. وكأنه بـ عيني .. ربع ساعه ! ظلامه .. يكشف اسراري .. وانا مالي بها حيله ! . |
عطيتك..( ضيق )..يا صدري ! وانا في ضيقتي / حيران ! أضيق من الزمن ! والا من .. جروحي .. من الغاليـن ! فصيح لسان ! مير الوقت .. خلاني .. ثقيل لـسـان ! طويل يدين ! و هموم الزمن .. ما هي قصار يـديـن ! |
عشقتك .. قبل لا أدري عن ظروفك ، و تفارقنا .. قبل .. لا ألمس كفوفك ! وانا في عز وصلك .. كنت أغني : بديت أفقدك و عيوني تشـوفك ! ما كنت أدري عن اللي في ضميرك ، يا معلن .. عن محبتنا عزوفـك يعاملني .. زماني بـ ( الخشونه ) وأحس بـ لطف حتى في سيوفك ! وفجأة .. صرت تطري في منامي وذوبت الصلافه .. في حروفك تصوبني .. سهوم الوقت مبطي ومن بعدك ! تداعبني طيوفك فـ لا تشره علي ان قلت : عاشق ! تشجع .. وانتصر .! والموت / خوفك لا تجعل .. ماضي احداثك .. يعيقك ! وكوابيس المساء تبدأ .. تحوفك |
[poem=font="Traditional Arabic,6,darkred,bold,normal" bkcolor="transparent" bkimage="" border="double,3,black" type=2 line=0 align=center use=sp num="0,black""]
مديت شوفي ولا عينت غير السراب=ما زلت في طرقتي ؛ و الدرب توه طويل مجهول تاليه ؛ و محيطه غشاه الضباب= أخاف لا يتعبك ؛ و تمل ( عابر سبيل ) يا ضد ( حزن الزمن ) يا ذابح ( الإكتئاب )=لا صرت كلي ضما أشوفك ( السلسبيل ) ما زلت أشوفك مع العالم عزيز الجناب =يا أقرب من الواقعي يا ابعد من المستحيل يا اطول عمر من تواريخ الرمل و الهضاب=يا أقصر من النظره العجله بطرفآ كحيل يا أصعب سؤال انطرح يا ابلغ من ابلغ جواب=يا ملهم الفكر يا فكره يا عالم جميل أكره ما أشوفه من الدنيا ( ظروف الغياب )=و أجمل ما أشوفه وصالك فالعمر كل ليل كتبت لك سيرة احساسي و دوك الكتاب=أقرأ عن العاشق المغرم و حال النحيل مالي من احساسك الا صوت شوق و عتاب=وما لك من الخافق الا بيت زبن الدخيل ذي سكتي وانت بيدينك مسير الركاب=لا تآخذ السالفه من باب رد الجميل [/poem] |
سلامي .. ! لـ أبعد الغيّاب ، وغيابه ما هو هيّن ! و هذي رابع سنين الغياب .. تدهور .. أعصابي لا جابوا طاري اسمه .. يا تعب في نظرتي بيّن ! و تعذر لي لو انسى من غيابه .. باقي احبابي |
صباح .. المبسم اللي من يشوفه ! ما يعرف ( الضيق )
صباحي معك .. يا اجمل من عرفته .. يبهج .. الخاطر ! من البارح و أنا : مشتاق ! وانادي ! وناشف ريق ! سرا ليلي .. وانا ناطر وانا ناطر وانا ناطر |
بعد .. ( يوم المواجه ) ! قبل .. ( يوم الفراق ) ! عمر ..! لو طال يبقى في عيوني .. قصير ! |
( دموعك ) أغلى على نفسي من ( دموعي ) !
تحط دون الـفـرح .. ( عـايـق ورا عـايـق ) وبـ ( بحة ) الحزن .. صوتك يجرح سموعي ! اصلاً .. [ على بحتك والله ما هو لايق ] |
لـ تـ غ يير الجو !
من متصفح ( حديث العائر ) في [ القسم العام ] وداعاً يا ديجيه .. ! http://up.mergab.com/uploads_pic/1323d4bdc5.jpg صاحب الصوره الماثل امامكم والمذكور اعلاه بعد ! < يعني مستحيل احد يضيعه Icon27 الاسم : ديجيه انسان .. نيبالي الجنسيه ! العمر: تقريباً في الـ 30 الحاله : الاجتماعيه : متزوج وله ولد و بنت السكن : بقيق الوظيفه : عامل نظافه ! < حتى بين بالصوره يحط كريم Icon27 يشتغل في شركة متقاوله مع ارامكو .. من الساعه 6 ص الى 2 ع < يعني عصراً بس جديده وبعد كذا يعمل لـ حسابه الخاص .. بـ غسيل السيارات طبعاً راتبه تقريباً 600 ريال ديجيه .. من الطبقه الكادحه اللي يكسرون الخاطر ..! يجي عندنا بالدوام ويقوم بعمله على أتم وجه .. ويقوم بـ أعمال غير مطلوبه منه بس يقوم بها من منطلق الصداقه ..! ديجيه .. صديق وفي لـ أصدقائه لكن ..! مشكلته مادي بحت يعني لا طلبت منه شغله يسويها يفز ويسويها ولا خلص جاء يقول : جيب عشره ! وهالشي ما يشوه من جمال مواقيفه :) معرفتي فيه لها سنتين ، وقبل فتره طلعت أجازه .. ولما رجعت ! لقيت ارامكو الغت عقدها مع شركته ! يا الربع وين ديجيه ؟ قالوا : مشى و يسلم عليك ! حزنت وقتها ، تمنيت اني موادعه قبل يمشي ! من هالمنطلق و من هنا اقول : وداعاً يا ديجيه ! ملاحظه : اللي يلقاه يجيبه حي والا ميت :beleh: |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا دبل تسبدي من اشكالك=ياللي مسوي علي تمون ! في كل مجلس و ذا حالك=مجنون و مناقشك مجنون لسانك اطول من حبالك=عساك تضحك بليا سنون والقلب اسود من عقالك=ياللي تهايط على ما لون ما تستحي من ردى افعالك=تقول وجهك بليا لون الله يستر على عيالك=لا يجون مع سكتك يمشون[/poem] |
ما عاد ! عندي ( وقت ) .. لـ [ الحب و الشوق ] ..! مشغول ! حتى ما اقدر .. ( أحك رأسي ) ..! |
، يا سايق الشرهات .. شرهاتك كبار ! تسوق لك شرهات .. ماهي بـ قدك لا اونست .. حر النار .. لاتشتم النار لومك على : ( عمك و خالك و جدك ) ، |
يا غيبة / الميت .. و يا غيبة / الحي ! بستان قلبي .. وش بقى من وروده ! اربع سنين .. ادور لـ ( عتمتي ) ضي ! وانا ظلام الليل .. ما اعرف .. ( حدوده ) المشكله .. ماني بـ ( محتاجه بـ شي ) ! المشكله .. انا بـ ( حـاجـة وجـوده ) |
لا عاد .. تآمر علي ( عيونك السود ) ! علقت في نظرتك .. كل الهقاوي لا يغرك اني اسولف [ بلا حدود ] ! ان جيت للصدق ! لا والله ( حياوي ) |
خلف الملامح ، تسكن ( جروح و جروح )! لا تغرك .. ( البسمه ) تراها / قديمه اخاف احايلها .. على [ الضحك ] و تروح ! راضي بها لو هي .. ( قديمه / يتيمه ) |
دخيل الله و من عقبه دخيلك ، إفهمي .. وشلون ؟ تماديتي - بما يعني - شعوري ، ترجمي صمتي ! حرام انك تخونيني و حرام اني معاك اخون ! ما عادك من جماهيري ؛ تراك اليوم ( ملهمتي ) حبيبك .. ( [mark=#0a0202]كاش[/mark] ) ما يعرف يمد الحب بـ ( العربون ) تعالي نامي بـ (Icon26 ـه ) و نامي .. كل ما قمتي |
رميت .. أغلى مفاتيح الأمل في بير ما له قاع ! و من حاول يدورها .. عساه يطيح في بيره ! ( [mark=#050000]عادي كل واحد يحق له يزعل على آماله [/mark]!! ) |
هات .. ضيقك ! واسترح ! يا بسمة الايام واضحك ! لو تضايق كل ما حولك من الدنيا .. تضايق ! |
كبرت .. و لا قدرت اكبر على ( جرحي وسكيني ) ! يزيد النزف .. في جرحي .. وأحن الـ ( آه ) وادراها هقيت ولا لقيت من الزمن .. حاجه .. تنسيني ! يبعثرني .. على ( رمضاء الصبر ) واعيش بأجواها انادي لـ ( الفرح ) واسمع ( صدى / حزني ) يناديني من ارض الصبر .. جرتني يدين اليآس في ماها |
على نمط . هم ! ( بدا لي ) حبه و حبي ( بدا له ) ..! حبيبي .. ما ادور عن .. بداله ..! بغيت .. أدله واثر ماني بـ داله ..! و هو دايم .. و هو يطري عليه ! اجي له .. واترك ( العالم ) ورايه ! يرفرف له معي .. [ بيرق و رايه ] كـلامـه و انـطـبـاعـاتـه و رايـه جمال .. و يعتبر منه .. ( هديه ) معاه .. ألين .. لو صعباً مرآسي ! لـ أماني دنيتي .. هو المرآسي ! وانا اللي في حياتي ( هم - رآسي ) متى ربي .. يجيبه في يديه ؟ |
| جميع الأوقات بتوقيت GMT +3. الساعة الآن 02:07 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية