[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إذا أنـه بيّـت النيّـه وداري = فلا ابيحه بمـا سـوى بـي إلا
إذا عالج صواب العشق وصلـه = و إذا إنه عن صويبه ما تخـلا
وأنا من قبل زاهد عـن هواهـن = ولا ادري كيف جاني واستحـلا
مثل ما احتل بوش أرض الخلافه = وعن التحريـر عيـا وإيتعـلا
شبيهـه بإحتـلالـه للحنـايـا = وليفٌ في الضمايـر لـه محـلا
وعقب ما احتل صدري شال قلبي = وعيا القلـب مـن قربـه يمـلا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يروي الراوي قصص و اثر الغرام إسطورة=و إتخـذت الـدور عنـه بعالـم الألفيـه
ما دروا عنها الصحافة من هل المعمـورة=ولا كشف عنها التراث اللي يـزود بغيّـه
كل ما ارسلت السبور يوافقـون اسبـوره=هي صدف والا تعمّـد روحتـه و الجيـه
يا محاسنها الصدف يالديـرة المهجـورة=يا عسى يسقيـك ودان ٌ مـن الوسميـه
لجل مرباعـك يطيـب ويثمـرن زهـوره=وتفرح وتسعد بشوفـه عينهـا الريميـة
والهوى يا صاحبي ماهوب لعبـة كـورة=بيـن جمهـور الرياضـة تثبـت النديّـة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم معك القلب قفى معلـنٌ لـك طوعـه=استحليتـي محلـه تنظميـن فنـونـي
مسكنك في وسط صدري والسياج ضلوعه=ما قدر يردع غلاك وصار لـك مديونـي
صرتي إلهام المشاعر ياضمـاه وجوعـه=تستبيحينه تغلـي لـو تزيـد غبونـي ؟
يا سماء نجد وجبال حجاز في مشروعـه=في التضاريس العجيبه بيّـح المكنونـي
كان للشاعر جنون الهام في موضوعه = شاعرك عاقل و موضوعك يثير جنوني
طال بي طرد السراب وشح في قرطوعه = لين عشقه سار مع دمي ولا يدروني[/poem]

كتبت قبل يومين خمسة ابيات
في المرسى

ومطلعها
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لو سج فكري وامطرت دهم المزون اشعـار=تخيلت اني بنجـد العذيـه والسمـاء صافـي
اسج الرجل بالممشى ما بين المزرعه والـدار=من الرشاش سقيا المزرعه والغصن غريافـي [/poem]


,
,,
,

و بعد أن قرأتها في المرسى

الأخت / شاعرة نجد

كتبت مجاراتها للأبيات بقصيدتها التالية

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابياتك ياجزيل القاف ثارت فيني التذكار=وتذكّرت المزارع والأهل والقلب ميلافي
مزارعنا حقيقه ماكتبت إمن الخيال أفكار=أصوّر مزرعتنا واتخيّلها على قافي
ألا يامزرعة (..) ألا يامنتجع لــ/اخيار=ألا يانبع ماها العذب ياشلالها الدافي
مع الرشاش لامن أشتغل والزرع ريحه ثار=على وقت الغروب يْصوّر الفنان ماشافي
وقصر المزرعه حوله زرعنا روعة الأشجار=تحتها الجلسه اللي جوّها ماهوب ينعافي
مَعَ لمّة حبايب قلبي امن كْبار ومْن صْغار=ودلال الكيف في يدين النشاما بنّها وافي
وإلى من السحاب المدلهم أستوقف الأنظار=تباشرنا بْشوفه والرعد لاقوّم الغافي
يطيب الوقت لامنها علينا هلّت الأمطار=وعلى ذيك النفود اللي طرفها حولنا ضافي
نشوف السيل وسط المزرعه يجري مع المعبار=على تصميم رائع هندسي ممتع وجغرافي
وإلى من المطر جهّى وثارت ريحة الأزهار=هذاك المنظر الخلاب شوفه لاحصل كافي[/poem]

,
,,
,

واتت هذه الابيات كتعليق على قصيدتها
,
,,
,


[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا يوم ان فكري سج في بحر الهجوس ودار =تجارب من غثاهن شاب راسي والقدم حافي
تعلمنا من الدنيا وعرفنا من العباد كثار =وعرفت إن الأوادم والعقول اشكال واصنافي
وبعد ما ناحت الورقا وذعذاع الشمال اندار = مدادك يالقلم من ماء الذهب للطرس رعّافي
الا يابنت من يثني نهارٍ ترخص الأعمار = حماك الله من اشرار البشر والله هو الكافي
على وضح النقاء ما حط من دون القصيد ستار = ولا للجزل غير الجزل والقيفان تطّافي
ليا هيضك قاف الشعر كم جارا الشعر شعّار =مجارا و المجارا ما ذكر به عيب و خلافي
رسمتي ما بدالك واقع ملموس بالمنظار = و تذكرتي وسجيتي بفكرك كل الاطرافي
ولا احدٌ لا يمك في من تذكرتي بوصف جهار= حماك الخالق اللي نزل التوبة والأعرافي
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
منول نحسب إن اللي عدو الدين قوم الروس = و عدو الدين شرع الله محلل ماله ودمه
على نهج العقيدة في المواجه معه روس لروس = لنصر الحق راية حق دايم عالي القمة
وطورنا التعاون والتعاون واضح وملموس = و أثر عدوان دين الله على الإسلام ملتمه
من الأعلام و أهل العلم أخذنا حصتين دروس = و من الغرب وتجاربهم , عرفنا دروس ومطمه
نحسب إن اللقاح اللي يعالج يشترى بفلوس = و قلنا المال يرخص , كل عقد امضاه بنتمه
و ما دام إن اللقاح اللي شرينا أخطر من الفيروس = وش يسوي المواطن , يا الله تعينه على همّه
لكن الله يشافي الخلق والمؤمن قبل محروس = حماه الله من أهل الكيد , والله يكشف الغمّه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيض القلب مسرى الليل عقب الغناوي = و كل ذكرى لها عندي مسار ومسيرة
كن خط السفر قدمي يصير متساوي = لو تصيح السيور ولو تشب الظفيرة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيض القلب مسرى الليل عقب الغناوي = و كل ذكرى لها عندي مسار ومسيرة
كن خط السفر قدمي يصير متساوي = لو تصيح السيور ولو تشب الظفيرة
كله لعين شبه الريم عين النداوي = عندي إن المسافة قدم عيني قصيرة
فوق جيبٌ قدم راعيه ماهوب ياوي = إن طرت له طواري ياعسى الله يجيره[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا نار فوق العلم يا قادح الزندي = خط اتصالك ورى ما يشبك ارساله
تعال عطني وانا بعطيك ما عندي = يا الصاحب اللي مسكر خط جواله
على اتصالات رقمك كني الجندي = عنده خفاره وصارت حالته حاله
موضوع شايك وكنه حضرة الفندي = دبّل عليه الخفارةعقب ما جاله
مانيب أنا اشعب ولا انت تشابه الكندي= و درب الزلق بين رجليّه وخياله [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوق وسط الحنايا تتقد ناره = وفي البعد شوقه يزيد ومر يحرقني
اطيع خلي ومجبور اقبل اعذاره = لو ان له غيبة(ن) مرّه وترهقني
اثر ليال الغلا والشوق غداره = عمره سرقته وهو بالكوم سارقني
اسقاني الوصل مضنوني بقطّاره = واجيه كلي وهو بالبعد يشرقني
عليه ليل السهر ماتطفي انواره = يمر ليلي بنور الطيف يزرقني
يا طيف ياطيف قلي وشهي اخباره = يوم انت يا الطيف وافي ماتفارقني
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غض الصبا نوام والشيب ولا = وعادت سنين العمر والضغط ما راح
ولا كل من رام المعالي تعلا = و لا كل مزن (ن) بارقه في السماء لاح
والعلم نورٌ في العلالي تجلا = و كم بيت مبني(ن) من الجهل قد طاح [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إتصال النت ملعون الصلايب = كيف نقّدني بمن نقده مصيبه
اعتذاراتي معه عد الهبايب = كل لحظة فصل نت ونت جيبه
و اهني اللي يحثّون الركايب = في فيافي نجد والارض العجيبه
مالهم في النت وصل ولا طلايب = والوسائل بينهم نجب النجيبه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالاسباب نأخذ والله يسبب الأسباب = و أنا مالبست هدوم(ن) الا على قدي
سرى الليل يالمرسى ونجم الثريا غاب = ولا كل نجم (ن) برقبه و الهوى ضدي
و نجوم المجرّه عدهن يخلف الحسّاب = و أنا كم حسبت نجومها و أخطي بعدي[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقّف دقيقة هوى بالـي علـى هونـك=بعلن بالاشعار هجس الفكـر وعماسـه
من لمحة الطيف تدمي صدري طعونـك=يوم الخطر من عيونك دقت اجراسه !!!
يحق لـك مـن دلالـك تظهـر فنونـك=تغلي وثقل , تسلب عقـل بسياسـة !!!
سـدد ديونـي وانـا بسـدد ديـونـك=تبي الصراحه ؟ غلاك اسقيتنـي كاسـه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
موج البحر كل ماهبـت عليـه الهبـوب=ما عاد يُعرف مسـاره يـا الله المستعـان
يا موج مافيه شاعر عن قصيـده يتـوب=بين الرضا والزعل ياموج ويـن الأمـان
يا موج مافيه من غاص البحور ءمغصوب=يا موج لا تنكسر , مرساك يعطي ضمـان
يا موج مـا فيـه مخلـوقٌ بليـا عيـوب=يا موج لو زاد عيبك عندنـا مـا تهـان [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خط التفاته قاف شعـره سلاحـه=وحروف قافه يشبهـن القناديـل
ما يتعب السباح بعـد السباحـه=لو ما معه مجداف يانجمة سهيل
نزف القلم للكيـل لازم رجاحـه=و العقل رجّح نزف الأقلام والكيل
و افواه خلق الله وساع المساحه=مايردع اهل الهرج لو طير ابابيل [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خل التواصل يدوم ولا تقاطعني = ترى القطيعة غبينه للمواليفي
و على مروج المواصل معك وزعني = ما لك ومال العواذل والملاقيفي
و ودي ليا جيت ترحل ما توادعني = لحطة وداعك جفاف(ن) من بعد ريفي[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ملذات الصدور ويا متاهات الليالي = ما بقى الا غيض صدر وزفرته يحرق سناها
لو بغيت الصدر فيضه وصف الأيام التوالي = في هوى شبه المهاة اللي تغطرس من صباها
نقّض جروح (ن) قديمه و الا أنا صدري شمالي= والجروح الغايرة عايشتها ما اطلب دواها[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بين صلفات الرياح وبين همّال الخيالي =والكبود الناشفه من وبل مزنه ما رواها
و استكن الحر في وكره على روس الجبالي =لو يشوف الصيد في الريضان ما يتبع خطاها[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الله يالمشاعر في صدر شاعر نظم له قاف = احاسيسة تنام ولا تجيب لخاطره ضيقة
لكن الهاجس اللي مرني و اوما على المشراف = يقول الحدس صدق ولا تشكك في مواثيقه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تقولي لي سرقت الوقت ياشبه الكحيلة = ماسرقت الربع مما الغير من وقتي سرقني
سرق ما يحكم بحد الشرع ويعيب القبيلة = وين هو قاضي القضاة اللي على حكمه سبقني [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
و انا مانيب خابر مـن هجوسـي تطـرد الأوهـام = ولكـن فـي صواديـف القـدر وشلـون بحتالـي
و لمحت الريم في روضٍ خضر ما ديـس بالاقـدام = وبغيت اعـس مربـاع الجـوازي قبـل ترحالـي
ولا جيت ادرقه رامي ولا لي فـي الغـدر مرسـام = على وضح النقـا لـو قايدتهـن صابهـا جفالـي
تقود من الجوازي جلّهن لو ماعليها وسام = ليا مالت , نحاها اغصان عشب الروض ميالي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صغت بالتشبيه و لهرجي متمه = والسبب من معه معلوقي وداعه
صرت اوصف يوم شفت الحال سمه = والغلا في الصدر باني له شراعه
من غلاها كل ما قيل ءلي سمه = قلت في وصف التخيّل لي قناعه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بين العتب والزعل يالريم دو (ن) خلا = وبين السهو والتعمد بينات الفروق
لو قلت حط اعتذار العمد قدم الملا = قلت اعلنه يوم مثلي يفرضون الحقوق
و لو تدمح السهو قلت اشكرك و مجملا = يا ما تحريت في الوسمي صدوق البروق[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليا سقت الركايب بالحمول مجّل ومشكور =ليا قفوا محيليلن البدو كلٌ طوى بيته
ما دام إني عطيتك عهدي الوافي ولاش قصور=لك الحريّة برايك ليا صبته أو اخطيته
أنا ما افرض عليك الرأي , فيما تنتوي معذور =ابرر موقفك , ما اقول مخطي يوم سنيته
تجارب عمر لو تدرج راحاها شهور و الا دهور =اقول الغيب باقي ما بعد فتحت توابيته [/poem]