للمبدع / محمد بن عون
ليت في صدري مخارج طوارئ للهروب عند حـالات الطـواري تفـك ابوابهـا لا ملت صدري همومي وضاق ٍ الجنوب افتح ابواب المخـارج تطيـر اسرابهـا صار قلبي منتجع هم من بيـن القلـوب مـن بعيـد الـدار يمـه تشـد ركابهـا كل ليل اودع قـروب واستقبـل قـروب ماتغيـب الا يجـي مـن يسـد غيابهـا اشعر انه مابقا هم فـي الدنيـا ماهـوب غارسا ً في القلب خنجر لحـد نصابهـا مابلايـة قـل دنيـا ولا بعـد محبـوب المصالـح كلهـا مـا حسبـت حسابهـا والهموم اللي بصدري تجي من كل صوب مايعرف اسبابهـا غيـر مـن يبلابهـا اصنعتها احداث الايام ولسـان الكـذوب راوي القصـة مولـف فصـول كتابهـا منتحل شخصية العـدل قـدام الشعـوب وهو ألـد أعـدا العدالـه ولـو نادابهـا يدعي بالسلم ويشـب نيـران الحـروب في الديار المسلمـه مـا طفـا مشهابهـا كل ماشوفه على شاشـة التلفـاز نـوب يتكلم عن ظروف العـرب وارهابهـا !! انقهر وتولع النار في صـدري شبـوب فكرة الارهاب غيره.. من اللي جابها؟!! التحالف ضد الارهاب ذنب من الذنـوب خطةٍ فر ضت علينا غصـب نرضابهـا دام الإرهابي طفل ما بلغ سن الوجـوب الله إنـه ينصـر أم الطفـل بحجابـهـا يا امة الإسلام هبوا مع انسـام الهبـوب قبل تقتل كلمـة الحـق فـي محرابهـا ... |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طـاري وجـاري والعـلوم عـلوم = والـدرب واحـد والهـدف قـدّام ما يكسب الطاله ضعيف عزوم = ما يكسب الطاله سـوى مقدام والناس ذا مْعـطى وذا محـروم = مهما أجتهد راعي العزوم ورام والله ما ياخـذ سوى المقسـوم = اللي قسـم له ربّ حام وسـام آمنت بـك ياحـيّ يا قيـّوم = ياربّ ثبـتـنـي على الإسـلام ماني عن دروب الخـطا معصوم = ياكم ذنـوبً فـدتها وآثام والنفـس لوّامه ويكـفي لـوم = وأنا هنـا المليـوم واللـوّام ياما رقـيت النـايف المـزموم = وياما سـريت من اليمن للشـام مدري غلبـت الفرس والاّ الروم = والاّ غلـبت الفنـس والأقـزام بس الوكـاد إني فـرقت السوم = وريـّحت من بعـدي مية سوّام واليوم ياغبـني عليّ اليوم = اللي جمعـته بثــته الأيـام بين أمس ياراسي وصح النوم = قضــّيت ليـلي والعبـاد نيـام ما خفت لايسري بي الجاثوم = الخوف قام وطاح طاح وقام آقـوم والاّ آنـوم والاّ آقـوم = الحـزن واقع والسـرور أحلام ! مرحوم يا حلـم الشقي مرحوم = بعدك تـرى أحلام الحياه أيتام أسمع وأشوف وماني بملـزوم = أسمع وأشوف وكلبـوها أوهام هناك حرب أسما وحرب نجوم = وهـنا رصاص وقـنبله وألغـام صكـات وأحداث الزمن بالكـوم = ويروح كـوم ويقتفيـه أكـوام الضيـف يقلــط والعـدو ملطـوم = والكـفو له صدقان وإله أخصام عنـده حـروفً ظاهــره ورقـوم = ماضاع بين أحرف وبين أرقام واللي يقـول إن الأمل معدوم = صدّر على دنيـاه حكم إعـدام وجهة نظـر هي والحقيقه توم = وقبـولها ماهو عليـه إلـزام أن قلتها لعتبــان والاّ بقـوم = لابــد تاصـل لقــْحطـان ويـام ! تركـض من الدمام للخرطوم = وتـزحف من الخرطوم للدمـام تجـارب الرجـّال مشـي وعوم = ماهي تجـارب راعي ولحـّام عمـْره ودمـْره وأوديـه ورجوم = وكهوف وقصور وخلا وخيام وروحه وجيـّه وإختـلاف قسوم = ماهي بكبْر أسما وكبْر أجسام ياكـم بخيـلً يامـر ومخـدوم = وياكـم كـريمً ما معـه خــدّام وياكـم فقيـرً في اللقا شغموم = وياكـم غنــيً مايشـد حـزام وياكـم منـادين لصـلاه وصـوم = وهم لا مصلـّينً ولا بصيـام وكم منتصر شفنا وكم مهزوم = وكم منصحً نسمع وكم نمـّام وكم دالهً سالي وكم مهموم = وكم يضحـك حجاج وتـعَضّ إبهام وكم داخلك يالسجن من مظلوم = رفيع راس وداسـته الأقـدام وكم حايمً لو هـو يجيد الحوم = وقــّع على راسه بعـد ما حـام دوله وحكـم وحـاكم ومحكـوم = وكم مات محكـومين يا حكـّام هذي الحيـاه أحيان حبّ خشوم = وأحيان لا والله كسـر عظـام مع إن تالي وقـتنا مضيـوم = والوقـت مهما صار ما ينـلاّم أوامـرً بكتــابة ً ورســــوم = ولا لهــا كاتب ولا رســــّام ! جات العجـايب ما عليها هـدوم = ويكفي عن التفصيل روس أقلام العود يَـرْبَـع والولد مسمـوم = والبنـت مدري والعجـوز وحـام ! جيل الشيوخ اللي بدون ختوم = ساق الشيوخ اللي تشلّ أختـام والقصـد والغايه حـلال القوم = لكن حـلال القـوم راح أقسام ! هذا الصحيح وفي العلوم علوم = والعـلم شاره والسـلام ختـام [/poem] ناصرالأحمري |
اقتباس:
|
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحياة دروس وسنين العمر رحلة تجارب=والهقاوي تنولد وتموت ما دارت سنتها وإنعدام الصدق وإسراف الثقة فيها تضارب=خصلتين ألغت مفاهيم الصداقة وإمحقتها دام وجه الصدق موجع / سدد الخطوة وقارب=كم نفوس يوم جتها كلمة الحق أزعلتها إبتسم لو منت راضي عن مدلية الغوارب=مايضرك لو تجاملها وتسلم من جهتها ومد يمنا الطيب لوجيه الرفاقة والأقارب=إن حداها الجود طابت / وإن تردت بلعنتها لو صنعت الطيب في تسعة وتسعين ألف شارب=منت سالم من شرور أهل القفيا وألسنتها[/poem] فهد الزعبي |
ياوجودي وجد من هو مايعرف الراحـه
كل لحظه والنشيط مـن الهمـوم يلوفـه قد تساوت فالوجود احزانه مع افراحـه وده بكسب الجميـل وخالفتـه ظروفـه من كنوز الطيب كم حاول يزيد أرباحـه والنتيجه ليته يحصـل ولـو مصروفـه كل مالد النظر فـي فزعتـه وارماحـه اغلب الأسماء ليا حان الوعـد محذوفـه شاعرٍ يفرك على خشم الحسد مسباحـه يسمع الأصقه من أخصامه صهيل حروفه كل حرٍ في سما العليـا خفـق بجناحـه مايلّحق سطح الأرض من العلو حسوفـه والظمأ ما همه المـاء والذمـم مياحـه و الفقر يجرد على حلق النزيه سيوفـه يالله إني في رجاك من الوهم واشباحـه ويالله إني في ذراك من الزمن واحتوفـه الدهر يرسل على بيض القلوب أجراحـه مايقـدّر وقفـة الوافـي ولا معـروفـه والضمير أهدى على رمش العمى مفتاحه والعمى غافل عن المفتاح كيف يشوفـه يافلسطين الحبيبه كيف صرتـي ساحـه للنفـاق وللمسـاوم والحيـل مكشوفـه العرب في كل ديـره ماهـي بمرتاحـه القهر فـي قلوبهـم ويدينهـم مكتوفـه يحترون السندبـاد يشّـرف بمصباحـه واحلمي ياهضبة الجولان حلـم الكوفـه وش مصيرالحق الأبلج واللسان سلاحـه السكوت أصبح ملاذه والسلامـه خوفـه وانت ياراع الرمـوش الذبـل الذباحـه في غيابك مابقالـي فالقلـوب مروفـه! اعتزلت الناس ودموع الهوى فضاحـه مخلب الفرقا شلع قلب الوفي من جوفـه كني الطفل الغرير اللي زعـج بصياحـه من يلومه في مشاعر نفسـه الملهوفـه ضاع طيري والسبب مني ومن ملواحـه والله انـه ماتكـرر فالطيـور وصوفـه الأمـل حـاول يقـاوم والألـم يجتاحـه لكن أحلام الفقـارى كلهـا منسوفـه ! للرائع غلاب بن عايض |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدخلك في شئ ماهوب يعنيك=هذا دليل أن الادب منك مسلوب وان اللقافه فيك وابيلس مغويك=وان الذي مايستحي يعتبر طوب اقرا الحديث اللي عن الهرج يكفيك=لاتتركه في صوب وتروح في صوب عن حد حدك لاتعدى مواطيك=قدّام لاتنشب بطالب ومطلوب خلك بشانك والعرب ما تنشانيك=وترى الحيا يلبسك ثوبٍ على ثوب وليا انسلخت من الحيا برقوا فيك=وكل عطاك من اقشر الزاد ماجوب وتزود سيئاتك وقلت حسانيك=وتصير مبغوضٍ ولوكنت محبوب فيما يخص الناس جنب طواريك=على الذي مايشغلك منته بمغصوب ترى التطفل مايثبت هقاويك=وليا لبسته تلبس الثوب مقلوب وان كان احد عليها يوصيك=تراه مثل اللي يسمم لك الكوب في حفرة المنقود وده يدربيك=وليا وقعت اقفى وخلاك منكوب لاثانيٍ دونك ولاهو بحاميك=وانته على مايجرح الكبد مغلوب علق كلاليب العرب في علابيك=وان جا مجالك قال مبلي ومذنوب هاذي نصيحه وانت شوفك يقديك=ورد ودل رشاك والعد مشروب لولا الادب والدين والله لسميك=واطلاك طلي الجرب بالاسم والتوب لايدخلك ريب ويدخلك تشكيك=لنته بلا يوسف ولانيب يعقوب[/poem] محسن الدوسري |
[poem=font="Simplified Arabic,5,seagreen,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أناخذيت من الزمن كثر ما أعطيت=أسوق رجلي والخطاوي ثقيلة بعض الخساير قلّها لا تشاويت= و خسارة الاصحاب ماهي قليلة ياصاحبي ياللي معي ما تثنيت=لا تشتكي / عاد المسافة طويلة لاتصخي الهقوة الى من تهقويت=الا على من يعشق المستحيلة إبك / وتباك / ودمعة الحي للميت= أما انك تبكي حي هذي فشيلة حاول يكون لذاتك بنظرتك صيت=لأن الثقة بالنفس فضل وفضيلة وإطلع من الدنيا ولك بالعلا بيت=بالوجه الأبيض والصفات النبيلة وجامل وعامل بالمثل / خلك إن جيت=جية مطر / وإن غبت غيبة قبيلة ودك إلى منك عن الناس قفيت=على الأقل تكون راعي جميلة[/poem] الزعبي فهد |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على عزف الحزن .. بـ .. ( شويش ) لا تقسى على الاوتار=جميله هي لحون الحزن لو يحزن مغنيها ! تماثل لـ .. ( الشفا ) ، جرح و نزف جرح و بدأ مشوار=تنازل بادي جروحي .. و خلاني لـ .. ( تاليها )! حزين و حزني أكثر شيء .. يجبرني على الاصرار=لـ .. ( بسمه ) خلفها الاحساس .. ما يشبه معانيها كرهت الدار .. من غناّ على سمعي حمام الدار=يفتش عن جروح العام و الايام .. تطويها غريب الدار لو هو مغترب .. ماهو غريب اطوار=تعابيري وطن .. والحزن .. حاميها / حراميها على ارض الواقع .. ظروف الحياة تمثل الاسوار=وانا اسوار الحياه الشاهقه .. وشلون أعديها ؟ يهونها علي وصال .. من وصله .. سحب و امطار=ادور راحتي وليا حضر .. بانت مواريها ! تعبتك حزن .. يا اوضح سر .. كنيتك عن الاسرار=وانا ادري كل نبره حزن مني ما تدانيها و مع كل الظروف القاسيه .. يا اجمل الاقدار=شف احلامي على اسمك من غلاتك قمت اسميها فديتك .. لو لقيتك .. فـ .. ( السنين ) اللي مضت ما طار=من غصوني .. عصافير .. إنكسر صوتي يناديها والا يا مصدر الالهام .. شوقي من لهيب النار=لكن ماهو مثل : و النار تحرق رجل واطيها لا والله ! تحرق اعصاب البنادم .. لين ما ينهار=ويقول : النار فالاشواق .. تحرق قلب راعيها[/poem] طلال الجميلي |
اقتباس:
|
اقتباس:
|
فرحت لك .. وأنا معاليقي حطام
والصدر .. من ما فيه بيّح كنينه فرحة يتيم ٍ .. ليلة العيد ما نام ! خالاته , وخواله .. مواعدينه مواعدينه بشت .. وشماغ بسّام ويلّعبونه .. في ملاهي المدينه مانام .. واحلامه تحّراه قدام كنه يطول أحلامه بـ( راحتينه ) ! صبحه تجّلا نوره بـ/ عيد الاسلام وقبل يروح المسجد : ملّبسينه جده ما بين العين والجيم واللام خلّيه يافلانه .. ولا تأخرينه ! تراقبه بـ/ عيونها .. حب وهيام وعيونها .. ممّا تكنّه / حزينه "يعرض لها الماضي مثل عرض الافلام " لـ.. ماضي ابوه وغلاه وحنينه يرجيه لـ( سنين القسا ) درع وحزام وجنب ٍ على صكات بقعا يعينه ابو ثلاث أعوام .. والا 4 أعوام يغار منه البدر .. من كثر زينه صلّى وجاء وأمر الله اللي قضى تآم ماهوب داري عنه .. زينه وشينه بشته عليه .. مهندم ٍ خير هندام واللي بـ/ عمره .. كلهم محترينه يوم اطلعوا للشارع انقسموا أقسام وأهم مافي القصه ؟ ملّعبينه تداعب رموشه .. ذعاذيع الانسام ويابردها .. يوم آيبست شفّتينه وعلى تراب الأرض بأصبعه رسّام أما رسم له طير .. والا سفينه العيد طعمه كان في الشارع العّام ماهوب عن رغباته .. مقيدينه رجع ولكن فرحته ضايعه ( دام : كل ٍ مشى ) وأخذ ولده بـ/ يمينه صاروا خواله في نظر عينه اصنام آحيوا بـ.. داخله الجروح الدفينه ولا عنده الا أمه وناب القهر سّام جاها يبي منها اليدين الأمينه شعوره اللي حس به مثل الإلهام وأول سؤال في باله : أبوي وينه ؟ سؤال : لكن كان مثل النبا الهّام لازال باقي في المسامع .. رنينه جته تعدي , ماهو تخّطي بالاقدام وشالته بيديها .. وحبّت جبينه أبوك : جاء البارح وقبل الفجر قام وشرى لك ألعاب , وهدايا ً ثمينه تراه حبّك وأنت غارق في الاحلام وراح لـ.. دوامه , والشغل مرسلينه لحظه .. وهو بين الحقايق والأوهام والدمع الازرق حاير فـ.. مقلتينه يمّه : ترى مانمت والعالم نيام ماجاء .. ولا لمست يديني / يدينه مدام رقمه معك من بين الارقام بـ.. أكلمه , يوم إنك تكلمينه ! طاحت ما كن آلها من الصدمه عظام ولاعاد فيها صبر .. ولا سكينه قالت بدون شعور وإدراك وإلمام أبوك ! في تراب القبر دافنينه العام مات .. ومتّ من موته العام وكني بعد مامات عني سجينه أبوك جندي للوطن ضد الإجرام عطاك عمره دون داره ودينه تفجّرت من تحت رجلينه ألغام ولاعاد لي بعده حصون ٍ حصينه بكّت .. وطاح الدمع من حر الآلآم وبكى وطاح الكون من موق عينه كل ٍ عذلها .. بين عاتب ولوّام تصّبري .. خلي ضلوعك متينه ماهو صحيح ان الضروره لها احكام اكبر خطاء يوم إنك تعلمينه بكره تنسّيه الليالي والايام هو فيه أحد ينسى حدا والدينه ؟ طير السعد في عالمه مابعد حام والله يعلم وش تخبي سنينه أنا كذا ! ساكت وصابر ومنضام لكن كان الفرق بيني وبينه : الدمع لـ.. عيون الأرامل والايتام ودمع الرجل ذل وهوان وغبينه ! النابغه مشعان البراق ***** |
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فرحت لك .. وأنا معاليقي حطام = والصدر .. من ما فيه بيّح كنينه[/poem][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] فرحة يتيم ٍ .. ليلة العيد ما نام ! = خالاته , وخواله .. مواعدينه مواعدينه بشت .. وشماغ بسّام = ويلّعبونه .. في ملاهي المدينه مانام .. واحلامه تحّراه قدام = كنه يطول أحلامه بـ ( راحتينه ) ! صبحه تجّلا نوره بـ / عيد الاسلام = وقبل يروح المسجد : ملّبسينه جده ما بين العين والجيم واللام = خلّيه يافلانه .. ولا تأخرينه ! تراقبه بـ / عيونها .. حب وهيام = وعيونها .. ممّا تكنّه / حزينه "يعرض لها الماضي مثل عرض الافلام " = لـ .. ماضي ابوه وغلاه وحنينه يرجيه لـ ( سنين القسا ) درع وحزام = وجنب ٍ على صكات بقعا يعينه ابو ثلاث أعوام .. والا 4 أعوام = يغار منه البدر .. من كثر زينه صلّى وجاء وأمر الله اللي قضى تآم = ماهوب داري عنه .. زينه وشينه بشته عليه .. مهندم ٍ خير هندام = واللي بـ / عمره .. كلهم محترينه يوم اطلعوا للشارع انقسموا أقسام = وأهم مافي القصه ؟ ملّعبينه تداعب رموشه .. ذعاذيع الانسام = ويابردها .. يوم آيبست شفّتينه وعلى تراب الأرض بأصبعه رسّام = أما رسم له طير .. والا سفينه العيد طعمه كان في الشارع العّام = ماهوب عن رغباته .. مقيدينه رجع ولكن فرحته ضايعه ( دام : = كل ٍ مشى ) وأخذ ولده بـ / يمينه صاروا خواله في نظر عينه اصنام = آحيوا بـ .. داخله الجروح الدفينه ولا عنده الا أمه وناب القهر سّام = جاها يبي منها اليدين الأمينه شعوره اللي حس به مثل الإلهام = وأول سؤال في باله : أبوي وينه ؟ سؤال : لكن كان مثل النبا الهّام = لازال باقي في المسامع .. رنينه جته تعدي , ماهو تخّطي بالاقدام = وشالته بيديها .. وحبّت جبينه أبوك : جاء البارح وقبل الفجر قام = وشرى لك ألعاب , وهدايا ً ثمينه تراه حبّك وأنت غارق في الاحلام = وراح لـ .. دوامه , والشغل مرسلينه لحظه .. وهو بين الحقايق والأوهام = والدمع الازرق حاير فـ .. مقلتينه يمّه : ترى مانمت والعالم نيام = ماجاء .. ولا لمست يديني / يدينه مدام رقمه معك من بين الارقام = بـ .. أكلمه , يوم إنك تكلمينه ! طاحت ما كن آلها من الصدمه عظام = ولاعاد فيها صبر .. ولا سكينه قالت بدون شعور وإدراك وإلمام = أبوك ! في تراب القبر دافنينه العام مات .. ومتّ من موته العام = وكني بعد مامات عني سجينه أبوك جندي للوطن ضد الإجرام = عطاك عمره دون داره ودينه تفجّرت من تحت رجلينه ألغام = ولاعاد لي بعده حصون ٍ حصينه بكّت .. وطاح الدمع من حر الآلآم = وبكى وطاح الكون من موق عينه كل ٍ عذلها .. بين عاتب ولوّام = تصّبري .. خلي ضلوعك متينه ماهو صحيح ان الضروره لها احكام = اكبر خطاء يوم إنك تعلمينه بكره تنسّيه الليالي والايام = هو فيه أحد ينسى حدا والدينه ؟ طير السعد في عالمه مابعد حام = والله يعلم وش تخبي سنينه أنا كذا ! ساكت وصابر ومنضام = لكن كان الفرق بيني وبينه :[/poem] [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الدمع لـ .. عيون الأرامل والايتام = ودمع الرجل ذل وهوان وغبينه ![/poem] إبداع × إبداع × إبداع لـ / مشعان البراق |
^
^ كنت جاي ابي اشارك بها :) لاهنت يا صديقي :) |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ساعة الفرقا على التوقيت ما دقّت غصيبه = ساعة ٍ وقـّت منبّها ودقّت في وعدها ما وعيت الاّ بذيب ٍ عقب ما جاذب قنيبه = ماخذ ٍ من حرّها قطعت ليالي ما رقدها آه يا شين الفراق اللي عوى فالصدر ذيبه = هشـّم اضلوعي وصدّعها ولا أدري وش بعدها لا على الدنيا ضمان ولا على الدنيا غريبه = حرّص اللي ماشقته دنياه عايش في رغدها في صدوغي شيبتين .. وفي صفوح الراس شيبه = أنقرد حظ الليال السود يوم الله قردها دق يا قلبي على كيفك وجيب اللي تجيبه = سرعة النبضات زدها .. سرعة النبضات زدها ما بقالي غير ضلع امن القصير اليا التريبه = الضلوع الباقيه مالت وجاها من حصدها والله إني حاسب حساب البعيده والقريبه = مار جت توديعة ٍ والله ما كنت اعتقدها لا جنازه .. لا قبر جاله هيال .. ولا نصيبه = القبر فالصدر جاهز والجنازه في لحدها موقف ٍ مثلي ليا منه على غفله بليبه = كان ما صبّح هجوسي كلّها والاّ هجدها اجتمعنا وافترقنا والفراق أكبر مصيبه = والفراق اللي على موعد تراه أمر وأدهى ليتها يا ليتها فرقا حبيب ٍ عن حبيبه = كان عيني ما تقر ادموعها للي جحدها البلا فرقا مشاكيل ٍ لهم قدر ٍ وهيبه = فعلهم يسبق ويفحم سابق تطلع بيدها جمّعتنا خير صدفه دون شك ودون ريبه = صدفة ٍ محد ٍ يباها فالحياه ولا قصدها كلبونا طيبين .. وكلبونا من عتيبه = سعْد عين ٍ من صواديف الدهر غايب سعدها اغتربنا في بلدنا والبلد يا كبر عيبه = كان سكانه تحس إلها بغربه في بلدها ! مثل تبّاع البروق اللي يدوّر له ذهيبه = البروق يخيلها .. مار الذهيبه ما وكدها المعوشه كايده والعيش ما يخلص طليبه = وكم مدوّر حاجة ٍ له فالمعوشه ما وجدها يا شقى حالي ولو إن الشقى ما يندعيبه = الحبال عقودها تصعب على اللي ما عقدها الزمان الله حسيبه .. والفراق الله حسيبه = ما لقيت الحيله اللي ناسبت لي واعتمدها جرح داه ادواه مدري جرح ما يلقى طبيبه = نافر ٍ رامت بضيْر ورايم ٍ تنفر ولدها والله إني ميقن ٍ من عقب راحوا بالغليبه = والاّ أنا كفري صريح ٍ بالوجيه ومن عبدها المشاعر بين نوز البندقيه والضريبه = والصداقه بندق ٍ لو عْلـّقت ما طال أمدها في زمان ٍ ما يحصّل طيب المبدا صحيبه = والاوادم كوم فوق الأرض ما يحصى عددها قصّر الله حبلك الممدود يا طول المغيبه = قبل يربطني بغير أصحابي اللي مفتقدها !![/poem] عايض النفيعي |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا طير عادك حر يا طير =من الجبال اليا السحايب وأنا على كثر المشاوير=ما طبت مير البال طايب أقول ما للحزن تأثير=لو كانت جروحي عطايب وأدق في نعشه مسامير=والله يكافينا العقايب يا قرب نجد وما اقصر النير=على متعّبة الركايب ما عاد لغيابي معاذير=الى متى بأظل غايب ؟؟ يا صاحبي وبكل تقدير=اركب على عوص النجايب ورح طمّن قلوب الجماهير=راع الهوى ما هوب تايب الله يجيره من زمهرير=على ما ذاق من اللهايب من أوله طعم الوَله غير=هبّت ذعاذيع الهبايب ظْلالٍ ودْلالٍ مباهير=والثلج فوق الجمر ذايب ما ينبغى للخير تأخير=والرزق من معطي الوهايب حسبي على روس المناعير=اللي تجرّي كل هايب أمّا يزفّون التباشير=والا يطفّون الحرايب غنيت من عوب المجارير=وسريت وضلوعي حطايب ياما براسي من تفاكير=لو كان ما هو راس شايب دهتني ايامي وانا صْغير=وانا بشر مخطي وصايب اصبر على ظلم المقادير=ولا اصبر على ظلم الحبايب وإن تاهت اقدامي عن السير=ما راحت أحلامي نهايب وأهل الحسد نفاخة الكير=ياما نووا لي من مصايب حتى وانا موجود وبخير=رزّوا على قبري نصايب[/poem] المسرّي |
• رائعه للشاعر المبدع / د. حمد العصيمي من ذاكرة شهر تموز ! طاحت رموز وجات الايـام برمـوز يا معتبر من قصـة كليـب والزيـر وانا مكاني فـاول الركـب محجـوز لا سائـل القريـة ولا ناشـد العيـر! شاعر سكن في ذاكرة شهـر تمـوز وفي ضحكة حبال السواقي على البير! هزيت لـي ثابـت وثبتـت مهـزوز وسكنت متحرك وحركت اعاصيـر ! لعيون من عوده ثتنـى كمـا المـوز فا الشكل والا الطعـم مالـه تعابيـر! كنا صغـار ونهـزم الشـك ونفـوز ونرمي حجر فا الما ونصنع دواووير! وثيابنـا مـن شـدة الفقـر والعـوز تكشف لنا ما يغري النفـس ويثيـر ! بس البـراءة كانـت امـوال وكنـوز واحلامناء عـذراء وتفكيرنـا غيـر ! وذاك المسا كنا تحت شجـرة اللـوز ويتساقط اللـوز وتجينـا العاصفيـر! قلت العصافير اكلت اللوز يـا فـوز قالت شفاتي لوز محتـاج لـه طيـر! قلت الهـوى سنـارة وقالـت يجـوز شوف السمك يعشق مذاق السنانيـر ! ودخنا وداخت ذاكـرة شهـر تمـوز مع ضحكة حبال السواقي على البير ! |
آقبلت لي .. مثلـك مثـل أي مخلـوق
ما بينـي وبينـك .. عهـود ومواثيـق آقبلت : ( غيم ٍ في مقاديمـه بـروق ) ! وراه سـر .. وفـي خفايـاه : تشويـق جيت بـ/ شموخ اللي من الناس مرموق لكن عجزت آلقى لـ.. جيّتك تعليـق ! وفجأه ؟ بديت أشتاق وآحـن وأتـوق وأغفى على وسادة ملامحـك .. وأفيـق تهب ريح , و ( قدّ طاريـك ) ممشـوق وآلمح تفاصيل ٍ على جسمـه .. تليـق مدري هي الصدفه تسوق القدم سـوق والا أنهـا ( أقـدار المحبـه ) توافـيـق بس الاكيد : أمسيت وأصبحت مسروق أثر الذهب .. مـا تحتميـه الصناديـق خلاص ما أنت بـ.. صورة ٍ تسكن الموق نزلت مع موقـي .. وجيـت المعاليـق وطار آلك قلب ٍ عنك ما عايقه عـوق فكيته .. وفكيـت معـه : المسابيـق ! خذ راحتك .. لا صرت للروح معشوق تقدر تعدّي كـل الأضـلاع .. وتويـق من قال ماللشعر في وصفـك حقـوق ؟ ونظرة عيونـك .. تستثيـر الطورايـق إن ما تغنّت فيك طـاروق / طـاروق ماني لـ.. أميرة قصر الابـداع عشّيـق الحب مثل المسك : رغبة هـل الـذوق إن طال عمره .. عتّق الشـوق تعتيـق نفس الحياه اللي ملت شـارع السـوق الفوضويه منك .. مـن غيـر تنسيـق لكـن هـدوءك .. مـا يخلينـي آروق مثل الهوى الساكن بـ/ روس الشواهيق فرحت لأني كنت مانـي بـ( مسبـوق عليك ) وأنت أقصى طموح العشاشيـق وبعد بزغ نجم الرحيـل .. ولمـع فـوق بداء المكان يضيق , ويضيـق , ويضيـق الحلم : مظلـوم ٍ .. للإعـدام مسيـوق ماهو بـ/ لا فاسق .. ولاهو بـ/ زنديق لو مات في حبل المقاديـر .. مشنـوق يبقى غرامك .. شامـخ ٍ كنـه طويـق وتبقى حضاراته .. وهـي دمّ وعـروق أشبه ما أشبهها .. حضـارات الأغريـق مثّلت لي بسمه .. ولا قلـت منطـوق هنا ؟ تحمّلت الألـم فـوق مـا أطيـق ودعتني حسـره .. وودعتنـي شـوق وكنك معك .. خذيت كـل المخاليـق ماني مصدّق .. كل مطـرود : ملحـوق وأنت السراب وعاشقك ناشف الريـق من غيره : مشعان البراااق ********** |
المحبة ما على خطّهـا لوحـة رجـوع
كود لإسرائيل لوحة على خـطّ ضرمـا إنشد اللي لاعه العشق وأعلن بالخضوع وإنشد اللي بايع الروح بالمـا والهمـا كنت من زود الشقاوة ومن شين الطبوع أنهض الجنحان واحوم من حول الحمى لين وقّعْت بمتاهات مـا منهـا طلـوع الوكاد إنّ أقرب الأمثلـة مسكـة عمـى احمد الله يوم ما رحت في سيل الربوع وآخرتها رايح "ن" في هوى عذب اللمى ما شلع قلبي وطيّر معه خمسة ضلـوع غير عين"ن" تطرح الطير من سابع سما كلّ ما ناظرتها قلت يـا حـظّ الدمـوع الدموع اللي تبختر علـى خـدّ طخمـا يا غناتي والله إنّي عليك أظما وأجـوع لين أشوفك ثمّ لا عاد جـوع ولا ظمـا ودّي أولّع لك أصابع كفوفـي شمـوع وودّي أنزّهْك عن كلّ مخلـوق , إنمـا الصلاة اللي ما فيها سجود ولا ركـوع أتذكّرهـا وينشـب لسانـي فالجـمـا بس لي مطلوب واحد وأنا رجل"ن" قنوع طهّريني من غثا الأرض واخذيني سمـا المبدع وصل العطياني ***** |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يانديم السهر والليل واوجاعه=لمتني قبل لاتنشد عن اوضاعي! صاحبك هو هو وابداعه ابداعه=ان تغيّبت لاتستبطي ابداعي! همّي اللي يباري عقرب الساعه=مثل ماهو تحَرْسِه حدب الاضلاعي وقلبي المبحر اللي حلمي شراعه=يمّته وين مايمّمته اوجاعي! والسهر ( ذيب ) ..ينهش جوعه اضلاعه=وايْتعشّى عيوني كلّ ما جاعي! يانديمي بنات الفكر نزّاعه=لك .. ولك حادي الآمال نزّاعي ضقت من وادي الضيق ومن سباعه=كن مافالوجود فجوجٍ وساعي ! وفكري الحر..حرٍ ملّ من قاعه=وشاف حرّيّته فـ / مفارق القاعي الزمن قبل ما ينزع لي قناعه=وقبل صكّات بقعا تلوي ذراعي كانت اكثر شفوف البال..منصاعه=وكان حظّي قبل لااطيح فزّاعي واثر الايام مكّاره وخدّاعه=تسلب آمالنا من دون لا ناعي يانديمي معاذ الله من الراعه=ماني اللي من الآقدار جزّاعي الزمن لو عليّه غير اطباعه=ماتغيّرت .. واطباعي هي اطباعي ! [/poem][/quote] سجل درة جديده في سجل ّ الابداع بيراع المبدع / فالح المصعوك |
عزالله إني يوم حبيت / حبيت
ماكنت آحسب الحب هذي علومه ضحيت , وأخلصت , وعطيت , وتفانيت , لو إن نفسي من عطاي [ محرومه ] ! الظاهر إني طحت وأنا ما سمّيت ولا أظن لي من بعد ما طحت قومه ما جت لي الدنيا ( على ما تمنيت ) ! حلمت : والأحلام شبه معدومه عجزت : وأنا اللي الى قلت سويت حظي فتر حيله وبردت عزومه ياما قطعت من الدروب وتعنيت وسريت ليل ٍ ما تشعشع نجومه , وكم ليلة ٍ روحي على كف عفريت وأقول ( ما آحد ٍٍ ميّت ٍ قبل يومه ) ! ماتحت رجليني ياكود الدناميت آطا الخطر .. كني معارض حكومه ! وقفت في وجه الظروف وتصديت وقفة شجاع ٍ راس ماله : سلومه وش عاد أخذت من المحبه وخليت حب ٍ مضى وقته .. وبقيت رسومه عليه أجرّ مع الونين / التناهيت لا أخذت لي في جوّه الرحب .. حومه ذكراه حولي .. كل ما أصبحت وأمسيت رحل .. والأصعب من رحيله ؟ قدومه ! للفريد مشعااان البرّاق الله اكبر ولله درّك يابو محارب ********* |
الحب .. طفل ٍ نما بين الضلوع وكبر
ما الله خلق له من الاعداء غير الفراق إن عاش ماهوب تارك في الحنايا شبر الا أستحلّه وفاء , نظره , منادم , عناق وإن مات كفّنته جفوني .. وعيني قبر وغمّضت .. والدمع دم ٍ غالي ٍ ما يراق ياكثر ما آخذ من الدنيا دروس وعبر لكن عجزت أدري ان الصبر مرّ المذاق كم لي وأنا اصبر ؟ ومال الصبر غير الصبر وأعالج الإشتياق .. بـ لهفة الإشتياق ! من غيره؟؟؟ الفريد مشعان البرااااق *********** |
[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صبح مشمس و لا ذعذع نسيمه=شف ضلوع الصدر تحبس نسمها لو دروب المسافه مستقيمه=خطوة الرجل حارت في قدمها كيف يمشي من يشوف الظليمه=من قلوب يماري في كرمها الجفا قاع و الشرهات ديمه=لو حه الله يعين اللي رسمها كل ذكرى لها فـ ( الصدر ) قيمه=هبت الريح ثم رفرف علمها الهواوي ..! مباديه القديمه=كل ما زاد عمره ، يحترمها لو يسمي : علاقاته حميمه=راحة البال ما يعرف طعمها يعطي الحب حقه من صميمه=لكن ! حقوقه بنفسه هضمها المحبه مع العالم كريمه=لكن ! العالم تضيع ذممها دام قلت الهوى : قدر و حشيمه=خل الاوراق تستحمل قلمها ![/poem] طلال الجميلي |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بوح الكلام اللي كسر حاجز الصمت= مايخلف الصايم ويجرح صيامه مجرد إحساس ٍِ به أبديت وأسهمت= أدفعه عن بعض التغاضي غرامه ياكثر ماعنيت فكري وصادمت= وتعبت أريد أقنع عقول الغشامه ولا حصد مجهودي ألاّ تعلمت = إن الفقير اللي فقير بكلامه وعن النقاش اللي بليا هدف شمت= مايلحق وجيه الحقايق ملامه وفي وجه من يبغى سقوطي تبسمت= وصدمت تكشير الزمن بإبتسامه ياللي تقول إن العرب قاموا وقمت=قيامتك ماهي بيوم القيامه ماهي بقالة يوم بالهرج هاجمت = نسل الرجال اللي رفيع ٍ مقامه وش عاد لو سليت سيف وتحزمت = مابه خطر من عين زرقا اليمامه عليك ماسويت قاف وتحدمت= ويش أنت ؟ ومن أنت؟ ومتى صرت قامه اللي مايحسب لك لا وقعت وإن حمت=خسارة اليا أعطاك جل إهتمامه فلا صرت لامنك هرجت وتكلمت ؟؟= مافي يدك تسلب وتمنح علامه!!! فصمت على فراش الكرام ولاكرّمت = دربك سميح ورافقتك السلام[/poem] علي نايف الغامدي |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ماهب ذعذاع الهوا من شمال=ودي افتح بصدري نافذه للهبوب كود يبرد لهيبا ً بين الاضلاع طال=قبل قلبي بصدري من لهيبه يذوب كنها في قفص صدري تفوح الدلال=نارها في ضلوعي ولعوها شبوب كل ماجت بتطفي زودوها أشتعال=مابقا ضلع في صدري ماهوب محطوب واقعا ً عايشه ملموس ماهو خيال=مارضيته ولكني عليه مغصوب لو بغيت اتجاهل ماقدرت احتمال=ضحكت الغش في وجه الزمان الكذوب اكتم الغيض واخشى شدة الانفعال=واتهرب من الواقع ولا من هروب بين طول الامال وبين قصر الاجال=وبين فرصة نجاح وبين خشية رسوب يستمر الكفاح اللي عليه الجدال=يمكن المستحيل يصير قبل الغروب دام برق الحيا يبرق بعرض الخيال=صادق الغيث تفرح به عطاشا القلوب ينبت العشب والضميان يشرب زلال=ويكثر الخير ويعم الامان الدروب اللهم ارزق المسلم برزقا ً حلال=واللهم اكفنا شر الفتن والحروب في لساني جواب وفي خيالي سؤال=والاجابه صريحه والسؤال محجوب واتكالي على ربي عزيز الجلال=السميع البصير المطلع بالغيوب[/poem] محمد بن عون |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتجر الصوت يامحمد وتبحث خفـاي=ارفق بحالي يارمز الصداقة والاخـاء لاسقا الله يوم(ن)يبيَن عيوب اصدقـاي=بعد جاء اللازم وبارت علاقات الرخاء التجارب علمتني من طبوع اخويـاي=يوم شفت اطيبهم انلَد عني وارتخـاء يمكن اني يوم آنادي ماياصلهم نـداي=اصمخاء نخوات لو ماالاذاني باصمخاء جعل ربي في وفاة الوفاء يحسن عزاي=والليالي كان تمهلنـي ف ربـا أخـاء الرجل لاصار ماينفعـه فالوقـت راي=واستدارت فيه سبع الاراضي وانتخاء مايجيه من الغني غير قولة مامعاي=ولا يجيله من يمين الفقير الا الصخـاء [/poem] فهد قطنان |
| جميع الأوقات بتوقيت GMT +3. الساعة الآن 09:27 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية