[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خل آلليآلي تقول / و خل عنْك آلكـلآم=مآ يدمي آلعين غير إجـروح خلآنهـآ مآنيب عآذر خطآك و لآ عدآك آلملآم=عآن آلجروح آلنديّه فـ/ آلحشآ عآنهآ يآ ليت قلبك مثل زينك يآ بدر آلتمـآم=مآ كآن عآفت عيوني درب سلوآنهـآ حديت قلبي على درب آلهجر و آلخصآم=سحآيب آلهجـر قمـت تهـل ودآنهـآ بكره تدور آلدوآير لآ رقيـت آلعـدآم=و إتشوف كيف آلسنين تصك بيبآنهـآ مآنيب رآجي (تعب قلبك) ولآ لي مرآم=أخآف روحك تشوف آلذل بـ/ أعيآنهآ لو قربوك آلبشر و أسقوك برد و سلآم=آليوم توفي .؟ و بكره تجحـد أيمآنهـآ هذآ كلآمي بعد مآ مآت فيـك آلغـرآم=يآللي نسفت آلمحبه نسف من دآنهـآ [/poem] المبدع نواف المطيري صح السانك مليوون |
اقتباس:
|
للشاعر الكبير // مقحم بن دحيم الغنامي
يازمان العولمه مدري زمـان السرعـه يالزمان المّر مـدري يالزمـان الحالـي الصناعه طوروهـا العالـم المخترعـه والحسد والبغض بدره في سماك يلالـي استوت فيك الايدين الممسكـه والبرعـه ولو يحط سباق جاء الرجلي مع الخيالـي وراعي الذرع الطويل اصبح قصير ً ذرعه والامانـه عاقهـا النصـاب والمحتالـي والصديق الي على ساقيك قـوم زرعـه مع حصاد الزرع يبتاعك بنصف ريالـي والسهم لو تضربه تاقع عليـه القرعـه خادمه حظه عسا حـظ السعـد يبرالـي مادرا ان العرق يطلع مثل جذعه فرعـه وكل شـي ً مالـه اول مايجيلـه تالـي ولا درا ان المصطفى في دين راهن درعه ولو بغاله مال من ربـه عطـاه المالـي والسعيد الي عمود الدين قـوم شرعـه بايع الدنيا وشـاري صالـح الاعمالـي كل يوم من الرجال الموت ياخـذ جرعـه كم وكم مره حذفت الرقـم مـن جوالـي والمطر ماكل ضامي كبد يشـرب كرعـه ماعليـك الا تقـول يحلهـا الحـلالـي .. |
|
اقتباس:
|
ثلاث درر مختصرة بإبداع
اقتباس:
|
^
^ ماجد النصيف الي هواها ساكن(ن) في الشرايين.......ومن دونها جاء كم حاسـد وغابـط صادفتها في السوق عقب اربع سنين.......معها وليد(ن)لابس(ن) لبس ضابط وساعت تواجهنا وجت العين في العين......قامت عرقتي يابونايـف تخابـط واخذتلي ساعـات مـدري انـا .......ياسكـري هابـط او الضغـط هابـط وراحت وراحوا كل من في الدكاكين......وانا ادرج في السوق كنـي مرابـط محمد بن خربوش حي الذي من عام خمسه وعشرين......ادور بيوتـه علـى كـل رابـط يسوق له وضح سهاف مزايين......وغيره ما معه من المغاتيـر خابـط قصايده تبهج صدور الميامين......يومـن فـي الاعـلام خابـط ولابـط لكن يانسل الرجال المسمين......لارحـت يـم السـوق بعديـن هابـط صد النظر كله عن الزين والشين.....كم واحد(ن)ناظـر وعـود يخابـط ان اما حصل من نظرة العين ثنتين.....تواصل(ن)دايـم وحـب وترابـط باق الامور اوهام وامال بعدين......بوضع(ن)فـمل يضبط ولاهوب ضابط مقحم دحيم: ان جاء مجال الشعر شعـار ياثنين....منكـم جزيـلات المثايـل تنابـط ابياتكم تمشي على العسر واللين.....حصن(ن)على نظم القوافـي تعابـط بغيت اجاريكم ليا العلم علمين.....لكن احـس الوضـع ماهـوب زابـط من الهوى ماجد طوى حاله البين.....ويراوده من نوع الاحبـاط حابـط يروح يم السوق بيـن الصلاتين....تلقـاه فـي حيـد الزوايـا ملابـط مايوقفه عن شوفهن سور برلين.......ولولا رجال الدين حصل المشابط يبي يحوس الناس حوست فلسطين......يامحمد اشرح له اسلوب المضابط ولا انصحوا ماجد يلازم هل الدين......وللدين يامحمد شـروط وضوابـط |
اليوم يا شعر النبط سولف مع الشعر الفصيـــح
................................................ واشرب معه فنجال واخذ من العلوم خيارها واعزف على الأوتار لكن بينها سلك(ن) جريـــح ............................................... اجرحته اللي جعل ربي ما يطيل أعمارهــا اليا لمسته خل لمسك دوب حتى مـــا يطيــح ............................................... معزوفتك خفف على ريشتك فوق و أوتارهـا والسمع خله للقصيدة يستعـــد ويستريــــح .............................................. لين إن بعض الناس من شعرك تعاف أشعارها وبحر الشعر بحر(ن) فسيح وغوص فالبحر الفسيح ............................................... والدر فالأعماق شوف صغارها و كبارهـــا وليا رجعت أخذ الحذر وارجع مع الدرب الصحيـح ................................................ ولا تستشير اللي ليا طاحت تلوم أشوارهــا راح القصيد اليوم كله فــالتغـزل والمديــــح ............................................... وباقي فنون الشعر راحت كلهـا فغبارهـــا واستحدثوا فن(ن) جديد أقول باللفـظ الصريــح ............................................... ( فن الشحادة) باليديـن أيمينها وايسارهــا الناس صارت تجتري فوق الحـدود و تستبيــح ............................................... وصارت من الشحدة توطي روسها وأنظارهـا من كثر ما تشحد طلع ففميها خلفـة و ريـــح ............................................... وضاعت كرامتها وقل مع العـرب مقدارهــا وتقول يا رمز المكارم للشحيــح بن الشحيــح ................................................ تمدح بشر حتى النمل ما يشبع من أسوارهـا ما باقي ألا يرفعونه للسمــاء مثل المسيـــح ................................................مد ري بعد هذي من العقـال وش معذارهــا لجل الفلوس نمجــد اللي حي كنه في ضريـح ............................................... ودفع المفاسد بالمفاسد تعرفـون أضرارهــا لكن قالوا يا فصيـح اتصيح ولا ما تصيــــح ............................................... الناس مـا تبغى الخطيب وتنصت لثرثارهــا وشعر النبط ساق التعازي فيك يالشعر الفصيـح ................................................ و سوق التعازي فيه و أخذ من العلوم خيارها من روائع / فلاح بن مرشد الزراقي |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صاري ارباب فكري سم واصهل صهيل "=" اضرب الطول عرض واضرب العرض طول مانت غير الخيال اللي سراه المخيل "=" ولانت غير المشاعر والهوا والرسول شب في الحرف واشعل حيرتك في الفتيل "=" لاتموت السوالف بين رفض وقبول خل وديان شعري بالمشاعر تسيل "=" ازرع البيد فتنه والشوارد حقول ماسرا الهجس ليله في حراوي الدليل "=" المنازل نزاله والمناوي خيول كل ماليل هجسي فل ضاف الجديل "=" انتفض بين واقع سيرتي والذهول ماوصلبي لحالي غير طيبي سبيل "=" بس من دون طيبي وش يرد ويحول ياخوي المواجع يالصحيح العليل "=" للفصايل وسوم وللمواسم فصول يوم صدق الخطاوي للنوايا عميل "=" قبل يطري خروجك كيف كان الدخول المطفف الا من كال كفه تميل "=" قبل يستوفي الكيال ويش الحلول لو تسوق العطاياء لاتدور حصيل "=" طيبتك ماتأكل عيش يابن الأصول الضماير بسعر اسواقها من يشيل "=" مثل فعل المؤشر في طلوع ونزول والوجع لوعروقك دون حده تسيل "=" سالت الناس دم وطاح صدرك حمول راح كد الليالي في يدين الدخيل "=" بين بعض الروابع والهوا والميول ياكفوف الجماله وين رد الجميل ؟ "=" النفوس البريره في الجفاء وش تقول القناعه تعز اصحابها بالقليل "=" والجشع ذل نفس .. ولايهون الفضول بالصبر والتروي تصنع المستحيل "=" وبالفكر واللباقه تملك أدهى العقول[/poem] سعود بادي |
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]يا مشير القلب عن داعي غرامه=خل قلبي في غرامه لا تشيره
أتركه ما يجهل الحب ونظامه=لا تعدّه ضمن عميان البصيره له من الخبره ما يحفظ له مقامه=وارث ٍ له من سلوكه حسن سيره لا تراود شفه وغاية مرامه=الهبايب لو تمرّه ما تثيره فوق غصنه حطّ .. عصفور وحمامه=وغرّد الأوّل على نوح الأخيره لو مراده قمزه وغمزه وشامه=كان شفته يومي لموكب سميره فيه غير اللي على خدّه علامه=واحد ٍ عندي علاماته كثيره النزاهه والوجاهه والفهامه=والنبا الجذّاب والنفس الستيره سمعته تفرض على الناس إحترامه=ما رماها فـ الرحاه المستديره ولا يحسب حساب لبّاس العمامه=لو لبسها شيخ شيخان العشيره أستلم قلبي ومن يوم إستلامه=ما تولاّ عرش قلبي حيّ غيره كمّ يذوّبني على زبدة كلامه=بالنقاش اللي على كيفه يديره بيني وبينه مشاريه وملامه=ودمعتين بعين شوق .. وعين غيره لو يقابلني بضحكه وإبتسامه=هب في صدري هواه وطار طيره جرّ فكري عقب ما حزت إهتمامه=بالطواريق الطويله والقصيره قلت أحبك .. قال حبّي لك علامه=قام يكبر ؟ قلت مدري .. قال خيره ! كلّ منـّا لو يعبرّ عن هيامه=تقصر علومه عن اللي في ضميره والطيوف اللي تبلّـغني سلامه=مادرت قلبي بفقده وش مصيره جعل ربي ما يذوّقني خصامه=شاري ٍ وصله على شرّه وخيره يا زعيم الوجد تزهاك الزعامه=سير بي والله يصون أحلى مسيره هكذا حب ٍ تغذيـّه الكرامه=أفتخر به وأذكره في كل ديره العلم رفرف على ذروة سنامه=أتركوا قلبي ما يسمع من يشيره ما لحقني لوم من قصة غرامه=لو تبثّه نشرة أخبار الجزيره ![/POEM] سداح |
للمبدع / عبدالرحمن السمين
يا معرْض الحال لسياط الوزى والعـذاب العين يبست نيا . وآعروق قلبي ضمـي وطيتني بالجفا وطيـت خفـوف الركـاب راحت هجيجٍ على صوت العصي والرمي وتركتنـي للمضامـي والخـلا والذيـاب والليل والموقـف الغصْـاب خيّْـط فمـي لحظـات تجلـب نـدم ياعلهـا للذهـاب لو انها مـن مذاخيـري وفـورة دمـي ما عاد باقي حساب ولا تحسْـب حسـاب يالمترف اللي نحّتْ اسمـك بجرآنسمـي من عقب شمرْت للطعنات والرمح صـاب وش عاد لـو اتنطـح خيلـك الأدهمـي صبرت من وسع بال وصدر والصبر شاب والمـوت دودل كلاليبـه وثقـل أقدمـي مدري خطا ضحكـة الأيـام والا صـواب لحظه وجادت خواتمهـا بجـزر آلحمـي أمقابل احلام الأنفس مثل طـرد السـراب يا مضمْر أجلالها غـرْد ولا لـك سمـي وش تحتري ورْد البندق وشلفـا ذيـاب لا صرت مثل المصيبه في صخب عالمـي اقفل دروب القلـوب وفـكْ للهرج بـاب وانا على درب عز الروس أرز آعلمـي لكن ْ ! تبغى الحقيقه يا عزيـز الجنـاب الآدمي وش يبـي فـي ذبحـة الآدمـي ... |
للمبدع .. مرزوق الروقي
ناظري دورة زمنا ويـش سـوت فينـا كيف كنا فأول العشره وكيف اصبحنـا كيف كانت بهجة الايـام ملـك يدينـا وكيف صارت ذكريات ايامنـا تجرحنـا كيف جابتنا الليالـي .. ليتنـا ماجينـا وكيف ودتنا الصوادف ..ليتنـا مارحنـا واعذابي كيـف نقـدر نرجـع لماضينـا لو خسرنا المقبـلات ..يسدنـا مربحنـا ماضي الايام عن باقـي العمـر مكفينـا كل ماهبت هبايـب ذكرياتـه.. نحنـا به ضحكنـا ملـي دنيانـا وبـه غنينـا وبه حذفنا الكون كلـه خلفنـا وارتحنـا مع بعض نضحك على وقتن عجز يبكينـا كنه إليـا مرنـا بالموجعـه .. يفرحنـا لا افترقنا فالضحى ميعادنـا لا امسينـا ولا افترقنا فالمسـا ميعادنـا لا اصبحنـا ولا سكن ليل البشر .. حنا سرا سارينـا وسط خلق الله وكنه ماحـدن يلمحنـا نبحـر ببحـراً نهاياتـه بلـيـا ميـنـا بين الامـواج نتهـزع كنـه يمرجحنـا ونتبع الهبه و كـم هبـه بغـت تغوينـا وآه مـن هبـه غوينـا يومهـا تلفحنـا ودارت الدنيا علينا وآظهـرت خافينـا وأنتبهنا من مقادير الفـراق .. وصحنـا ثم بغينا الوصل يرجـع والخطـى تهدينـا و الخطى ضاعت ..وحنا للوصل ما افلحنا وقلت لك شوفي زمنا ويش سـوا فينـا وقلتي اكتمها بصدرك قبـل لاتفضحنـا .. |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
قريحة الشاعر الحسّاس ملبوسه=ما كلّ طاروق يطرقها .. يلايمها إليا أنقطع واهسه تبرك على هجوسه=وإليا صفا جوّها صفّت قوايمها أبطت وهي في سجون الصمت محبوسه=واليوم بقيودها ذبّت خرايمها يا الله عساها من العثرات محروسه=ما تعرف الزوم وهجوسي تزايمها مصايب الوقت مكشوفه ومدسوسه=غبّة بحر .. ما عرفها غير عايمها يا اللي تقول الخطر ما دقّ ناقوسه=شالتك سود الليالي مع غنايمها الروم مستسلمه والفرس مفروسه=عبارة ٍ وقتنا ماهوب رايمها قامت علينا الروافض تلعب الهوسه=وفي دارنا تسرح وتضوي بهايمها كبودها من قديم الوقت محموسه=بالحقد وقلوبها أسود من عمايمها فلول بعقول .. مغسوله وملحوسه=موثـّـقه لو تبراّ .. من تهايمها وأحمد نجادي علينا يرسل عسوسه=وأن ولّد المعضله يذبح تمايمها يهدد أمن الخليج بسهمه وقوسه=تحدّه الساده ينفّذ جرايمها وسفيره المعتمد في الدار جاسوسه=خاشر وساع المخابي في ولايمها يساوم المخبرين ويدفع فلوسه=خيانة ٍ بين بايعها وسايمها وحنا نحييه والأوضاع محيوسه=ما ترتفع روسنا والذل ضايمها قبّ الهدير البعير وطاحت ضروسه=يا لايمين العرب .. مانيب لايمها ! [/poem] للدكتور / سداح |
في الصميم للمبدع / فهد الزعبي
بالله يـا أهـل الساحـة الشعـريـة أصغـوا مسامعكـم إلــيّ شـويـة عنـدي قصيـدة ماطرقهـا قبـلـي أي شاعـرٍ فـ/ الكـورة الأرضيـة وإمـا تنـال إعجابـكـم برضـاكـم وإلا تـنـال إعجابـكـم جـبـريـة واللي يعـارض يستريـح ويجلـس تحـت مظلـة ( رافـض الحريـة ) خصوصاً إنـا فـ/ الزمـان الحالـي نعيـش حالـة شـعـر هستيـريـة نسمـع قصايـد بـس مانحفظـهـا لا بـه شعـور ولا مشاعـر حيـة يجيـك شاعـر حـادرٍ لــه وادي وإعلامنـا معطـيـه مـيـة مـيـة وصـف الكـلام ولصمقـه لصماقـة وسمـوه نجـم الساحـة الشعبـيـة وضاقت مجلات الشعر بـ/ صـوّره وفـي كـل ليلـة أمسيـة رسميـة ماهوب شـرط إن القصيـدة جزلـة عـادي لـو إن أفكارهـا عـاديـة لو ( يحلب غيوم السما ) بـ/ الطاسة ويسقي بهـا مـن يجهـل الرمزيـة و( يرسم من الشارع ونور الموتـر) محبوبتـه بـ/ ألـوانـه المائـيـة أو ( يمتطي ظهـر السفينـه ) كنـه خيـال صفـرا فـي نهـار الهـيـة أهـم شـي يكـون غاسـل وجهـه إمن الحيـا وإمـن الخجـل موليـة ويضحك على جمهـوره المتعطـش لـ/ طلتـه وأشـعـاره السطحـيـة والله مـدري مـن عليـه الشرهـه تنسـاق لـه مسمـوعـة مرئـيـة نشره علـى الجمهـور وإلا نشـره علـى الشعـر والنقلـة النوعـيـة بـس الأكيـد إبداعـنـا لايلـغـى بـ/ سبـة أهـل النظـرة الدونيـة .. |
ياخطوةٍ جريتها مرغـمٍ شـرق
جريتهـا جـرة حزيـنٍ وتايـه وجريت معها ونتينٍ على طـرق وذرفت دمعـة غربـةٍ فالنهايـه على لبابة خافقي حلوة العـرق ام العيون الناعسـات التوايـه اللي بداخل بحرها مركبي غـرق وطاحت نجومي كلها من سمايه اللي ليا سافرت ودعتها سـرق خوفٍ عليها من حديث الوشايه حبي لها فرقٍ وحزني لها فـرق هي منوتي هي فرحتي هي غلايه رحلت عقب افراقها لاح له برق روّحت واحزاني تقطع حشايـه اجاذب اهمومي ليا غرد الـورق واحـن ليـام الغـلا والبدايـه ونا همومي كلهـا جنهـا زرق اسوقها قدمـي وترجـع ورايـه للمبدع / ناصر الحارثي ( هداج) |
من درر النجم / مشعان البراق
الشعر مايحتوي شخصي مثل ما آحتويه أحياناً ابحث عنه وأحيان , ما ابحث عنه أحيان .. مثل الأجر في صحف من يهتويه وأحيان .. ذنب ٍ ما كفّر سيئته / حسنه وأنا يالولا الولع ؟ ما سقت روحي عليه حتى لو أعطيه من دمي , ماهوب ثمنه أطلق له عنان تفكيري ( رحابه وتيه ) ! ما بين :- وزنه , وقافينه , وجرّ لحنه هذي مفاتيح صدري كلها .. في يديه من غيره اللي على اسرار الحروف آمنه مثل البحر .. والبحر ما ينخدع به نبيه وأنا ما ضحكني .. الا من يبي يدفنه ! عشنا وشفنا العجب ياجاير الوقت ليه ؟ تخلي المستحيله .. حسبة الممكنه مايفرح بـ/ زلة الاصحاب غير : السفيه اللي يشوف الزمن هذا .. ماهوب ازمنه يا مقطع الشك .. راعي الشك ما يدّعيه والحق .. راعيه لن كان ادّعاه آضمنه ما كنت حر ٍ .. مدرات الفضا تحتريه خفّاش ليل ٍ يشوف إن الظلام وطنه تشبه خواتك بـ/ طبعك جعل مالك شبيه حسّاس .. وأدنى ما تكّ بخاطرك وآشحنه لوّنت وجهك .. وصارت كل الالوان فيه حتى كريات دمك .. صارت ملوّنه هقيت فيك النزاهه وأنت ما أنت بنزيه ماهي بـ/ ويّاك دام طبوعك مهجّنه المدح لو تشتريه .. الحب ما تشتريه الحب في الافئده , والمدح بالالسنه أقدر أجازيك بـ/ أسلوبك , ولو ما أشتهيه لكن لا مني ذكرت الرجل من معدنه : أدور لـ/ خاطر اصلك .. كل عذر ٍ وجيه واشوف بينك وبين اصلك مسافة سنه لو بان مافي الخواطر مثل مافي الوجيه كان آكثر النعم بالمعنى الصريح / لعنه مجدك على أكتافي .. أصعدها ولا تحتريه يجيك , وإبداعك اللي فيّ : لا تسجنه الاوله :ماني بـ/ محرمك شي ٍ تبيه والثانيه : لأن ما أنت بـحمل ٍ أتعب منه ! ... |
عملاقه للفذ / فيصل السواط
ياسادة الشعـر ، الأدب فالشعـر منهـاج الأمـم يانكتـب الشعـر بمواثيـق الأدب .. ولاّ بـلاش ماكـلّ شـي يمـرّ فالخطّـر ، نسلّمـه القـلـم حبر القلم غشّاش بعض احيان .. وعلومه غشاش تبقى .. إرم ذات العماد .. بعين خلـق الله ، إرم مدينة قصور ، ومواطن خير ، وزهور وفـراش لو انّ فيها عيـب واحـد ، بـاذكـره ولا جـرَم حرّاسهـا واجـد ، وسيّدهـا كثيـر الارتعـاش والسور عالي ، واصغر الابـواب مايقبـل قـزم ماعاش فيها ، غير عملاقيـن بقلـوبٍ بشـاش واربعمية فارس ، وبنت حصان ، والباقـي خـدم يليّمون اللي هبوب الريح جت به .. في خيـاش والعزّ ، شال الساريه .. والساريه ، شالت علـم والعقل ، حط المشكله .. والمشكلة ، حطت غباش والشتم سهل ، وكل بـن رجّـال بلسانـه عظـم سلاح من ماله سلاح اخلاق .. وعظامه هشـاش والدنفسه ، والحكحكه ، ماخلّـدت شاعـر علـم يفقد مع انسانيّته ، مواهبـه .. ويـروح مـاش والحقد ، ماله في صدور اهل الوفـا موطـأ قـدم يستوطن الصدر الخراب .. ولا تمكّن فيه عـاش والضيق ، مهما كان .. ماعمره على دوله حكـم عابر سبيل .. تمرّ به قوافلـه فـي كـل جـاش يلخبط اوراق الضميـر العـفّ .. ويخلّـف ألـم لكنّ ماتكسر مساحيـه .. الغصـون امّ العشـاش والآدمـي مهمـا تجنـب فالخطـا ، دم ولـحـم مرسل ومستقبل .. مصوّر ومتصـوّر بالفـلاش لكن ضروري يدمح الاخطاء .. من بـاب العشـم لو يضمحّل القرم في عين الزعل ، ويصيـر لاش والطبع غالب .. والتطبّـع يغلبـه لامـن هجـم لاصار طبعه شين ، في تطبّعه .. خدمـه بـلاش لابد مايستوعب الانسـان ، وش معنـى : نـدم ولا بد مايستوعب الانسان ، وش معنى : نقـاش لـن النقـاش ، يعلّـم الانسـان يبقـى محتـرم ولنّ الندم ، مصالحة نفسه عليه .. بـلا هـواش والشهم ، لو دارت رحا الدنيا على قلبه .. شهـم كفّ التسامح ، مايمسّحهـا علـى حـد الفـرْاش والحب بين الناس .. مايولد ، علـى رز ولحـم يولد ، من بطون المواقيف ويثير الاندهـاش وعدم توافق آدمـي مـع آدمـي ، ماهـو لغـم يفجّر العشره مابين الناس .. وتـروّح طشـاش ياآدمـي والشـك عـمّ العالـم ، إلاّ مـن رحَـم خذها نصيحه وافيه ، من قلب مايكرهك .. كـاش مهم تبقى انسان واثق فـي ضميـرك ، والأهـم انّك تعرف ان الحياه بكبرهـا .. قطعـة قمـاش ... |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
امل الخبر ترا البشر نشرة اخبار "=" موجز وتفصيل الخبر لايضيرك لقد ذكر نطق باسم دم الاحبار "=" ان المساري ماتوافق مسيرك وانته مخير وابلغ الناس مختار "=" عقلك بما يفقه وقلبك بصيرك العز يوم انه طوى الدرب مشوار "=" جابه مصيره مع نحاي مصيرك ماصدق من انه للملا قام ينهار "=" الا قليل اغنيتبه عن كثيرك العلم ميدان التجارب والافكار "=" والفقه تفقيهك وعقلك اميرك الصمت في بعض المواقف له أثار "=" والا الكلام اهون من انه يثيرك دلوك لسانك واللغا بالسوء أمار "=" وحبلك نقاش وقاعة الصدر بيرك مواكر احرار الهدد كف الأحرار "=" والا السماء ماتنشدك عن مطيرك ومنازل زحول البشر عند الاخيار "=" قدام لاتطلبه شوري واشيرك اما انت ياللي كن قلبي معك طار "=" اوجعت بكفوف المواجع عشيرك خل الكحل يدرج على خدك البار "=" ماسال أرق من الغلا في نظيرك دمع البشر ينزل على الخد مدرار "=" ودمعك رقا سفح الغلا عند اسيرك بالصدر ثجاجك ونظراتك اسرار "=" ومستوطن فجوج المحاني اثيرك يا الذ واشهى من هوا النسمه المار "=" واشم واسمى من هواها عبيرك احساسك العذب النقي لوماهو حار "=" يشب في قلب الغلا زمهريرك انا سريتك قابليه ومقدار "=" يوم ان قلبي في حياتك خشيرك جيتك غلا جيتك وفاء جيتك اصرار "=" جيتك شعور وشعر .. وانت وضميرك [/poem] سعود بادي |
للرمز / خالد الحصيّن
حي الله .. اعظم شي يطري على البال يا نشوة احساس الخفـوق .. وحنينـه تفاولي قلبٍ .. مـن الجـال ل الجـال روضٍ شذى .. ب خزامـه وياسمينـه تجثم على دربه .. طموحـات وآمـال يـا منتهـى حلمـه .. ولـذة سنينـه قدام يدري .. انتي منين؟ .. ومـن آل كنتي حديـث يـدور .. بينـه وبينـه باسمك .. عطى للشعر تقدير .. واجلال الله يـبـارك فـيـك .. ولا يهيـنـه يرسم على عيونك من الحرف .. تمثال وانتـي فقـط .. تقرينـه وتكتبيـنـه خذا من احلامه .. مشاريـه واهـوال وبنى .. من انقـاض المدينـه مدينـه ان جا على عيون الجماهير .. يختـال وان راح .. خلا العالم تقـول: وينـه؟ حتى وهو شامـخ وقاسـي ورجـال يـذوب .. لا ضمّـة يدينـك .. يدينـه وشلون لو عرّج .. على حبـة الخـال واركـى علـى خـدك .. وغمازتينـه حنّي عليه .. بشوق واحساس ووصال دامه يبيـك بصـدق .. وانتـي تبينـه يغار .. والعالـم .. مشفّـح وعـذال وكلٍ يغـذّي الشـر .. مـن مقلتينـه خشّي حلاله عن هـل القيـل والقـال بجاه من روحه ل روحـك .. رهينـه واخذي من غسال الفناجيل .. فنجـال واطْفي لهب من يلتفت لك .. ب عينه! .. |
للجميل / فالح الشلوي
قل وش أسميك يا جراح ... يـا مـداوي لا أنت متواصل معي ولا أنت مقطوعـي! يامن علـى الجـرح مستبسـل ومتقـاوي مسلم .. وطبعك يهودي .. وفكرك شيوعي يامخزن الزاد .. يـا المملـوء والخـاوي كل ماكليتـك يزيـد إحساسـي بجوعـي لك منزلة فكر .. ما أحد ٍ معـه متسـاوي مفشـل ٍ فيـك تخطيطـي ومشـروعـي أجيـك عنـدي مواضيـع وحكـي راوي وأروح مدري وش أصلا ً كان موضوعي ياكسرة العود .. والكمبـود .. والجـاوي ياكل مالجمـر يصـلا أطرافـه يفوعـي يامحترف في الغياب وفي الوصل هـاوي لك طلةٍ ماهي بشهـري .. ولا اسبوعـي تغيب ! ولا أدري بغيبتك .. وش نـاوي ؟ وأنا على غيابك أسهـر راكـز ٍ كوعـي قلبك حجر .. صرت ماترحم .. ولا تاوي تضحك من الجرح .. وأنا أمسح دموعـي .. |
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي وش بقي وش عاد تبغا يبين=لابـارك الله فالسـرعـه وزلاتـهـا هذا نتيجة خطاك وحقد قلب ن دفيـن=وانا مالوم النفوس وبعـض غاياتهـا اخذتها وافيـه مابيـن خـده وعيـن=رح عاد عدل غثاء االزلـه وشماتهـا لاصار مافالبنادم حـس دنيـا وديـن=ماهيـب صعبـه يدربيهـا ويقتاتهـا جرب واخذ من كلام العالـم الاوليـن=من عال جته الرجـال وذاق عالاتهـا ولاتحسبنك وحيـد العالـم العارفيـن=غيرك ميامين قوم ن ترفـع اصواتهـا كم واحد ن مايشوف العالم بنص عين=امسى وعينه جداهـا كـض عبراتهـا ضول العرب والمجالس حفرة الغافلين=يازين بعض الرجال ومزين اسكاتهـا الثرثره ماتوصلـك المكـان الرزيـن=والصمت قفل القلوب وحجـب نياتهـا وليا عطاك الله الحكمه وعرف ن مكين=استثمـره فالفضيلـه وارفـع اياتهـا واياك وايا النميمه والكـلام المهيـن=مالك ومال الوجيه وكشـف عوراتهـا من نم نموا بـه الهافيـن والطيبـن=سلفه وياخذ جزاها من ذبـح شاتهـا يارب نزه لساني عـن قفـا الغافليـن=يارب عونك علـى الدنيـا وميلاتهـا [/poem] لصديقي / معدي المرقاب |
| جميع الأوقات بتوقيت GMT +3. الساعة الآن 02:09 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية