لـ [ عيونك / النعاس ] جيت و تواجدت ! وانا مزاجي .. لـ الشعر .. مش ولا بد تسأل وانا جاوبت لك .. ما ترددت ! من جد تعشقني ؟ و جاوبت : من جد ! :) |
في صوتك المبحوح .. حاجه عجيبه ، حاولت .. افسرها ، و عيت تفسّر ! تهدي اعصابي .. بـ رقه و طيبه ، و تجبّر اللي في زماني .. تكسّر ! |
تصدق .. اني قبل ما أعرفك .. ما جاني ! إحساس بـ إني بـ أعيش بـ هالرومانسيه صراحه .. انت ابعد من احلام و اماني ما اجامل .. ان قلت لك : حاجه خياليه قلت لك .. حاجات .. ما تطلع من لساني فـ [ الحب ] .. نص السوالف .. لا إراديه صرت أغلي اخوانك اكثر من غلا اخواني شف .. كيف سوت علاقتنا الغراميه ! في عيونك السود .. ضاع اسمي و عنواني وفي ضحكتك .. شبت شموع .. الحميميه تستاهل ابخل عليك .. بـ ماضي احزاني وتستاهل اعطيك .. في قلبي خصوصيه :) |
سرى ليلي و انا سهران يا مساعد و اجر الصوت ، عسى صوتي ليا غنيت .. يشرح لك عن اوضاعي من البارح .. شعوري لك عليه و خاطري مكبوت ، ابرر و اقتنع .. لو قلت : ما لـ ( السالفه ) داعي ! بيوت الطين و الاسمنت .. لو تفرق تظل بيوت ، انا واعي لكل اللي يصير و حضرتك .. و اعي ! |
انا .. سعيد بـ كل لحظة .. تجيبك ، وانا .. حزين ان غبت عني دقيقه ! أحيان .. تبطي ! ما تكلم حبيبك ، وأحيان هذه .. دايم تجيب ضيقه ! :) |
الى متى يا ذا الزمن ظلم و إجحاف ؟ ما طرت من فرحه وانا افراحي تطير ! شفني معك .. واواصلك لكن .. ! اخاف ! بكره تفرقنا .. ! ( ظروف و مقادير ) لو في ظروف اهل الهوى نصف الانصاف ما كان ضقت و قلت : تصبح على خير ! :) |
تقديري الخالص و جل احترامي ، لـ كل ( قصة حب ) .. كانت جميله ! جيتي و شطّبتي .. جميع الأسامي ، ماهو بـ ليلة ! بس في نص ليله كانت طموحاتك .. بـ كسب اهتمامي ، وصرتي لي الاحلام .. بـ أهون وسيله ! |
مانت علي بـ غيبتك ،، كل [ ضيقه ] ! وصار الحزن .. بعدك .. تصرف طبيعي :) |
لا صار مالي في غيابك .. مناعه ، شرهة يساري ! يوم تصفق يميني يا غصة الاشواق .. كلي شجاعه ، لكن عشان الحب ! .. لا تخنقيني ! حبيبتي .. بعدك .. لـ شعري مجاعه ، كأن القلم .. ما عاد يعرف يديني ! هاتي يدينك .. في يدي ربع ساعه ! وإنسي جميع الناس ! بس ، اذكريني ، |
برنامج الهم .. بـ رعاية ( غياباتك ) و مشاهدينه غصب مجموعة اشواقي يا هم .. شفّر عن اشواقي .. قنواتك كم لي وانا منك .. ادور فكة وثاقي ! |
عيوني .. البارحه ما خلت عيونك ، الا على كل دمعه منك ، لامتها ! وشلون تحزن ؟ و تحزن من يحبونك ! من كل دمعه تمر إبها .. سلامتها ماني بـ [ طيب ] لا عاد تقول وشلونك ، احوالي الطيبه .. فرحك .. علامتها ! |
[ALIGN=CENTER][TABLETEXT="width:100%;background-color:blue;"][CELL="filter:;"][ALIGN=center]:
http://www.aleqt.com/a/193662_17739.jpg [poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لو إنّا ما تعودنا الخساره .. لا لعب الهلال=لو ان الفوز عادي و الخساره ما تجي عادي ! ( فدا رأسك ) بطول كأس فيصل والصحيح يقال=بطولتنا الحقيقيه .. وجودك ترأس النادي[/poem] ؛[/ALIGN][/CELL][/TABLETEXT][/ALIGN] |
لا ذعذع الغربي .. و هبت هبوبه ، قامت تطير من الدفاتر .. حروفك ! حتى لو ظروفك تمر بـ ( صعوبه ) ما تبرر الغيبه ، صعوبة ظروفك ! |
لو .. [ بدونك ] ، عليها من حلاوة [ معك ] ، ما عجزت .. أتبسم ! واخفي أني .. ( حزين ) |
من ضيقتي .. ودي افضفض لـ الاجناب ! ان رحت عنهم .. في دقايق .. نسوني تعبت من رتم السوالف .. لـ الاحباب ! اجامل احبابي .. ! و هم جاملوني يدرون عن حزني بلا ذكر الاسباب ! و لو يجهلون الحزن ، ما يجهلوني ! |
جابتك الاشواق .. والاشواق فوق الظروف ، و عيونك الدّعج .. بيّن في هدبها السهر ! جيتي .. و كل العيون اللي علينا تشوف ! كأنك تقولين لـ [mark=#c2b1b1] العذّال [/mark]: موتوا قهر ! :) |
لا تكشّر .. يا حبيبي ! لا تكشّر انت ، ما يصلح لك الا ! الابتسامه دام وجهك .. بـ الفرح دايم يبشّر ! الزعل منك انت .. داعي لـ الملامه :) |
، انت القراح الزلال ! و غيرك انت الضما ، شوفتك كل الفرح ! غيبتك كل الهموم ! انا حياتي سما .. وانت القمر بـ السما ، لو شفت غيرك نجوم ! أكيد تبقى نجوم ! ، |
يا الكاتب المعتوه .. كلك وقاحه ، قلة حياء / قلة حياء .. ما بها شرح ! تجهر بـ ( ذنبك ) تحت بند الصراحه ، وتقول : انا ممتاز في جرأة الطرح ! |
في غيبتك .. محتاج 1 من 2 اما الصبر والا وجودك بـ جنبي انا ( اناني ) معك ، طيب و بعدين ؟ ذنب الهوى و الحب ماهو بـ ذنبي |
ذات غياب .. لا صرت تدري ! بإني ، أتعب بدونك ، بالله قل لي .. وش تسمي غيابك ..؟ بـ غيابك المزعج .. كسبت العواذل ، وانا الوحيد .. اللي خسرت بـ غيابك و المحور [ غياب ] |
تعالي و إحسبي .. كم عرق باقي ساري المفعول ؟ بعد يبست عروقي .. ما جرى في وسطها .. دمّي ! انا و انتي تقاسمنا التعب ، واللي يقول .. يطول ، خذيتي ما خذيتي .. بس انا اللي قلت لك : سمّي ! :) |
خير و مطر و اخوك بالله ، مزكوم ! ما غير أشوف البرق .. و أصد عنّه :) |
الوصل .. ضخ الدم في كل شريان ، والبعد .. قد يجعلك عرضه لـ جلطه ! الوصل هو الـ صح في عمر خلان ، والبعد ما به ذوق و اشدّ غلطه ! :) |
أرسلت رسالة sms لـ كوكبه من شعراء الابداع بـ المرقاب وكان نصها : أكمل الفراغات في البيتين التاليه :- اليوم ثالث يوم .. ( ................ ) وانا .. ( .............................. ) أجر صوتي .. ( ..................... ) من .. ( ............................... ) وكانت الردود كـ التالي : اليوم ثالث يوم .. ( من يوم غابت ) وانا .. ( ليا غابت عن ارض الفرح غبت ) أجر صوتي .. ( بالقوافي و شبت ) من .. ( حزنها شابت وانا قبلها شبت ) ياسر العتيبي اليوم ثالث يوم .. ( والدمع ما جف ) وانا .. ( قبل مانيب اسبّل دموعي ) أجر صوتي .. ( واضرب الكف بـ الكف ) من .. ( خوف ما يتبع غيابه رجوعي ) محمد العتيبي < = أخو ياسر :) اليوم ثالث يوم .. ( ما اوحيت لك حس ) وانا .. ( على غيابك تزايد حساسي ) أجر صوتي .. ( وانت ما والله تحس ) من .. ( علمك تصير قاسي يا ناسي ) متعب الشيباني اليوم ثالث يوم .. ( يا مشغل الناس ) وانا .. ( اتحرى جيتك يا حبيبي ) أجر صوتي .. ( واضرب اخماس بـ أسداس ) من .. ( قسوة غيابك .. نصيبي نصيبي ) خالد السيحاني اليوم ثالث يوم .. ( من يوم ما اقفيت ) وانا .. ( احسب انك ما تطيقين بعدي ) أجر صوتي .. ( لين قاموا هل البيت ) من .. ( حر مافي صوتي .. اخلفت وعدي ) عبدالله حنيف اليوم ثالث يوم .. ( والوضع ما زال ) وانا .. ( انتظر رده و طوّل و ما رد ) أجر صوتي .. ( واتبع الصوت و الوال ) من .. ( هاجسٍ فالقلب عدّا عن الحد ) ناصر الروقي اليوم ثالث يوم .. ( غايب عن العين ) وانا .. ( على جمر الغرام اتقلب ) أجر صوتي .. ( وانتظر منك بعدين ) منك .. ( استلذ بها و اقوم اتثلب ) and اليوم ثالث يوم .. ( في عيد الاحباب ) وانا .. ( على باب المحبه لـ حالي ) أجر صوتي .. ( واعتلي راس مرقاب ) من .. ( نارٍ الها فالضمير اجتوالي ) محمد السواط بما انه مدير شارك مرتين :) كل الشكر لـ التفاعل الجميل يا مبدعين ولله دركم :) |
| جميع الأوقات بتوقيت GMT +3. الساعة الآن 05:11 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية