[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله ان الصدر وان جيت بسجل دخول = كنه اللي فوق الاضلاع محذوف بحصاه و إن غصبت النفس بالشي ماجبت الحلول = كل من نفسي وفكري غدى له في اتجاه [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لمحت طيف الريم ياسرعة الطيف = جافل وذاير وقفة(ن) بانقلابه و انا انتظر منه المزون المراديف = عساه ما يبخل بوبل السحابه [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مبداء امتطيته و اعرف الدرب مسدود=وشعري هوايه مـا كتبـت احترافـا قلبي وسمعي والبصر كلهـا جنـود=لرصد الحدث ومتابعـة مـا يضافـا ويفور دم , وما وجـد مِنّـه يجـود=و للنـص تنسيـق النمـط والتفافـا و انا اعترف ماجابن الزرع محصود=وبنات فكري مـع حروفـي تصافـا ولا جرهدن في معركة ضـد نمـرود=ولا حـررن بصـره وكابـل ويافـا سيفي يـراع يفـر ويكـر ويعـود=لا يستمـع عـاذل ويرفـض يخافـا [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله اني كل ماسقت صلفات الهجوس = كل هجس(ن) في طريقي ليا سقته حرن ما تقول الا كما جذع من أثل ءمغروس = لين يبري حالي اللي حناياه انبرن و يا هجوسي يوم شبتن وشابن النفوس = خبرني عن طواري لولفي قد طرن ما اقتنع من عقب بتيت له دين (ن) غموس = والغلا محفوظ له بالشرايين إقترن؟[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترادم الغيم واسقى وصف لهضابك = ومن قمة الفكر وبل الوصف يتحدّر ولا ترهب وصوف حدسي يوم تزهابك = و إن كانه أخطأ بوصف نقول ما قدّر و قل لي وش اللي تبيه و ريّح اعصابك = يوم أنت تقدر تقوله و الا أنا ما اقدر عهد الوفاء موثقه يا ناقش خضابك = صخره من الله وفي لوح الفتى مقدّر ما ودي الخوف مما اقول ينتابك = ولا ودي إن خاطرك لا قلت يتكدّر و العين لو شافتك صارت هي أولى بك = و الحدس يفرض علي إيصير بك اجدر يصير لك اقرب ءمن اسدال جلبابك = و يصير يفهم إذا ورّد و إذا صدّر [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ارقد ملا عينك عوافي ولا باس = لو يأخذ التفكير ساعة مجاله لا لا تخاف ولا تلعثم بالاحساس = والخوف جعل الله يعجل زواله قسط (ن) من الراحه يبدد لك عماس = وما لا تطيقه ما طلبت احتماله كل المشاعر لك على طول حراس = وما لا يجوز لخاطرك لك بداله من بيننا كل الصعوبات تنداس = القدر عالي صعب كل(ن) يناله [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا لعب الاعصاب هد اللعب بشويش = والا الزعل سبب لجرحي نزيفه والعذر ما يروي كبود المعاطيش = و في لعب الأعصاب لي نظرة كفيفه ما عاد للحدس داعي في المطاريش = ما دام به صاحب(ن) حدسي يخيفه راجح ولا هو من اهل الجهل والطيش = الثقل له دل و مزوحه خفيفة إن قلت ضايق يجاوبني على ويش = و والفت صمتي وهو صمته وليفه وفجري تنفس و طيري نفّض الريش = صحاه من غفوته غصن ءو وحيفه وادع مقره بصدري رافض يعيش = مع ضيقة الصدر و هموم (ن) لفيفه ماني من اهل التصنّع والمغاشيش = و الجو بيّن ربيعه من صريفه[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض القوافي عابره كنها الطيف = لو هي تعبّر عن بيان وحقيقة وبعض القوافي خالط مزوحها زيف = ضحكة فكاهية بنهج وسليقه وبعض القوافي كنها ضربة السيف = حدّه رهيف وكل ضربة وثيقة وبعض القوافي كنها روض في الريف = متعة نظر تجلي عن الصدر ضيقة وبعض القوافي مثل سحب(ن) مراديف = برق ورعد مع رحمة (ن) للخليقة وبعض القوافي عج صيف وشواعيف= جوّه غثيث ولا يبيّن طريقه وجهة نظر مالي على اهل الشعر نيف = النبت يتنوّع زهور ورحيقه وفي خط سيري ما التفت للملاقيف = نقاد كل(ن) يستعين بصديقه[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أثر الغلا له فنون الشعر تنساقي = وقت الزعل والرضا تسعى لتبجيلك تستاهل البدع والإبداع بك راقي = بإبداع جيلي ولو ما وافقه جيلك بيني وبينك تراك أدميت خفاقي = وشلون من نزف دمه تسقي اكليلك ضيقت صدر(ن) ينادي لك ليا ضاقي = يرتاح في قربك ويعشق تعاليلك وبأسباب كلمة قدرت تهز الاعماقي = والا على اقفايتك والله ما انادي لك وقدرت تحشر بكلمة, دمع ف/ احداقي = كلمة تقص لظهر في عجزك ايشيلك و أنا على سجيتي ما امثل اخلاقي = وكلي ثقه ما تعاملني بتمثيلك ولا ودي اخسرك , و إلك أوفاي ميثاقي = لأدراك حتى لو تشح بمواصيلك و بعض العتب بلسم و للجرح ترياقي = و بعض العتب تكسر بوجهه فناجيلك قل لي علامك, توقع , و, اترك الباقي = ولك مني اني بكل اوقاتي ادعي لك [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تعطش عروقك لعذب شعر وما احتواه = و كل حرف(ن) من جزاله فتل لك شاربه اقبلي جزله قلايد ولا تقري غثاه = والله اللي للخلايق قسم وهايبه و ابشري أن نوار عشب الحيا يذري ذراه = وكل روض (ن) شايبك جاه ضحّك حاجبه [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما اعتذاراتي هروب ولا من المجلاس عايف = والارق ما جمل الشايب ومنها جف ريقي ودي اني ما اعتذرت من السهر يوم انت شايف =في العلوم علوم و الإنقاذ يطلبه الغريقي والخيال ليا سبح في اعلا سماء ماجاء مهايف =يشبه عقاب الطيور إن طار بجناحه طليقي شف خيالي كل ما يجهم ويسري له سفايف = ما يحدد له مدى لو ما لقى بدربه صديقي و لو له ارخيت الرسن حط الشداد مع الكلايف= و امتطى درب السفر و العالم الله من يطيقي؟[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغلا ما هوب في السوق سلعة و اشتريه=يا وليف(ن) دونـه الـروح اقدمهـا فـدي إن شكيتـه للقوافـي تسابقـنـي علـيـه=من محبتها لـه اطريـه و تجينـي عـدي تستعد وتستريـح الحـروف بـدون ليـه=لو قبل لا اطريه مثـل الجـوازي الشـرّدي فيه من طبع الجوازي جفـول(ن) يعتريـه=وفيه من وصف المهار الشموخ المفـردي و اعرف إن الشوك يخجل ليا لامس يديـه=و إيتحـوّل لِيـن ورد الصبـاح الجـددي ما لحقه الشك في نفسـه الولـف النزيـه=ولا لحقني شك , له منزلـة نجـم الجـدي ماحكم له حكم عرفـي علـي الا ارتضيـه=ولا يحكم الا ميانـه لهـا حبـل(ن) مـدي [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصبح على خير ياغصن(ن) توارى من ورى أوراق = و استودعك ربنا المعبود و إن طال الغيابي [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في ميادين الحياة وطبها و اجراحه = مايفيد بها عبوس ولا يُجنّ الصاحي كل فكرة في بساتين الزهر سوّاحه = و تقطف من الورد يوم إن الشذى فوّاحي عانقي حرفي فرح ضد الحَزَن و اشباحه = و انسي احزانك وغني للفرح و ارتاحي لين تشرق بسمتك شمس الضحى الوضّاحه =و الشحوب اللي على الورد الندي ينزاحي [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السامري مجنون جرّه بالالحان = يتل معه القلب لين يغدي به و يبقى صداه بوسط صدرٍ له مدان = لو زلزله زلزال ما احد(ن) دري به [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت الهجوس بخاطري يوم ما دك = و بقى بطي الصمت ما جاء ودكه ياليل سامرني على ثورة الشك = و حاول تبرر ما ينافي ل/ شكّه في الصمت قدمه كني موقّع الصك= و في كل كلمة قال الإثبات صكّه [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بوح القصيد ومسرح الفكر في جو = ما كدّره عاذل ولا حاف جوّه وبنات فكري تنهمر كنها النو = في أول نجوم الوسم لا هل نوّه ياليل شد القاف في ليل يحلو = و درب التفاهم معك ياليل سوّه [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للحقيقة طعم ما يستسيغه كل ريق =والله اني بالتجارب مخاوي للزمن يا صدور (ن) تدّعي بالوساع ولا تضيق= الحليم ءليا زعل ضيقته تبدو علن و بيّن اللي ضاق صدره لمزحه من رفيق = وبين اللي صدره ءلزلة الصاحب وطن [/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو جيت ابي انظم جديد الطرق زعلني = وانا ارضي القاف مير الوقت به ريبه زبّنته سنين كيف اليوم ما ازبنّي = و أنا على كل لحن(ن) واضح اجيبه و الا إن شبه الحذر فاق و تمكني = في عالم ٍ مختلط صفو و حثاريبه لو كنت واثق وما اقوله يجمّلني = ادرى المناقيد من صحبي و اجانيبه والا زمان التغيّر صعب يفتني = لو زام جيل التغيّر هو و اساليبه [/poem] |
http://up.mergab.com/uploads_pic/8c0d9fbca8.jpg مع اعتذاري الصورة مسروقة من ركن عبدالرحمن حمد ( بصمة الهامي ) :) [poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يوم فكره سج ساعات ءمتحيّر = واثق بدنيا الفنى مامن ضمانه شايب(ن) ماهوب في صوب التغيّر = الطبيعة طبع لو يقسى زمانه ومن مذاق ال/ مر ما وده يسيّر =العصا ضاعت و هو كاسب رهانه يوم هيفا مع اليسا مع نويّر = قايدات(ن) للتغيّر بالحصانه وللعمر يا اهل التغيّر من يجيّر = ومن تقدّم سنه بياخذ مكانه[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مقيدني بعهدٍ معه وااافي = ماتقول الا المواثيق القديمه يوم من يعطي عهوده غصب يااافي = ومن نقض للعهد كل(ن) جاء خصيمه مير قل لإحساس هجسك ليه غافي = ما اعتبرته ضيف اقدم له عزيمة خبره يقلط ترى الدنيا عوافي = له مكانة فوق والنيه سليمه سوق للمظهور مع كل الفيافي = ومسكة عنان المهار اكبر ظليمة اطلقه في الجرهدي ولا تخافي = و العتب يوصلك كان انك تضيمه[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طيور من الهوى تملا الصدور وتخفـق الجنحـان = تخاوى مع بنات الريح وترف الجناحينـي تهاجر من مواطـنها و لو هـي تألـف الأوطـان = ويبقى أطلال للذكرى و شاهد عصر للبيني و يطول الانتظـار لمن شكى من لوعـة الهجـران = يراقب كل مشرق شمس عودة للمحبينـي تموت البسـمة لصـدر(ن)عطش ماعـلّها الهـتان = مثل بيـرٍ نشف يوم ابتداء نجـم الكليبيني لو انه يرقب سهـيل اليماني تخـضر الأغـصان = يضيّع حسبـة التاريخ صار اليـوم يوميني محاحيل الزمان تـدور بـه لو حـاول السلـوان = ترجّل عن جواد الصبر لأصـوات المناديني يطول البعـد يا شمس الإصـيل ومركب الربـان = بلا مـرسى مع الأمـواج اداريـه ويداريني أكون احيـان مع ميلـه لو انه ما يطـيع احيان = وإذا إنـه تـأزم أمـر اواسـيه ويـواسيني ابي شاطيء الغروب و حدني دونه حمم بركـان = ولو شفت الهدف خلف الحمم قلت له يمديني سحاب وليـل داجي ولا رصدت احـداث ماجلان = وبقى هاجوس فكري في المحيط بلا عناويني[/poem] |
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تل قلبي تل جمسٌ يوم تلاّ = سايقه هارب من السجن ءمحدود باع نفسه بيع ما يرضى بذلاّ= دون عرضه قاتلٌ سبعة جنود طالت الأيام في سجنه و ملاّ = و انتظاره طال وادمته القيود وهربوه بليل من سجن المُكلاّ= وسلموه الجمس والعالم رقود ما يبي صاحب ولا دوّر لخلاّ= مايبي ياكود دار آل السعود واقتفوه اهل الطلب من عقب فلاّ= وكل ما ارخى للقدم عزمه يزود ذا سبب بيتٌ قريته ما يجلاّ = المجنب ليه تبلاه القرود[/poem] |
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامثري الصدر بالاشوق قرّب تعال = نستمطر الذوق , و مزون الغرام الدفا طوفان بحر العواطف من لهب و اشتعال =لحظة وصالك تأجج لك فرح و إحتفاء و استوقد الليل شمعة تستحث الوصال = لذة غريق(ن) عن عيون الرقيب اختفى معك الحقيقة تحدى كل عالم خيال = في عالم ٍ واقعه حطّم صروح الوفاء[/poem] |
[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على ضفاف الشط في دار عينيـن=الموج يوصل له ويعطيه الاسرار وانا عطيت الموج كلمة وبيتيـن=تعبير خافي جاش في نظم الاشعار حمّلته الاسرار ولها نياشين = بصمة عليه اثبات والشمع والنار للموج حمله بالأمانه براهين = إليا وصل لأقدام رجليك ينهار لا تنشدين الموج من وين و لوين=ولا تفرضين الصمت بالحكم لو جار ردي بحكم العدل و اوفي موازيـن=قسطاس عدل ويعكس الموج تيـار استأذنك صمته وصبره زمانين = حتى انبرى حاله ولا اعلن لك جهار وناجاك طيف مثبته في دواوين = وارسل مع الامواج في غزر الابحار وارسلت له ليزر سهومك من العين = و ادميت معلوقه قبل وصل الأنظار لك جاذبيه تحكم ءبها البعيدين = ولك نظرةٌ توردني لحوض الأخطار عليـك ون وسِهـر والنـاس غافيـن=و جاوب لبوح الورق لاغصان الاشجار وعليـك نـادى يستبيـح القوانـيـن=لـو تستبيـح الـدم ماتُطلـب بثـار وبيني وبينك مالنا عذر في البين = في وصلنا ياقرب دارٌ من ديار وبيني وبينك لو صفا ولف قلبين = ما يفرح العاذل بتبرير الاعذار[/poem] |
| جميع الأوقات بتوقيت GMT +3. الساعة الآن 03:35 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية