[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اختر لنفسك انا اخترت الطريق الطويل= بعض الخيارات ماتترك لنا الاختيار

اخترت احبك وشفتك قد مااقدر جميــــــل = على حدود النظر والعجز والاقتدار

كنت فعيوني على حد البها المستحيل =فــ عين بدر الدجى وفـ عين شمس النهار

استكثر الحب فـ عيونك ولو هو قليل = واستصغره في فؤادي لو جروحي كبار

انحت من الصمت كلماتي وروحي تسيل = على الورق واشعل لك الدنيا حروف نار

مااقول كان لعيوني عن عيونك بديل = لكن مثلي اذا ماحب .. حب بقــــــــرار

لو قلت للقلب لاهب الهـــــوا لا تميل = مامال يمك ولو آخر جداه انكســــــــار

اختر لنفسك انا اخترت الطريق الطويل = بعض الخيارات ماتترك لنا الاختيار[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حرام أكرهك وانت الحلال الحرام =ليـه احـمـلك ذنـب الحـب وذنوبـي
ليه أجي كارهٍ نصفي وصـوتي هـدام =احفر عيوب غيري وادفن عيوبي
ليه أناديـك حـلم العـمر تحت الظـلام =وانت وجـهٍ تلاشى فـيه عـذروبـي
عيـبـك إنـك تشب الـنار بـرد وسـلام =ما تقـول احـرقي يا نـار محـبوبي
ما حـيا الصدق فيك إلا بموت الكلام =ولا رضيت الشروق إلا على غروبي
قبل اعرف السهر من قبل اعرف المنام =كنت أحبـك وأحـب الـليل ودروبـي
جيت أبكرهك طاح القلب عشب وحمام =والتوى طفل يبكي في طرف ثوبي[/POEM]

.....!!! تعالى نهيم !!!.....

تعالى نهيم
فى دنيا المطر والغيم
ولكنك
تخافين وتخافين وتخافين
وعندك شي تخفينه
وأنا أحب المطر .. وأنتى تخافينه
ولا أدرى سبب خوفك؟
ولا ظنك بعدتدرين!!
تخافين المطر
لا يبلل ثيابك
تخافين الرعد
لا يرعب أحبابك
تخافين أن لمع البرق
فـ عيونك يبان ما تخفين.
ابركض فالمطر وابتل
وأذا أرعبك المطر ليله
أنا أرعبنى الجفاف سنين!!

.....!!! رميت الورد !!!.....

(رميت الورد .. طفيت الشمع)
مضى عامين
مامر بكلامي دمع
ولا مريتي بعيوني
يا انتي
اي حزن اللي تركتي لي
واي احساس
ياكل الارض
في قلبي .. وكل الناس
وش اللي فيك ماينحب
وش اللي ينكره وركه
تغيب الشمس وتشرق شمس
وبكره لو يجي بكره يصبح امس
مثل ماكان في يوم من ايامنا بكره
وترا اللي حب مايكره
اقول اسمك وينبت للمعاني قلب
وتحضرني اغاني حب
وقول الدنيا لسى بخير
اساميهم تجي وتروح
واسمك مايفارقني
يجي مثل البحر
ويروح مثل الروح
انا ماخترتك احاسيسي
والا خترتي تحبيني
يقلون المشاعر
في سماها طيور
وانا اقول القلوب اشجار
ومن متي كان الشجر يختار
رميت الورد طفيت الشمع
مضي عامين مامر بكلامي دمع

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيّ هالصوت يالعذب الصدوق=مرحبا ليـن يرضيـك السـلام

نوّر الليـل وأنـورت الخفـوق=بإتصالـك وصحيـت المنـام

صوتك الصبح ياطعم الشـروق=بعد ليلـة شتـا بـرد وظـلام

أسمعك يابعـد عمـري وأذوق=لذة الحب فـي كـاس الغـرام

كان ماشتاق لك وش اللي يشوق=في حياتـي وأنـا كلـي هيـام

السوالف معك نبـض العـروق=والسوالف مع غيرك " كـلام "[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خطا..خطا..صح..لكن صح ماهو صحيح=حسبتها الف مره..والف تطلع خطا

الصمت شاهد على قبر الكلام الذبيح=كانت عيونك فشق بندق وشعري قطا

سكت..والشعر يصرخ والقصايد تصيح=والقلب عاري وانا صمتي فراش وغطا

لوبعض الايام مرتني بوجهِ فليح=جتني الليالي تشيل الجرح حتى سطا

ياليتني قبل اعرف اركض تعلمت اطيح=لاجل اتقي شر عثراتي واعاف الوطا

ياليتني قبل اعرف اتعب عرفت استريح=عشان ماتوجع دروبي ثقيل الخطا

جيتك جريح الكلام وكان صمتك جريح=بين المجاريح ماحاجة دخول أو سطا

تدري وش اللي عجبني فيك غير المديح=تنسى التفاصيل في كذبك وتنسى العطا

خطاي مايستره صمتك وعذري شحيح=وخطاك ماتدمحه وحشتك عقب البطا

هذا انت ناسي من انت ومابقى للصحيح=الا اني ارجع وانا جيتك وهذا خطا[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]توجعت فـي صمتـي لأن الكتابـة نـوح=نسيت القلـم والا القلـم صعـب ينسانـي

ما بين أفضحك مستور والا أسترك مفضوح=بكى دفتري يـا قاهـر الصمـت وابكانـي

أبيعك بليلـة غـاب عنهـا القمـر للبـوح=ويشريـك مـن نظراتهـم طـول كتمانـي

أعلي جروحك فـوق لا طيحـوك جـروح=وانزلك وإن ضاق الفضاء فيـك وجدانـي

لك الضحك ما دام الليالي عتـب ومـزوح=ولي الدمع لا غابوا عـن العيـن خلانـي

كتبتك وكني نازعك مـن حشـاي الـروح=قريتـك ولكـن الـورق فـيـك مـلانـي [/POEM]

أحمد مرزوق المطيري

تسلم يدك على النقل

امتعت محبين الشعر ومتذوقيه

وصح السان الشاعر / سعد الحريّص



تحياتي لك يالغالي

قصائد رائعه
لشاعر من أروع الشعراء واكثرهم جمالاً
سعد الحريّص

شاعر لايختلف على شاعريته أحد

الف شكر لك عزيزي أحمد .. على هذا الإهدأ القيّم

تحياتي لك

والله شي طيب
انا صراحة ماقريت لسعد من قبل
ولكن تاكدت اني مخطي


لاهنت يااحمد

مرضي الشمري



شرفت بمرورك

.

احسنت الاختيار يا احمد


.

ناصر تراحيب


شرفت بمرورك

احمدمرزوق


الف شكر لك ماتكفيك
سعد الحريص قامه شعريه ومن الصعب ان تتكرر في الساحه


هذا هو الشعر الذي افتقدناه في الساحه

سعد شاعر كبير ومبدع لن يمر في ذاكرة الساحه مرور الكرام


لله در بو عبدالرحمن الغايب الحاضر


وكل الشكر لك يابومرزوق..واتمنى انوجدت قصائد له غير الذي قدمته ان تزودنا بها





تحياتي لكـــ

اخووووووووووك

اقووول الله يبيض وجهك يا احمد ولا يهينك


والحريّص شاعر عرفه عنه الابداع والإمتاع

لي اكثر من عوده هنااااااااااااا للاستمتاع بلا شك

[align=center]( مراكب خشب )



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أيه احبك ولا ارضاها لعينك تهون=لا ولا كل من تبكي اببكي لها

تحسبين البكا فرقا ودمع وعيون=والبكا سيد الدنيا ومنديلها

ادمعي لين تنبت لليالي جفون=وأملي الوادي الضميان من سيلها

وارحلي مثل ماترحل توالي المزون=وارجعي ياسحابه عقب ترحيلها

ارجعي لي رجوع البدو لارض حنون=أو مراكب خشب هد البحر حيلها

واركضي فوق اوراقي وهم يزحفون=ويلي ان شحت حروفي و ياويلها

اجمل الشعر مايثبت حكايه ظنون=واصدق الشعر ماينفي تفاصيلها

ياغلاي ان كتبتك مثل مايكتبون=من نهاري تطيح الشمس في ليلها[/poem][/align]