موضوع جميل من كاتب أجمل
أبتذكر لي ( طعـّه) وراح أرجع إن شاء الله تحيّتي |
:
: الى كل (( حبّاني )) .. اللي قالوا نبي (( نرجع )) .. تراني (( حافظ )) اساميكم (( 1 )) (( 1 )) .. !! لاتأخروووووووون .. !! :092: :092: :092: :092: :092: :092: :092: |
عبدالرحمن ,, انا ماقد صارت لي طعّه ولله الحمد
<<---- ايه هيّن |
لايوجد الان في رااسي ولا طعة مثل ما انت من يومي ماشاء الله علي وانا عاقل
انما هو لن حصل وذكرت جيتك مسرع !! |
اقتباس:
الشروخ هذي لها علاقة بشرخ اثنعش وبالنسبه للطعات ما منها فكه الى اليوووم ابشرك |
اقتباس:
اسمع خلنا احباب واصحاب ترى ما قلت إني بأرجع بس يمكن أرجع |
اقتباس:
ههههههههههههههه وهذا (( 1 )) من طراز (( حبّاني )) .. أظيفه لـ (( القائمه )) السابقه .. التي لن (( تقعد )) حتى نقرأ طعّاتها هنا .. !! :092: |
طعّه .. كنت شاهداً عليها :)
واحد يعبي بنزين من المحطّه .. العامل ( هندي ) ابو الشباب صاحب السياره .. جاء يشيّك على التعبئه المهم .. كان فيه زحمه وسيارات ومعه 3 في سيارته والاخ مسوي نفسه فتوّه --> يعني قوي المهم راح للهندي .. وقال له .. وهو ينفخ ليه ترش على السياره - من زين سيارته كرسيدا 88 :) وعلشان الناس يشوفون القوي هذا .. راح يرفع صوته على الهندي واثناء ذلك .. رفع يده يبا يضرب الهندي .. كف - والظاهر يبي يخوفه لإنه كان يضحك - المهم ابو هنّود .. يوم رفع الفتوه يده وبسرعة الطلقه رفع يده ثم عطاه كفٍ يسمعه الاقصى قبل الموالي . وهي تقنبع .. ويجون خوياه اللي فالسياره .. وياخذون رفيقهم .. ويقولون تستاهل :) :) |
ابو حمد ..
الطعيطعات جااااايّه .. ;) ;) |
اقول ياكثر طعاتك كثراااه يابو حمد
سي يووو |
0 0 0 على طاري الكويت 00 عندي قصة طريفة لواحد من الربع ! انتظرووووني 00 |
يقولون هذا واحـد الله يغفر له فالديرة عند اهل حرمته
وحاطينه لاجاء الليل في بيت متطرف عنهم يرقد فيهم من شان بعضات الامور اللي الله الله يقول : ولا والله الا فيه ديك مغار على الباب لاجات الساعة 2 الليل والا 3 ها قام يكوكي ويصيّح على باب البيت اللي انا فيه ولاطلعت الشمس راح للشبك ولا اقدر اذبحه اخاف عمي يذبحني .. ومغار اتحيّن ساعة قتله متى يقول : وهاك العصرية في ظلال العصر وابو الحرمه ماهوب فيه ليا الديك هنااااااااااك في هاك الطلعة يلقط وياكل النمل ولاعندي هاك الساعة من السيارات الا الوايت .. وهو يشغله لين تعبى هوى وهو يدوس له ويمشي الناس مايدرون وش الطبخة يحسبونه رايح للرياض .. ابك هو راح ولا علمنا والله المهبول صحيح يقول : يوم وصلته واقول به يمين واقول به يسار والوايت مغار شكامينه لها دخله ويجي له هاك النهار عصرية رشيد اللي يقولونه الله الله |
بسم الله الرحمن الرحيم
طعّتنا هذي يابو حمد .. ولا قاطع لواردك يابو محارب :) .. كنا في رحلة بريّة انا وفيصل ومعنا ثلاثة من الشباب .. مشوربين .. المهم .. حنا على خط الساحل الغربي .. واتجاهنا شمال :) .. وبعد العشا دخلنا مدينة ينبع .. عاد الشباب مأمريني عليهم .. أمارة مثل أمارتك في رحلة الكويت تخبر :) .. الله الله وجات المشوره .. على العشا .. وش تبون .. يالربع ..ووين المطعم المضبوط في ينبع .. و ماتشوف ألا الهوشه .. اللي يقول نبا دجاج .. واللي يقول نبا مندي لحم .. واللي يقول يالربع لا تعطلونا ورانا مشوار .. مشوها سندوتشات على الخط .. سريع سريع .. ويوم .. شفت الشباب .. تفرقت آراءهم كعادتنا العرب .. مما زادني غضبا طبعا وانا أمير الركب قلت .. العشا ... لحم مندي ..خلااااص .. <<<<< الله الله نخبرك مزار :) قالوا : ها وين تلقى المطعم .. قال احد الشباب .. قدام قدام .. رحنا الين تعبنا قدام ماقلينا شي قال اصبروا قدام .. ومابين قدام .. وطقطقة ابو ريماعلى الرجل غضبت ونزلت القزازه .. في أحد الاشارات .. صائحا لواحد ينبعاوي جنبنا .. ياولد (( وين أقرب مقرب مردي عندكم )) .. أنا قلتها .. الرجال مات ضحك ... واخوياي .. على راس فيصل جلسوا يكررونها لين بغينا نصدم اللى قدامنا .. الله الله .. وباقي ... الطعيطعات جاااااااااايه :) |
:
: وهذي سالفه .. دارت احداثها على احدى الطرق السريعه .. سيارة (( جيب )) تقترب من نقطة (( التفتيش )) .. يقوم العسكري يجر خطاه بتثاقل .. يصل الى السياره الجيب .. ويرا بجانب الراكب (( حرمه )) عليها برقع .. وكاحله عيونها .. فتطير عيونه فيها .. يطلب من صاحب السياره .. أثباته والرخصه والأستماره .. لكي يطيل انتظاره .. لعله يسرق مزيد من النظرات .. يأخذ ماطلب ويتفاجأ بأن استمارة السياره (( مطووفه )) .. عندها قام ابن الحلال يبي يسأل صاحب السيارة عن سبب تطويفها .. قال : (( عيونها )) وراها مطوووفه .. ؟؟ قال صاحب السياره : أيش ؟؟ قال : (( عيونها )) وراها مطووفه .. قال : وش عيونها .. ؟؟ وفطن لعمره قال : خذ اوراقك وتوكل على الله .. وعاد يجر خطاه الى مكانه في انتظار جيب آخر (( عيونه )) مطووووفه .. !! teeth: |
هههههههههه عجيبه هذي العيون المطوّفه !
الحقيقه موضوع جميل وانيق ولكن السؤال هنا وش تبيه يقول اللي حياته بكبرها طعّه ؟ سلامي واحترامي |
اقتباس:
كما شعرنا بصاحبنا (( العسكري )) .. الله يرزقك بـ (( ألف )) حنونه .. تقلب باقي حياتك من (( طعه )) الى (( طاعه )) .. !! سوف انتظر شي من (( طعّاتك )) .. !! :) |
اقتباس:
أجل ((أفتح)) اذانيك كنت في الثانويه وعندنا مسجد تو الجماعه مسوينه وحنا الحين في رمضان...والإمام مافيه . ها من يصلّي بالجماعه ((التراويح)) >>> مالها الا جمالها ((المسرّي)) >>> المتعلّم الوحيد أكيد المهم (( تحزّمت )) وكلمت ((واحدن)) من العيال يساعدني >>>عاد من كثرها 11 ركعه يصلّي أربع والباقي اكمّله ...((استعد الرجال وبدينا)) الليل الأول : تقدّم خويّي هذا وصلّى الركعتين الأولى وسلّم وقام يصلّي الثالثه والرابعه ونسي المسكين وجلس بعد الثالثه >>>بيوتر من بدري صاحوا عليه ((الشيبان )).. سبحان الله سبحان الله وقام وكمّل الرابعه وسلّم وهو ((غرقان في ثوبه)) ونسي يجيب سجود السهو وتأخر شووووووي وفجأه صاح (((المؤذن..وهو (( أبو)) اللي يصلي بنا))وكان جالس وراه بالضبط وقال : " وين سجود السهووو " الولد مرتبك وسجد مباشره فرد ابوووووه بنرفزه ثانيه وقال : ((ما عاد تنفع)) فقام الولد وكان ساجد وقال بصوت عالي ((في المكرفون )): الا تنفع ليه ما تنفع فعاد دوّرنا ولا تلقانا وبعدها كمّلت بهم أنا ياذا النشمي ولا زاد خويّنا يصلّي معنا نهائيا .......................... |
^
^ هههههههههههههههههههههههه ههههههههههههههههههه هههههههههههه ههههه مدري بس عندي شعور أن اللي دوره يصلي (( الأول )) أنت .. بما أنك (( المتعلّم )) الوحيد .. اعترف .. اعترف .. اعترف .. <-- ياخوي ماهو معترف .. انت تطلبه شي .. ؟؟ بس تباني اعلمك (( رفيقك )) هذا جرئ كيف قدر يرد عليهم .. بعد هـ (( الطعّات )) المتلاحقه .. !! أضحك الله سنك .. ياصديقي .. !! :) |
^
^ فيه عندي طعّه خطيرةً جدا ومستحي لا اقولها |
اقتباس:
ههههههههههههههههههههههه أكبر (( طعّه )) أنك بالذات تستحي .. أخلص علينا وأرم بها هنا .. !! (gn7786- |
باااك
.. يا طويل العمر قبل تقريباً شهرين كنت انا واثنين من الشباب ( إخوان) على سيارة الكبير منهم متكين عند الدوارات اللي عند جامعة الامام ومواعدين اخوٍ لهم ثالث على سيارته ومعه خويٍ له المهم الرجال اللي بيجينا فيه شوية رجـّه ويحب الاكشن حباً جماً ، ويوم اقبل علينا وعرفنا حبّ يسوي اكشن ويسحب ذاك الجلنط وتفرّ به الموتر تفرّ به تفرّ به وتحضر به في سيارة اخوه الكبير.. عاد شفنا لحظتها ، اللي يضحك واللي متعجّب واللي منحاش ! والحمد لله ما حصل إصابات في الأفراد والحديد إصاباته متوسطة إلى بسيطة وسلامة قلبك |
^
^ ههههههههههههههههه ختامها (( جلنط )) .. !! :) |
| جميع الأوقات بتوقيت GMT +3. الساعة الآن 09:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية