اقتباس:
وشوفوا لنا سعد الموقي |
ابشر
هذي لسعد اقتباس:
|
اقسم لك بالله يا بدر .. اني جايب القصيده هذي
من اقرب القصايد لـ نفسي وفكري للمبدع / سعد الموقي ! :) لحظه ادوّر للمبدع الثاني ! :) |
اقتباس:
لله درك يا محمد ! / طيب ابي قصيدة ( عمود الظهر ) للمبدع / عبدالله بن قنيص ! |
يا خالد
الطالب انت .. والمطلوب عبدالله بن قنيص .. والقصيده عمود الظهر هـ من أين المفر ما تعلّمني ؟؟ [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] انا يارجال المعرفه ياؤلي الالباب = مع اهل الشعر من عادني بزر إلى ذالحين ألي ذايقه في الشعر تفتح لي الابواب = اعرف القصيد الزين كله واعرف الشين وذالحين قد عمري يتراوح وتوي شاب = من السته وعشرين الى السبعه وعشرين احب الشعر وامارسه والقصيد كتاب = عنواينه تبيّن لي اللي مهوب يبين لامني انشغلت اصك بيني وبينه باب = واذا شفت نفسي فاضي افك له بابين لكن الهجوس الليله تحايل المرقاب = تبيه ويبيها والقريحه تبي بعدين ولا ادري منين ابدا ولا ادري وش الاسباب = لكن ياهجوسي واصلي والعرب ممسين انا الشاعر اللي لا احتمى الماقف الغصاب= لك الله ما اخيب في الرجى هقوة الهاقين لواني مريض ومن صدوف الزمن منصاب = وفي القلب جرح وفي عمود الظهر جرحين اباقف لـ .صكات الزمن ماني بمرتاب = مثل ماوقف لـ .الترك راكان بن حثلين وابآرد على الجمّه وابجرّي الهيّاب = مادامً لي عمرً مسجّل مع الحيين لين الله يزينها لنا وتهدا الاعصاب = ويروق المزاج وننبسط والامور تزين واغني طرب واللاحي الغربي الهباب = ملاحات اناسة خاطرً تكسر الروتين ياقلبي لاتحزن لو تشوف الدروب صعاب = هذي عادة الايام تقسى ونوب تلين وانا الله عطاني عقل وادراك واستيعاب = عيوني تقديني واشوف الدروب اثنين امرّ اليسار الملتوي واقطعه مجناب = واسج القدم وامشي مع الغانمين يمين والاعراب مايعرف حكاها سوا الاعراب = وانا يعربي واحكاي واضح واعرفه زين ولا اضحك مع الجاهل ولا اجامل النصاب = ولا ضاع عندي دين .. ولا غدالي دين مثل مالي اعدا في زماني ولي اصحاب = عسى اعداي والله فدوة اصحابي الغالين رفيقي من الاجناب والا من الاقراب = مقامه وتقديره على الراس قبل العين ينومسني الطيب لو انه من الاجناب = ولا اداني العيّه لو انه من الادنين قصير الشبور الخايب العايب الكذاب = مصرحبها مبطي واصرحبها ذالحين علي الحرام اني لـ .ابيعـه بسـف تـراب= ولاني مليّن جانبي غير للوافين واذا طال راس الحيه وطال راس الداب = عسى شرهتي ماتعطب رجيلي الثنتين وحمدي وشكري لله المغني الوهاب = إلاهي ويرحم عبده المسلم المسكين [/POEM] عطونا للقدير / حسين ضيف الله الدوسري |
سجل عندك يا دكتور .. نفس المقدمه ! :)
وهذا شاعرنا الكبير / ابو ضيف الله اقتباس:
ابي ( بياعة الورد ) لـ المبدع / فارس العتيبي ! |
رغم ان ذائقتك ذهبيه لكن تراك أخلفت من سياسة الموضوع
وسلبت الناس الاختيار وبيني وبينك جايز لي ما تسويه :) ننتظر بياعة الورد وعز الله انها درّه من درر الشعر ، .. |
^
^ ^ وش بيّاعة الورد يا سداح ؟ :) |
^
^ انت تقوله صادز ! يعني اطلب اسم الشاعر .. والباقي على شحم :( طيب طيب / آخر مره يا دارين .. ترى ما كنا دارين الا هـ الحين :) |
اقتباس:
وسلامي على الذوق يا خالد الحصيّن نبي المبدع حاتم البراك |
اقتباس:
هاتوا لنا شي من ابداع فيصل السواط !! |
نقرأ .. و نستمتع .. و نصفق ..
و كل هذا من أجل الشعر فقط .. يقول فيصل السواط [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياوقت غيمك سراب وراعدك عاتي = وانا ماعاد اقدر اوجاعك ولا اتحمّل رميت خلف الظلوع العوج مآساتي = ما مرّها حي يذبحها ويتجمل الساق تعبّتها من كثر خطواتي =والقلب تكّت عليه حموله و نمّل كنت اشتكي زفرة الماضي على الآتي =و الآتي اليوم لاعدى ولا جمّل تبارت دموع حزني وابتساماتي = وجلست اعاين بصنع الله واتأمل ياقوّ دمعي وياقوة معاناتي = وياقل حيلة فرح قلبي ليا صمّل ماياخذ الا ثواني في كنف ذاتي = والحزن عايش بها مشكور ومجمّل يابوصلة حيرتي وين اتجاهاتي = يمّنت خطوة مسيري والهنا شمل ماكن طعم السعادة في بطولاتي = الا عروسٍ نهار العرس تترمّل وش عاد اسوي وذيبي ماكلٍ شاتي = وازريت لا احوشها عن بعض واتجمل وشلون قلبي يعيش بحس نبضاتي= والسيف لاراغ عن عرقي ولا كمل اصبر ولا ادري وش يصير بحكاياتي = والصبر لا اعمى عيون الادمي ينمل ما الوم صوت الألم في نبرة ابياتي =لا صار حبل الرجا ممسوك ومهمّل والوقت غيمه سراب وراعده عاتي = وانا ماعاد اقدر اوجاعه ولا اتحمل[/poem] اختار فهد فالح |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على آخر منعطف من ليلة البارح لمحت النور= يلوح بالهنوف اللي رمت عني براقعها هنوفٍ تستدير وتستبد وتنتشي بغروور = وأناأتنفس هواهاالعذب وآستلهم مطالعها تصب الفجرفي كأس الحياةويكشف المستور= ونبدا من جديد نسابق الدنياونقطعها عشان عيونها غرّد على غصن الغلا عصفور= وانا لعيونها عنّيت رجلي في شوارعها فتاااة وعمرها عمر الزهر واحلى السنين زهور = وقفت أشرح لها سر الحياة وكيف واقعها على رغم المسافة والليال المبهمة والعور=حفظت لها تفانيها مع الوقت وتواضعها غريبة هالحياة اللي جميع أصنافها ديكور = تنازعني على مستقبل احلامي وانازعها سنيني تستريح وتستعد وخاطري مكسور= تمر بسرعه أيامي ولادري وش مسرعها اخوض غمارها لامحترف فيها ولامغمور = مغير آساير الدنيا وآكابدها واصارعها وألا يااااصااحبي منتب على هرج القفا مأجور= عسى الله لا يوفّق خاين أحبابه وبايعها أحسبك تحفظ أحبابك وتبني للوصال جسوور= وآثرك تجامل العذّال في اللعب وتشجعها يقولون العرب ما للهوى يا أهل الهوى دكتور= وأنا أقول الهوى ضيّع مشاعرها وضيعها[/poem] عطونا .. لابو محمد .. فهيد بن عصيدان |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله يعين القلوب اللي تحب وتهيم = الشوق يسرح بها والوجد يضوي بها " " وانا ارجي الحاضر الغايب ولالي نديم = والله يستر من الدنيا ومن غيبها " " النار شبت بصدري والحنايا هشيم = واشيب عيني من الايام واشيبها " " من اولن كنت سالي فالزمان القديم = ماكنت احسب المحبه ذي عواقيبها " " واليوم بين الرجاء والياس والله كريم = متاي اسوق البشاير في مواجيبها " " واقرب لي الياس والاحلام راحت حطيم = راحت وهالحين آبقفي واقفي بها " " كن المحبه ليا هبت هبوب النسيم = تركي على اقصى معاليقي مشاهيبها " " اثر المحبه عذاب وجرحها مستديم = ماهيب دايم تبي تصفى مشاريبها[/poem] ياسلام عليك يالغازي :) / / عطونا .. ناصر الاحمري |
نتلهف لنقرأ نزف شعرائنا .. وبين احزانهم و غضبهم ومشاعرهم نجد انفسنا ..
يقول ناصر الأحمري [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أصحى وأغيّب والهجوس مغيّبه = وأصحى وتصحى لي وظنـّي مايخيب العلم غانـم والنوايا طيّـبه = مسموح يامخطي وتسلم يامصيب ماينمّشى دربٍ يسير العيّ به = دربٍ مثل هذا يودّي مايجيب نفسٍ جسوره وأختها متهيّـبه = ماتنكشف ياكود في اليوم العصيب من ذهّبه ذا اليوم يبطي ما أيّـبه = والذاهب اللّي مارجع سمّي ذهيب لاصارت رموش الشباب مشيّـبه = ذي علّةٍ ماهو يداويـها الطبيب وأنا شبابٍ جور وقته شيّـبه = عجيب تطلب شاي ويجيك الحليب أستذيب الحصني ماقيل إش ذيّـبه = مانسمع الا الذيب في وسط القليب هذا زمان العـالم المتسيّـبه = الوقت ذا مافيه للطيّب نصيب! أسترجلت بِكْره وشاخت ثـيّـبه = تخالطو به من بعيد ومن قريب والعين نظرتها مهي بقريّـبه = بعد النظر مطلوب وإفهم يالبيب راعي الحلال ألهاه عنه حبيّـبه = وأسمن حلاله كانه أمسى في الشعيب أمّا كـلاه الذيب والا نيّّـبه = وأن مسّه المشعاب مافزع الحبيب هـذاك ظنّه خاب واللي خيّـبه = لاجاه راعي الطيب مالقّـاه طيب إذبح ياراسي العلم وإلا سيّـبه = قبلٍ يدبّ الضيق في الصدر الرحيب اللّي يغيب بدون عذرٍ غيّـبه = ودّك عن الدنيا برمّـّتها يغيب ومن عذره يجمّل حشا ماعيّـبه = القلّ شين ويكسر الراس الصليب ناسٍ بطيب المرجله متطيّـبه = متوارثينه من عريب ليا عريب وناسٍ بأسمّيهم قلال الصيّـبه = خشومهم للطيب ماهي تستجيب! بقعا تجيب مْصيبةٍ ومْصيّـبه = جفّف عناقيد العنب تطلع زبيب[/poem] اختار ثاني الدهمشي |
هذي لأبو ثويني
:) نفسي لها فضل واضـح بـ إلتفاتتها ....................من بعد ما كنت فـيها عنّها سـالي فكّرت في من تمنى القـلب جيّـتها ....................واللي ماغير بـ خيالي تجلس قبالي من كـثر ما خافقي ميّـز مكـانتها ....................أقسم علـيّه بـ يبقى دونـها خالي والفرصة اللي تعادل كـنز فـوّتها ...................قلبٍ هـقا في زمانه خـير.. عزّالي والخوّه اللي مشـيت بظل كـذبتها ....................خوّة مصالح وكنت امشي على فالي والحيلة اللي تقـلّ بعـز حاجـتها ....................والطعنه اللي تجي من خنجر الغالي والشفه اللي نست شكل ابـتسامتها ...................والدمعه اللي تقـول الخـدّ منزالي وايّامـي اللي تـبي تثبت برائـتها ....................من ما حصل لي ولكن مالها والي وصارت بعد هالهموم وبعْد حسبتها ...................ردّة فعل ناتج التفكير الاجــمالي ضاقت علي الوسيعة في فضاوتها .................وما فاد كثر القصيد وجـرّ مـوّالي آحس دنياي تـتعمّد قســاوتها ...................كنّ الزمان بهمومه جاني لـحالي لكن تذكّرت بيت الزيـر لحـظتها .................وانا اشهد انه صدق في بيته التالي: دعِ المقاديرَ تـجري في أعِـنَّتِها .................ولا تبيـتَنَّ إلا خــاليَ البــالي نبي للمبدع / خالد سعد الدوسري |
وهذي لسمي خالد سعد الدوسري
الوقت هذا مخيـف .. و مشقـي ٍ ناسـه وانا اشهد اني .. حفظت من الشقا درسي و الناس .. وان كانت لذا الوقت درّاسـه اجناسها فالصبر .. ما هي مثـل جنسـي و الرجل .. يبقى صبور ورافع ٍ راسـه يرسي .. مثل ما الجبال الشامخه ترسـي و البدع .. مثل الهـوا لا هـب نسناسـه ان جا في وقت المسا .. ترتاح به نفسـي يميل غصـن الشعـر .. ليديـن غرّاسـه واقطف ورود الفرايد .. من ثمر غرسـي والله لولا شعـور القلـب .. واحساسـه ما كان حبري .. سكبته في صدر طرسي والغالي اللي فـصدري .. شـعّ نبراسـه اصدق شعور الغلا له .. ترجمه همسـي قصايدي في وصوفه .. تحبـس انفاسـه فدوته شعري و حاضر عمـري وأمسـي اليا حضر .. غاب حزني وانجلى باسـه و لا غاب .. تحضر هموم ٍ بعضها منسي دام المحبـه طريقـه .. و الوفـا ساسـه ما احسب لدورات وقتي لو تجي عكسـي و الضيق .. ماهوب اعدم اليوم مجلاسـه الضيق والله .. لا قال : ( القابله عرسي ) ونبي من درر فهد بن شويمي |
راق لنا ( كيف ) القصيد .. فـ أدمنّا القراءة ..
يقول فهد بن شويمي [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياصاحبي .. نشدتني وش حالي او ويش الجديد=ابشرك طيب وباقول الجديد وانتبه عشان تفهم مقصدي من غير ويش وعيد عيد=باقول بعض اللي مضايقني وبكتم اغلبه لني محب اقول حاجه ماتفيد المستفيد=ولا احب اكتب بيوت امبطنه ومعلبه انا زهقت .. امن الحكي .. والمدح .. والقاء القصيد=او من مجامل عالمن مالسئلتهم اجوبه ومن هجوس البعد .. والتفريق .. والحظ العنيد=ومن ظروفن تجهد الرجال صدق وتتعبه الا القصيد .. اللي يقال انه حداثي او جديد=معاد يعرف اصدقه .. من اعذبه .. من اكذبه الشعر .. ياودك يكون اما مؤثر .. او مفيد=عشان لاسمعه حدن ذويق لازم يعجبه احيان .. احس ان الشعر حاكم .. واعوانه عبيد=واحيان .. احس انّه ضعف .. وسياسته متذبذبه ياصاحبي .. يابو فكر راقي .. وياملح النشيد=انا اعتقد ان بيني او بينك .. علامات وشبه لذا .. اترك الشعر الهزل .. اللي يضر ومايفيد=واسمع قصيد الشاعر اللي به قبول .. وموهبه الترفه .. اللي تفرق إمن الغيد .. بالعنق الفريد=كن العسل .. في ثغرها ذايب .. وكنها تشربه لو تبتسم .. شب الجمر وذاب بشفاها الجليد=ولو تحزن .. كن الدموع تسيل .. فالخد إذهبه ترفه بها حنكه وطيب .. وفلسفة قايد رشيد=إمشبره قلبي غلا .. من مشرقه لي مغربه تعشق قصيدي .. كثر عشق السيف ليد ابن الوليد=واعشق حكاها .. وارخي اذاني غلا واستوعبه مستوطنه تفكري .. ومتقوقعه وسط الوريد=ولو تكشف اضلاعي بتلقاها .. بأعلى مرتبه اذوب في توت الوصل .. واضيق لو تقفي بعيد=ماعاد يغنيني عن احكاها .. سوالف معجبه وياصاحبي لاعاد تنشدني وش احوال القصيد=شفني وشف دمعي ليا من ضقت وشلون اسكبه[/poem] اختار ساري الزهراني |
عروق الماء
لساري الزهراني لـو كـان ظـل الـشـمـس بــرّاقـي مـاتـقـعـد الـفـاقـه عـلـى فـاقـه الـلـي بـجـوف الـبـيـر ماأنـسـاقـي وحـبـل الـرشـا تـمـشـي بـه الـنـاقـه لـكّـن بـاع الـمـاء عـلـى الـسـاقـي الـلـي مـعـه عــذبـه وحـرّاقــه هـذي عـروق الـمـاء تـحـت سـاقـي تـنـضـح وعـيـن الـشـمـس بـّراقـه الـلـي تـفـجـر مــاه رقــراقــي مـن قـوّتـه يـجـري عـلـى سـاقـه لـكـّن بــاقــي فــيـه أرزاقــي والارض وهـــّــابـه وبـوّاقـــه لـو كـان كـف الــرزق سـبـّـاقـي مـاقـال راعـي الـفـقـر وش عـاقـه بـكـره لـيـا يـبـسّـن الاريـــاقــي مايـشـرب الـمـاء غـيـر مــن راقـه والـسـم لــو مامـعــه تـريــاقـي مـاكـان يـشـفـى مـنـه مـن ذاقـه الـحـق لـو فـي قـطـع الاعـنـاقـي والـصـدق عــنـد الـلـه مـيـثـاقـه الـحـمـد لـلـه والـلـه الـبـاقــي الآدمــي كـافـلــه خــلاّقـــه مـاهـمّـنـا الا الـمـنـزل الــراقــي الـلـي عـلـيـه الـروح مـشـتـاقــه الـصـبـر حـكـمـة كـل حـلاقـــي والـعـمـر مـن بـعـثـره مـاحـاقـه ونبي من ابداعات محمد بن مصوي |
وتتوالى قصائدنا الواحدة تلو الأخرى .. لنمد جسر تواصل لا ينقطع ..
يقول محمد بن مصوي [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ما علي من الدعاوي ما عليّه = كل دربٍ في طريقي له بدايل الدروب اوساع والذمه بريه = والامور مصلّحه والشك زايل والخوي اللي تبرى من خويه = سلعته بارت ولا فيها جدايل يا رفيق العمر يا جزل العطيه = يا رفيقي بسألك كيف انت قايل لا سؤال ولا جواب ولا هديه = لي ثلاث سنين والغصن ايتمايل اقمحي .. ثم اقمحي .. لا يا طميه = اذبحوا شلمان ياضلعان حايل البنيه هايمه .. هاك البنيه = يا قطن وشفيك طفيت الفتايل ما بقى لك في ضميري قابليه = دام غيرت الطرايق والوسايل يا رفيقٍ تدرج مثل المطيه = حملها في ظهرها بالحيل مايل واهني اللي تعزوى واهنيه = في رفيقٍ فيه للطيبه دلايل في زمنا صارت الطمعه قويه = الرفيق يبوق والدعوى تحايل يا يمينٍ جعلها بالفين كيه = شرها لقرابها بالحيل طايل كان مالك للجمايل مقدريه = استريحي جنب جحاد الجمايل[/poem] اختار طلال السيحاني |
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]مابين عِد ّ القصيد . . ! وبين مـيراده=للهـم ّ في وسـط صدري/ نار وقــّاده
أساير الهم ّ / يوم الهـم ّ . . سـايرني=وأصبح لزيم الجسـد / ومناه ومراده أصبروأثار الصبر يضيق من صبري=ولــّم صفوف اعقـداه / وعزّز أعتاده يبغاني آلـين وأرضخ لـه على كـيفـه=وأنكــّس . . البيرق المرتز ّ ؟ لحداده وأنا كمـا طـويق ثابـت / مايزحزحني=لو جاب من جاب قدمي ما حـد ٍ فـاده وأبطى كسير الجناح / وتحت رايـاتي=مكسور خاطر . . ! وصبري ليّن عناده ويوم أن ربي نوا . . / للهــمّ يكسرني=حل المرض في سنام شعـيل وشـداده ألين طـوّق حصـارة ! وأحكم الخطـّه=بعـد أحد عش شهر من تاريخ ميلاده وأصبحت مكسور/ لا حول ٍ ولا قـوّة=سيف ٍ وردوه / يمسي داخل أغماده ومن عقب ما كنت مدهال الفرح كني=بيت ٍ بعـد ما تشـيّد . . ؟ شلوّا أ وتاده بارت قواي / وبرى حالي وأنا حالي=ما بين جور الفــتيل / وسطوة زناده والجـور/ خيّم على نفـسي وضايقها=تضييق شـارون قدم القـدس وأسـياده يالله تشــفي مـلاذي / لا كــبر ســني=أليا غزى الشيب راسي/ وأصبح قناده وأشوف ثوب الفرح يزهـا على عـيالي=والبسمة الـلي تزيح / الهـم ّ وأقـياده ويالله ما غـيرك / اللي لا شكا عــبده=يرد كيد الهموم . . ؟ وينصر عباده [/POEM] واطلب للمبدع عبداللطيف الغامدي |
لازلنا هنا .. و سنبقى ..
يقول عبداللطيف الغامدي [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا لايمي من بعض لومك خلّنـي = انا على اللي مارجيـت الا رجـاه ملّيت من عدّ الجـروح وملّنـي =وقتي ولكن ما رحمني مـن غثـاه لي موعدٍ كنت احتريـه وزلّنـي =ابطيـت قـدامـه وخـلانـي وراه ليته تجمّـل يـوم حـلّ وحلّنـي =ما كنت ابشكي معه من فقدي سواه مالله كتب لي يـوم مـرّ يشلّنـي =وانا قبل يلفي عليّ احسـب خطـاه روّح ولا أشّر لي (هناااااك) ودلّني =ولا سمع ونـه تبيـن لـه غـلاه احتلّنـي غايـب وجـا واحتلّنـي = واقفى وهو محتلّني ويش السـّواه واما انت ياغالي وراك تغلّني = بالبعد ياليت السفر حذفة حصاه لاجيك متعنّي عساي لعلّني = واسوم منك الوصل واثّمن عطاه واقول يا مبعد غيابك سلّني = اعط المريض دواه وادر انك دواه اجمع مواجيعي بيدك وفلّني = واهجم علي اقرب حزن لي واشقر عصاه ولو بغيت تغيب تكفا خلّني = في قلبك الطاهر على طول الحياه [/poem] اختار موسم سفر القثامي |
| جميع الأوقات بتوقيت GMT +3. الساعة الآن 02:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية