اقتباس:
كلام سلطان المرقاب يكفي |
أصلا يا الربع سداح انا .. رجاء لا احد يتقمص الشخصيات و يسوي لنا بلبله
ما يكفيكم إني انشر باسمي هذا :) |
مشكور يابوسعود
على التنويه :: |
اقتباس:
[align=center]مافيه زياده على كلام ابو نايف الا أبيات أخوي ياسر العتيبي بدري عليك الاسم هذا مهوب الك معروف من عزه ومن عز شانه ان كان قصدك يوم اخذته يجملك عـز الله انـك منتقيـه بامانـه لكن اطعني واتركـه لايغربلـك اله مكانه وانـت مالـك مكانـه مكانته من شاعر مالـك الملـك حطله من بين الشواعيـر خانـه شاعر جزل حباه من يجري الفلك فصاحـه لسانـه وشـدة بيانـه تصعب على مثلك لو انه يزعلك من كل محـاره يجيبلـك دانـه صـح السانك يالقرم وشكرا على التنويه ياضيف الله و السروق هذى لو تقطع السانه بالقديمي و تخليه يومي بيدينه على الشاشه أفضل وسداح من عندي سامح لك تقوم بالمهمه وسلامي عليك[/align] |
سداح شاعر مبدع وشاعر جزل واللي مثل شاعرنا سداح معرض للسرقه وبقوه ولاكن يسرق الشخصيه هذا سارق من النوع الغبي وبارد وجه الله لايبلانا
وسداح له اسلوبه بالقصائد يعني لو اقرا قصيده لسداح سأعرف انه قائلها قبل لا اقرا اسمه وسرقة القصائد موضه هالايام يا دافع البلا تحياتي |
لا حول ولا قوة الا با الله ضعاف نفوس من جد
وسداح معروف وشعره معروف لو يسرقون لين يوم الدين بيض الله وجهك يا الغنامي متى الله يفكنا من ها العالم المرضى |
سداح رمز من رموز هذا الصرح
ولاحوله شك مهما يقولون لاهنت ياضيف الله |
.
ولوّ .. ماكل سداح سداح :) شاعرنا الكبير / ســداح حاله استثنائيه في الشعر .. لن تتكرر ولن تستنسخ ولن تقلد .. اسأل الله له التوفيق .. شكرا يابو سعود .. |
سداح رمز من رموز هذا الصرح
ولاحوله شك مهما يقولون لاهنت يابو سعود |
الشاعر سداح علم من اعلام المرقاب ومن اعلام الشعر كذلك ولانستغرب فعل ظعاف النفوس في انتحال شخصيته وسرقة قصايده لانها حقيقه مطمع
ولاكن مهما فعلو فلا يصح إلى الصحيح |
[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهيه وينك انت وسداح هو وين = هذا فصيح لسان ولا انت غادي تسرق قصيد اللي مرجح موازين = واسمه سرقته وبـ/ قصيده تنادي مكانه المرقاب ولا انت فالطين = ودربه عسّر لا تحسبه درب عادي ريّح مكانك لا تداحم سلاطين = سداح يكرم عنك يا ذا الربادي [/poem] الله لا يهينك يابو سعود .. والله انه عرف يسرق :) كان تبون الحقيقه .. احترامي الدائم |
ماينلام صدقوني ماينلاااااام ....
سداح .. ودك تسرق ربع قصايده ونص اسمه في ثلاث شهور تصبح نجم النجوم ... |
شكراً ياضيف الله
ولا يصح الا الصحيح تقديري |
الأخ العزيز / ضيف الله بن سعود الغنامي
بارك الله فيك يا بو سعود ، يشرفني أن يكون هذا الموضوع بإسمك ولا توفيك عبارات الشكر على هذا الإهتمام .. لاعدمتك . الأخوان الكرام جميعا بودي ان أشكركم بالإسم .. رجل .. رجل يكفيني فخرا ما سطرتموه هنا ، ولا عليكم زود يا كرام جميعا ، والحقيقه انكم المكسب الحقيقي الذي حصلت عليه من هذا الإسم المستعار . الأخوين : ياسر العتيبي و حسين بن عزام صح الله لسانيكما ، ولي الفخر يعلم الله بهذا البدع المشرّف ، ولا عليكم زود أعلم أنكما لم تشاركا بالابيات في إنتظار الرد شعرا ولابد أن تعلما أنها فخر لي . الأخ فيصل الجعيد اشكرك شكر آخر .. وأحب ان أنوّه ان جريدة الأنباء لم تلطش بل شرفتني بنشر بعض القصائد وكان هذا النشر بمعرفة معد الصفحة الشعبية في الجريده الأخ والزميل المرقابي / هادي بن جامع ولعلها فرصه لشكره أيضا من خلال هذه النافذه . بيض الله وجوهكم ولا عليكم زود ،، |
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سداح معروف ف المرقاب = ماهوب في منتدى ثاني ياللي تقمصّت دور ذياب = وأخذت خاتم سليماني لازال لك مطرق ومشعاب = إخذه معك وأنت عجلاني الاوله .. مخطي وكذاب = وعليك نقص العقل باني والثانيه .. كاشخ ونصّاب = يارب بحماك تحماني[/poem] |
^
الله الله الله :) عساه فداك يا بوتركي أي والله وصح لسانك ولا عدمتــك ، .. |
[align=center]مشكور على الموضوع الهام جدا جدا
وسداح شااعر له ثقله في الساحه وفي المرقاب وكلنا مع سداااح قلبا وقالبا واعيد الابيات التي كتبتها مجاره لقصيده الشاعر فارس هنا ايضا يـافـارس الشـعـر يـامـدّاح شـعـرك جـزيـلً تراكـيـبـه القـاف مثـل العطـر فـوّاح قــافٍ جـذبـنـي واغنـيـبـه الكذب عـن مدحكـم ينـزاح والصـدق قـولـك وتوفيـبـه وسـداح يستاهـل الامــداح يستاهـل المـدح مـن طيبـه شاعر ودكتـور مـع جـرّاح حـرفــه عـــلاجً يـداويـبـه شِعره شبيـه الحيـا لاطـاح يسـقـى الـديــار ونهلـيـبـه بيت الشعر بارق ٍ وضّـاح كـــلً يـخـيـلـه ويـدريـبــه فيـه المعانـي زلال اقـراح عــذبٍ وحـالـي مشاريـبـه استاذ معنى جزل طحطـاح يعجبـك فـي نظـم ترتيـبـه حـرً قطـامـي بــلا مـلـواح فالصـيـد يـدمـي مخالـيـبـه ربـان والقـاف لــه مــلاّح يعـرف رمـوزه والاعيـبـه انشـهـد ان الشـعـر ســداح للشـعـر يـوفــي مطالـيـبـه[/align] |
^
الله يبيض وجهك يا بومرزوق ولازلت اتباهى بفخر من هذه الابيات ولا عليك زود يا القرم ، شكرا شكرا شكرا ، .. |
سداح شاعر معروف وابداعه لا يقلّد ولو سُرِق فـ لا لوم على السارق .. :)
لا هنت يا ضيف الله على التنويه .. تحيّتي |
هذا والله المهبول !!
احدن يطمع في قصيد سداح هذي ماركه مسجله لايمكن ان تسرق نهائياً لن الشاعر سداح العتيبي له قاعده جماهيريه كبيره واكثر الناس المهتمين في الشعر يحفظون من ابياته وقصايده الشي الكثير واسلوبه واضح وسهل وقصايده لا يوجد فيها تكلف فلو كان الشخص معجب مثل غيره ونقلها في منتدى اخرى ونسبها الي صاحبها الشاعر سداح العتيبي وقال هذا الشاعر اللي في منتدى المرقاب لكان ارحم من ان يسرقها في وضح النهار وعليها الوسم بعد !! لذا اتمنى مثل غيري ان ( نشاهد ) الشاعر الكبير سداح على قناه المرقاب وينثر ابدعاته على شاشتها الفضائيه والتواصل مع محبينه وجمهوره |
هذا والله المهبول !!
احدن يطمع في قصيد سداح هذي ماركه مسجله لايمكن ان تسرق نهائياً لن الشاعر سداح العتيبي له قاعده جماهيريه كبيره واكثر الناس المهتمين في الشعر يحفظون من ابياته وقصايده الشي الكثير واسلوبه واضح وسهل وقصايده لا يوجد فيها تكلف فلو كان الشخص معجب مثل غيره ونقلها في منتدى اخرى ونسبها الي صاحبها الشاعر سداح العتيبي وقال هذا الشاعر اللي في منتدى المرقاب لكان ارحم من ان يسرقها في وضح النهار وعليها الوسم بعد !! لذا اتمنى مثل غيري ان ( نشاهد ) الشاعر الكبير سداح على قناه المرقاب وينثر ابدعاته على شاشتها الفضائيه والتواصل مع محبينه وجمهوره |
الف الف شكر على التنويه
لاهنت يابو سعود |
| جميع الأوقات بتوقيت GMT +3. الساعة الآن 03:28 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية