لا تنشد عن الحال بين مثل ما عينك تشوف
صابر على حكم الليالي ما شكيت ظروفها وقفت في وجه الليالي ماتعبت من الوقوف من شان ناس جعل روحي فدوة لونوفها لا يا حسافة صاروا أصحابي علي مع الظروف لو كنت اشيل حمول ناس ما اسعفتها كتوفها بعض الكلام أقوى على الرجال من ضرب السيوف لا صار من ناس تكن لك الغلا في جوفها لا ياتعب ما انته على ما قيل دايم بمخلوف تعبت ما حصلت والدنيا تشح كفوفها المجد ما هو بالسوالف والدعاوي والحلوف ما نالته قوم على شانه تسل سيوفها ولا نالته قوم سعت له بالركايب والصفوف من قبل لا تدرك هواها ادركتها حتوفها يا كثر خلق ما تكفيها المدايح والوصوف اليوم ماودي بطاريها ولا ابغى شوفها احتاج لكني ما ادور حاجتي عند الضعوف انا غني عن جمايلها وعن معروفها ضيف الله صح لسانك على هذه الرائعه قصيده تكتب بماء الذهب من اول حرف لآخر حرف 00 تقبل خالص الود والتقدير ياصديقي الغالي00 |
سلطان الأسيمر
شكراً لك رأي افتخر فيه سلمت |
محمد مرزوق السميري
شكراً لك من الأعماق مرورك أسعدني كثيراً لك كل المحبة |
ياسر العتيبي
صح بدنك لين ترضى بيض الله وجهك لك كل المحبة |
احتاج لكني ما ادور حاجتي عند الضعوف
انا غني عن جمايلها وعن معروفها صح لسانك واعتلا شانك ولاهنت تقبل تحياتي ومروري يامبدع :) |
أخوي الغالي مشعان البراق
صح بدنك يعلم الله كم أسعدني مرورك أعجابك تاج على رأسي وشهادة أعتز بها لك صادق المحبة |
فراج القرقاح
شهادة أعتز بها شكراً لك من الأعماق |
الفجر البعيد
شكرا لمرورك |
ضيف الله الروقي
عزالله انك كتبت واطربت وابدعت يا ضيف الله صح لسانك وسلمت |
علي الكذيبة
صح بدنك شكرا لمرورك لك كل التقدير |
الشاعر عبد اللطيف الغامدي
شكرا لك من الاعماق لك كل الود |
ضيف الله حمدان الدلبحي
مرورك شرف لي وللقصيدة اشكرك من الأعماق شهادة غالية اعتزبها كثيرا |
الاخ الشاعر /سعود ناهض الرويس
شكرا لمرورك لك كل الود |
ناصر مناحي
شكرا لك من الاعماق لك كل المودة |
| جميع الأوقات بتوقيت GMT +3. الساعة الآن 09:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية