(( القيامه بدت عنها تجينا بشاير ))
للمبدع / هادي بن شنيف يالله العفو يا عالـم خفايـا السرايـر ياكريـمٍ رحيـمٍ ويـاودودٍ غـفـور ياقريـبٍ مجيـب ويامنيـر البصايـر نورّ أبصارنا واجعل لنـا منـك نـور واستر العيب عنا يوم كشف الستايـر يوم ناسٍ تفوز ويـوم نـاسٍ تجـور يوم يعرض على العاصي عذاب ونكاير مبتدا الشر يبدى من دخـول القبـور ودي أنصح وأذكّر طيّبيـن الضمايـر اقروا اللي نواعد به نهـار النشـور صدقوا كل ما فالكتب واقع ووصايـر لا تغـرون فالدنيـا متـاع الغـرور من تفكر بهـا لازم يشـوف الفكايـر عام تحزن وساعة يوم تعطي سـرور والقيامة بدت عنهـا تجينـا بشايـر من علاماتها كثـر الفتـن والشـرور العلامات بانت مـا بقـا إلا الكبايـر كـل عـامٍ ويفتـح للتوالـي عبـور البيوت الشعر بنيـت بدلهـا عمايـر والحفاة العـراة يطاولـون القصـور والرجال ارحلوا ياجعلها الهم سفايـر أكثر الطيبين أصبـح بدلهـم ذكـور والولد والمره طاروا على متن طايـر اجتذبهم هواء الغربي وموج البحـور اوصي الرجل يغدي كنه الذيـب نايـر لو ياطا علـى نـارٍ وحمهـا يفـور يارجال الشجاعة يـا حمـاة العشايـر يوم كانوا سلفكم فـوق فـج النحـور لويقوم الدخن من كل الأقطـار ثايـر ما توانوا ومن ظل الطريـق معثـور في سبيل الهدى ما يحسبون الخساير يرخصون الغوالي في صلاح الأمـور جاهدوا كل ظالم وكبحـوا كـل بايـر عندهم نصح ديـن ولا يعـدون زور ... |
وفقكم الله جميعاً .. :)
حبّيت انقل لكم قصيدة استاذي / مطر المرشدي ، وهي مليئة بالحكم والنصائح يقول فيها : [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالبيب العقل فكّر ترى الدنيا متاع= لاتغرّك زبرقتها وضحكة سنها لوعطتك الوجه مرات تاليها خداع= تخلف الهقوات عاداتها يوم انها يوم تفتح لك مشاريع وأبوابٍ وساع= ويوم تزعل من خلاها وتحرق بنها تقتلب في كل مره نزولٍ وإرتفاع= والجفا طبعٍ لها والتقلّب فنها كم غنيٍّ كان فيها وتال الوقت جاع=وكم فقيرٍ صار يشعب بها ويعنها انقلب حاله من الفقر وأيام الصراع= مع حياة الفقر وأيامه اللي كنها لقمةٍ وسط النحر لاتروح ولاتزاع= وطابت ايامه وهو من قبل ماظنها لاكن إنّاعارفين المغطّى بالشراع= صورةٍ تذهل هل العرف وأصحاب النهى النبي بيّن لناالخافيه يوم الوداع= بيّن اللي كان سود الليال تكنها والمواعظ كل يومٍ لها فالناس داع= والقلوب الصاحيه للمواعظ هنها والسعاده والمعزه لمن وحّد وطاع= واتّبع للسنه اللي نبيه سنها وأدرك ان الوقت محسوب وأيامه سراع= تاخذ ارواح العباد انسها مع جنها واجتهد فالدين وأدّاه قدر المستطاع= قبل غارات المنايا عليه تشنها ثم يوضع في لحد موحشٍ في بطن قاع= ماتفيد اعماله اللي عملها ( ألاّ انها: خالصه لله من دون شرك ولانزاع)= قاربٍ للرب بعبادةٍ مامَنها ومن دنى لله شبرٍ تقرّب له ذراع= فرصةٍ والعمر محدود ياصحاب النهى[/POEM] :) |
قصيدة ( اغتيال الطفوله ) للشاعر القدير سطام سرور :: :: :: :: :: :: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا الله يا منزل تبارك والانـــفال=يا مدبرٍ كونه على كيف كيفه يا رب يا رحمن يا عالم الحــــــال=ندعوك باسماك الحسان الشريفه تلجأ لك اليا مسنا بعض الاهوال=ونلوذ بك من كل حاجه مخيفه والحمد لله دين الاســـــــلام لازال=بخير رغم اهل النفوس الضعيفه مزروع دين الحق في قلوب الاطفال=مزروع ما بين الضلوع النضيفه يا صورة بثت وتبقى للاجــــيال=الطفل مسلم ما انحنى للقذيفه من دون ابوه يحط صدره للانذال= اعزل ...ولا همه اعداه ونزيفه بأي ذنب فرحة الطفل تغـــــــــتال=ورى العيون عن الجريمه كفيفه القدس كيف تعود با القيل والقال=ومعاهداتٍ ماتعدى الصحيفه حنا العرب منا صناديد الابطال=ونبينا منا ......ومنا الخليفه ابنا ابو بكر وعمر وعلي وبلال=اهل الوفا واهل السيوف الرهيفه ابنا العرب ليه التخاذل والاذلال=ومنكم صلاح الدين وابو حذيفه الله وعدنا النصر في كل منزال=ولا الشهاده بأي حاله ..وصيفه ما همنا صهيون لو دعم ب المال=لو راح في حرب اللعين النصيفه صهيون قوّم حرب في القدس وقتال=بالغطرسه من كبر ظلمه وزيفه يا الله بنصرٍ يشرح القلب والــبال=وترجع فلسطين الابيه ...عفيفه[/poem] |
قصيدة (تحالفوا في حربهم ضد الارهاب ** وحنا تبعنا الحلف على عماها!! )
للشاعر القدير علي سالم ,,, ,,, ,,,, ,,, ,,,, ,,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] نادت هواجيسي بعد حزن واضراب =وأنا عليّ أسمع وألبي نداها مليت من عض الشفايا بالأنياب =ومليت من لعلها وعساها ياأمة الأسلام ياعرب يا اعراب =يامن بدين اخر رساله تباها يامن لكم حق التفاخر بالأنساب =دارالزمن والحرب دارت رحاها حرب مالوم الطفل فيها لياشاب =والاّ الهنوف ليا اذهلت عن ظناها ماهوب طعن سيوف وارماح وحراب =صم الحديد اللي بعيد مداها تحالفوا في حربهم ضد الارهاب =وحنا تبعنا الحلف على عماها وأن كان حنا اللي فتحنا لهم باب =واجب على الأمه تصحح خطاها نوجّه المخطي وناخذ بالأسباب =بأحكام من نزل تبارك وطاه ياأمة الأسلام في وقت الاحزاب =نارالقهر والغبن يحرق سناها اليا متى نخشى خنازير وكلاب =وليا متى ترمي علينا بلاها اليا متى نصبر على حرق الأعصاب =وإلى متى فينا تنفذ هواها اليا متى نرضى ونخضع بالأرقاب =نطلب رضاها ماكسبنا رضاها ياأمة الأسلام والعمرلوطاب =تموت الأنفس ماتحقق مناها للخلق يوم البعث ميزان وحساب =وأرواحنا تبي تلاقي جزاها حنا خلقنا الله بعقول وألباب =والفرق في نور القلوب وعماها هم يعبدون أوثان وأزلام وأنصاب = وحنا نعبد الله وحده إلاها ياأمة الأسلام للظلم مخلاب =منه القلوب المؤمنه زاد داها دنياً تخاذل مال الأسلام محراب =وماعاد نعرف صبحها من مساها القدس يسمع صوتها من فالأصلاب =خمسين عام وشربها من دماها تنخا بصوت الحق والحق ماجاب =وتون يوم الحق خيّب رجاها ونة قهر دارت على كل الاقطاب =يلج فأركان البسيطه صداها واليوم يابغداد يادار الأحباب =صرتي ضحية كذبة اللي رواها على عراق المجد غارات وأسراب =يحرق ثراها لين غيم سماها تحت الظما والجوع وسلاح الأغراب =تبسط يدين الذل للي سباها ياأمة الأسلام للرمح مضراب =والنصر للي باعها ماشراها وللأرض باب وللسماء سبعة ابواب =ولا تعدا أجالنا منتهاها وأن كان ما نفعل مثل فعل خطاب =عار على الأمه تربي لحاها [/poem] |
قصيدة ( نزف الجراحي ) للشاعر القدير فهد العازمي
:: :: :: :: :: :: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] تصيح القدس وتلج الصياحي= ولا مخلوق في هالكون ياحي دموع اطفال وارامل وكهل= هذا زود على نزف الجراحي تضيق الارض من نطل الجنايز= وخمس اضعاف يدفن بالمساحي وحنا بس نشجب ونتفرج= ونصر الحق مكسور الجناحي على هالحال ما جبنا نتيجه= تصافقنا عواصيف الرياحي ولا ياناس وشلون الحجاره= تقابل بالمدافع والسلاحي ماحد يقدر يصدق مستحيله= ومن صدق حشى ماهوب صاحي[/poem] |
قصيدة ( أقسم غبينة قهر وشلون نرضابها !! )للشاعر القدير خالد الذيابي
,,, ,,, ,,, ,,, ,,, ,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] وين العرب والمروه ما توحد جميع = للعز يا ساحةٌ صلاح صلابها ذبح النسا والارامل والوليد الرضيع =أقسم غبينة قهر وشلون نرضابها فى كل يومٌ يموت إلنا فقيد وصريع= وأعظم مجازر شنيعه ما درينابها أن جيت أوضح جميع الهرج منى يضيع=خسارةُ فى اللحا ما تحشم أشنابها يارب عجل بردٌ من عذابك سريع = يدك شارون والانذال وأذنابها يارب منا الدعاء وأنت العظيم السميع =طهر فلسطين من تدنيسة ترابها [/poem] |
قصيدة ( ياقدسنا قدساه ) للشاعر القدير محمد الدهيمي
:: :: :: :: :: :: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يالله يارب الملا يالله =ياللي سجد من يعبده لرضاه افرج لمن مثلي بلته الدنيا=وقته على مالا يطيق اركاه وقته فتل قيده وقصر قيده= ومسّه ومن تحت الزنود ارخاه ان جا يبا الممشا القيود اتله=ماطاه مربوطٍ على ماطاه ون جا يبا الهوشه فلا له حيله=مربوطةٍ يمناه في يسراه كل الحقوق الواجبه قام ابها=من خوف هراج القفا يقفاه من خوف هرج اللي مايقرب هوشه=خبلٍ مايقرب غيرمن مركاه سقت الولد للمعركه قدامي =ماقلت ياويلي عنه ويلاه لين الرصاص الخلج طار بروحه=يالله عساني فالجنان القاه الد عيني فالعرب وانخاهم=وصوتي مامنهم واحدٍ مااوحاه لكن دخلهم شي ماهو ذلّه=صمتٍ طويلٍ ماعرف معناه ياحيف يالطامة العياله=صرتوا كما الصفريه ام غطاه يلحفكم الهرج الخفيف لحافه =وعقب السيوف اخذتوا المحلاه الله ينصرني وانا ابو محمد =محمد الدره مهوب سواه الله ينصرني وينصر شعبي= واللا العرب ياطيبهم طيباه وختامها يامير ياابو متعب=تال الزمن ياقدسنا قدساه عبدالله وحنا عبيد ٍٍ لله=نسل الملوك اهل الوفا والجاه الحبل متعقد وحله عندك =واللي يصير اكيد ماترضاه حنا جنودك كلنا تحت امرك=ودك تخوض ابنا البحر خضناه راياتنا بامر الولي منصوره=وعلم الوفا من قدمه يلقاه والطيب اللي يفتخر بجدوده= ماتنربط يمنا في يسراه[/poem] |
قصيدة ( نكبة مخيم جنين......... ) للشاعر القدير معيض العتيبي ,,, ,,, ,,, ,,, ,,, ,,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياقدس ماعندنا عذر نتعذربه=ياكود ضعف كسا الامة وعراها يابعد صوت ينادينا وياقربه=ياقدسنا والمذلة مارضيناها صوت الطفل والكهل والغيم والتربة=صوت الصبية والام وحزن ابكاها نكبة (مخيم جنين) اللي يسيربه=صوت الثكالى وعين سبلت ماها ياعزنا اللي سرقه الغدر بالضربة=في ليل موت الضمير وظلم انهاها ياهمنا والسفرماهمنا دربه=وارضك يهون التعب لامن وطيناها يامسج كلنا صدق نتفاخربه=ونهيم في قبة الصخرة ونهواها متى..متى الفتح والنصر نتباشربه=حتى مهازلك ياصهيون ننساها لو مالنا عذر ياقدس نتعذربه=ياكود ضعف كسا الامة وعراها[/poem] |
هلا اخوي عبدربه
الف شكر على تفاعلك وعلى حضورك الراقي |
قصيدة ( عريْبيا ) للشاعر القدير عبدربه :: :: :: :: :: :: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا منشّدني وش آخر ماطلع بـ أنتاجي=لا تنشّدني ترا فكري غرز منتوجه اقنع اقنع والقناعة كنز ما يحتاجي=لا يهقويك البحر منته بويّا موجه ما دريت إنّك لا زدت العلم .. زدت أحراجي=بس أجامل والهموم بضيقتي ممزوجة يشهد الله ما لقيت اللي يفل حجاجي=متعبٍ فكري وعنّيت القدم بالدوجة ما بغيت أزعجك لو إنّك بغيت أزعاجي=السعة زانة وربّي ما تضيق فجوجه طبعي الثابت لزوم ايثبّته منهاجي=ما تركته لو أمير الفوج يترك فوجه! قبل مدخالي لزوم أعْرف سنع مخراجي=لجل ما ألقا الحجة اللي دايماً مفلوجة مار خذ هرجٍ قراح ينومس الهرّاجي=قبل ما أبدابه وأشيّد عاليات بروجه استعنت بخالقي وأشعلت ضو سراجي=وعن مجال أهل الهوى ملزوم أفرّْ الموجة واختصرته وصط قافٍ للكبود علاجي=الكبود اللي من أحداث الزمن مرهوجة وفي ثنايا القاف لا ما دح ولا ني هاجي=يستريح الخبل .. والتاجر يصك دروجه والصراحة نور وألاّ الكذب ليلٍ داجي=والرجل تكشف عن اللي في حشاه هروجه الله الله والحقيقة صبحها ما انباجي=لفّها ثوب الظلام بحلّةٍ منسوجة حالةٍ تشكا على اللي يرتجيه الراجي=يا عرب في تالي الأيام شفنا عوجة وش فعلتوا غار كنز المال فـ الأدراجي=والغزل فـ الخفرة اللي عينها مدعوجة ما استفدتوا حرف ممّا قاله الحجّاجي=كذبة الصحّاف ما هزّت قلوب علوجه ليه الأقصى من دنس شارون ماهو .. ناجي=والرّمادي يشكي أحواله على الفلّوجة والعرب مقتول .. ومشرّد .. وأسير .. ولاجي=واقعٍ خلاّ العقول الصاحية مرجوجة صار دمّ المسلم أرخص من مرقة الماجي=كربةٍ ما أظنّها " ياعريبيا " مفروجة لو لبستوا مع ثلاث نجوم سيف وتاجي=وامتلكتوا منزلٍ فارِه وطفل وزوجة! زال مشهاب الحسد بقلوبكم وهّاجي=والمعاصي والكباير في جميع الأوجه مار أفيقوا من سباتٍ طايلٍ منعاجي=وأخْلِصُوا لله .. وخلّونا لدينه .. نوْجِه رجّعوا ذكرى صلاح الدين والمعراجي=وابشروا بالنصْر من ربٍّ ماشئ ايحوجه غصب يهزم واحدٍ قلبه سوات الصاجي=شرط .. مايرجع ولد عمهوج .. مع عمهوجة هاذي آخر مانظمته من صميم انتاجي=يالله اجعل ما زرعته .. يثمر بمنتوجه [/poem] |
(( يا ناس ))
للمبدع / هادي بن شنيف ياناس ياللـي هزّكـم عاصـف الريـح رحتوا مع اطـراف السواحـل طفائـح ياللـي مـع الأمـواج مثـل الطلافيـح تمـوج وأنتـم بيـن غـادي ورائــح مـن جانبـوا درب الرجـال المفاليـح راحـوا لعـدوان الشريـعـه ذبـائـح بيـن الهـوى وإبليـس قـومٍ ذوابيـح فتّانـةٍ يدعـون صــوب الفضـائـح والنفس فـي عـون العـداه المشاويـح وكم طرّحـوا بسيوفهـم مـن طرائـح وش لون ما أنخى وأرفع الصوت وأصيح وأقـول منهـم كـم صريـعٍ وطائـح كـلٍ يعـد لـبـاب بيـتـه مفاتـيـح قـدام لا تطـوى عليـكـم صفـائـح وأدّوا فرايضـكـم بنـيـه وتسبـيـح وتناصحـوا والديـن بـذل النصـائـح تـرى القيامـه يـوم طـي الصلافيـح يـوم الخلـف منهـم محـزّن ونـائـح نجـول فـي بحـرٍ يطـم السبابـيـح يمـوج موجـه كنـه الـقـدر فـائـح ياقـع بموجـه ميّـت القلـب ويطيـح مـن مـات ماقـدّم لنفـسـه فـلائـح يا أهل الشراء والبيـع سـوق المرابيـح بيـعٍ يكسّـب يـوم كشـف اللـوائـح سـوقٍ يبـاع ويشتـرى بـه منافيـح فيـه المكاسـب طـائـلات الربـائـح كسـب الغنائـم للرجـال الطحاطـيـح غـبّ النكيـفـه يكسـبـون المـدائـح أحـدٍ علـى ماقيـل منسـاح ومريـح وأحـدٍ يجـازى بالفـعـول القبـائـح والعمر يلفـى لـه صبـاح ومراويـح والعلـم والله يـوم نـشـر الشـرائـح يالله عسـاهـا للمسـافـر سوامـيـح ياعالـم الطرقـه عسـاهـا سمـائـح .. |
قصيدة( عـلـى عـجـل !! )للشاعر المرحوم بأذن لله تعالى سعيد بن واحش
,,, ,,, ,,, ,,, ,,, ,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياركب .. يا مترحلين على عجل=وعن المنازل ينشدون اهل الدلل هلا تمهلتوا .. ولا اعجلتوا الخطا =علي على ذكرى هنوفي .. أمتهل وهلا مرحتوا ساعةٍ في ذا الحزم =لعلني ارقى على .. ذاك الجبل واشرف على اطلالٍ خوالي ساكنة=الا من عوى ذيب .. وسروحة ثعل نزاله بسابق سعايد ضيفهم=فكاكة العاني بمرهوف الصقل هم قومها .. واعمامها .. واخوانها=اللي خذت عقلي .. ولا خلت عقل !! وبني عمومتها .. وهم كل اهلها=لكنني في قلبها .. اسوى اهل شدو على تسعين بكرة في ضحى=تسعين مع تسعٍ .. وحاديها بجمل في حزة امطار .. وسيول .. سايله =وقت الربيع .. ووقت وارقة الظلل كان الوطن زاين ولا ادري اش حدهم!!=يوم ان كلن شد حمله ثم زمل!! شدو وشدت معهم ..الا قلبها =عيا يشد عني .. وعيا يرتحل شدو ولا شديت .. لكن قلبي شد =معهم على غيمة من الحب ورحل ولا بقي من رسمهم واثارهم =الا انا .. والحزن .. وذيّاك الطلل !! هي الحسون الطاهره والعاذره =ولاغدا في حبنا زل وخلل على النقى ما قد تعافرنا الخطا=وهي الخجول من النسايم تنخجل هي غالية .. بنت الرجال العاربه=وعلى اسمها هي غالية .. تسوى دول بيضا كما ثلج الشمال اليا نزل =رقيقةٍ .. مثل الفراش المنتقل في صوتها خنه .. وبحه .. مع دنو =تلتغ بحرف الرا .. ولا تنطق بـ(ال) سودا العيونِ .. سخايفٍ حجانها=بتلا الرموشِ .. كواسلٍ .. فيها نجل وخشمها كالسيف سامت ما انثلم =ملموم جنبينه .. وفي راسه بتل وثغرها خاتم جماره واريه=خلفه ثلوجٍ لامعه .. مثل الهلل و خدودها كالخوختين النادية !!=موسومه بشامه كما حبة دقل ووجهها .. كنه وحوله شعرها =بدرٍ مدور في ظلامٍ مشتعل !! عنقا عريضٍ عنقها فوق الكتف =مركوز .. مسمورٍ .. ولا فيه الميل والشعر الاسود داني لدون الظهر =على الكتف خصل وعالجبهه خصل هذا الحسن حسن الكتوف وما على !! =وش كان قلتوا لونظرتوا ما نزل لكن عسى الله يغفر الزلات لي=الغافر الرحمن للي قد زلل استغفره .. واتوب له .. واسترحمه=واهل من خوفه .. مخاييل المقل وارجوه يدمح لي ويقبل توبتي=ولا يحملني .. بما لا احتمل وانا ضعيف ولا احتمل عذابها =نارٍ توقد بالحجارة في صلل ولا احتمل نكير .. ومنكر .. لا لفوا =يالله ترحمني وتغفر ما حصل ويالله ثم يالله يالله يا ولي=يالله ياللي كل ما شاءه فعل يالله ثم يالله ثم يالله ثم =يالله ثم يالله .. وازيد بلا ملل يالله ثم يالله ثم يالله ثم=يالله ثم يالله .. اجب عبدٍ سأل اسألك ترشدني الى درب الهدى =وتدلني الى الذي ما كنت ادل من الشريعة .. والعبادة .. والتقى=ومن المراجل .. والكرم .. ومن البذل واسالك مالٍ احكمه باصابعي =احكمه .. ما اذل له ولا استذل واسالك قوة باس فاليوم العسر=قوة تقويني على الخطب الجلل واسألك لا جار الرفاقه بالصبر=واسالك لا جرحي تفرى يندمل وولد صالح .. واسمه (صالح) لا كبر=يغدي على جده .. كما كوكب زحل واسألك ذرية يشرفها انها=من جدها (سعيد بن واحش) تنّسل واعوذ بك من اللئيم وغدرته=واعوذ بك دامي جبل .. حذف الخبل واعوذ بك من عثرتي وكسرتي =واني اقول بما لا اعلم واجتهل ويا حي يا قيوم تجعل موتتي=مابين ضبح الخيل .. وسيوفٍ تسل ماهي على وسادتي .. واريكتي =ولا هي على جنبي كما موت البغل البغل لا جت ساعته وحزته=شهق ومات وطاح ونثر ما حمل ثم ينسحب من رجله ثم ينذب في=حفرة ويرمى فوقه سطلٍ من رمل وانا ياربي ما ابي هذي موتتي !!=اعوذ بك لا اموت في ساعة جهل ابي اموت بطاعتك ياخالقي =شهيدٍ بطلقة ودمي منهمل من تحت راياتٍ خضر رفيفها =واموت انا من دونها موت البطل من دون دين وعرض ومالٍ ووطن=لاخر نسم في صدري وانا محتمل مني الدعا ومنك .. استجابة الدعا=يا مستجيب لداعيٍ عينه تهل ولا ابن ادم!! .. ما بساله حاجتي =مادام لي ربٍ يجيب لمن يسل سبحان خالقنا على منازلٍ=اربع .. عليها ولد ادم يندول الرحم .. والدنيا .. وثالثها القبر=والرابعة الاخرة .. لمن عمل اربع منازل لو تأملها نظر =لكان مما في عجايبها انذهل ولما تحسف لو فقد مهما فقد =ولما كنز مالٍ ولا بابه قفل الرحم لا جرى به الما ينخلق =بعد اربعين العبد دم مجتمل ثم اربعين يصير فيها مضغةٍ=من لحم في كبر الفصم .. ولا اقل لا روح .. لا لسان ..لا قلب .. ولا =عقل .. ولا يدٍ تطيش .. ولا رجل ثم اربعين .. وينفخ الروح المَلَك=ثم يكتب الاربع حظوظ بلا وجل يكتب عليه: اما سعيدٍ او شقي =ثم يكتب اعماله .. ورزقه .. والاجل اما السعيد الى الجنان وظلها =واما الشقي فالى الجحيم المشتعل بعدل ربي ما ظلم احدٍ بها=سبحانه بعلمه وحكمه قد عدل ثم العمل بصالحة وسيئة=والرزق مثل الموت يلحق معتجل ثم الاجل يكتب عليه بساعته =بحكمته وقدرته عز وجل اربع شهور في الرحم ذا علمها =وخمسٍ وراها فيها خلقه يكتمل سبحان من قلّبه فيها واطعمه=واسقاه من سره كما عذب النهل وادفاه في وقت البراد بلا لبس =وانشاه حتى صار خلقه في عدل ثم اخرجه من بطن الام ورحمها =من ذلته اخرجه من احقر محل للمنزل الثاني .. وللدار اللتي =اكثر بنيها بالتوالف منشغل دار العمل .. والكسب .. والذكر الحسن =والفخر .. والبغضا .. والابنا .. والميل دار التحاسد .. والتنابز .. والنمم =دار التحارب .. والترامي .. والقتل فيها ابن ادم يحسب انه خالدٍ=ويكنز الاموال من ضيم وجهل ويعيش في درق الحياة وظلها=ينسى ان نور الصبح يجلي كل ظل يبدا طفل .. جاهل ضعيفٍ .. معتوز =يكبر .. وثم يعود للمبدى طفل يحبي ويمشي ثم يشب ويقتوي=ويشيب نقصٍ بعد ما شاف الكمل مابين غمض العين وانتباهها =يبدل الله حالته .. الى بدل ويصير للقبر الصغير .. وضيقته=والى انتهاء الوقت وقطوع السبل والقبر باب الاخرة المستاخره =يبدا بها حساب ما سوّى قبل ياتي الملك في يمنته مرزبته=لو ينضرب فيها جبل ينهل هل يسأله عن ربه ودينه والنبي=الله والاسلام وخاتمة الرسل فان جاوبه بهاه .. هاه .. ومادري=يا صبحته !! .. جهنمٍ فيها يغل وان جاوبه اجابة المومن بها=فكل شيٍ من بعد قبره سهل وينقلب قبره رياضٍ وارفه =ويجي عمله باحسن واجمل شكل يونسه الين يلقى خالقه =ويورده للجنة ونهر العسل ينعم بحور العين وصحبة النبي =واعظم نعيم يشوف مولاه الأجل يالله عسانا للهدى واهل الهدى =مع النبي في ساقته ربعٍ واهل هذي نصيحة قلتها مناصحة =ياجعل ما اخطي عنها ولا ازل تاملوا ياركب فيها وادرسوا =وتفكروا في رسمها على مهل لعل ربي ينفع المومن بها=ويفوز يوم العرض يلقى ما امل تدبروا فيها على ذيّ الحزم ..=الين ما اجي من على ذاك الجبل !!![/poem] |
قصيدة ( ياااااااامعشر المسلمين ) للشاعرالقدير عيسى الشاطري :: :: :: :: :: ::[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يامعـشـر المسلمين الغرب داهمنا.!=من غير جيشـه بغـزو الفكر غازينا ناسٍ تخـطط وتدرس كيف تعدمنا=تبي طريقه بدون انحس تنهـينا عن شرع ربي تبي تخلف مفاهمنا=حتى عـلى الدين مانبني مبادينا وحـنـا نـشـوف الـكـوارث مـاتـعـلـمــنــا = مـدري مـتـى نـحـس بالّي حاصلٍ فينا قـدام تـخـفـي عــن الــديـنـا مــعــالـمــنـا = ونـروح عـنـهـا ولا كـنـا بـهـــا جـيـنـا صـرنـا نــتـابــع ســكــوت ولا تـكلـمـنــا = لو هو على الظلم لا شفنا ولا اوحينا جـونــا بـــمـعـنى الحـضـاره لين سلـمنـا = الأمـر فـي ايـديـنـهـم سـلـمـتـه ايـديـنـا وطـحـنـا بـمـعـنى حضارتهـم ولا قـمـنــا = نـبـي طـريـق الـحـضـاره بـس ضلينا نــبـي حـــضـــارتـهـم بــالعـلم تحشـمـنـا .! = وهيه على العكس تظهر كل خـافـينـا!! يــانــاس بــالــعــــقــل لــونـا تـفـاهــمــنـا = لـكـن حـنـا بـلـيـس الـيـوم مـغــويـنـــا مــعــقــول نــرجــي مــعــاديــنــا يقدمنا؟ = ومـعـقـول مـن ضـاع فـي دربـه يقدينا؟ ومعـقـول مـن هـانـتـه نـفـسـه يـكـرمـنتا؟ = ومـعـقـول مـن رغـبـتـه دانـا يـداويـنـا؟ لا والــذي عــزنــا بـالــديـن ونــعــمـنــا = ربــاً خـلـقــنـا. ورازقــنــا. ومــحـيـيـنـا انــهــم يـــبـونـا مـن الـيـسرى الى اليمنا = فـي إيـدينـهـم لـعـبتٍ مـن غـيـر تـثمينا وفــعــلاً بــدو دهــدهـتـــنــا لـين مانمنـا! = بـسـيـاسـه وضـحـك لـيـن انـا تـخاوينا وصـارت مـيـانـه وزاد الـوضـع والمنـا! = ونـبـي الـسـلامـه. لا كـن مـاعـاد يمدينا وهـم اكـشـفـوا وضـعـنـا والـله يـعـلـمنـا = انـا عـن الـديـن وخـصـالــه تـراخـيـنــا وبعد انكشف وضعنا وصلو محاشمنـا = بـسـتـار اكـاديـمـي. الـله عـنـه غـيـنـينا وبـسـم الـتـحـضـر تـبـدو فـي مـحارمـنا.! = وخـلـو مـشـاهـيـرنـا يـرعـون واديـنـا!! وشـبـو لـهـيـب الـفـتـن فـيـنـا وقـسـمـنـا! = وصـارت عـن الـحـق تبعدنا خطاوينا! ومـن بـعـد مـرخـو بموضتهم محـازمنا = ولا عـاد يـنـفـع عـزاوي لـو تـعـزوينا! وفـي غـبـت ابـحـورهـم ومـواجهم عمنا = ولاعـاد تـرسـي على الشاطي موانينا قـد قـالـه الـمـصـطـفـى وهـوه مـعـلـمـنا = يـقـول. فـ آخـر زمـان الناس يـعـنـينا يــقــلــدون الـــيــهــود الـله يـرحـمـنـــا = لـو كـان خـشـو بـجـحر الضب خشينا صـحـيـح لـو جـو بـقـواتٍ تـهـاجــمــنـا = نــقــول تــفـتــكــنــا مـنـهـم يـمـانـيـنـا لكـن تـحـت اسـم مـوضـتـهـم تحـطمنا = ونـمـنـا. عـسـى الله بتقوى منه يصحينا ونـكـان مـا الـله بـفـضـلٍ مـنه عاصمنا = عــز الـله انـا بــدون اشــكـوك ولـيـنــا[/poem] |
الأخت / الفجر البعيد
جهودك رايعه والله يجزاك خير على هذا الموضوع القيم |
يقول سداح عسى عمره يطول واعماركم جميع
[poem= font="Simplified Arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياحزّة الضيق .. صدري منك ما ضاقـي = لقيـت معـك العـلاج وهانـت العلّـه إليـا رميتـي بدلـوك داخـل أعماقـي = قريت لك مـا تيسّـر مـن كتـاب الله أطوي حبالك وأنا واقف علـى ساقـي = عليك راسـي طويـل ولا قصـر ظلّـه كم راح من ضيقه .. وكم من حزن باقي = جردت كشف الهمـوم وجـات منسلّـه وأنا لوّ أنيّ زعلـت وشانـت أخلاقـي = لازلت من فضل ربيّ مـن هـل الملّـه مخلوق قانع وراضـي بأمـر خلاّقـي = مثلت لأمره وانـا خاضـع مـن الذلّـه بكيت يـوم المدامـع تحـرق إحراقـي = لكنّ هانـت بعـد جـفّ البكـاء كلّـه أخاف من يوم تشخص فيـه الأحداقـي = وتميـل بـي كفّـة التقصيـر والزلّـه يـاربّ عفـوك وأنـا للعفـو توّاقـي = كم لي وقلبـي يفـوح ولا بـرد غلّـه لو راحة البال تعرض وسط الأسواقـي = ما كان نـص الخلايـق صابهـا خلّـه والشعر من يـوم ماخربـنّ الأذواقـي = ماهوب في حلّـي ولانيـب فـي حلّـه ما غير أغنيّه لو مـا حـرّك أشواقـي = قريحتي مـن ثـلاث شهـور منشلّـه أدرّج السانيـه .. وأعــدّل السـاقـي = واللي سقا السنبلـه عيّـت تسنبلّـه ! مـا حـنّ رعـاّدي ولا لاح بـراّقـي = إلاّ بعـد راحــت اليـبّـاس مبتـلّـه لكن عسـى ساحتـه بألفيـن طقاّقـي = هـذاك صفـقّ لـه .. وهـذاك طبلّـه غش ومجامل وزيـف وكـذب ونفاقـي = جات لوجيه البشـر ماهـي لوجـه الله ومسابقـات القصايـد طـاق طرباقـي = طربق على الشاعر الموهوب وأرسلّ له فـالليل طارت ما بين دشوش وأطباقـي = والصبح طاحت علـى البـراّد والدلّـه وعن سلّة البيض يـدري كـلّ سلاّقـي = وكلٍ تحيزم لسلـق البيـض فـالسلّـه مابين شعر الحـدث وعيـون عشّاقـي = مشكور يا اللـي تعقـد الحبـل وتحلّـه ( خلاص ماعاد فيها قدس وعراقـي ) = قبل إحتـلال العـراق القـدس محتلّـه مدري متى نجتمع فـالمنـزل الراقـي = بعد أفتـرق جمعنـا كثـره مثـل قلّـه اللي بقا مـن زهابـي مـوس حلاّقـي = نفضت خرجي و وزّعته علـى الشلّـه من يرفع أقلامي ليـا جفّـت أوراقـي = أخـاف لا أمـوت والأقـلام منصلّـه ! [/poem] |
هلا اخوي متعب
الف شكر على تفاعلك وحضورك الراقي والله يجزاك خير |
قصيدة ( ازهلها .. وتبشر !! )للشاعر المرحوم بأذن لله سعيد بن واحش ,,, ,,,, ,,, ,,, ,,, ,,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ماجت امواج الخليج وزلزلت روس السراه=وانتفض ركن الحرم والطايف اطبق اخشبية وضاقت اطراف الحجاز ونجد من كل اتجاه=ومال دجلة للفرات يبثّ مشكاته اليه هذا حال الكاينات اش حالي انا والسواه=وانا عبدٍ مسلمٍ دون النبي باغلى بنيه شفت ما خطت اياديهم على سيد الهداه=وارتعش عظمي وباح الدمع من تيّه وتيْه وتلني همي كما تل المقيّد من قفاه=تله السجان لا راحم ولا شافق عليه وذبه في وسط السجن يا كن قلبه من صفاه=ودق صفحه فالجدار الين ورّم وجنتيه وضاق صدري ضيق محكوم القصاص اذا لفاه=علم بالتنفيذ وان الوقت ماهو في يديه وقال لا جا خيه في وقت الزيارة يا عساه=يبلْغه يبلّغ اهل الخير شرهات الشريه وابتدى وقت الزيارة وانتهى ولا لقاه=وما بقى له غير يطلق للبكاوي دمعتيه وانفرى كبدي فري من شاف بنتٍ لقصراه=حوطوها طالبين السو وصاحت تحتميه وهو مصوب فالقدم والقيد محوي في يداه=وكل ما وقف تعثّر وانقحم لركبتيه كل ما صاحت يصيح الين ما جابت قصاه=وقام يلعن حاله ونفسه ويلعن والديه يابعد كل العرب من الملوك الى الرعاه=كل واحد فينا يفدى شاربك بامه وابيه يا اشرق وجيه البشر واعز من يطوي الفلاه=واشرف اصفياء ربي وانبياه ومرسليه يا اشجع من الموت لا جت حزته ياخذ قراه=ويا حليم احلم من الطفل اليتيم على السفيه يا اجود من الغيم واصدق ما ترتله الشفاه=واصبر من الدرع لا جا كل سيف وصك فيه باسمك ينادي المنادي يوم ينادي للصلاة=وانت تشفع في نهارٍ فيه يحتار النبيه وانت اول من بيفتح باب جنات الاله=واخر انبياء ربي من ترك هديك يتيه ارسلك ربي لتخرجنا من غبوب وعماه=والصحابه دونك تحامي وعرضك تفتديه اظفروا بك في حياتك درع وسلاح وعباه=وجاهدوا دونك وفلوا كل سرب وراكبيه وحنا والله لا ظفرنا بك ولا كنا حماه=وهذي حزتها نفادي دونك بكل ما تبيه ازهله لي يا ابا القاسم وتبشر فالبغاه=مات (حسانك) وقام (سعيدك) يضدّ الوجيه الصور مدري الرسوم تبيّن اللي فالخفاه=بانت البغضا وطاح الستر عن وجهٍ كريه بعد ماهي فالصدور تعلقت على الجباه=وصارت اوضح من شعاع الشمس للي حادريه يا رعاعيع البقر!! والكيل طفّح جانباه!!=صارت اكبر من جملنا بالمكر يا ماكريه كل شي الا رسول الله وخيرة انبياه=دونه المليار يدحم له فداة لناظريه دونه رقاب ووجيهٍ تدرع طعون العداه=والله من فوق العباد يكف نبيه شاتميه علم الكافر وقله لا بلغ سيلٍ زباه=كل مسلم يفتدي دون النبي بامه وابيه ولا افتدي بالوالدين الا النبي سيد الهداه=عد ما هل المطر .. صلى الله وسلم عليه[/poem] |
قصيدة( العـراق الموحّــد !! ) للشاعر القدير سداح ::: ::: ::: ::: ::: ::: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا طير عقب البطا هاك اللحـن غنّـه= ضاعت عليك اللحون اللـي تغنيّهـا غرّد بصوتك على اللّي ما ضحك سنّه= ودوبك على نون عينـه لا تبكيّهـا لو أن شعر النّبط ما يدخـل الجنّـه= الكلمـه الطّيبـه طابـت معانيـهـا المنطقه والعه .. والنـاس منجنّـه= والأرض بأحداثها فيها ومـا فيهـا واللي قضـا دورة الأقـدار قاضنّـه= وروحه على مايشاء ربّه يقاضيهـا مانيب ويّاه لـوّ أنّـه .. ولـوّ أنّـه= روايتـه بيـن كاتبهـا وقاريـهـا من ظن فينا المصيبه ما كذب ظنّـه= كثرت علينا الطوايف كيف نحصيهـا الفرس قامت تحدّ السّيـف وتسنّـه=فزّت عيال الخمينـي مـن مفاليهـا قوم العمايـم علينـا جـات مستنّـه= تومي علي ملّـة محمـد بأذانيهـا بإسم العراق الموحّد تقـرع الشنّـه=والغرب يرقص وحاميهـا حراميهـا لو مقتدى الصدر صدره دقّه ودنّـه=الملّه الخايبـه مـن حـظّ راعيهـا و الرافضي لحيته من هيلـه وبنّـه= يكّدها أبليـس .. وامريكـا تحنيّهـا وطهران تدعو لخوض الحرب وتشنّه= خلف الكواليس مكشوفـه مراميهـا يا بوش ماعاد لك عند العـرب منّـه= سرّح جيوشـك وراك ولا تضويّهـا والمالكـي لا تـردّون الخبـر عنّـه=عميل لـه وقفـة ٍ بانـت مواريهـا قام يتفنن وبـان الشـرّ مـن فنّـه=حاكم وكلّ الحكومـه تبّـت يديهـا الدار منهـوب والمنصـوب يعننّـه=منحـاز والعنصريّـه مـا يدانيهـا وأزرت تشيل الجنايز حملـة الدنّـه=فاضت من أخواننا السنّه عراويهـا عسى سهـوم المنايـا مـا يخلنّـه=تصيبه وجنّـة الفـردوس يخطيهـا تكفون لا ننشغـل والخيـل منعنّـه=الوقفـه الثابتـه هـاذي حراويهـا الله يعزّ الصفـوف وينصـر السنّـه= ويدمّر الرافضه عـن بكـرة أبيهـا [/poem] |
قصيدة ( (البابا) وعياله ) للشاعر القدير عبداللطيف الغامدي ,,, ,,, ,,, ,,, ,,, ,, [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياهجوسي دفتر الشعر وهمومه=انتشت وانا على صهوة حصاني جاوبيني والمقادير محسومه=ما تفيد بها معارف ولا اعواني قمت لكن قومتي ماهي القومه=اجبرالمكسور واكوسر الحاني غيرها ماعندنا بحر ونعومه=دام حالي طيّب تصحّ يالساني جبهةالاسلام للذبح موسومه=لجل مايغلط بها مقصل الجاني انبرى الشيطان يستجمع علومه=ويتخمّش راية الحقّ من داني لعنبو (البابا ) وظلفه وزلقومه=مذنب وفاجر وعاصي وعدواني قلّته في عمّة الشّرك معمومه=يايهودي يايهودي ونصراني غير ماله لوم لو غالط رقومه=دام وانّا بين نايم ونعساني نطلب الله شهرنا الجاي ونصومه=مايجوز الشرّ في شهر الاحساني لين نتعدى هلاليه ونجومه=ثم ننسى جرحنا في حرى الثاني اثرقلب الدين ماعاد له ثومه=انفضخ قلبه على كل ميداني والبقايا الباقيه منه مكلومه= لجل ما تنبض بالاحساس الايماني ياصلاح الدين طاحت به عزومه=من يد ارهابي وبعثي وعلماني مات ليث وعاش فيلٍ بخرطومه=مخه امريكي وراكبه سستاني انفلت لاعزّه الله على قومه=ثم جندلهم عراقي ولبناني لين قام ابن الفخر ينزع هدومه=بئت بالخسران يالهادم الباني يوم تتجرى على الدين وتسومه=لا ورب البيت لتبيع خسراني لا تعاين كندليزا وهي بومه=قرنست لين اصبحت طير حوراني غير وان طارت لها يوم مهزومه=هي وبوش وقوته وانت يافلاني كعبة الاسلام ماهيب مهدومه=مايجيها شر والوعد قرآني دار ابومتعب بالاخيار ملغومه=وان تخليتوا ياجعل الردي فاني[/poem] |
مجهود رائع اختي الفجر
الله يبارك فيك ويجراك والاخوه جميعا كل خير لي عوده باذن الله في حال وجدت ما يناسب |
هلا اخوي عبداللطيف
الف شكر على حضورك الراقي وجزاك الله خير |
قصيدة ( يالله انصر دينك ودمّر عدوّك ) للشاعر القدير عبدربه :: :: :: :: :: :: [poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الرشا دار وركب فوق المحاله=والمحاله راح تاقف لا محاله يالله انصر دينك ودمّر عدوّك=اليهود اللي على الاسلام عاله دانمرك الله دمرك بما اقترفته=اهبوا اهبوا وش فعلتوا يالحثاله ابك ماباقٍ سوى خير البريـّه=تتهمونه بالظلايم والجهاله لعنبوكــم..لعنبوكم..لعنبوكــم=مالقيتوا غير هالاقوال قاله عن محمّد خير من صلّى وزكّى=وخير من طاع الولي جلّ جلاله الف صلى الله على عبده وسلّم=كل ماجابوا على الألسن مجاله رحمةٍ مهداه للي يتبعونه=نشهد إنه يالعفون أدّى الرساله وأنتم أهل الشر والأرهاب كله=وأنتم أهل الكفر وأصحاب الضلاله وأنتم اللي جعل ربي يبتليكم=وياعساكم دايماً فأخسّ حاله اسمعوا ياللي بقركم منكم اطيب=ماعرفناكم ترى ألاّ من خلاله اسمعوا وان مافهمتوا ترجموها="كل دنْمركي يبا أهَلْه وْعِياله" يرجع لربّه ويستسمح نبيّه=ويعتنق دين الكرامه والعداله ويتعذّر من هل التوحيد عذرٍ=يقنع الرجّال عن باقي حلاله وعهد مره ثانيه ماتنتكرّر=ياعديمين الرجوله والشكاله وألاّ والله..ثم والله..ثم والله=لنحكم في خارطتكم بالأزاله لو خدعكم صبرنا عنكم ليالي=عندنا لْكم يوم مخصوصٍ لحاله نحنُ قومٌ حلمنا يسبق زعلنا=وإن زعلنا من لزمنا..عزتاله تم ماقلته (وقيد اعذر من أنذر)=ثم صلى الله على محمّد وآله[/poem] |
| جميع الأوقات بتوقيت GMT +3. الساعة الآن 10:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية