المشاركة الأصلية كتبت بواسطة فهيد بن عصيدان (المشاركة 1029000)

انت تامر ولجل عين تكرم قصيده يابومناحي :)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يومي لي ابليس العفن بالمشاهيب=وانا على الله وفقتي وإتّفاقي
مقطوع من نوم العيون المغاليب=قطع العراقي من سبيل العراقي
لي في عيون الذيب .. من غفوة الذيب=وفالراس .. من موج البحر الاصطفاقي
وفالعين من حمر المياسم لواهيب=وفالخد من زُرقة دموعي زراقي
وفالاذن .. من صدري دبيج المشاعيب=وفالقلب من جرح الجريح إنفتاقي
أشوم من كثر الحكي والاكاذيب=واحط بين اذني وبينه رواقي
وإن عذربوبي مكثرين العذاريب .؟=ماضاقت فـْجوج الوسيعه بساقي
العبدلي .. والسالمي .. والنويصيب=إتعبّر اللّي من ثرا الدار ضاقي .!
ياقوم يارفقة قريب المحاضيب=اللي ( وفاقه مايلايم وفاقي )
أظهر ووجهي طلْق عند الاشانيب=وأحسب حساب لجيّتي وإنفهاقي
ياعنك .. بعض الروس خوْيه من الطيب=لو كان تسترها الغتر والطواقي
جرّبت .. ( والدنيا دروس وتجاريب )=وأخير من بعض العهود الفراقي
العمر .؟ حبلٍ ما لراسه مقاضيب=وللحبل حلقه .. والسنين الحلاقي
ينمدّ .. ماللآدمي علم فالغيب=ويشوف مايكتب .! ولاله متاقي
* لكنّ ياعمّي عليك المناديب=ماخيّبت من لاهقى فيك هاقي
في حلّتك مجمع خيار الأصاحيب=بيض الوجيه إمعرّبين العماقي
كنّ الضيوف إليا لفوك .. المعازيب=تِلحق كثير المرحبا .. بالطلاقي
تفرح لالحّقت الطلاق التراحيب=ودام الكريم إمعان .! ماهوب شاقي
وإن حدّك الماجوب تنفض له الجيب=لو كان مايبقى من الجيب باقي
تشعم جرومٍ ماحطبها الحطاطيب=ضيّانها .. يسري عليها الطراقي
للعاني .. وللصاحب .. وللأجانيب=كرمْك عين , ومدّ كفّك سواقي
عمِّ تنومسني بطاريك لاجيب=منّا ومنّا .. فالمسمّى تلاقي
لوبدّلوني في مناسبْك مانيب=معتاض في قربك ولانيب لاقي
المرجله لوهي بروس المراقيب .؟=نلقى لك بروس المراقي مراقي .![/poem]


* الممدوح عمّي خالد بن حمد بن عصيدان وسلامتكم :)

المشاركة الأصلية كتبت بواسطة ناصر مناحي (المشاركة 1029420)

والله وبالله العظيم انها من اجمل ما قريت في الفتره هذي

ووالله لو ان الكلام والمدح والثناء يوفيها حقها لتخلص الصفحات وانا ما خلصت

جزاله وابداع وابيات تحفظ من اول قراءه

لله درّك يابو محمد والاعجاب والمتابعه منذ مبطي


صح لسانك مدد وسلمت