الرسائل المرسلة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مبارك العجمي عداك اللوم = أبعتذر وأقبل معاذيري

والسالفة ماهيب حب خشوم = عذري سمين وفيه تبريري

واللي حصل يا صاحبي مقسوم = لا ماحصل بأسباب تقصيري

مانيب لا معطى ولا محروم = وما أقول لك دور على غيري

لكن صبرك والطيور تحوم = ولا بد ما يلقى العشا طيري

وصح بدنك لو قلت صح النوم = والله يكثر خيرك وخيري
[/poem]

الرسائل المرسلة



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا راجح السالفة ماهيب كبوة جواد = حنا نعرف الجياد ونعرف اللي كبا

السالفة واضحة وأنته تعرف المراد = وما كل هدهد ليامن غاب جاب النبا

وأنا أدري إنك بعيد شبور مير الوكاد = ولم لي من أطيب بكارك ذلول صهبا

وإن قاله الله لتارد عد راع الشداد = وانت استرح ومخدوم وغيرها وش تبا

وأبجتهد لك وما به لوم عقب اجتهاد = وكانك حبيت الفوايد فالله اللي حبا

دامك ولد عم وإليه معك شرب ٍ وزاد = فأبشر بوجهي وجاهي والضعوف تهبا

وبعض العرب لا يقوده عزمه ولا يقاد = إما برك يا طويل العمر وإلا حبا
[/poem]

صندوق الوارد

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تربطني الخوة بروس المطاليق = ربط المحبة غير ربط الصداقة

وأصعد برفقتهم على قمة طويق = وأد عن راع النفاق ونفاقه

أنا أشهد إن الطيب وهبة وتوفيق = ماهوب عقدٍ يبرمون اتفاقه

وأنتم من اللي ساكنين المعاليق = ومن مثلكم مكسب وشوفه شفاقه
[/poem]


المرسل : الأستاذ علي المسعودي

صندوق الوارد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بندر سرور أبوك خلد سجله = واليوم أنا بصير بندر سرورك
[/poem]
يا سلام

المرسل : نواف الدبل


الرسائل المرسلة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إعجاب شخصٍ عادي بقصايدي شي ٍ جميل = وش لون إشادة شاعرٍ قصايدي به معجبه

أنا أشهد إني قدها وإعجابك الأكبر دليل = والنور لو حاول معيض الكرشمي ما يحجبه
[/poem]


صندوق الوارد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وزنك خفيف وبالشعر وزنك يابو معلا ثقيل = اللي يبدّع نمدحه ، واللي يزفت نشجبه

اتحجبت نهى نبيل وطنشوا نهى نبيل = وش لون تب تقنع معيض الكرشمي وتحج به !
[/poem]

الرسائل المرسلة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطني علوم الشيخ قبل يتفاقم = الوضع ، وأكلم على الشيخ وأشكيك

بقول له بو نوف يا شيخ ناقم = وما قال لي يا شيخ : شبيك لبيك
[/poem]

إلى : إبراهيم المرزوقي - الإمارات

الرسائل المرسلة


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبشرك يا بو خلف صرت مثلك = أسوي رياضة وغيري مخيَّش

والحين أنا مابين بعدك وقبلك = بالضبط مثلك ما بقى غير أشيَّش [/poem]

الرسائل المرسلة


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالوا معزِّي مات ، وأقول ما مات = في ذمتي لازال عايش إلى الآن !

الطبع نفس الطبع ماش اختلافات = ولا اختلف غير الأسم صار سلمان
[/poem]

صندوق الوارد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابن معلا فيك غنيت الألحان = من يوم عنا رحت في الدرب قدام
مدري انشغلت بهيئة حقوق الإنسان = وإلا دخلك الكبر في تال الأيام
[/poem]

نفسي أعرف من هو :woow55:

الرسائل المرسلة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالشمري سددت لأخوك لكمه = ولا أهتز منه إلا بقايا ملامحك

الأسم حاكم مير ما معك حكمه = وأنا ما أقول إلا عسى الله يسامحك
[/poem]

صندوق الوارد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض الأمور أحيان تجبر بحسمه = تأجيلها ياقلب ماهو بصالحك

عند الخوي قدرك ليا طاح سهمه = لا تعتقد إن البقايا تربحك

أقضي عليها كل شخصٍ وقسمه = ولا تجرحه آخر حياتك ويجرحك

واشطب من الهاتف سجله ورقمه = حتى ولو أصدق صديقٍ يناصحك

يعني مثل نايف بشحمه ولحمه = اللي يلم شعور حزنك ويفرحك

رجلٍ يعجبك بالمجالس بفهمه = ويدميك لامن جاك بالشر ناطحك

على قفا كفه عطى الوقت لطمه = ويذبح عدوٍ راد بالحقد يذبحك

حجة عدل للي توشح بتهمه = يكتبك شعره لا بغى الغير يمسحك

بس الغلا يا قلب لا قل شسمه = تبغى الجواب ارتاح مني واريحك

نجمك أفل عنده وحافظ لنجمه = أحزم ضلوعك وابتعد لا يصارحك

البعد بعض أحيان مكسب ونعمه = على الأقل لا لاح طاريك يمدحك

( وإليا أعترض طاريه للشعر حكمه = تضحكني الدمعة ويبكيني الضحك )
[/poem]


حاكم المعلا

الرسائل المرسلة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حالت ما بين الصبح والشبح عتمه = وش قيمتك يا صبح لا تاه سارحك

عن اللمم واللوم ودي بكلمه = تِشعر بصدقك يا شعوري وتشرحك

للصاحب اللي ما أغفل القلب وسمه = اللي يحاليك الوداد ويمالحك

كذب نباي ، وصدق أضغاث حلمه = وأقفى بشبرية ظنونه يشرحك

يشن هجمه ويتصدى لهجمه = وبذنبك اللي ما أقترفته يسلحك

يحدا مغاتيري على مراح جهمه = وفي مراحها بعقال شكه يمرحك

سيَّس غياباتي على حد زعمه = وهبت سمومه بالملامة تلافحك

ظنه ورق بيلوت والشك حكمه = وفرش سراواته قبل ما يشارحك

صمتك هو الأبلغ وصدمتك صدمه = ويكفي عن الأعذار يمناً تصافحك

إنسى ترى النسيان للناس رحمه = وأعتبره بجدي كلامه يمازحك

والضيق لو إن تكابرت حجمه = ما أظنه أكبر من مساحة جوانحك

ويالشمري لو جيتني بألف حكمة = ما أراح أقول أكثر من الله يسامحك
[/poem]

تسجيل حضور

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]

صح الله ألسانكـ , يانايف معلا = ياشاعر ٍ تكسب من الشعر الاعجاب !!
نجم ٍ على كل الكواكب تعلاّ = ونوره تغيب انجوم لكن ماغاب !!
وشعره من الابداع سكّر محلاّ = فـ , أعقول من يهوى القصيد الجزل ذاب !
مدري لغيره ويش بقّا وخلاّ = وعن كل ناقد ينقده قافل الباب !
ابدع بنظم الشعر لاوالله الاّ = خصم ٍ يقف فـ , وجيه عكفان الاشناب !
ماهي غريبه يوم بان وتجلاّ = الاسم نايف والنسب خير الانساب !
ربعه عتيبه مزبنين المجلاّ = وابوه حلال المشاكل والانشاب ![/poem]

أبو رشيد أنت ما يبي لك رد تقليدي على نحو ( ماعليك زود ، الله يسلمك ، ... ) ..

أنت سجلت حضور مختلف ، والاحتفاء بك لا بد أن يكون مختلفاً ...!

انتظرني ! إن شاء الله

نايف معلا
السلام عليك ورحمة الله وبركاته
كيف حالك
يسعدني قراة نصوصك القويه
ولا هيب غريبه عليك
انا تراني متابع لك عبر بعض المناسبات والبرامج
وشاد انتباهي قوة قصيدك حفظك الله
اخوك / علي ربح بن مصلح السبيعي

علي بن ربح السبيعي

علي : أعليت من شاني .
ربح : رابح بـ إعجابك .
السبيعي : وألف نعم

صدقني علي هذه ثمرة الشعر ، فإعجابك بشعري هو المكسب الحقيقي ..

ألف شكر
وشكراً ألف

تحيتي وتقديري

الرسائل المرسلة

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسمي صغار السن لو يجهلونه = ما يجهله ربٍ من أرباب ( أسرهم )

مثل الهوى الأطفال ما يعرفونه = لكن ليا صاروا رياجيل ( أسَرهم )
[/poem]

إلى : عارف عمر

الرسائل المرسلة

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو لم يكن أطيب الشعار مدغمها = ما كان شفته بطل كل الرواياتي

وش عاد لو إن بن شلحاط شلحطها = واستبدل الرزف بالردح الإماراتي
[/poem]

إلى : مدغم ابو شيبه

الرسائل المرسلة

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالوا تمنى قلت ليه أتمنى = وأنا خوي معرب الخال والعم

الشيخ ابو سلطان زبن المجنَّى = دامي خويه ماني بشايلٍ هم
[/poem]

إلى : أبو نوف

الرسائل المرسلة

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا أشهد إني لا نصيتك لقيتك = وأنا أشهد إنك قدها كل ما أنصاك

جوالك مشرَّع مثل باب بيتك = يالله عسى من حط موجود يفداك

فعول طيبك جمر والعود صيتك = ويا قصر هقواتي ويا طول يمناك
[/poem]

إلى : عادل العصيمي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرجو السموحة يابو ناصر على الحاصل = لولا ظروفي لكون البارح قبالك

وهذي تهانيي من قلبي عسى تاصل = مبروك عرس الولد رائد عقبالك
[/poem]


إلى : العقيد مرزوق الحربي

الرسائل المرسلة

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرسل وما أشوفك ترد الرسايل = ياصاحبي قلي عسى منت زعلان

بين الرجال حقوق والشك زايل = حقوق رفقه ماهي حقوق الإنسان
[/poem]

الرسائل المرسلة

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما كل من يخطي علينا نعذره = العذر في بعض الخطايا خطية

وكانك تقول إن أول الغيث قطرة = قلت انتهينا وآخر الطب كية[/poem]