منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: مرقاب المَواهِب :.. (http://www.montada.mergaab.com/forumdisplay.php?f=62)
-   -   ثاني قصيده (http://www.montada.mergaab.com/showthread.php?t=45946)

ياسر العتيبي 15-08-2009 04:10 PM

وان قال جرح العـام وقـف نزيفـه
جرح السنه هذي يجي عشرة اضعاف


هذي مشكلة راعي الوفاء

صور رائعه وابداع معهود

صح لسانك وسلم فكرك ولاتبخل علينا لابقديم ولا جديد

كله مطلوب


سلامي عليك

سعود ناهض الرويس 16-08-2009 05:22 PM

الله الله الله

مبدع مبدع ياسعود

وصح لسانك ولاهنت

وتقبل تحياتي ومروري

عبدالله السمين 17-08-2009 02:51 PM

سعود غنام

صح السانك مدد على هذا الأبداع

سلامي عليكـ

مقبل الحربي 20-08-2009 02:25 PM

سعود غنام

صح لسانك مليون

كتبت شعر حر أصيل...الله يبيض وجهك

تحياتي وتقديري

هلال عوض المطيري 03-09-2009 05:34 PM

اقتباس:

المشاركة الأصلية كتبت بواسطة سعود غنام (المشاركة 1108372)
السلام عليكم

ترا ماهوب عنوان ثاني قصيده بالفعل ثاني مواليد قريحتي ومن القديم القديم

للتواصل واعذروني على القصور ,,
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كريم يابراق نو ٍ رفيفه = يشتاق له من يرقبه كثر ماخاف
قعدت اخيله فالرجوم المنيفه = في راس مشراف ٍ على كل مشراف
وهبت معاصير الرياح العنيفه= وانا براس الرجم يومي بي الساف
بس الهواء من حولي اسمع وحيفه= ولا معي مزهب ولاعندي لحاف
ودمعي بموق العين اجاهد ذريفه = اخشى اني اغفل عنه يذرف وينشاف
يذرف على وقت ٍ ليامر طيفه = عليه قلبي من على حيد مهياف
قلب ٍ معازيبه عصت تستضيفه= في ليلة ٍ عتما هوا بردها جاف
تذبل به اوراق الغصون المريفه = وتفرض عليها سود الايام الاجحاف
ليا اقفى الربيع وشابها حر صيفه = وهبت سموس القيظ من عقب الارياف
وعد ٍ تواردناه عكر ٍ غريفه = وفينا الضما مايقطعه كل مغراف
والوقت غادر والليالي مخيفه= وراع الوفاء ماينحكم له بالانصاف
ون قال وقتي طاب لي سل سيفه= محكوم ظلم وقاضي الحكم سياف
ون قال جرح العام وقف نزيفه = جرح السنه هذي يجي عشرة اضعاف
ومن لام عينه جعل عينه كفيفه = ومن جور وقته يلحقه ضيم واخلاف
كريم ٍ يابراق نو ٍ رفيفه = وانا تحت برقه بلا زاد ولحاف[/poem]

والله اني كل ما حاولت اقتبس بيت القى اللى بعده مرتبط به ولا يمكن ينفصل عنه

سعود انت شاعر بمعنى الكلمة

اعجابي ومتابعتي

تحياتي

ناصر مناحي 04-09-2009 07:31 AM

عليكم السلام ورحمة الله وبركاته

يا هلا يا سعود بن غنام

وصح الله لسانك مدد وسلمت


جميع الأوقات بتوقيت GMT +3. الساعة الآن 08:23 AM.

Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية