المشاركة الأصلية كتبت بواسطة فلاح آل مخلص (المشاركة 1134782)

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

على مراقيب الزحول الزحازيح=هلت على فرقى الولايف دموعي
دمع الغلا ماهو بدمع التماسيح =اصخيت به وانا صبور جزوعي
ذبحتني وانا بعيد المشاويح =وبينت ماكنيت غصب وطوعي
الروس ترقى والروابع مشافيح =وانا طبوع الحر كنها طبوعي
يكفي عذاب وضيق خاطر وتجريح=زود على ذا الحال عادك قطوعي
قلبي وحش ورموش عينك ملاويح=خطر على قلبي يمزع ظلوعي
ويشمت اصحاب العصي والمسابيح=اللي تجي من كل شكل ونوعي
البارحه مرت وانا آون وآصيح =تسمع تنهاتي على راس كوعي
نبض جذب نبض القلوب المجاريح=شوقي سيوفه والمحبه دروعي
خذيت انا وياه ضربات ترجيح=قاومت والهقوات تخطي سنوعي
آطيح ثم آقوم وآقوم وآطيح=ولاقدرت انسى خيال يروعي
حتى لو أنصى قاني الفطر الفيح=ابغى اتونس في مجالس ربوعي
شفتك تسابقني على هبة الريح=تشرب فناجيلي وتنثر قدوعي
واقلب(ن)ايخيل النجوم المدابيح=والضغط عنده في نزول وطلوعي
ارسل وصاتي فوق خطافة الريح=شقرى مع شيخ يفج الجموعي
من سلسلة خيل العطاوي شليويح=ولها مع يام حوالي سبوعي
هوت مرابط خيل يام بترويح=وفاقت على قب المهار الفزوعي
هذي تليق بمحتوى الخط وتزيح =هم يهوش بحد سيف بتوعي
مضمونها لاماك يحتاج تصحيح=والخوف من فرقى بليا رجوعي
اما تعال وخالط الشيح بالشيح=في ليلة ترضي طموح القنوعي
والا اشتر الاكفان واطف المصابيح=وغسل بقابا جثتي من دموعي
واخذ الوصاه ورد خطافت الريح=(موتت عزيز ولا حيات الخظوعي)
[/poem]

المشاركة الأصلية كتبت بواسطة حسين بن شتوي الحبابي (المشاركة 1135327)

ارررحب يافلاح

صح الله لسانك علي هذه القصيده الرائعه

كعادتك مميز ومبدع وقصيدك يعجبني يافلاح جدا

واتابعك واتشرف بذلك

المشاركة الأصلية كتبت بواسطة مغلي العرقين (المشاركة 1144777)

الله الله الله يافلاح ابداع

المشاركة الأصلية كتبت بواسطة سلطان بن حامد (المشاركة 1134810)

قلبي وحش ورموش عينك ملاويح
خطر على قلبي يمـزع ظلوعـي

فلاح

صح لسانك ولاهنت

تقديري لك،،