عوى ذيبها و استبشروا به هل ْ الضلعان
و لا حت بروق ٍ هاضها سمْع طاريّه
و أنا فاقدك يا فالح محمد آلـ/ عبدان
لك شهور مالك فـ/ المنيفات ماريّه !
يا أديب الشعر ، فيك القصايد ترد ّ الشان
بعد ما بتلاها الله فـ/ إيد العليميّه
نعزي ّ طروق الشعر ، و نواسي القيفان
و نرسل عليك إمن ( المراقيب ) جاهيّه !!
( سلاطين ) مندوبه ، تبا رجعة ( السلطان )
و لا يرجع المندوب ، و إيده خلاويّه !


الله الله الله

صح لسانك الف

حضور رااائع وجزل ووافي

لاهنت
ياخوي طلال

ابدعت

احترااامي

و
ج
د

نعزي ّ طروق الشعر ، و نواسي القيفان
و نرسل عليك إمن ( المراقيب ) جاهيّه !!
( سلاطين ) مندوبه ، تبا رجعة ( السلطان )
و لا يرجع المندوب ، و إيده خلاويّه !




للـــه درك وكفى

أقسم بالله انكم من عيون الشعر

الشاعر الجزل شرواك يستاهل


وفالح جزل

لاهنت

يالسيحاني

،

يا مرحبا بك ملايين يالشيخ

صح بدنك ، ولا هنت على المرور ـ و إشادتـك وسام طال عمرك !

،

،

يا مرحبا ملايين يا عمر !

نورّت المتصفح بـ مرورك يالشيخ ، صح بدنك و لا خلا و لا عدم

،

بالفعل .. اصبحنا نفتقد فالح الهاجري ...

بادرة طيبة يا طلال ..

كفيت ووفيت ..

وصح لسانك ك ك ك

:
:

فالح الهاجري


من الأسماء الذين أثروا الساحة الأدبيه برمتها ..
وليس (( المرقاب )) فقط ..
لأنه أديب (( فذ )) ..
أمتطى صهوة الجمال في جل ماطرح ..
قدم الرائع من النثر ..
والقيّم من الشعر ..
فكان كنز من كنوز (( الأدب )) ..
رجل بهذه القيمة العاليه لابد أن يكون مكانه (( شاغراً )) ..

و أنا فاقدك يا فالح محمد آلـ/ عبدان
لك شهور مالك فـ/ المنيفات ماريّه !

جميعنا فاقدينه هنا ..
وعسى أن نرى طبع (( أثار )) حروفه الجديده هنا في أقرب فرصه ..
لـ ابومحمد أزكى سلام من مود صادق ..
ولك يـ (( طلال السيحاني )) كل الشكر ..
على تعطير متصفحات المرقاب بأسم فالح الهاجري ..
عبر هذا النص العذب والصادق ..
والرائع بروعة الشعور الذي كال أوزانه ..
وفجّر قوافيه .. !!


:)

،

يا مرحبا يا فارس ،

نورت المتصفح بمرورك ، صح بدنك و لا خلا و لا عدم يالشيخ

وسلطان خله يسميني الله يبي ، مدري وان جاب ناصر ههههههههههههههااي

،

طلال السيحاني

صح لسانك مدد على ها النص الجزل

ويستاهل المدح راع العلم الغانم

تحيتي وتقديري

،



يا مرحبا يا مرحبا يا مرحبا يا سلطان !

نوّرت المتصفح بمرورك يالشيخ .. صح بدنك ولا خلا و لا عدم

،

،


يا مرحبا يا بن العم ّ !

نورت المتصفح بمرورك .. وأشادتـك وسام طال عمرك ، صح بدنك و لا خلا و لا عدم

،

الله عليك يا طلال
نص فارق ، وفاخر
وفالح فاقدينه يعلم الله ، ومكانه لا يزال شاغر برفقة زميلنا الآخر مشعل الفوازي .


صح اللسانك مدد يا صديقي
:)

الله الله الله الله


ياطلال


صح لسانك عدد حروفها يالقرم


تحياتي

الله الله الله
الله ا لله الله


والله انا كلنا فاقدين اديب الشعر
اخونا العزيز والقدير فالح الهاجري

صح لسانك على هذا الصوت المميز يا طلال
وسلمت ،،

..

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]





هلا مرحبا يا صوت لبـّى له الوجدان = نفخ فـ الرماد وجـمّر اشواقي الحيّـه

وجيت أطعن بشمعة وفا ظلمة النسيان=وافـّل السنين اللي من البيـن مطويـّه

واردّ الوجيه البيض وارقا على الحرمان=واشرّف على المرقاب يا حيّ طاريـّه

واقول الوفي يبقى وفي وان جفا ما خان=حرام ٍ عليّ أبـدّل الحسـنـه بسيـّّه

ألا يا هـل المرقاب مرقابكم عنوان=تشرّف به اللي في ظلاله لقى فـيـّه

ويفخر به اللي مع حراره غدى له شان=فلا في الأدب مثله ولا في الشعر زيّه

حدتني الظروف ورحت في كان ياما كان=وانا نـاوي ٍ بالوصل والنيـّه النيـّه

وقفـّت بي الدنيا على مركب الاحزان=وانا اصارع امـواج الغرابيل بيديـّه

مع الحظ لي خيبه .. مع الوقت لي عصيان=وفي كل ساعه لي مع خاطري هيـّه

يجور الزمن ويحنّ .. لكن لاجار انسان=على انسان ماكن فيه لا جار حنـيـّه

على الله ما قد راح لي والكريم معان=ويا ويل راعي الغيّ وان طال به غيـّه

ألا يا مصوّت صوتك الما وانا العطشان=يبـل اليـباس ويبعـث أيام منسـيـّه

على صيحتك سال المطر واغرق الوديان=وهذا صدى صوتك وأنا من شمالـيـّه

سلامي على المرقاب واللي نشد لاهان=ولك يا طلال الود له روحه وجـيـّه [/poem]

طلال الجميلي


ياسلام عليك


عز الله قصيده


صح لسانك مليووون.


لك فائق احترامي وتقديري ...!!

،



والله إنك شرفتني فـ الرد يا خال !

لي عوده تليق بـ ( أذن الله )

،

الله الله يا طلال

ابداع والله

والله انك مثلتنا كلنا في هذه النايفه شعرا وطرحا

صح لسانك وبيض الله وجهك

ونحن معك في انتظار صداها

تحيتي ومحبتي ياغالي

اخوك