وعـــن نشيـده تكــــــرم الســبع المثـاني
والشـكاله والشعـــــــر في قبضــة ايـــده
رمــــز شعر ورجـــل عرف ومكلــمـــاني
يـطـّـــرد دم المـــــــروه فــــي وريـــــــــده
مايمــــــالي فــــي الجميــــل ولايثـــــــاني
مدتــــــه جــــــزله , ونظـــــراته ابعيـــــده
وان مَــدحته مِــــدحّته تطــلق الســــاني
منه غيـــري نــــاس واجـــد مستفيــــــــده
لالقـــى لــــه مصلحـــه ماهــوب أنـــــاني
قد عطـــــــاني مَــــدة ِ ماهـي زهيــــــــده
وعاضني في الجيب , جمس ٍ سبرمــاني
والغرابــــه فـــي علاقتـــنا الوطيـــــــــده
لانـــــــي إبعجمــــي ولاهـو بشهــــــراني
يستحق اصوغ له مــــــــدحــــي وازيــــده
بـــــس انــا عـــند الحقــيقه ماقــــــــــواني
امدحــــه على كُــــــــثر لأشـيا الحمـــــــيده
واقتـــــنعت اهجيــــــه قدام ايهجـــــــــــاني
لالقــى لـــه كـــابــرِ بشـــــــته قعيــــــــــــده
قـــــــال هذي فرصـــــــتي والخير جـــــاني
سايس اعلــــــومه , وســــوا له قصــــــيده
وقال فيــــــــــه امن القوافــي والمعـــــاني
وحـط عنــوانــــــه وهاتــــفــــه وبريــــــــــده
وجنـــب رقــــم إحساب رقـــــم إحساب ثاني
وكـل مبـلــغ ,,يوم ينـــــزل فــــــي رصيــــده
كلمــــــــا شيــّــك خــــــذا منـــــه وعطـــاني
واغتنـــيت وهــــــو قعـــد على الحديـــــــــــــده
بــــــــس لو انـــي قبل تاجـــر ,,,كـــــــــلاني
يسبق المصـــــري على مصــــر الجديــــــده
ويستفــــــيد امن اليمــــن قبــــل اليمــــــاني
ويمدح اكبـــــــــار الدعاه أهــــل العقــــــــيده
ويمــــدح الشعــــــر الأباحـــــي والأغـــــاني
ويلبـــــــس الــــزي الـــسعـــودي في بريــــده
وفي صــــلاله يلبــــس الـــــزي العمــــــــاني
مايهمـــــــه شي ,,, يفعــــــــــل مايريـــــــــده
لايـــخــــــاف.. ولايــــمــــل.. ولايـــعـــــــــاني
وخايف لايــكســــــــــــــــر ايده في عصـــــيده
وان سِــــــــجن مايشملــــــه عفو ارمضـاني