السلام عليكم اعضاء المرقاب الكرام واعتذر عن الغياب ويبقى المرقاب واهله لهم بالقلب منزال ووحشه وهذه مشاركه متواضعه راجيا لها القبول



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من لايعانق بالطموح الثريَا=يبقى على طول الدهر تحت الاقدام
واللي وفا في عهده وما تهيَا= يجني ثمار اوفاه بالعهد قدام
واللي يجونه بالمروه وعيَا= لاتحْسب انه بالشدايد لك حزام
في سوق مابه للمراجل حميّا=واقف على سلعة هل الخبث سوام
هو والردايا بالخنادق سويَا=ضايع وفى ابحور المناقيد عوام
فعله جبان وبالسوالف عتيَا=ويروغ روغ الثعلب ان شاف ضرغام
ولَا الوفي يرقى مجال العليَا=حر(ن) على روس الشواهيق حوام
كريم في روض المكارم تفيَا=وافعاله بهام الفخر ترفع اعلام
ومن بين ربع المجد ماله حليَا=غيم(ن) وباطباع الميامين رزام
نفسه من اخصال المطاليق ريَا=وقلبه على حصد الجزيلات عزام
ولو شاب راسه راس طيبه فتيَا=ويبقى فتي الذكر معْ شيب الاعوام
والشهم يتعب للنعم دام حيَا=وليا توفى خلدت ذكره اقلام
والغدر له بصدور الاحرار كيَا=جمره واثرها عار في وجه الايام
ان جيت اطفيها لهبها عصيَا=وان جيت اداريها تباريح والام
[/poem]

بدر ناصر المورقي