:
: صابنا تال الزمن ضعف حيل وضعف دين عقب مفتول الذراعين جاء فيه انحلال مالنا حيله ياكود الدعاء يــا مسلمين والهدى والنصر والعـز من رب الجلال ربنا سلّط على الظالمين .. الظالمين واكفنا من شرهم واكفنا شر القتال ! : |
:
أشهد إن العسـ كريـه عقـّدتني مايفل حجاجي ألاّ طيّ قيدي ! لو تحطّ نجومها من فوق متني ما تشيل الفقر الأشهب من رصيدي عارف إن خدمة بلادي شرّفتني والله اللي كافلٍ رزق العبيدي : |
:
يوم الوطن ماهوب فوضى وتفحيط وقلة حيا .. ومخالفات .. ومناكر يوم الوطن ماهوب كثر الخرابيط يوم الوطن عز أمس يبقى لباكر نعمه من الله ماتبي زود تفريط تبي لها مخلص وحامد وشاكر ! : |
صادق والله يامشعان ..
وانا والله اني داري انها خطأ بعد قليل من ادراجها وكنت ابا احذف البيت كله ولكن ماحصلش .! وانت لا تقول يجوز لي اصلا هو يجوز للشعر مالا يجوز لغيره او كما يقال : لضرورة الشعر .. وكلها ماغير تصفية حسابات من قبل معاليكم اثابكم الله وسلمكم ! سلام’ عليكم :) |
في زمن عدم ثبات وجهات النظر !
: مرقاب الركن الهادي كم مبدع وسطه موجود ماهوب إبداعٍ عادي فيه إبداع بلا ردود ! مسك وبخور وكادي ماتنقص دائم تزود : |
:
أنا المدين ولابعد صرت دائن مخطي وراع الدين شال المصيبه قالوا ليا كبرت ، تراها هواين وأقول مافي الوقت حاجه غريبه حتى الدجاج اليوم جاله مزائن دنياً عجيبه والخلائق عجيبه ! : |
:
الا يامريد الخير والفضل والغفران عليك اغتنام الوقت في عشر ذي الحجه ليالٍ قلايل وسطها يكثر الاحسان ويمديك مع سجات وقتك على السجه ليا طحت في كثر الخطا طحت في الخسران ولا عاد لك حجه .. بعد قامت الحجه تقلد بني ليبرال والا بني علمان ترى الداج ماعنده حقيقه سوى الدجه ! : |
:
ياللي تبا تسوقين تالي اكتوبر ومحدده تاريخ سته وعشرين تخيّري في فرت والا فـ سوبر وعساتس من تحت كفراته تطيحين :mad: + :mad: + :mad: : |
:
يارب ياغافر تغفر ذنوبي ياعاليٍ وأفضل كتاب أنزلته عفوك وأنا لك ياعفو أتوبي عن ما فعلت وعن كلامٍ قلته عفوك وواسع رحمتك مطلوبي وأيضاً جوار أفضل نبي أرسلته من بعدها ياللي تعرف اسلوبي تراه ثابت .. لا تقول أبدلته عبر التواصل حش في عرقوبي حطيت رجلك يوم عقلك شلته قل للغريب ووضعه المنكوبي تقصر يدك عن مطلبك ماطلته ترى الوطن محفوظ يالاثيوبي لا تحسب اوضاع العرب منفلته تروح خايب عقب جيت تحوبي أنته وراع الفلفله والسلته ! : |
:
جاني بعضهم عقب ما شايبي مات وأنا من الأفكار على الحديده قالوا ورا ماترثي أبوك بأبيات يوم أنت شاعر ماش بيتٍ يكيده قلت الأبو بالذات .. بالذات .. بالذات ماتوفي حقوقه حروف القصيده اللي قضا عمره صيام وصلوات مع صافي النيه صفاوة عقيده حلال معقودات قضاي حاجات في بدته وألا مع أقصى بديده وعلى كثر ماشفت من كثر الأموات أبوي .. عندي والله أكبر فقيده : |
:
أحمد الله ماقنيت الآيفون والجلكسي مابعد جاء في يدي معي أبو كشاف جعله مايهون لو على كيفي قعدت بمفردي ! : |
:
طلعة المرقاب تال الوقت قلت والعرب ماعاد ندري كيف قالت عقب شدت مادرينا وين حلت دونها طول السنين الشهب حالت : |
..
عيدك مبارك يامرقاب القصائد رجمنا اللي جعل ربي مايهينه كل عام وعيدك مبارك وعائد والأمور بخير والأوضاع زينة .. |
..
ياللي تقول الحاجة ام الاختراع مهيب بس امه .. تراها امه وابوهـ😄 .. |
..
(اني تذكرت والذكرى مؤرقة) مرقابنا اللي مع الماضي نسيناهو😂 يبدو كأشباح دار لا حراك لها كـ غزةٍ وتويتر كـ نتنياهو🤕 .. |
..
اللي يريدالخيرفي الدنياوفي الاخرى عموم الرابح اللي قال ابي والخاسر اللي مايبي مابين غفران الذنوب وبين تشتيت الهموم هذا ثواب اللي صلاته كلها على النبي! صلى الله عليه وسلم مادامت السموات والأرض .. |
..
لو يَعلمُ المرءُ ما يُخفي الزَّمانُ لهُ لَرُبَّما فَرَّ مِمَّا قد تمَنَّاهُ! كم يَعشقُ القلبُ ما فيهِ الهَلاكُ لهُ والخيرُ يا قلب فيما اختارَهُ اللهُ منغووول😂 |
..
لا تقـسـّـم عباد الله بين وبين شي فأعلى الجنان وشي في النيران هذي بحكم رب الناس يامسكين وانته انسان خلك مثل منت انسان واعلم إن البشر من آدم إلى الحين كـــــــــــــلهم تحت رحمة ربنا الرحمن! شويعرcom .. |
..
ذكر القاضي عياض: أن أعرابيا سمع رجلا يقرأ: ﴿فلما استيأسوا منه خلصوا نجيا﴾، فقال: أشهد أن مخلوقا لا يقدر على مثل هذا الكلام. (محاسن التأويل للقاسمي) .. |
..
صلّى عَلَيْك إلَه الْكَوْن ماسجعت ورقاء تَشْكُو الْجَوَى فِي أَجْمَل النّغمِ صلّوا عَلَيْه فربّ الْكَوْن أَوْجَبَهَا وسلّموا عَدَد الْأَنْفَاس والنّسمِ سقاكم اللَّهُ مِنْ حَوْضٍ النّبي عَلَى وعْدٍ مِنْ الْمُصْطَفَى يَا أَكْرَمَ الأممِ من نَهْر كوثره غرفًا بِرَاحَتِه من بَعْدَهَا كُلُّكُمْ فِي الْحَشْرِ غَيْر ظَمِئ ٖ .. |
👆
نسيت اقول لكم(منقول) |
..
من يبا يبقى وهو مرتاح بال وسالم التفكير و انواع العلل لا يجادل من يحبون الجدال قيل مابه خير في كثر الجدل ويترك اللي حكيه يهد الجبال واكثر علومه ماهي وقع السهل! لوثقل وزنه وجاء ضمن الثقال مايفيد الزود مع نقص العقل والحرامي لو يصير ابن حلال يقدر يشيل الجمل بما حمل! .. |
| جميع الأوقات بتوقيت GMT +3. الساعة الآن 03:22 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية