مره اخرى اعود لشعوري بانني لم اقدم مايجب ان يقدم
مشاركه بالفقره 7 [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] المجتمع في حينها كان جاهل=تساهلوا والمصطفى ماتساهل ولعبادة اللي خالقه ماتجاهل=من صغر سنه كان عقله مقديه ************ يبعد عن العالم وعبّاد الاوثان=على الحنيفيه ومضمونها دان في الغار يطلب مالك الملك غفران=في كل عام يروح له يعتكف فيه ************* قبل الرساله لا وقبل النبوّه=وهو صغير وباول العمر توّه بايمانه الصادق متانه وقوّه=حرا على ماقلت تشهد رواسيه ************ بالغار محمود الفعايل بروحه=زاهد بمعمور البلاد وصروحه دليل بانه كان يفرق طموحه=عن من بعمره يوم طابت مساعيه ************ ماقد لعب ميسر ولاذاق خمره=الله وقاه من اول سنين عمره يترك نواهي ربه ويتبع امره=واللي يشوف انه غلط مايسويه[/poem] |
الله يكتب لنا ولكم الاجر ويجعلنا ممن يشفع لهم نبيهم صلى الله عليه وسلم
مشاركة الفقرة 15-حادثة الاسراء والمعراج (20) بيت [poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] واسري به من مكة الى البيت الاقصى=سبحان من عدد مماشييه واحصى على البراق ومعه جبريل ينصى=في ليلةٍ وحده وربي يراعيه . بالانبيا صلى إمامٍ وقايد=دام ان دينه هو ختام العقايد ثمٍ عرج به بين سحبٍ وسايد=الين عدّا شي ماحدٍ يعديه . بين السماوات السبع ياتدرج=سلم على الانبيا فيها وعرّج وايمانه نورٍ في فؤاده مسرج=ولسدرة المنتهى كانت هقاويه . ثمٍ عرج به لين سبح وأثنا =لعند ربه قاب قوسين وادنى والله رحيم به والطف واحنا=اوحى اليه بفرض و أوجب نواتيه . خمسين فرضٍ ثم خفف وخفف=بشور موسى للنبي المعفف الين عادت خمس فيها انتكلف=والله كريم ولا يخيب الرجا فيه[/poem] شدوا حيلكم يارجااااال |
الفقره (1)
يا هازم الاحزاب يا رب الارباب يا واحد ٍ مادون وصلك ولا باب والظن بك لو يكبر الذنب ماخاب ياتيك عبدك بالمعاصي .. وتعفيه .. شف كم لنا نركع ونسجد وندعيك وشفنا الى ضاقت بنا نلتفت فيك وعلى يقين ان ما العبادات توفيك لكن من غيرك نعبده وندعيه؟ ... من وسع حلمك بعض الاحيان نعصيك ومن خوفنا منّك انصلي ونرجيك الامر كله منّك ولك وإليك الحي تـُميته وان شئت تحيه .. ابــ ظلك وبـ حماك وبـ عطفك انلوذ ومن طاعة اللي ما سجد لأدم انعوذ مايجيك منا الصبح خاسر ومنبوذ ولا ترده تصفق اخدوده ايديه ... انت العزيز القادر القاهر الحي والخاسر اللي ما قرب منّك بشي في يوم ..ماعد فيه لابي ولا خي لبيييك بحرامي والى احللت لبيه |
الفقره (( 31 ))
. . دفاعنا عن سيد المرسلينا .... من حقه و واجب على المسلمينا بعيالنا نفديــه وبوالدينا .... وحنا في وقفة نصرته ما نخليـه يا شاعر المرقاب فـ الملحمه غن ..... موضوعها مافيه شك ٍ ولا ظن وأن كان مافيها تجيد وتفنــّن ..... لا واخسارة قافك اللي تغنيــه منتم في حاجة من عليها ينوّه ..... صورة رسول الله ما والله تشوّه وان قيل من يكفي النبي بعدوّه ..... لابد عن كل المعادين نكفيـه تبت يدين الراسم الكارتيري ..... اللي يلف بحقده ويستديري ما فاد غير مع البقر والحميري ..... يمسي ويصبح في مفالي مراعيه ياكبرها كبراه حلاب الابقار ..... وشلون يظلم سيّد الرسل الاخيار مايعرف الجنه ولا يعرف النار ..... والغيض في صدره يغيضه ويمليه شفيعنا ماهوب معقل للارهاب .... رجل السلام ومرسله رب الارباب اللي فتح برسالته كل الابواب ..... واسس قواعد للحياه بتفانيــه خشم ٍ يشوّه سيرته نفركه فرك ..... ماهي غريبه ياهل الشر والشرك والمشكله ماهي بضايع دنامرك ..... المشكله حقد ٍ وفكر ٍ يغذيه نادا بصوت الحق والحق مشهود ..... عنده هدف سامي وغاية ومقصود يدعو لحكم الله على البيض والسود ..... الحق نهجه والعداله مواريـه حرية التعبير فيها وفيها ..... والغرب بالمكيالين يمشي عليها حتى نقول العولمه معتليها ..... والانفتاح اللي يجيبه يوديــه الا الرسول المصطفى يا خنازير ..... يا اللي عساكم كلكم في زمهرير يكرم جنابه عن هل الشر والخير ..... ربه على كل الخلايق معليـه هذا رسول الحق رمز العداله ..... معصوم ومنزّه وراعي رساله لكنها بانت على كل حالــه ..... حرب ٍ صليبيّه لهبها نصاليه . . |
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مشاركة عن الفقرة رقم ( 8 ) 20 بيت . . نزل عليه الوحي ذكرٍ وتنزيل = يمليه امين الوحي من دون ترتيل كلمه تردد له ولا هيب اقاويل = جبريل بإسم الرب سورة يقرّيه . أول جوابه امتنع ماقراها = وثاني جوابه ماعرف وش مداها والثالثه لجلج بصدره صداها = اختاره الله للرساله بتنزيه . وناداه امين الوحي قم لا تدثر =ولكل من حولك من الناس تنذر فرض عليك الله بإسمه تكبر= ولبى لصوتٍ بالرساله يناديه . تبع لما يملى بالاقوال وافعال = من وحي إله الكون في كل الاحوال لا نفث من كاهن ولا كذب دجال = ومن كل تهمه ربنا اللي مبريه . ثلاثة وعشرين عام الرساله = جاهد بنفسه مع جهاده بماله وأقام شرع الله ووفى كماله = حتى انتقل رسول الأمه لباريه . . .[/poem] |
مشاركه متواضعه للفقره ( 11) معجزات الهيه
[poem=font="Simplified Arabic,5,black,bold,normal" bkcolor="transparent" bkimage="" border="double,5,gray" type=2 line=0 align=center use=ex num="0,black"] واللي يتمعّن في مسيرة حياته = من وقت ميلاده وحتى مماته لابد ماياقف على معجزاته = اللي وهبها ايّاه ربّه وهاديه مِنها وابذكر لو بعض شي منها= واصدع بها بشام الديار ويمنها ذكرى وادورعند ربي ثمنها = في ساعةٍ يِشْغَل بها الفكر ويتيه الاوله ساعة حليمه تشيله = والارض جدبا والفوايد قليله تبدّلت حال الرحول الهزيله = وقامت تفزّ وطاوي البعد تطويه والثانيه عندي وعندك خبرها = فالليله اللي انقِسم له قمرها والناس ترفع لانقسامه بصرها = وتقول هذا الفعل ماحدٍ بجاريه والثالثه جذع النحل يوم خلاّه = كلٍّ سمع في داخل المسجد بكاه حنِّ لْه حتى حس في لمسة يداه = ماودّه بخير الخلايق ينحّّيه [/poem] |
مشاركة الفقره رقم ( 17 )
اسبتشروا اهل المدينه بجيتك انصارك اللي همهم في سلامتك يا احب خلق الله الى الله بهمتك هموا على الاسلام والله يحييه الاوس والخزرج هم انصار دينك انصارك اللي بايعوا معاهدينك تسلم يمانيهم وتسلم يمينك يا اعز مخلوقٍ على الارض نغليه شالوا جريد النخل غانوا هلابك لا يا طلوع البدر طلعت جنابك من خطوتك الى ما تاقف ركابك قالوا هلا بالنور والله يحييه الشاب واللي كهل والطفل والبنت في وجييهم فرحه كبير بعد بنت بعد امنوا برسالتك قلت انا امنت اهل المدينه ما لحقهم مشاريه ثم سارت الناقه وقال النبي قال دعوا خطاها لين تاقف على جال لاشك ماموره ولا فيه محوال اللي تقف عنده هذا امر وليه يا دار ابي ايوب يا حظ هالدار اللي عليها وقفوا كل الانصار من بعد ناقه سيد الخلق الابرار حطت امام الدار سلموا مجانيه انصار سيدنا محمد عساهم للجنه اللي يا عساها جزاهم بعد اكرموا نبينا من قراهم الله يجزاهم بخيره ويجزيه وصلى الله وسلم على نبينا وحبيبنا محمد . .. |
خروج لرسول صلئ الله عليه وسلم الئ الطائف
مشاركة متواظعه من الفقره (14 )
خرج لياطائف ونادالهلها بنصروللاسلاام للئ نزلها يمشي علئ القدام حتئ وصلها ستين كيلومشي والله يجازيه = = واقام بطائف يجي عشرت ايام يدعي بنصرامت محمدللاسلاام في وقت لايوجد صحافه ولاعلاام الالذي يعلم بجهره وخافيه = = قالوله اخرج من بلاادنا هاذئه وفكوعليه امن لسفاهين مئه كلٍ يحذفه لين سالت دمئه وسندعلئ اللي مائخيب هقاويه = = وخرج رغم قذغالحجارلسرئعه ا لوضع مزري والفيافي وسئعه حتئ وصل لدياربني رفيعه ثم ارجعووالهم والحزن طاوئه = = ودعادعٍ مشهورللي يجيبه الي بمرظاته تهون لصعيبه ماخاب من في كربته يلتجيبه الله بمرظاته وعفوه يهنيه = = |
[align=center]مشاركه متواضعه للفقره 31[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] شلت يدين اهل الكفر والخزايا=اللي هجوا بالرسم خير البرايا بانت فعايلهم وسود النوايا=ونبينا خسران منهو يعاديه ***************** ياأمة الإسلام بحر الصبر جف=لازم نقوم اليوم ونوحد الصف نرد كيد اللي علينا تلقف=وخير البشر بالروح والمال نفديه ****************** وش لون سبوا من دعى للعداله=وازال بالتوحيد ليل الجهاله رسول رب الكون باعظم رساله=الله عن الأمه من الخير يجزيه ****************** نبينا ياغرب للناس رحمه=دعى إلى المولى برفقٍ وحكمه له عندنا قدر ومعزه وحشمه=ومن لا يوده لا حشا مانواليه[/poem] |
(الفقره 29)مرضه ووفاته عليه الصلاة والسلام
اصابت الحمى رسول البريه والناس حسو في دنو المنيه رقى على المنبر يقول الوصيه دربٍ مشوه الناس قبلي وابمشيه وفي اخر الخطبه وباخر كلامه الوعد جنب الحوض يوم القيامه صلوات ربي يالرسول وسلامه عداد من زكى وفرضه يصليه اشتدت الحمى وشد العصابه وابوبكر صلى بجمع الصحابه وكلٍ يحس بضيق صدر وكابه ويدعي عسى الله يحتسب له ويشفيه وعقب اكتمال الدين وعلو كعبه عيا على دنياه واختار ربه صلو على محمد واله وصحبه واللي موصينا بفعله نسويه حزة وفاته فالضحى يوم الاثنين والمصطفى عمره ثلاثه وستين ومع شدة السكرات يوصي هل الدين على الصلاه وسلم الروح باريه |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ابويتات متواضعه للفقره (29) . . مرض رسول الله ولاكل الأمراض=لانه رسولٍ مالنا فيه معواض عقبه مصايبنا طويلات وأعراض=والكل يدعي خالق الكون ينجيه . . الامه أبتهلت لربّ الاوادم=ينجي الرسول اللّي للأسلام خادم باني لواء الدين والكفر هادم=لكنّ لله حكمةٍ في غواليه . . مات الرسول ودين الأسلام مامات=عليه من ربّي كثير الصلوات حكمة أله الكون ربّ السماوات=بأمره على عبده يميته ويحييه[/poem] |
مشاركة في الفقرة(1)
ارجوا ان ترتقى لمستوى هذه الملحمه يالله ياللي ماخفى عنك حـاجه......والضيق لااستفحل عليك انفراجــه عبدك لياطاعك تبسم حـجاجه.......وليادعاك بتالي الليل توحيــــه ياخالق حواء وياخــالق ادم........يامستجيب اليا دعــاك البنــادم اذنوبنا قامت علينا تـــرادم........والذنب انت اللي تغفره وتمحــيه يامدبرً خلقك ويامدبر الــكون.......نخلصلك الطاعات وابليس ملعـون وكل الصعايب لستعنابك تهـون......ياخير من ننصا ونطــلب ونرجيه سبحانك انت اللي بيدك التدابيـر........يامقدرلعبدك جميع المقـــادير يارازق الحيه ويارازق الطــير....... عبدك يبا الجنة ورحمتك امانيه |
سلام عليكم
ثالث مره اعود وانا على يقين بان هذا ليس حق المصطفى مشاركه بالفقره 6 زواجه من خديجه رضي الله عنها [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ساق القوافل من يمنها الى الشام=ولاتخاذل مثل غيره ولانام بتجارة ٍ مابين بايع وسوّام=والصدق والاخلاص باول مباديه ************** ماراح لاموال العباد يتحوّج=ولا عن دروب الصراحه تموّج كافح بصدق وباخرتها تزوّج=من سيده شافت جليل الوفا فيه ************** خديجه اللي عندها يمدحونه=وانه لياوّكل بشي ٍ يصونه والعهد والميثاق ابد مايخونه=ووجهه سموح ٍ ينور اللي يلاقيه ************* خديجه اللي كانت اكبر منه سنّ=صارت معه على حياته تعاونّ اول من اسلم هي من الانس والجنّ=فعلا ً وفت ماشككت في مساعيه *************** صلي على المرسول وارحم خديجه=يالواحد اللي له تلّبي حجيجه منصاالبرايا في نهار الحويجه=ياواهب الارزاق والكون واليه[/poem] |
[/size][/color]
ادارة الموقع تتوقع تعاونا واقبالا على اتمام هذه الملحمة ونسأل الله العزيز الجليل ان تكون في ميزان اعمالكم[/color][/size] جزاكم الله خير ،،،،،،،،، واخذوا عندكم مدري وان تجي ؟ اغلب الفقرات اكتملت ، مار مالها الا ام سبع مئه ! [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حسيبنا المعبود رب البريه=على الذي يستهزيون بنبيه ياعبرها .. ياكبرها من خطيه=والكفر مانستغرب اللي يسويه .. اهل الوجيه القشر عبّاد الاصنام=عميت عليهم واسلكوا درب الاظلام وكبوا طريق النور وارشاد الاسلام=خلقٍ ورى الشيطان ماغير تتليه .. ياويلهم من خالق الكون ويلاه=ناسٍ على الباطل تنادا مناداه الكل منهم ناقلٍ داه برداه=ماله سوى التوبه علاجٍ يداويه .. قالوا محمد مرهب العالم ارهاب=واللي يقول القول هذاه كذاب ماتعرفونه يالهطابيل الاذناب=انتم هل الارهاب والفسق والتيه .. يقوله الله : لاغليظٍ ولافظ=رحمه وعن سو النظر للنظر غض وانتم ترى في رحمته مالكم حظ=يامشوّهين صورة الدين تشويه .. وأن مّا وقفنا دون راع البشاره=حياتنا ياهل العقيده خساره واللي يزيل عن الكبود الحراره=لافعلنا فالغرب بانت مورايه .. حتى يجي للحق بالغصب طائع=ولايعتنق غير الشريعه شرائع وأن طاعنا وألا قطعنا البضائع=منتوجهم عيبٍ نبيعه ونشريه .. حتى تذوق السجن حرية الراي=ويفرّق الاقبال من معنى الاقفاي والنصر بإذن الله على المعتدي جاي=من لا يدانينا ترى ماندانيه .. اهبوا هبيتوا يالوجيه الكسيفه=اللي كتب واللي رسم فالصحيفه كسرت يديه وجعل عينه كفيفه=ويهيم مايلقى مقدٍّ يقديه .. يالله عساهم للمحن والمصايب=ولقدرتك فيهم نشوف العجايب مايسلم الا كل مسلم وتائب=آمين ياللي كل الأقدار بيديه ! ! ! ! [/poem] |
مشاركة في الفقرة 23
بيعة الرضوان (20) بيت [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] عند الحديبية ما وقّف مسيره = مع الجموع المؤمنات الغفيرة مسلم وحدّد في الليالي مصيره=وبشاية الرحمن تنجح مساعيه . شاور عمر فيمن يود الرسالة =و اختار عثمان وبعث له وجاله وقال اخذ مرسولي وراح ودعاله= سلاحه الإيمان والبيد يطويه . ومع الفجر صبّح قريش بزيارة= وقابله إبان بطيب نيّة وأجاره حتى يؤدي مهمّته واختباره = ويعود سالم والله اللي يعافيه . ومن عقبها لقريش و أشراف مكة = قال اسمعوا والباب لأحدٍ يصكه رسالةٍ وعلوم مافيه شكة = جتكم من اللي طاهراتٍ معانيه . حنا هنا لزيارة البيت ياقريش= نبي نصلّي فيه من غير تشويش ما همّنا ماهمنا لقمة العيش= أهم شيٍ كلّ فرضٍ نصلّيه . في يومها المرسول شاف الإجابة=قريش تقبل دون حرب وطلابه وتقول طف والمصطفى ما سعابه=ويقول ماني سابقه ومتعديه . مير البلا مما تبثّ الإذاعة= سارت مابين الناس عشرين إشاعة من ضمنها عثمان طوّى شراعه = مات وتوفى وأحسن الله تعازيه . وصل الخبر للمصطفى وانكوابه= ونادى على البيعة جميع الصحابة هي بيعة الرضوان عز ومهابة= كلٍّ وطيب ظلال الأغصان كاسيه . امعاهدينة بالسمع والإطاعة= والأسدي اولهم بطيب وشجاعة وأخرهم الأكوع بزود اقتناعه= وكلٍّ على رأيه ورأيه مقدّيه . محدٍ تخلّف جمعهم كود ابن قيس= منكسنٍ راسه ورى الناق تنكيس جبان ومنافق وبلاس ونجيس= ماهوب كفوٍ للعتب والمشاريه[/poem] ولي رجعة بإذن الله |
مشاركه في الفقره (31)
يامدعين إعلام حر وثقافه ** وانتم تسبون النبي في الصحافه ذوقوا نتايج ذنبكم وإقترافه ** الحرب من يوشيه لازم يصاليه هذي خسايركم تقدر ملايين ** وحنا عليها كلبونا متواصين مقاطعتكم فرض ماينترك عين ** وقولٍ نقوله نلتزم به ونعنيه لله در المسلمين من الاعماق ** خلوا بضايعكم تكدس بالاسواق دون النبي لوهي على ضرب الاعناق ** ماهمنا مهما نقدم ونرضيه ضهر دفين احقادكم ياخنازير ** ماعاد يفيد اعذار والا تبارير الله وانا ساله ولي المقادير ** يضرب بلدكم بالزلازل ويسويه ويرسل عليكم عاتيات الرياحي ** اللي تخلي كل موجود ماحي ثمانية ايامٍ هجاد وصباحي ** تقلع خضار الزرع واليبس تذريه ويجيلكم موجٍ من البحر عاتي ** فيه السفينه مثل بيضة قطاتي يقضي على أشكال الفرص في الحياتي ** واللي بقي به روح يغرق وينهيه ولا يسلم الا الا يدينون الاسلام ** قله قليله عندكم حظهم قام اللي على المله مصلين صوام ** وانتم بلا معواد في رحلة التيه ياهل الحسد والحقد ياشر الاشرار** بإذن الله انتم في جهنم حطب نار ونبينا مشعل هدى خير الابرار ** ومن لا اهتدى هديه فلا الله بهاديه نبينا الهادي رفيع المكانه ** نصح للامه نصح وادى الامانه أدى على أكمل وجه والله اعانه ** وتكللت بالخير فينا مساعيه يحمل رسالة خير للأنس والجان ** مصيونةٍ عن كل عيبٍ ونقصان واول ركن فيها من الخمس الاركان ** الله واحد كلبونا نلبيه ومحمدٍ خير البرايا رسوله ** شهادة الاسلام ساسه واصوله من لانطقها الخير ماهوب حوله ** واللي شهدها ساعة الحشر تنجيه جزاك ربي خير عن كل مسلم ** وعن امة الاسلام يافضل معلم علمتنا رحمه وعدل وتقدم ** ياللي هدمت الشرك والجهل ماحيه ياخير واطهر من مشتبه على الكون ** وياخير من كانوا من الخلق ويكون معصوم عن كل الخطايا ومصيون ** واختارك الله لأمر دينه تؤديه لما رآك انقى واطهر سريره ** واقوى عزيمه للأمور العسيره جعلك لاهل الكون كله بشيره ** واللي غوى عن سكة الحق تهديه صلى عليك الله ربي وبارك ** يامتخذ طيبه مقرك ودارك ذا شاعر في الملحمه جا يشارك ** يرجي شفاعتك ومن الحوض تسقيه |
الفقرة( 31 )
[POEM="font="Simplified Arabic,4,green,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]تبت يديكم ياكلاب الدنمرك=ياهلا الخنا والزور والكذب والشرك مصير الأمه تفرك أخشومكم فرك=اللي فعلتوا ذنب محدٍ بناسيه ***** يكرم رسول الله عما تقولون=وعن كل شيٍ يالحثاله تسوون خير البريه نزهه خالق الكون=ومكرمه عن مافعلتوا وحاميه *** والله وطالت روسكم يأهل الأبقار=وصلت جرائتكم إلى سيد الأخيار كفار مانستغرب أفكار كفار=لكن رسول الله بالأعمار نفديه **** تحركوا حان الوعد يأهل الأسلام=على هدف واحد وقدام قدام نقاطع الأنذال عباد الأصنام=منتج دنمركي فلاحد يشريه[/POEM] |
مشاركة متواضعة عن الفقرة 29 مرضه ووفاته عليه أفضل صلاة وأتم تسليم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] بعد البلاغ وبعد نشر الرساله = والدين تم وتمم الله كماله ورسولنا حطم صروح الجهاله = حانت وفاته لازم اليوم نبكيه ** مرض حبيب الله خمسة ليالي =عانى من الحمى بزود احتمالي صحابته نعم البشر والرجالي=الكل وده بالعمر يوم يفديه ** أيام خمسة والحبيب بفراشه = رغم المرض مافارقته البشاشه ويوجه الأمة ويرسم نقاشه =ياويل حالي كيف شعري بيرثيه ** ثم خيره رب المخاليق بامرين = خلود بالدنيا وعيشة سلاطين والا لقا المعبود هذا خيارين = واختار وجه الله يبغا يلاقيه ** ثم دقت الساعة وحان الوداعي =قرب رحيل النور زين الشعاعي الطاهر الصادق حميد المساعي=الكون كله لازم اليوم ينعيه ** حزة وفاته في ضحى يوم الاثنين =ياكم بكى قلب ٍ قبل تبكي العين رحل ودرعه مرتهن سبة الدّين= يالله يالمعبود عنا تجازيه ** يالله عطه المنزله والوسيلة = ترى الوسيلة بالقيامة فضيلة ندعي بها فرض وعلينا نشيلة = يالله يارحمن تعطيه تعطيه ** قبره تشرف به تراب المدينة = واللي من فراقه بتبقى حزينة وبجيرة الطاهر بتبقى حصينة = نعم الجوار ونعم قبر ٍ يغطيه ** وصلاة ربي عد رمل الصحاري = واعداد ماتزئر وحوش ٍ ضواري واعداد ماتغرد طيور القماري = واعداد من يطلب إلهه ويرجيه ** واعداد مالاحت بروق الخيالي = واعداد ذرات البحر والجبالي على نبي الله كريم الخصالي = اللي إله الكون باسمه مسميه[/poem] |
هذه مشاركة وصلت عبر الايميل من احمد العتيبي من الطائف الفقرة (31)
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] ياخوك قاطع منتجات الدنمارك=الله يغفر لك ذنوبك وينصرك دنياك بإغرائاتها لاتحاصرك=دينك تمسّك به ولا لاتخليه === الدين دين الله وهذا رسوله=اللي بنى بالدين للعز دوله واللي جهل قوله وماضي فعوله=ماهمنا مستقبله قبل ماضيه === يا امة الاسلام هبوا ولبوا=ثم قاطعوا من لاشرف الخلق سبوا نعيدها هبوا وهبو وهبوا=الحق ملزومٍ تلبي مناديه === مانته بملزوم بما يصنعونه=ولاانته بمحدودٍ بما ينتجونه على رسولك كيف ترضى المهونه=رسولك اللي مسلك الحق ماشيه === اسواقهم تكدست بالبضايع=خسروا بلايين بسبب راي ضايع لازم نقاطعهم بشتى النوايع=هذا العلاج اللي مرضهم يداويه === عبّادة الاموال هذا دواهم=حياتهم مرهونةٍ بالدراهم حنا نقاطعهم ونقضي علاهم=واللي سرى منهم يضيع مساريه === ترى التكاتف فيه قوه عجيبه=وتوحيد كلمتكم عليهم مصيبه جزاهم وعبرة لناسٍ قريبه=لمقاطعتهم كل مسلم نحييه === المسلم اللي فيه للدين غيره=غضب وقاطعهم وريّح ضميره سنه تكفينا بنفس المسيرة=ولايحصل جبنهم شخص يشريه === برهن على حبك وناصر رسولك=ماهمنا قولك بليا فعولك تمسك بدينك ولا احدٍ يطولك=هذا كلامٍ مايبي زود تنبيه === نبينا اللي دلنا سكة الخير=وبرسالة الاسلام زدنا عن الغير نبي نقاطعهم (رعاة الخنازير)=نصرة رسول الله ماتحتاج توجيه === بقلوبنا حب اشرف الخلق موجود=وفي كل يوم يزود ويزود ويزود واللي نوايا قلوبهم كلها سود=واجب علينا كل واحد نعاديه === ماهيب حرية كلام وصحافه=هذي نسميها حقيقة سخافه ودفاعنا من طيب قلب ونظافه=عن واحدٍ له منهج مخلصٍ فيه === محمد اللي كلنا فدوةٍ له=محبته من كل مسلم جبله اللي حوا معاني الطهر كله=وشلون مانغضب على اللي معاديه === شرارة الاعدا الرسوم المسيئه=وشلون ناخذها بنية بريئة انكشفت اهداف النفوس الدنيئة=على نبيٍ صرح الاسلام بانيه === اللي تطاول ماحسب للتطاول=بعد الغضب لايمكن انه يحاول واللي يشجع هالرسوم وتداول=نقاطعه والحقد والكره معميه[/poem] |
هذه مشاركة من صالح السلمي من السعودية..للفقرة 31
يكرم رسول الله عن رسوم رسام رسولنا خير البشر خير الآنام بعثه رب البيت في دين الاسلام ثبت اساسه ثم عمر مبانيه === تنشل يمنى اللي رسم قولوا آمين الحاقد اللي بان حقده من سنين هذا عدو الدين ويحارب الدين والدين دين الله يعزه ويحميه === لو حاولوا مانالوا اللي يبونه رسولنا معصوم لو يجهلونه اعمارنا من دون عرضه ودونه هذا الرسول اللي نحبه ونغليه === ماهمنا النرويج ولا الدنامرك معاقل الافساد والظلم والشرك واللي كفر بالله فالنار فالدرك لو عاش في دنياه نعمه وترفيه === رسولنا حبيبنا اللي نصحنا ياما بتعليمات دينه منحنا ايو الله انا بالصلاة (استرحنا) والمال فرضٍ كل عامٍ نزكيه === درب الهدى درب نطبق نظامه واركان الاسلام الاساسي علامه والمسلم بدينه يحقق مرامه ليا عرف هدي الرسول ومعانيه === هذا محمد كلبونا نحبه ما عاش من يجرأ عليه ويسبه منزهه ربه وحاميه ربه حاميه من كل المعادين حاميه === على رسول الله صلاة وسلاما اللي فرق بين الحلال وحراما حتى اصبح الاسلام دين ونظاما ننصر من يعزه ونجفى مجافيه === وشلون مانزعل على الكافرينا هذي غريزة دين موجود فينا رسولنا اللي ساقه الله الينا نحب من حبه ونكره معاديه |
مشاركة وصلت من عادل الحربي من المدينة المنوره..للفقرة 31
ان كان ماننصر نبي الثقلين المصطفى المرسول بالحق والدين ماظني لنا وزن وسط الموازين هذا الصحيح وزبدة القول صافيه === اللي حصل منهم يعود اليهم والحقد والتضليل منهم وفيهم يارب تنصرنا بنصرك عليهم وتعز دين المومنين وتداريه === نفدى رسول الله وعن عرضه نذود ماهمنا الحساد وقلوبهم سود الدين دين الله والعمر محدود ومن حارب الاسلام ربي يجازيه === والله مانالوا من انمل محمد لو حاولوا كثر الخطا بالتعمد اللي يسبح كل يوم ويحمد ادى الامانة صح واخلص لباريه |
تتواصل ايميلات زوار المرقاب,,,,
للفقرة 31 ومشاركة من الاخ محمد ناصر من منطقة الدوادمي... على رسول الله نصلي..نسلم ومن نهج مسلكه القويم نتعلم نوفي ونكرم ونغزي ونتولم ننهج مناهيجه ونغزي مغازيه === واللي يحاول مسه بشيمالاق عساه في النار يتعذب بالاحراق جزاه من ربٍ للآنام خلاق سبحانه المعبود عبد يراعيه === ياشعب ياللي منكم اللي تعدا اللي برسمه للجموع يتحدا دون النبي كلٍ بروحه تصدا كلٍ يبي تفديه روحه ويحميه === والبانكم واجبانكم مانبيها وكل البضايع قد سحبنا عليها سواتكم مافيه عاقل رضيها اللي معه عقلٍ وعينٍ تقديه === رسولنا معصوم عن كل زله نبع الوفا والجود والطهر كله والله مانرضى لعرضه مذلة زكاه ربي...والاوادم تزكيه === لابارك الله في دعاة التحرر اللي بقانون الصحافة تقرر واللي بمثل الرسم هذا تكرر يكرم رسول الله عن اياة تشبيه === والله مانرضى عليه الاهانة لا من فلان ولا من اخته فلانه لانه اللي يوم ادى الامانه دل البشر للحق حتى معاديه === يامسلمين اللي تحبون طه ياللي تعبدون الكريم الاله قوموا على الدنمرك واللي وراها ثم قاطعوهم ماتبا السالفه..ليه؟ === دفاعنا واجب وشيٍ اساسي ولاهي غريبه لو يزود الحماسي نشعر بحبه في جميع الحماسي وشلون مانفديه ونقول لبيه |
أقدم شكري لكل من ساهم في هذا الموضوع
ولدي مشاركه فقره رقم ((19)) [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] . . من أعماله اللي بالمدينة عملها=ليحافظ بأمن المدينة وأهلها ويبعد غثا المشرك ومن هو نزلها=بميثاق والنقاّض يلقى الجزاء فيه . . عاهد بني قريظه بحينه وأوانه=وبني النضير وقينقاع وعوانه وخيبر هل الطلع النضيد بزمانه=وأمضوا على كتابه وشافوا مباديه . . تنفق وتدفع في حروب المدينه=مع المومنين وكل جيشٍ تهينه واللي مسالم ما لكم في يدينه=ولاتتركون الدار قبل أذن واليه . . والكم علينا نصحكم والتناصر=والدين فيه أحرار والرب ناصر وارواحكم تسلم ولو تنتحاصر=إبنود مكتوبه على جلد نمضيه . . وإن كان خالفتوا بنقض العهودي=نذرٍ نسوق الروح يم اللحودي ونسبي ذراريكم وجمع النقودي=وكل المعالم تمّحيّ بفعل جانيه . . . [/poem] . . محمد مشوط الغنامي |
وهذه الى فقرة رقم
18 إذا أمكن ذلك [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] . . القصوى مأموره وخلو رسنها=تبرك وفي مربد يتامى ثمنها والمسجد يأسس بعد زيل منها=قبور شركٍ دارسه في نواحيه . . بالطين قوموا بعد خلط اليمامي=واللبن حطو رصته باستقامي وليا رفعنا حائطه للغمامي=هاتو جريد النخل نبدأ نغطيه . . بعد قضينا من البناء قووم يابلال=وأصدح ونادي للصلاوات فـ الحال في مسجد ومأوى وتعليم لجيال=وسجنٍ لاسير الحرب لعل نهديه . . مكان يعقد فيه جيش وسرايا=ومشفى لمجروح ٍ خطته المنايا ومجلس سفير ٍ للدول والقرايا=نسمع مقالتهم وبالحق نرضيه . . والفائده تكمن ببث الشجوني=للقائد الاعلى تدك الحصوني وقلوبهم تألف وتذرف عيوني=لاصار فعل الخير تلقى مساعيه . . [/poem] . . محمد مشوط الغنامي |
وصلتنا هذه المشاركة من الاخ محمد الحربي من القصيم
الفقرة (31) [poem=font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] يانصرة الاسلام يامسلمينا=نصرة نبي الله واجب علينا من زمرة الدنمرك والكافرينا=اللي طغوا والوقت زادت بلاويه === الاوله لازم نقاطعهم سنين=مانشتري منهم ولوهو بقرشين الظالمين الحاقدين الحسودين=ضعوف ماتبغى الرسول وتعاديه === اعماهم الله عن حقايق كثيره=حتى تمادوا في الغلط فالمسيره مايعرفون انه للاسلام غيره=والمسلم يحب الرسول ويواليه === نفدي رسول الله بدون اي منه=ونذود بالارواح والدم عنه واللي تجاوز بالخطا مانحنه=هذا رسول الله وشلون نصخيه === ماينطق الا بالوحي والحقايق=من عند رب البيت رب الخلايق أدى الرساله ماحسب للعوايق=الله على فضله علينا يجازيه === كل الحقايق واضحه ياجماعه=فالدين اعز كتاب واغلا وداعه ورسولنا واجب علينا اتباعه=والله يدبر كل شي ويسويه === حنا هل التوحيد نصرة نبيه=حمية اهل الدين نعم الحميه نحمي رسول الله بنفس رضيه=يعيش من يفدي رسوله ويحميه === ياهل الاسائه والرسوم المثيره=تبينت كل النوايا الحقيره لكنها خيره وخير وخيره=حب الرسول اكبر من الحقد ياهيه === مع قزة الحق اي قوة ضعيفه=فرق الثقيله غير فرق الخفيفه واشرف بشر له سيره اصلا شريفه=قوي بالله والله اللي مقويه === انتاجهم ماصابنا الجوع دونه=ياهل النقا والدين لاتشترونه جزا لهم نبع الحسد والمهونه=منزهه ربي عن الشين تنزيه[/poem] |
| جميع الأوقات بتوقيت GMT +3. الساعة الآن 02:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية