حسين ضيف الله الدوسري
هلابك ومليون مرحبا ووالله انك نوّرت .. والله انك تعجبني كونك شخص مسالم .. حب لي خشمك .. |
ثاني الدهمشي
اول شي الزعل ممنوع وانا ما ازعل ووجهت نظر واحترمها وماهوب معناته ان وجهة نظرك صحيحه لكن وجود ردودك على مواضيع الشاعرات يعتبر 98% منّه مجامله و2% منّه مجامله ايضا :) هذا حسب اللي شفته من خلال ردودك تحياتي لك نوض |
هلا بالغالي على القلب
عبدربه تكفى عجل علي لأني بجد اتشرف بأني اجيب على كل ما تتسائل عنه خاصةً اذا كان يخصني .. اخوك |
- تصاريحك أكبر منك ياثاني وأنت ثاني واحد يسوي هالحركة عشان يحرّك المجهر بس للأسف ما إخترت الملعقة الجيّدة والمناسبة .. من أنت حتى تطلق مثل هذه التصاريح ؟
جتني فكرة اني ما اجاوب على هالسؤال بالذات علشان ارفع ظغطك اكثر ههههههههههه.. - حب فهد عافت أعماك عن نايف صقر والمفترض أن يكون العكس والشيوخ أبخص ... لو إنك ماتبغى تجاوب لكن أبي أسألك ليش هالتصريح اللي ماله مناسبة ؟ هنا انا اللي ابسألك " كيف عرفت اني معجب بفهد عافت " لهالدرجه اللي انت جبتها هنا مع ان فهد عافت ماله اي ذكر بالتصاريح ولم يسبق ان جلسنا وقلت لك اني معجب بفهد عافت , وعلشا اطمنك يا سعود تصريحي كان طويل واختصر لي واحد مرقابي بهالطريقه لأني قلت له السالفة كاملة والسالفة (( انه فيه شخص كنت انا وشباب متذوقين للشعر جالسين عنده فكان من ضمن الكلام نايف صقر وشاعريته التي بالنسبة لي انا اعتبرها نادرة بهالزمن هذا ولكن الأخ اللي كنّا عنده قام يتخبط وقال بالحرف الواحد " نايف صقر يمشي الحال" لأنه كان عايش مرحلة حاس نفسه فيها انه فلتة زمانه فقمت بالرد عليه بطريقة مقنعه وما اقتنع ذاك الاقتناع وبس )) .. وانت الله يهديك جبت الشيوخ ومدري ايش .. سعود تدري انه كان معي واحد من الشباب كنت اسولف له قبل فتره عن بعض المرقابيين ومن ضمنهم انت وبراعتك بالكتابة وجهودك واخلاصك وصفات والله يشهد انها لا زالت ولكن الرجال اللي معي بعد ما قرا ما كتبت انت من أسئلة قال لي ثاني هذا سعود اللي تقول لي عليه ؟؟ - تقول كنت مشرف فاشل .. من الذي أخبرك أو إنه إنجاز منك وعرفت إنك فاشل بنفسك ؟ كأني أشوفك كنت منفعل وانت تكتب هالسؤال ههههههههههههه سعود الجواب تلقاه فوق !! - أنت جاحد معروف والدليل سعد براك وضعك تحت مجهره وتأتينا تقول هو في القائمة السوء ... برر موقفك الآن ؟ الدعوه ما تستاهل التبرير يا سعود ايضاً الجواب فوق .. - تقول : فيه ناس يكسرون الخاطر بنظام ( ماترد علي ما ارد عليك ) .. الطيور طارت بأرزاقها وأنت توك تدري ؟ ايه نعم والله يكسرون الخاطر لأنهم مساكين يعني لو اعجبته القصيده ووده انه يقول لك صح لسانك ومبدع وتلقاه في صراع مع نفسه ارد والا ما ارد وآخر شي يضحك على نفسه بقولة (( لا هذا ما عمره رد علي )) هههههههههههههههههههههههههههههههههههههههههههههههههه ه .. الطيور طارت بأرزاقها ماني فاهمها ؟ - شلون ما في الشعر مظلومين وأنت أول واحد .. لكن في نفس الوقت حدد عشان نكون في فالصورة أي نوع من الظلم ؟ انا ما انظلمت وانت شلون عرفت اني مظلوم او اعتبرها مجاملة ومداعبة بسيطة ؟؟ نوع الظلم | النشر . - يسلم عليك الاعلام السعودي ويقول ثاني الدهمشي وش آخر مانشر في الاعلام الكويتي ؟ بالمختلف .. - تقول الفقر مصدر الإبداع .. سؤالي هل أنت فقير لأننا رأيناك مبدع ... أو أنك ماذا ؟ لا يا سعود انا أقول لك سوّ استبيان حول المبدعين بالعالم في جميع الابداعات من كرة قدم الى شعر الى .......... الخ . ستجدهم كانوا فقراء .. وهذا شي اسأل المبدعين عنه .. |
اقتباس:
8 ثاني الدهمشي جوابك وردك فيه نسبة تناقض 98% :) بالتصريح تقول لا يوجد شاعرات ! وهل مايكتبه الشاعرات لا يمت للشعر بصله !؟! لماذا لم تقل (لم ارى مبدعات) ,,, اصح بالمعنى ,, لما يجول في خاطرك تصريح لمجرد الفبركه واتوقع ان ردك لا يقنع اي شاعر او شاعره عدمت وجود الشاعرات وبالحقيقه يوجد شاعرات اقوى ابداع من بعض الشعراء انت تقول : وانتي الله واعلم يمكن تكونين بالـ 2% ويمكن لا !!.. لم اقوم بالمشاركه بالموضوع لسبب تحسسي من تصريحك ولكن هل يعقل لشاعر الغاء شاعرية اي شاعره !! هذا ماكنت اود الوصول اليه ببداية سؤالي والاختلاف بالرأي لا يفسد للود قضيه :) تحياتي |
ثاني الدهمشي
حضرت هنا بتقديم .. رائــع من الرائع سلطان النواف .. وكان ذلك قبل أن تأتي ..هنا وكنت بحجم ذلك التقديم الجميل .. هنا لا يفوتني ان أشكر الغالي سلطان .. على دعوته لك .. للإنضمام لنا سؤالي .. هلاّ طمنتنا :) عن سلطان .. فقد اشتقنا له كثيراً .. ! ! ثاني الدهمشي .. لك تواجد إعلامي .. محدود .. ولكن بتميّز .. هل انت راضي عنه !! مشاركاتك .. قليله .. !! لا تتجاوز الـ 19 مشاركه .. والبقيه ردود .. لماذا هذا التقصير .. في نثر ابداعاتك على صدر المرقاب .. دمت غالياً .. واعذرني على هذه الاسئله .. ولكن الهدف الاول ان اقول لك .. انني معجب بشاعريتك .. دمت راقياً |
السلام عليكم ورحمة الله وبركاته
الضيف مميز كما اعتدنا .. لاهنت يا ابا يوسف على هذا الجهد الكبير لـ المبدع ثاني الدهمشي .. سلام وتحيه .. واتمنى ان اجد الفرصه الكافيه .. لتوجيه بعض الاسئله .. بالتوفيق يا ثاني :) اخوك : مشخص / :) |
لي
ع و د هـ إن شاء الله |
مجهر مميز بلا شك وضيف مميز ونجم ..
بيض الله وجهك يابو يوسف على الجهد وعلى انتقاء الضيوف ,, ثاني شاعر مبدع كون نفسه وصنع لنفسه تميز بين اعضاء المرقاب , سلامي ومحبتي واحترامي ياثاني ومتابع :) |
علي مبارك
انت وجهك علي مبارك وكلك خير وبركة فديتك ووالله اني اغليييييييييك حيل .. وهلا ومرحبا .. آآآآآه يا فايز الزعل؟ اولاً اسم الله على البك من الااااه لماذافايز بالذات؟ انا اقول لك ليه فايز بالذات يا علي : فايز من الناس اللذين له فضل علي باستمراري بالشعر وكتابته هذا اولا ولكن ما يبرر الآآآآهـ هو ان فايز كان مظلوم اعلامياً بشكل ما احد يتخيله بالنسبة لمجهودات كان يقوم بها , ايضاً آآهـ لأنه من الناس اللذين عانوا في البحث عن الشعر الحقيقي وابتعد عن المجاملات مما ادى الى ظلمه قبل فتره كما سبق وذكرت .. ولكنه الآن وبعد صبره على زمنٍ كثرت فيه المجاملات اصبح الشعراء يتصلون عليه لأخذ رأيه بنصوصهم .. والله يعلم بمكانته بالقلب >>>> هنا لا تعتبرها عاطفة تكون اثبات على ان اللي قلته من باب العاطفه .. لا ابداً .. انت ياخي مشكلتك مواعيدك تواعد ولاتجي ليش هل ثاني فوضوي بمواعيده؟ انا اللي اواعد ولا أجي ؟؟ <<< نطح الصياح بالصياح والله يا علي ظروف الدراسة واللي ابشرك شارفت على الانتهاء .. وبالنسبة لفقرة فوضوي بمواعيده !! تقريباً تدري ليش ؟؟ لأن الغالين اللي شرواك احب التواصل معهم ولكن الوقت اقوى مني ومنهم .. ثاني الدهمشي الشاعر مارايه بثاني الدهمشي الخالي من المشاعر؟ :mad: انا خالي من المشاعر ؟؟ ياخي حرام عليك انت جلست معاي وشفت اسلوبي بالله عمري جرحتك بشي هههههههههههههههههههههه >>>> طابّ الفيضة .. ثاني الدهمشي الشاعر راضي تمام الرضى عن بعض ثاني الدهمشي ان خلا من المشاعر !! ثاني اشوفك تحب الشقر ومتولع به ماهو السبب ؟ والله يا علي انا لا انتبه للشقر وغيره بما اكتب الا من الناس اللي تسمع لي بعد ما اكتب لذلك مدري .. ثاني لماذا انت ثاني لماذا لم تكون الاول ؟ههههه (( فاصل )) من باب التواضع ههههههههههه (( فاصل )) سلم لي على نفسك وعلى فكره تراني مااحبك ماادري ليه تدري ليه لأني مرّه قلت لك انت ما تقدر تطقطق بالكورة على فخذك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه والله احبك انا انت لا تحبني بكيفك .. |
اقتباس:
والله انك انت اللي منوّر يا ســلطان المرقاب ومتى ما جيت الله محييك .. |
معيض العتيبي
والله ان القبول كلّه وانت الحلا كلّه يا ابو نوره .. انت تقول : اعرف شخصيا ان احد ابياتك اشاد به شاعر وصحفي بحجم ناصر السبيعي...سؤالي..هل يعني ان وجودك في ذاكرة ناصر السبيعي يكفي لان (تثبت) قدمك في مجلة بروعة المختلف؟ نعم وهذا الكلام جاني بعد مدّه من اشادة ناصر السبيعي وهذا انا عن نفسي اعتبره والله شرف لأنه جاء من شاعر وصحفي بحجم ناصر السبيعي كما تفضلت . وبالنسبة لتثبيت قدمي من عدمه بالمختلف شي في علم الغيب ولو اني اتمناه .. ومن لا يتمنى المختلف ؟؟ من انصفك... ومن قدمك ..ومن خذلك..ومن احرجك..ومن ظلمك؟؟؟؟؟؟؟؟؟؟؟ اللي انصفني كثيرين منهم انت .. واللي قدمني كثيرين ولا استطيع حصرهم .. واللي خذلني الحظ في بعض الاحيان والوقت احيان اخرى.. واللي احرجني طيب ناس تمدحني وانا ما اعرفها .. ومن ظلمني آآآآآآآآآآآآآآآآآآآآهـ يا ابو نوووووووره خلني ساكت تكفى .. وأكرر أسفي بخصوص اللي وصيتني عليه .. |
الاخ الشاعر / ثاني الدهمشي
يامرحبابك ومسهلا مجهر مميّز وفقرة رائعة بروعة ضيفها رجل خلوق وشاعر رائع متابع واحيّي فيك هذه التصريحات الخطيره يا الدهمشي :) أخـ ( ناصر بن راشد الهاجري ) ـوك |
ثاني الدهمشي :
شاعر جميل وشخص صاحب خلق رفيع اتمنى لك التوفيق |
هلا ومرحبا بك ياثاني الدهمشي ...شاعر ممميز ..وشخصية راقية..
الشكر لله ثم للنجم سعد براك الذي استضافك هنا ..... . ثاني ..سمعت صوتك العذب خلال رحلة مكوكية كانت باتجاه زُحل :) ....مما وقع في نفسي أن صوتك عذب في الشيلات ..هل توقعي صحيح؟ بس :) . وان جا على بالي سؤال جيتك مغير ... سلام و . . تحياتي وتقديراتي.. |
اقتباس:
^ ^ ^ بس انا اغليك ياثاني اما بخصوص الكوره كنت مهاجم نادي الساحل سابقاً والان محترف بنادي القادسيه السعودي بسبب هروب ياسر الى الهلال وانشد مشعان ويعلمك |
:):)
سلام يا ثاني وانا متابع الجزر والمد ولك تقديري وحبي |
ثاني الدهمشي
انت من الأشخاص اللي اتابعهم بكل استمرار وافخر بتواجده اينما حل لكن لايوجد شاعرات..؟ _ بالعكس انا أرى ان الشاعرات فالمرقاب فيهم من يملك الأبداع والروعه والحضور القوي أمثال.. 1/الشاعره.نوووض 2/الشاعره.نيافه 3/الشاعره.ديمة الشوق 4/الشاعره.أمواج يعني الأسماء هذي من غير مجامله من اروع الأسماء فالمرقاب واكل يشهد على ذلك لذا ليش الأخ والشاعر المبدع والراقي/ثاني الدهمشي مهاجم للشاعرات..؟ كل التقدير والاحترام والمتابعه لك ياصديقي متااااااااابع |
السلام عليكم ورحمة الله وبركاته
والف شكر يبو براك على هذا الجهد الملحوظ ... ويامرحبا ومسهلا يالوايلي ...ابرك الساعات ياثاني اللي جابك الله تحت المجهر وفي البدايه يعلم الله اني اتشرف بمواجهتك ومعرفتك سواء انها شعريه ام شخصيه وكذا والا كذا فلا عليك زووود ..شاعر ورجل ووايلي ومْحكوك معدنه مثل ماقلت في احدى قصايدك الحقيقه ان ماعندي اسئله لك طال عمرك بس حبيت اسلم ونوثق الاعجاب والمتابعه كتابياً هنا لانها في الخاطر من مبطي والشاهد الله وترى محاكيك في الشرقيه وانت حسب ماوردني انك ما انت بعيد يعني افهمها وهي طايره! سلامي واحترامي واعجابي ومتابعتي ياثاني |
الغالي
ثاني الدهمشي متابعك فغرد يابو ثويني انت شاعر كبير ولك مكانه في قلب اخوككل التوفيق تركي |
الف شكر ياسعد براك
وهلا ومرحبا ياثاني الدهمشي ماعندي غير سلامتك حبيت أسلم عليك وأسجل حضوري ومتابعتي :) لك ولسعد كل الود والتقدير مع أجمل باقة ورد |
سعيد بن واحش
والله انك غالي على القلب لما ألتمس فيك من خلال المرقاب من خاطر سمح وخلق دمث .. فـ عسى الله يعين على ارضاء من هم مثلك وشرواك .. نــبدأ .. 1- (الكبر) صار طبعك بعد ما هو نزلْك..... وصار لك بالخيانه للأمانة رصيـد كيف يعني بالخيانة للأمانة رصيد !! ... وكيف صار الكبر طبع بعد ماهو نزل !! مالمقصود بالنزل هنا ما ترى انك تكلفت في البيت حتى اصبح معناه بعيد عن الفهم فقط لأرضاء القافية؟ انا أقولك يا بعدي الخيانه هنا ضميرها عائد على الأمانه كأني أقول له " أنت خائن للأمانه " أوكي ؟ وبالنسبة للـ( كبر) بكسر الكاف والسين وأسأل الله ان يعصمنا منه , وبالنسبة لنزلْك هنا اني صوّرت الكِبِر شخص ونزل في وادي طباعك مثلاً وانا لا اتوقع ان هذه مسأله صعبه يا سعيد ..وبالنسبة لإرضاء القافية لا والله يا سعيد هذا الشي ابيك تتأكد انه لا يمت لـ ثاني بصلة .. 2- الغابة اللي مظلمه في صدري أشجارها ناسٍ معـي كذّابـه ان جادلوني بالقصيد بعينـي شفت اختلافي بينهم متشابـه ما دام انهم كذابة .. لماذا هم في صدرك ؟.. ومن وجهة نظرك هل الشطر الثاني من البيت الثاني مدح أم ذم ام مدح بما يشبه الذم .. وفي قولك (يحدد مخلبه مع نابه) هل مع هنا حرف عطف ليكون موضعها هنا سائغا؟ تدري ليه هم بصدري ؟ ما ابغى اقول من طيبي ولكن ابقول اني كل من حولي في فترة من الفترات والتي كتبت فيها القصيدة كانوا كذلك .. وبالنسبة للشطر الثاني من البيت الثاني هو مدح لي فقط من دون ذم غيري واللي هم كانوا بصدري ولكن المدح لي كان محصور في قضية الشعر فقط .. وبخصوص ( يحدد مخلبه مع نابه ) نعم مع هنا حرف عطف .. 3- هناك فكرة دائما اراك تتطرق لها في قصائدك تجدها مثلا في الابيات التالية: وتستغل موقف زعلْك وفيه تربكني .................................لجل أراضيك بكتابة أروع أبياتي *** بس القلم والدفاتر صاروا أعــواني............. ....................................على معــاناة حبك يا بعـد عمــري حتى بديت اكتب بشـعري وسـاواني...... ....................................مع أكبر واشهر الشعّـار في عصـري *** أعتــرف بإنك مسنـّعني ..........................دام قيفـاني من ألــحانك الا تلاحظ انك استهلكت هذه الفكرة كثيرا .. بالاضافة الى أنك مسبوق عليها ؟ يمكن والله يا سعيد .. 4- قلت في قصيدة وطنية .. ودام آل السعود بهالبلد يابنيـه ... أبشروا بالأمان بليلكم والصباح هل صحيح أنك لا تستطيع ان تكتب قصيدة .. الا وتخاطب فيها انثى ؟ هههههههههههههههههههههههههههههههه سعيد انت تقصد (( بنيه )) هنا اقصد ابناء المملكة , وللمعلومية انت لو مشيت مع الطاروق صح كانت وضحت لك على طول على الأقل تعرف انها ماهي (( بـنيّـه)).. لكشة على الطاير .. الحزن عاشرني وامّني وخاواني ..............لين ارتسم في ملامح وجهي الخمري !! يازينك لكشاتك زيناه اورّيك البرنت اللي جايبه من الحوال وتقرا وش مكتوب عن لون البشره هههههههههههه .. اسلم وسلّم يا الغالي .. |
مشعان هلابك
تدري اني حاقد الى الآن على الخياااااااانه .. ليه ؟؟ تراني اذا انتقمت اقشر !! هيّن هيّن .. |
اقتباس:
اولاً انا ما اجامل بالشعر تأكدي وبالنسبة لردودي ما اذكر اني رديت الا على شاعرة حقيقية وتندرج تحت الـ(2%) اللي سبق وتكلمت عنها .. ثالثاً ماعندي ردود على مواضيع النساء الا يمكن ردّين أو ثلاثة من كل ردودي بالمرقاب .. |
اقتباس:
|
| جميع الأوقات بتوقيت GMT +3. الساعة الآن 03:54 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية