المشاركة الأصلية كتبت بواسطة سعود الحارثي

خالد ... لا والله ماهي بويتات ،،

الا قصيدة مكتملة الاركان والزوايا..

مبني ومعنى وترابط ومفردات ... وجمال شعري

لا يضاهى ...فلله درك وحفظك الله للشعر .. وحفظ الشعر

الجزل بأمثالك...

فقط لي ملاحظه ..على هذا الشطر

(وقد قيل بأن الجمل لاطـاح جالـه دوي)

أعتقد أنه كام من الأفضل استبدال الجمل

بالجبل أو بالصخر او اي شئ مناسب..لارتباط


طيحة الجمل بالسكاكين....

وانت أبخص وأقدر ... بلا شك ..

كل الود والا عتبار والمتابعه !!

المشاركة الأصلية كتبت بواسطة غانم الذيابي

4
4
4

ارحب يابو يزيد


.

المشاركة الأصلية كتبت بواسطة فيصل السواط

ياصباح الشعر ... والإبداع ...

خالد انت مبدع .. وقصيدتك هذه رغم انها ثائرة الا انها فارقة ..

أجدت في الوصف والإنتقاد اللاذع ... لله درك وحسب


متابعتي لك وتقديري


تحيتي

كنْ كويّس :)

المشاركة الأصلية كتبت بواسطة تركي البادي

ما تعرف العذب حتي أنك تذوق الهمـاج
ولا كل صاحب ولو صاحبك يحسب خوي


الله الله الله يا خالد

قصيدة استاذ


صح لسانك

ولاهنت

المشاركة الأصلية كتبت بواسطة سمران القثامي

ابو يزيد رااااااائع وشهادتي فيك يقطر دمها شااعر وابن شاااااعر علم

المشاركة الأصلية كتبت بواسطة حسين بن سوده

ما تعرف العذب حتي أنك تذوق الهمـاج
ولا كل صاحب ولو صاحبك يحسب خوي
الحر لامن خذا شهرين وسـط الدجـاج
كاكا مكاكا الدجاج وعن طبوعـه غـوي
ياموزع الهرج بعض الهرج ماله مـزاج
لاتبلش الناس بالنمـات طبـخ وشـوي
ترمي المشاكيل وأنته فلتك مـن زجـاج
ما يرمي أهل الصخا والجود كود خلـوي
ولايدرق عن وجيه القوم خلف السيـاج
ياكود رجلٍ علي ما قيـل ماهـو سـوي




هذا الشاعر مقلق أمن الساحه

..؟؟؟!!

مدري وش اقول بس الأكيد ... الأكيد....انا مفتون وغيري في شعره

المشاركة الأصلية كتبت بواسطة عبدربه

الله عليك يابوحميد ويزيد والاسماء كلها :)


مبدع في جميع الأقراض !



اسلم وسلم :)

المشاركة الأصلية كتبت بواسطة الغريبة شوق

رااائع جدا يا خالد

صح قلبك

ودمت مبدع

المشاركة الأصلية كتبت بواسطة خالد الذيابى

السلام عليكم ورحمه الله وبركاته
يالله حيهم جميع
بويتات علها تدخل للذائقه
:)

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاتنشد الفكر يا نشاد وشلون هاج = تلطم بحوره وليله بالهجوس سروي
أسري كما الذيب لاخطى بالعشا ثم راج = وأرقب على المرقب العالي وقام يعوي
كونت مع قسوة الايام شبه إندماج = فكر حضريٍ مجرب مع سلوم بدوي
وأمنت باللي بيده الضيق والانفراج = وكفرت بإبليس واللي يتبع منزوي
أفكار بعض العرب فيها غوى وإرتجاج = وقد قيل بأن الجمل لاطاح جاله دوي
ما تعرف العذب حتي أنك تذوق الهماج = ولا كل صاحب ولو صاحبك يحسب خوي
الحر لامن خذا شهرين وسط الدجاج = كاكا مكاكا الدجاج وعن طبوعه غوي
ياموزع الهرج بعض الهرج ماله مزاج = لاتبلش الناس بالنمات طبخ وشوي
ترمي المشاكيل وأنته فلتك من زجاج= ما يرمي أهل الصخا والجود كود خلوي
ولايدرق عن وجيه القوم خلف السياج = ياكود رجلٍ علي ما قيل ماهو سوي
والله لتبطي ولا قيل لك طلق الحجاج = أنته سجلك عن أهل الكايده منطوي
في سوق بذل المكارم ما أنكتب لك خراج = أمك عقيمه لونك ياصبي من ذوي
وفي سوق كسب الهزايل تمتلك لك حراج = وأن قيل عان السنع عن سكته تلتوي
بعض العرب فيه عن درب الرجال إنعواج = ماله دوى لو تربع قّلته بالكوي
أفواه ما تنتج ألا مثل وصف العجاج = وقلوب متنكسه للناقصه تهتوي
صحيح من قال بأن الطايلات أنتهاج = ولا نالها كود من يفعل وعزمه قوي
بعّد الرجل عن محل الريب يحسب علاج = خل الحلوق الظوامي بالزمن ترتوي[/POEM]

الموقع أدناه .. :)