المشاركة الأصلية كتبت بواسطة سداح (المشاركة 959890)

السلام عليكم ،

اول مره اتابع الاخبار في شهر رمضان المبارك
شاهدتها قبل قليل ومدري وش طرالي .. خويطره والسلام ،


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا مذيع النشره أنطق بالحقيقه= لو تجيب الزايفه ما نعتمدها
موجز الأخبار عدّه في دقيقه= أذكر اللي صار والأخبار عدها
أنطلق بالصوت والشاشه طليقه= لو عليها من غثاها طول يدها
يفتح الله يا مشاعرنا الرقيقه=من صدوف الوقت ماتت في مهدها
لا تقول الدمّ الأحمر ما نطيقه= لو نمرّ الميّته نفتش لحدها
هات ما عند العدوّه والصديقه= ما نحبّ من العلوم إلاّ جددها
المراسل لا يجينا بالعتيقه= أزمة المال الجديده وش بعدها
بنك ليمان المريكي في حريقه= ما حصل للمسلمين أمرّ وادهى
أعلن الافلاس ولا عنده طريقه= يستعيد من المؤشر ما رصدها
والبنوك العالمية مستضيقه= تبذل المجهود لا ينقص عددها
والذهب مخطور لا يفقد بريقه= يا مكافي شرّ الأيام ونكدها
و بوش يدفع مجلس الأمن لفريقه=قبل يبحث عن موالينه وجدها
يرشف من الشرّ لين يبلّ ريقه= ولا يردّ أم الكباير عن ولدها
يصدر من العالم الأوّل وثيقه= ويآخذ من العالم الثالث سندها !
كل ما شاور على الباطل رفيقه= قال قدها يا زعيم الحقّ قدها
لين رحنا بينهم مثل السليقه= غلطة ٍ ما عاد ندري من قصدها
يا الله انك ترحم أحوال الخليقه=تستجيرك من بلدها في بلدها !![/poem]


وسلمتوا ،،