الله الله يابو محمد
والله إني قريتها أكثر من مره .. وبرجع أقراها وأقراها .. صح لسانك ولا فض فوووك .. |
بندر
حياك الله يابو ناصر ومرورك اسعدني يعلم الله صح بدنك يالغالي |
الله الله الله الله
ابو محمد .. والله مايوفيك ولايوفي هالقصيده اي تعليق لكن .. انت شاعر مميز وتملكــ . من الموهبه مايجعلك في المقدمه كنه اخر شخص من عصر الصحابه ولو ماني خايف الله شلت ( كنـه ) :092::092: |
غن يامغني علـى صـوت الربابـه
كل ماوافقت الك طـاروق غنـه لايهمـك لارقيـب ولارقـابـه العقوبه :نـار و التكريـم : جنـه الله الله يازينه من أرشيف ياعفاس صح لسانك ولاهنت |
كنه اخر شخص من عصر الصحابه
ولو ماني خايف الله شلت ( كنـه ) الله الله ياعفاس بيت مدهش وقصيده مذهله بسلاستها وقوة معانيها وترابطها العجيب .. صح لسانك ورحم الله الفقيد واسكنه فسيح جناته . مبدع دائماً وأنا ممن يتابع ماتكتب بشغف .. لك فائق المحبه والتقدير والمتابعه الدائمه .. |
اقتباس:
صح لسانك الف الف مبدع يا عفاس وتسير على خطى ثابته مشاء الله عليك والله لايضرك كل الارشيف لا تبخل به محبتي وتحيتي :) |
عفاس.... عندما يسبح الآخرون في شاطئ الشعر.. انت.. تسبح في اعماق المحيطات ماشاء الله عليك انتاجك كثير وغني بالسبك الفريد لك لونك الخاص ولك عذوبتك بالفم المليان انت من الشعراء المفضلين لدي تقبل مروري.. |
عزالله اني ارتويت شعرا
كنه اخر شخص من عصر الصحابه ولو ماني خايف الله شلت ( كنـه ) الله الله مبدع بحق |
، الله الله الله عفاس .. ما زلت في كل نص تتجاوز سابقه ! وهنا .. ابدعت ، ابدعت ، ابدعت مع كل بيت تذهلنا يا بو محمد شاعر لياقتك عاليه .. ومتمكن من كل الاغراض ما شاء الله عليك و يحق لـ أي مكان تنتمي له ان يفخر بك يا مبدع ! |
عند بيتً لونه ابيض مـن شبابـه
والـه عمدانـاً لحلمـة يرفعـنـه راحة الاجناب في صـدره ، وبابـه النسايـم لـو يسكـر / يفتحنـه مات راعية وتعـذب مـن غيابـه ورددن اطنابة / اقلط / واشهدنـه ماش قاعـاً فـالجزيـرة مانبنابـه والحـدود مـن العزيمـة حدهنـه مر عشر اعـوام والقبـر وترابـه يحتوي له راس قـوم وتبـع سنـه يعجز اللسان عن وصف هالقصيده .. الله يرحم جدك ياعفاس رحمة واسعه ويغفر له .. قصيده رثائيه معبره بكل تفاصيلها صح لسانك ولاهنت اعجابي اللامحدود يابو محمد |
[align=right]
مليئه بالاحساس [/align]و تستحق الاقتباس كلها لكن..استوقفني ذا البيت يوم اجي في البيت بعد اقفن ركابـه كن في صوتي ليـا سولفـت منّـه صح كلك والله يالجزل تقديري .[]. |
عفاس
لله درك قصيده مدهـــــشة ,, ومن الروائع اللي قريتها في هذا القسم للأمانه شعر شعر شعر ياعفااااس صح لسانك والقفله مميزززه ... |
عفاس
في جميع طقوسك الشعريه مبدع (: صح السانك ترليون.... |
عفاس
أكد الحجز صح السانك مبدع دائم |
المبدع جدا عفاس
والله ان الابداع لابسها من الالف للياء ما شاء الله تبارك الوهاب والله يزيدك من فضله والله اذا شفت لك نص جديد اني افرح لثقتي اني سوف اجد ما يروي ذائقتي في اي متصفح لك تحيتي وتقديري واعجابي اللامحدود |
يا سلام عليك والله لا يضرك
شاعر في قمة الابداع يا مبدع صح لسانك يالجزل تحياتي دوووم |
ابو محمد , والذي لا اله الا هو انّك شاعر متفرّد <---بكل ماتعني الجمله من معنى
في كل مرّه تطلّ علينا بما يذهل ويأسر الالباب ثق ثقه تامّه انك من شعراء النخبه يامبدع صح لسااااااااااااانك |
،
عفاس والرأي بما تقدم لايزال فوق ، فوق ، فوق ، لله درك بقدر ماتبهرنا , صح لسانك وبيض الله وجهك .. تح ـياتي لك |
اقتباس:
لا إله الا الله .. الله لا يضرررررررررك ., :m37: قنبله قنبله قنبله اعجابي يا عفاس من اولها لـ آخرها .. خصوصاً هالبيت ., خل فوقك من صدى صوتك سحابه ولارتخن حبال صوتـك جرهنـه ولا يهون البيت الاخير .. صح لساااااااااااااااانك.. |
طلال الجميلي
حجزك مؤكد يابو نااافع ! |
غن يامغني علـى صـوت الربابـه
كل ماوافقت الك طـاروق غنـه لايهمـك لارقيـب ولارقـابـه العقوبه :نـار و التكريـم : جنـه خل فوقك من صدى صوتك سحابه ولارتخن حبال صوتـك جرهنـه رتب اوراقك على كسـر الرتابـه الرتابـه للبشـر مثـل الأعـنـه الاجازه مـاش وايامـك تشابـه كل يوم يـروح منهـن يلحقنـه صاحبك مامـر لليـل الا سرابـه فـي خيالـه والقصـور يرجعنـه للظـروف وللهمـوم وللكئـابـه يمسي ابهـن والصبـاح يصبحنـه استحب الصمت والبوح استعابـه لين شعره رد علـم الحـزن عنـه مايفـارق بالـه العمـر وسرابـه والسنين اللي على الهـم احذفنـه وده يسولف على النسنـاس مابـه والظروف اللي حواهـن واحتونـه عند بيتً لونه ابيـض مـن شبابـه والـه عمدانـاً لحلمـة يرفعـنـه راحة الاجناب في صدره ، وبابـه النسايـم لـو يسكـر / يفتحنـه مات راعية وتعـذب مـن غيابـه ورددن اطنابة / اقلط / واشهدنـه ماش قاعـاً فـالجزيـرة مانبنابـه والحـدود مـن العزيمـة حدهنـه مر عشر اعـوام والقبـر وترابـه يحتوي له راس قـوم وتبـع سنـه لو اقول الذيـب شرفـت الذيابـه الكـرم والديـن دربـاً مامشنـه يفقـد الراحـه ولايفقـد صوابـه دينـه وعقلـه وذكـره ثبتـنـه من فقد جده بعمـراً قـد وعابـه مات مامات الشعور اللـي يكنـه يوم اجي في البيت بعد اقفن ركابـه كن في صوتي ليـا سولفـت منّـه ليت عمري يوم واحد مـن شبابـه واحـداً حتـى المغاتيـر افقـدنـه كنه اخر شخص من عصر الصحابه ولو ماني خايف الله شلت ( كنـه ) الله الله ولو ماني خايف الله شلت ( كنـه ) الله يرحمه وعلي الحرام انك مبدع بكل ماتعنيه الكلمه صح لسانك مدد تحياتي واعجابي |
عاش ابو محمد ، لي عوده للنص
|
عفاس
الله لايضرّك شاعر مبدع تطرب متذوّقي الشعر الحقيقي صحّ لسآنك دمت |
مبدعنا علي بن نايف الغامدي
صح بدنك ولاهنت على المرور المفرح ! |
الله يرحم جدك
ولا مات من خلف دايم وانت عذب حتى في حزنك صح لسانك |
| جميع الأوقات بتوقيت GMT +3. الساعة الآن 07:17 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية