المشاركة الأصلية كتبت بواسطة محمد السبيعي (المشاركة 1243870)

للتواصل .. أتمنى لها القبول .. :)

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلنا نشكي من الحب ، ونبيه= هذا ما صحت به اخبار الرواه!
لو سقانا المر من راحة يديه= ما حكينا غير عن كثرة حلاه!!
في وجيه الناس لأحداثه وجيه= من بكى لأجله ومن يضحك معاه؟!
مرّني قبل اتعنى له واجيه = واصطحبني وانا مدري وش وراه !
لين وقف بي على قلبٍ يتيه= كل داعي غيّ في رغبة هُداه !!
خبري بصدري وقلبي كان فيه= ويوم شفته والله مدري من خذاه ؟
جيت له ، والقلب موته يحتديه= وراح بي والقلب طامع فـ / الحياه!
مختلف .. ما له سوى نفسه شبيه= ولا يشارك حبه بقلبي .. سواه !
لا حكى .. من حلو هرجه ما تبيه = لا بدا في شيء .. يآصل منتهاه !
وإن سكت .. كل السوالف تحتريه= ودّها تآخذ حلاها من شفاه !
طيّب .. ووافي .. وعذّار .. ونزيه= وصادق بحبه .. وواثق من غلاه!
يوم يغيب يزعّل احساسي عليه= ولا يعود الا وهو كاسب رضاه !
يذنب وعذره بعد ذنبه وجيه=ما درى ان الذنب : ( عذره عن خطاه ) !
ما اذكر إني قد طلبت وقال : ليه؟= ودّه يقدم قبل لا اطلب .. عطاه !
ولا عطاني من عرفته غير : ايه= ولا حرمني من عرفته غير : آه!
عيبه ليا شاف له شيٍّ يبيه= ما يبرّق فيه ، ولا كان جاه !
يستحي قبل الطلب من والديه= كيف منّي؟ يمكن يموت بحياه !
كود مرّه .. مدّ لي فيها يديه= وقال : ( ابي قلبك ) .. وقلبي ما عصاه !
طار من تربة ضلوعي .. مفتديه= ولا نفض جنحانه الا في سماه !![/poem]

المشاركة الأصلية كتبت بواسطة محمد السبيعي (المشاركة 1243870)

للتواصل .. أتمنى لها القبول .. :)

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلنا نشكي من الحب ، ونبيه= هذا ما صحت به اخبار الرواه!
لو سقانا المر من راحة يديه= ما حكينا غير عن كثرة حلاه!!
في وجيه الناس لأحداثه وجيه= من بكى لأجله ومن يضحك معاه؟!
مرّني قبل اتعنى له واجيه = واصطحبني وانا مدري وش وراه !
لين وقف بي على قلبٍ يتيه= كل داعي غيّ في رغبة هُداه !!
خبري بصدري وقلبي كان فيه= ويوم شفته والله مدري من خذاه ؟
جيت له ، والقلب موته يحتديه= وراح بي والقلب طامع فـ / الحياه!
مختلف .. ما له سوى نفسه شبيه= ولا يشارك حبه بقلبي .. سواه !
لا حكى .. من حلو هرجه ما تبيه = لا بدا في شيء .. يآصل منتهاه !
وإن سكت .. كل السوالف تحتريه= ودّها تآخذ حلاها من شفاه !
طيّب .. ووافي .. وعذّار .. ونزيه= وصادق بحبه .. وواثق من غلاه!
يوم يغيب يزعّل احساسي عليه= ولا يعود الا وهو كاسب رضاه !
يذنب وعذره بعد ذنبه وجيه=ما درى ان الذنب : ( عذره عن خطاه ) !
ما اذكر إني قد طلبت وقال : ليه؟= ودّه يقدم قبل لا اطلب .. عطاه !
ولا عطاني من عرفته غير : ايه= ولا حرمني من عرفته غير : آه!
عيبه ليا شاف له شيٍّ يبيه= ما يبرّق فيه ، ولا كان جاه !
يستحي قبل الطلب من والديه= كيف منّي؟ يمكن يموت بحياه !
كود مرّه .. مدّ لي فيها يديه= وقال : ( ابي قلبك ) .. وقلبي ما عصاه !
طار من تربة ضلوعي .. مفتديه= ولا نفض جنحانه الا في سماه !![/poem]