ابو يحيى
ادري انها انبراشه مالها داعي بس صدقني مااقدرت اغادر الركن دون تسجيل اعجابي الشديد جداً ! زادك الله من فضله , ومتعك بالصحه والعافيه واسلم وسلّم :SnipeR (69): |
يا باغي الشعر رابط هاهنا لا تروح
وش تحتري غير هالأبداع وش تحتري !! هذا ماهو ركن هذا صرح يازن الصروح وأسمك لحاله هرم يا ناصر الأحمري |
اقتباس:
وهذي ماهي إنبراشه هذا وسام تشريف لي ولركني المتواضع وفقك الله ويسر الله امورك كلها وانت سالم وغانم :wardah::wardah::wardah: |
اقتباس:
وللحق كلمه وانا دايم عليها جـري يامروي الذايقه والجد غير المزوح أن كان الإبداع إدانه : مانت منها بري! |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أيا قارئة كفــّي على بابِ منزلي = لمَ الصمتُ يا أختاه قولي وجلجلي بأي لسانٍ يُـقرأ الكفَ يا تـرى = أجيبي على هذا السؤالِ وأجـْمِلي فوالله لن أؤمن بما تقرأينهُ = وإن تضحكي حيناً وحيناً تولولي بسطتُ لكِ كفـّي مكاءً وتصديه = ولي غايةٌ أخرى فعن غايتي إسألي (لسانُ الفتى نصـفٌ ونصفٌ فؤاده) = ولم يبقَ إلاّ أن تعي كلّ ما يلي : لعَمرُكِ لن تحضين بالشرحِ وافياً = وأنتي مجافاةً على باب منزلي دَعي قارئاتُ الكف يندبن حظهن = ومن باب بيتي سمّي اللهَ وأدخلي سأتلو عليكِ سورة النورَ والقلم = وإنصاتكي للذكر واجب إذا تلي فأصغي لذكر الله حين تلاوتـه = وكلُّ ظـلامٍ بعد ذلك مُـنجــلي فما يطمئـنّ القلب إلاّ لذكر من = لهُ خلـقُه سُجـّاداً الخالق العلي [/poem] |
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام رديـّه ورفرف يا عـلـم = وإليا أنعقد حبلٍ فله حلاّلته دبّ حلمه وقراد قردان وحلم = لا هي بممسـوكه ولا هي فالته مادام طاح الترس والسيف أنثلم = فالأرض من يسقط عليها شالته ضيق وعنا وهموم وآمال وألم = يضمـّها الرجــّال ضمن سلالتـه مظلوم يا سيدي ومين اللي ظلم = مجمـّع الديبان في حصــّالته ها وأنقبص منها ونيّب وأنكلم = وأشتلــّه المسعف على نقـّالته وأستقبله في الحال مستشفى الدلم = لكن ولا دكتـور شخـّص حالته يعني ضحيّه بين سلّم وأسْتـَلَم = مقتول لكـن وينهم قتــّالته نعيش واقعنا ونغلط ونـْحلم = حلمً نشوف مقلّطه من صالته نفتـل شواربنا ويجلمها الجلم = ونمدّ الأيدي بس ما شي طالته لا والله اللي ماحدً منـّا سلم = حتى اللي مْرابط بوسط بقالته ياجبهة الدفتر وياخشم القلم = راعي الرساله في ختام رسالته ما قال ملّي متر تدليعه ملم = وأهل الرياضيات قبله قالته لكن يقول ألم نعي وألم وألم = ندرك من ذياب الجبل وثعالته آبو السلم مجهول بس أم السلم = معروفةٍ بس السلم من خالته ؟ [/poem] |
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي خطفتيني بلـدّة نظـر خطـْف = عز الله إنك من خيار المكاسب فيك الحلا والملح والعنف واللطـف = اللي يخـلّي كل مسرع يحاسب ويضيع بين النصب والجرّ والعطف = في جملةٍ مابيـن ناجح وراسب يانع ثمارك ينتظر لحظة القطف = قطفٍ مناسب في زمانٍ مناسب والمشكله في بوك وأخوانك الهطف = ماهم بكفـو المعرفه والمناسَب ! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فيصل أبطيت ما جا منك مرسال = وأنا ولو كنت قاطع فأنت واصل تراك عندي مثل مليـون رجـّال = هذي حقيقه وفيها صعب أفاصل منك الفوايد وعندك روس الأموال = ومسيرتك مستمـرّه دون فاصل خوتك هي مكسبي في كل الأحوال = وأكبر شرف يوم أنا معك آتواصل دامك خويي فدوك رجال الأعمال = ويفدونك اللي على روس القناصل طاريك دايم يبو ساره على البال = دايم معي في الخبر والاّ صـلاصل وتحدني عن لقاك ظروف وأشغال = والاّ تناسيك أبد ماهو بحـاصل ! [/poem] |
من أول نص الى آخر نص...
قراءه بنَـفَس واحد.. ركن ملئ بكل تضاريس الطبيعه بالإضافه الى الكوارث الطبيعيه الشعريه و الفكريه.. للأمانه يا ابو يحيى ركن إبداعي... و يسعدني و يشرفني أن أعلن قرار خلع لقب ( القيصر ) عن نفسي و أُلبِسكَ تاجه .. تزكيةً لمن سبقني بهذا الخلع من الأخوه المرقابيين أعلاه.. لا يجتمع على العرش قيصران.. تحياتي و محبتي و إعجابي القيصر المخلوع ش. س. :) |
اقتباس:
التتويج والتشريف وراس المال والكسب هو تواجدك وإشادتك الله يجمل حالك ولا يهينك وثق أن لتواجدك وقع وأثر إيجابي على الركن كله وراعيه ولا بالله أنت القيصر وأنت القسوره وأنا أعتبر نفسي الحاجب وعساني أكون حول الهقوه وهذي أحلى ورده :wardah: |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا كلما مريت من جنب سوق جيـان = أشوف البلاوي يوم تومي برجليها بـلاوي ومنكوسه ومتعددة الألـوان = وهذا يملحــّها وهذا يحلـّيها وراعي التويوتا غايته راعي النيسان = وراعي العراوي في المواقف موزيها ولا فيه جمس إلا وهو ضايق ومليان = من العالم اللي ماآعـْرف ويش أسميها مع كل سواق أجنبي جول من نسوان = وهــذي يركبــّها وهـذي يوطـّيــها ويا نابي الردفين يا مدمج السيقان = عيون المقرّد فيك تركز شباريها وقوم الغزل متمركزينً على البيبان = وكلّ صـْعوي يبغى صَعـْوةٍ يخاويها ومن حدها الصدام دخـّن لها الشكمـان = ويمكنــّها أعطت قوسها غير باريها هذا مختصر لجيان ومجمّع الظهران = وباقي السوالف لو تدربى بأدربيها وسلمان مما قلت متضايق وزعلان = يقول المحبه مانت تعرف خوافيها وأنا رغم كرهي للتناقش مع الخبلان = نويت ألعن أمّ السالفه وألعن آبيها ياسلمان مات الحب من ماضي الأزمان = رجاءً حكاوي الحب لاعاد تحكيها هروج البنات ودنفـستهم مع الورعان = تراها سوالف ناقصه ما ندانيها إذا كنت صادق قل أنا آحب بنت فلان = على شان يا يعطيك والاّ عطانيها بلا فلسفه خل التفلسـاف للكذبان = محبة توالي الوقت شف كيف تاليها خذاها من السواق في شارع الخزان = ولا أدري يشب النار والاّ يطفــّيها وقال إن بنت الناس ماتشرب الدخان = وأنا آقول بنت الناس غاصت لأذانيها ! [/poem] |
قـلت :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لو رميتك يالمسرّي ماْأذبحتك الطلقه = أنت عندي المركز الأول وغير مكرّر الغياب اللي له أسبابه مبرّر خلقه = والغياب اللي بدون أسباب كيف يبرّر ! [/poem] فقال : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من تصاريف الليالي ماكلً لي علقه = وأنت وافي والوفا بين الرجال مقرّر الغياب مسلسلً لازال فأول حلقه = والعرب نصفٍ على تقوى ونصف مغرّر [/poem] فقلت : [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل ما تكتب خطاب أمّا أرسله والاّ ألقه = فيه صرّ مفككات وفيه فك مصرّر مبدع وجمهورك المليار ماهو الشلقه = لو بتـكتب أل مع راءين نقراها الرّر [/poem] فقال : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من شهر وأيام وأبواب الغنا منغلقه = والمصارف شيكً مقيّد وشيك محرّر راس فيه الباس والا راس فيه الفلقه = واللذي ماهوب ابن سرّار كيف يسرّر [/poem] فقلت : [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أنـزلقنا كلنا والزلـقه إهي الزلـقه = وكلبونا خابرين القدس كيف تحرّر أقلق وتقلق وباقي الناس لو هي قلقه = ما أكتشفنا كل يوم مكالمات تمرّر [/poem] فقال : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مالك الاّ الصبر والاّ عسكرً منطلقه = تلطم الشرّي لو إن كل الخصوم مشرّر البلا في اللي يطوّل شاربه ويحلقه = كل ما قلنا مثل طعم الحلاوه مرّر ! [/poem] فقلت : [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] صابرين وكل بيضه في الطبق منسلقه = والقضا يلجأ إليه الواحد المتضرّر أطلق حجاجك وحجـّان النشامى طلقه = ماحدً قال أجهزتـكم لمس والاّ مزرّر [/poem] فقال : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ما فكرْت ولا ذكرت الاّ اللي أبدع خلقه = مير أشوف الضايق اللي فك ثوب وزرّر وأنت يوم تحطها في الشطر الأول ألقه = ليش يوم تحطها في الشطر الآخر أرّر [/poem] :rolleyes: |
اقتباس:
لقد تلقى إيواننا المقدس بملئ مساحته فخراً و اعتزازاً القصيده الخالده الموشّحه بنمارق الأدب و شبارق اللغه من يد خادم القلم و ربيع الورق سدة الشرف رفيع النسبب خاتم الأصفياء و الماجدين ابن يحيى ناصر الأحمري فبالله نُبدِي رأينا و به نستعين حق القول و صدق المقال راجين أن ينال ختمنا شرف الرد .. إن من الشطحات ما يحفّز النفس البشريه على قهر المألوف و التعايش مع الفضاء الفكري الذي يبني حقائق العصر على أساسات الشهوه البشريه الحاضره و المحاصره لآخر أبناء آدم و آخر زمن الأرض.. إن الواقع بأطيافه السبعه و ألوانه المتجدده بتجدد الأيام يحتم علينا أن نرتهن إليه و أن نرضخ لمتطلباته و السكن الى زواياه الواضحه لمن يستخدم عيناه الإثنتان مبتعداً عن غباء النعامه و عادتها المريضه. و من هنا يرى رأينا ان آية الشعر الخالده ثامن شعراء الكعبه الشريفه و أول مداخل الرقي المعاصر ناصر الأحمري قد تجلى و تعلى و تكبر و تجبر و أفرط فرط إحسان في الخروج بنص ٍ جاوز المدى و حط رحله على سقف السماء.. فما أجمل ان تعيش الشطحات لتتعايش مع الشاطحات إبننا و خادم أمرنا و حافظ عهدنا .. لقد كرّست مفهوم الأمه العربيه الخالده بكل معانيها .. فأنت الإمتداد الوحيد لإهرامات الأدب العربي و خليط مسك الثقافه العربيه بطرفيها الشعبي و الفصحوي احببنا ان نضفي عليك سماحتنا و رضانا و غبطتنا كما أضفيت علينا الجمال بكل ما يحمله من كمال و اسبح في رضانا رعتك قداستنا.. القيصر آية الزمان صاحب الظل و الأمان |
:wardah:
:wardah: [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من الإيوانِ إيوانُ القياصر = تلقــّيت الخطاب وقال ناصر : ألا يا مرحباً مليون مرّه = بسيّد سادة الوقت المعاصر صديقي وأفتخر إنك صديقي = إذا هي بالتآخي والتناصر فأنت العنصر الجبّار دوماً = ولن أنظر إلى باقي العناصر وأنت الصاحب الكفو المثالي = وعن مدحك نصير الشعر قاصر وأنا يابو مهنـّا طال عمرك = بطيبك يامتلمذنـي محاصـر كلامك يعصر قلوب الأعادي = مادام الوضع معصورً وعاصر ونظراتك بعيدً في مداها = وليست عن مآربها قواصر ووقفاتك معي يابو مهنا = قسم بالله لن تحصر لحاصر فلن آبه لحادثـة الليالي = مادام إن بيني وبينك أواصر سأشطح شطحةً في إثر شطحه = وأجيب العيد باصر لا تباصر وإن أم البناصر زوّدتـها = كسرت لها البناصر والخناصر فمن يركب على حمْر الغوارب = كمن يركب على ضمْر الخواصر! [/poem] |
سأشطح شطحةً في إثر شطحـه
وأجيب العيد باصـر لا تباصـر ههههههههههههههه شطحة ابداعية مجنونة، سجل رعاية قداستنا لهكذا ابداع :) |
اقتباس:
|
دعوها فإنها مأموره
اقتباس:
أسداني و سادني و تسيّدني وزير إيواننا الشريف الفتى الحر ناصر الأحمري بتلك الأعمدة ِ الشوامخ التي جلّلت و جمّلت بشموخها مقام عرشي المجيد.. أكاد أجزم بأنه لم ينل شرف المديح في بداية عام جديد سواي.. فأي شرف ٍ هذا الذي نلته؟ عوضاً عن من هو الشاعر الذي شرفني.. الظل الممدود و الركن المحمود و الرفيع البديع أخي ناصر الأحمري.. لا يعلم سر مشاعري سوى بارئ النفس ... و إني أخشى ان أذيع هذه المشاعر فتأتي أقل مما احمل في روحي و في صدري.. لكن دعها حتى اسجد على جبينك الطاهر في مقبل الأيام.. الظاهر الطاهر القيصر المجلّل ش. س. ختم القيصر الشريف فمن يركب على حمْر الغوارب كمن يركب على ضمْر الخواصر! |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أعوذ بك يالله من الشيطان وعوال الحرام = وأستغفرك من كامل ذنوبي جدايد وقدما وعلى نعمك أحمدك يامنزل تبارك وألف لام = ذكرك وشكرك فال قدام السواليف تحما وحتى ولو حميت سواليفي بأخليها تمام = قدر الرفيق وقدر ماجوبه ومكتوبه وما .. يدريك وش يعني رفيقي لي ووش له من مقام = في عيني أكبر من ملوك ومن مشايخ وزعما يرخص له الغالي ويصرف له شديد الإهتمام = أما أرتمى بعد أنتهض والاّ أنتهض بعد أرتمى طرّاه بن جلهم رفيق الجنب فكاك الجهام = يسمو محمد بن سعد وإليا سما يعني سما أرحب تراحيب المضيف في عشي يوم الرسام = وأقلط على سمن وسمين وكل غيث لك هما وبقدرة الله يالظوامي ماهي بتصدر حيام = وأنا لساني طلق مايلصق لساني في الجما يجيبها راس القلم ويجيبها حد الحسام = وأن قلت لي هذا هو قلت إلك هذان هما حلين وأختر بينهم ومستل الجنحان حام = فأما على النايف بدا وأما مع الطمـّه طما الخير واجد والعرب تفنى ولله الدوام = وإليا برد عزمك ترى ماهو على النار يحمى ياكثر شركات التداول بين خاص وبين عام = لاتنحصر في شركة الكهرب وفي شركة نما عدّل وبدّل وإجتهد وأن راح زام يجيك زام = ولا تقول إني رميته بس عيّا ما أنرمى هذي بلاد الشام فيها كل صنف من الشوام = لو قفـّلو دونك دمشق إختر حلب والاّ حما تفدى بلاد العم سامي ديرتك يالعم سام = ويفداك يالنامي من الأغصان غصنٍ مانما تبقى السما وحده ولو هب الهوى ساق الغمام = لكن ترى الرمان ماهو ينزرع بأرض الكما والناقة اللي لا شداد ولا قياد ولا خطام = سابت وضاعت يامحمد بين بيضا ودهما عذب اللما يابو سعد لو يفترش ريش النعام = على الحصير المهتري مايختلف عذب اللما شف شاعر الفصحى من أقواله رويدك ياغلام = والشاعر الشعبي يترجمها تركّد يا نما من عدد أركان الصلاه وعدد أحكام الصيام = ماهو بشرط إنه عضو في هيئة كبار علما مضمونها يابو سعد مضمون سيرة بن هشام = سدد وقارب يامحمد في حياتك وإنما : الصبر مفتاح الفرج والنور جلاي الظلام = ومن حك عينه بإصبعه يمكن من الحك تـْعما! [/poem] |
:mad:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا جميل غيابك مدمّر الشرقيه = والخبر بالذات تبكيك يالشملاني أنت بنك الطيب وأسهمك بالكميه = أسهم الطالات ورثك من الجداني ماهي أسهم عالم اللعبة العكسيه = خالد البلطان ومحمد القحطاني ! المهم إرجع وعجّل بوقت الجيه = خل مونتريال للكافر النصراني المباني الميته والقلوب الحيه = كلبوها تنتظر جية الشملاني [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تنقاد في الواجب هجوسي وتنساق = حي الهجوس اللي تجي في وعدها ماهي بلحية حبر وأقلام وأوراق = لكنـّها تنهلّ ما أحسب عددها مواقفٍ شتـى من جلال ودقاق = هذيك أشيد بها وذيك أنتقدها واليوم ملزوم إني آقف على ساق = وقفة نقا لا قبلها وْلا بعدها قدام وجه اللي على الطيب سباق = والمرجله قام وخذاها بيدها زاكي المناسب والمحاسب والأعراق = هذيك يرقاها وهذي صعدها سلايل اللي صيتهم عم الآفاق = روس الرجال ومن زرعها حصدها سلايل محيّا بعيدين الأعماق = ذخر القبيله وأروقتها وعمدها وبن ناصر محمد بلا كذب ونفاق = ما مات وأقوالي صحيحٍ سندها مادام أبو مانع هنا درع ورواق = رسـّى قواعدها وثبت وتدها علي علي لا يبست أرياق وأرياق = وقف لها من دون فيها وقدها راسي ومتسيد وعارف وتفاق = في شدة الأزمان والاّ رغدها عملاق في كل المجالات عملاق = فيه المراجل كلبوها نجدها للطايله دايم على طول تواق = ولو المكارم ناس راسه بلدها عشاق للعليا اذا قيل عشاق = عشاق راحتها وعاشق كبدها كفه سحابة جود وأن لاح براق = همالها ودّه يسابق رعدها والطيب واحد في مغارب ومشراق = قدايم أوصافه تشابه جددها لكـنّ أبو مانع بطيبه كذا فاق = كل الشيوخ أن جت بكامل جهدها يشفق على شوف المسيّر تشفاق = في بهجة أيام الحياة ونكدها بين أرحبو ولسانه بنود ميثاق = روح أرحبو طيبه وفعله جسدها راعي هلا يامرحبا جمع وسياق = ماقال ويش عْدادها من مددها يصدع بها في ليل وغروب وإشراق = وأن قالها لي ودي آقول عدها حيث إنها تشرح لي الصدر لا ضاق = وتنسى بها نفسي عذابً ضهدها وكم واحدٍ غيري ليا سمعها فاق = وأفرد حجاجينٍ زمانه عقدها يقلط وفي المجلس له البن منساق = مابين نمر القاصيات وفهدها على سنام وكبد وشقاق وشقاق = ومعزبه ريف الضيوف وسعدها ومعزبه في الصامله يدبل الطاق = يقطع عروق المعضله في مهدها وأن ثقلت الحمله ولاعاد تنطاق = برك وشال وكنـّه يقول زدها وأن صار لبحور الدواهي تصفاق = ملا وجيه أمواجها من زبدها وإليا تساوت له مفاريد ونياق = أستاقها عن شفها ما نشدها وأن شافها مابين راعي وحلاّق = قفــّى وخلاها لهم ما طردها وأن هي مزارق طيب ومْكارم أخلاق = أسقى رشاش مزونها من بردها له كلمةٍ ماهي تلصمق تلصماق = يقدح بها وإليا أعتمدها أعتمدها والسلعة اللي جات في كل الأسواق = دراهمه في مثلها ما نقدها معلاق للبندق وللسيف معلاق = يعني الثقه بالنفس ماقد فقدها صليب راس ويلوي أعناق وأعناق = وكبدٍ يداويها وكبدٍ لهدها عريب ساس وعانق القمه عناق = وأصفى مواريد المراجل وردها رفيع ذوق من رفيعين الأذواق = ضمن الدهاه آصنفه بل هو أدهى هذي حقيقه تنوخذ قبل تنذاق = ماهي هروج آظنـّها وأعتقدها آسوقها مابيني وبينها سباق = مشاعري تنهــد ساعة هددها حاولت أرتب كل بيتٍ بما لاق = وأهل الحسد تاكل وتشرب حسدها ماغير روس أقلام يا كل ذوّاق = والصدق أبوها مثل ماهو ولدها وأدري إن أبو مانع لذا المدح ما تاق = وأكبر من القيفان واللي رصدها لكـنّ باب وطارق ومعه طرّاق = مدّو مطـوّاها وحلّو عقدها الشيخ أبو مانع بلا لفق لفـّاق = فيه القصيده نومست من قصدها عمّ ونسيب وشيخ ماهي تلصّاق = وأن كبرت القالات قام وصمدها جيت ألحقه ما ينلحق بأي ملحاق = هو ذيبها هو نمرها هو أسدها قلت الهجوس اللي تقاود وتنساق = سقها لأبو مانع ياراسي وقدها ! [/poem] |
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فهيد إش صار بعدي على الخط السريع = كيف رحت العاصمه والخطوط مغبّره لو دريت إنك لقطع الفيافي تستطيع = كان خاويتك وكسر العظام نجبّره الدليله ضاع لو قالو إنه ما يضيع = ياسلام الله على من لقاه ودبّره إنتبه يافهيد تمشي على درب القطيع = وإنتبه تمشي ورى العالم المتكبّره حط أبو عبدالصمد فوق أبو عبدالسميع = وإعتبرها كلمةٍ هادفه ومعبّره قالها آل الشيخ وأثنى عليها بن منيع = والبشوت ممتـره والثياب مشبّره المطنش مادرينا غبي والاّ لكيع = بس ندري إنه مطنش ولاحدٍ خبّره مايزعلنا المصوّر ويرضينا المذيع = وما تميل الروس ونفوسنا متصبره من نشد يافهيد وش كبّر الورع الرضيع = قل حليب أمه يداوم عليه وكبّره ! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفرص يا سيّدي تبغى إنتهازه = ورجعتك فرصه ولا يمكن تفوّت مرحبا باللي جميع الطيب حازه = مرحبا وأقدح بها وأجهر وأصوّت من صداها صار في الكون إهتزازه = ولعنبوها كان مادوّت ودوّت أبك حنـّا في غيابك ماش عازه = وأبك حتى وجيهنا بعدك تشوّت كل واحد حط حيله في جهازه = والجهاز أنغث وسلوكه تلوّت ويوم جيت وجيـّتك أكبر مفازه = عان حتى عروقنا الذبله تروّت وعان حتى خريص بتروله وغازه = أسفهلـّت لك وبقدومك تقوّت مير قل لي وين قضّـيت الإجازه = ولا تحوص ولا تلوص ولا تلوّت لا تقول السالفه ماهي بطازه = العرب ما قد جهلنا ويش سوّت واحدً يجـّز ولا يختم جوازه = إعرف إنه في بهاذيل ومشوّت دام شفت التوت الأصلي في قزازه = تتركه والاّ يبو مشعل تتوّت ! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهبوب اللي تحرّك مستريحات القرايح = هبـّت البارح شماليه على خشم القريحه وأبتدى مسرى الهجوس ومشيها حسب اللوايح = والسما حدّ المدى يا ليل والدنيا فسيحه مدّها كف الجزيل وشدّها كف النصايح = بابها باب السلام ودارها الدين النصيحه مبتداها صلو جمر ومنتهاها ثلج سايح = وبينهم قال الصريح اللي عباراته صريحه راسي مصدّع ووجهي من ظروف الوقت شايح = لكن عيوني تشوف الدرب ولساني فصيحه كيف أتوب من الذنوب اللي تخلي الحظ طايح = وقـْدمي تقطع بي الفرجه ولي قومه وطيحه ليت عطر الملهمه يوم أقبلت ماهو بفايح = كان ما أشغلني عن أهدافي عسى الله لا يبيحه كيف هامات الرجال اليوم تكسرها الروايح = والقضيه كلبوها بس من لمحـه وليحـه ! يا عنى عيني ويا صبري على مايح وجايح = الأجر عند الله ومدات الخلايق لي شحيحه والسنين مداوله والناس مجموعة شرايح = لو تناسبني شريحه ما تناسبني شريحه من هنا صوت الونين ومن هناك صياح صايح = ونــّةٍ في سد ونـّه صيحةٍ في سدّ صيحه ضعت وأشغلني الزمن والقول ماهو جاي رايح = شاربي يحمي كلامي شر مهجاد وصبيحه عند سوّام الفحول وعند سوّام المنايح = ما يصح إلاّ الصحيح وما تصح إلاّ الصحيحه قبل تنشب حرب ما بين الصحايف والصفايح = ليت عنوان الصحيفه يحترم حد الصفيحه يا منحـرّة الجمال ويا مذبـّحة الذبايـح = إحتمو كبد الجمل لا تلحق لسان الذبيحه ما يرد اللي كلا سرحان دمع ونوح نايح = يا مليح الصوت بعد الفوت ما رجـّع مليحه! أبعدي يا أم الطشيش وقرّبي يا أم الجوايح = الجوارح مستريحـه والضمايـر مستريحـه من سماي يطيح نجم وفي سماي يلوح لايح = والجبل راسي وعاتي النود والله ما تزيحه [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] شكلي يا أبياتي الجـزلات لجنه = دامني يافهيد من دونك فـداوي
كل عين وكل خشم وكل وجنه = فدوتك يافهـيد يالحُـر النداوي والثمر يافهيــد مما تغرس إجنه = لأن غرسك راويً ماهو بذاوي من وقف ضدك لزوم إنا نعجنه = بالرماح وبالسيوف وبالعـزاوي الأحمري ناصر ليا من ساق هجنه = والله إن تارد على العد الرهاوي وأن تعدى الحد فيحان أبن حجنه = قلت أنا ماني على فيحان قاوي مير بآخلي الملك يامر بسجـنه = في قليبً من ورى عبْلة ملاوي [/poem]! |
قال لي بلاّش الهاجري ذات يوم :0012: :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الصدر ضايق حيل والفكر منحاس = والهم باني فوق قلبي عماره اسج رجلي عند ذودي عن الناس = وأهل عبراتي براس الزباره الحب عيا ينطحن داخل الرأس = واصارع الهاجوس تاره وتاره ياناصر المنعور ياطيب الساس = الطيب و الناموس شبيت ناره أبغى الذي يجلي كدر كل عوماس = غروٍ نهب قلبي وقطّع ثماره أمال وصله صارت اليوم يباس = جعل الحيا يذكر بداري وداره ذكره يلج ابخاطري لج الاجراس = منين ماوجه جذبني مداره (لا والله ألا حال من دونه اليأس) = والبعد والهجران حطه شعاره [/poem] فقلت له يا بلاّش : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أعوذ بالرحمن من كل وسواس = وبسم الله الرحمن مبدا العباره من بعدها ترحيبةٍ مالها قياس = والفال في الترحيب والعلم شاره لا والله إلا ماترى الضيم والباس = حتى لو إن ضيم المحبه طهاره وأبشر بعزك كل الأخطار تنداس = أن عوّدت للهيمنه والجساره وأن هي مزارق طيب وأبواب نوماس = فربعك هل الناموس وأصل الأماره أطرف بني هاجر شقردي ونبراس = خذه معك صوب العرب في زياره وأطلب تجد والوضع ماهو بحساس = هذي الشياره كان تبغى الشياره وإلا فعذ بالله من كل خناس = وإدعه وخذ لك ركعتين إستخاره إنس المحبه والهوى بين الأقواس = من يطرد المقفين يلقى الخساره اللي يعرّض لحيته حد الأمواس = إيقلّ مقداره وينقص وقاره وأن قلت لي ماس وذهب ماهي نحاس = قلت إعتبرها راس مال وتجاره ياتغتني ياتشتكي ضيم الإفلاس = يعني ترى الموضوع ربح وخساره ! [/poem] |
| جميع الأوقات بتوقيت GMT +3. الساعة الآن 06:19 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية