[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دريت عن الهوى الغربي ليا هب ونسف للشال؟=يداعب قذلتك واقول منها فاح ريح العود
صحيح انه خيالك لكن بوصفه يهز جبال= عسى تعطي براهين الوفاء لو الوصل محدود[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مرحبا يالهاجس اللي نوره اشرق في الدجى = الصدر ضايق واستنار بجيته وقت العتيم [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا زاير الصمت ليه الحكم يصدر غياب = واللي حكم بالعدل تقول له مايصير
حيرتني في طريقي في إياب وذهاب = ولا ادري بما يقنعك قليل والا كثير [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تحداني وانا الي حالف(ن) لك ما اتحدى = انت حاكم بس لا تقسى بحكمك وانت قاضي
التحدي راح وقته , كيف مر وكيف عدى = مادرى به مدعى يا كيف للقاضي يقاضي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بداية خط سيري بالنداء من عالي المشراف =ليا من القوافي درهمت من طيفك الهامه
عسى قلبك موازينه بحكمه يحكم الإنصاف = يجاوبني صدى و يشهد له التاريخ و ايامه
غرامك باني (ن) قصره بصدري والضلوع لحاف =وعلى صمامي التاجي قدرت تحط ميسامه
تعالي و انقذي قلب(ن) من الفرقا على مهياف = تهاوت به عزوم الصبر قبل يحقق احلامه
.=.
لو إن الوصل حكمه في يديني ما علي خلاف = قدرت آصل و اعبّد كل درب ليامه وشامه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشيك جملة حسابه عند عبدالمجيد = عطوني الكشف وانا حاضر اسدده
انهلت ابيات شعر بكل حرف(ن) مريد = و المفردة تنسرد ماهيب متردده
والشاعر ليا بغى للقافية يستعيد= اما ادغم حروف و الا حروفه مشددة
وليت ابن ( ... ) ,,ما نادا الضبي الفريد = مجنون نظم القوافي كيف بنحدده
وشلون ينكر هوازن ماجفل من دُريد =و انا احسب انه لمن يغتابه ايندده
شعّار بادوا ويبقى شعرهم ما يبيد =و ليا نظمنا قصيد(ن) ما احد(ن) ايقدده [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن سلبت احلام وصلك وانا ارجي منك زود=ما بقى لي ما ارتجي منك يالخل الشحيـح
من غرورك بان فجـوه تباعـد للحـدود=خذ كلامي محمل الجـد بلسـانٍ صريـح
كنت اضنك في طريقي تبي تنثر ورود = والجليد تذوبه عن طريقك يـا مليـح
و ارتجي ميزان عدلك وكفّن باللحود = و إن سلا خاطرك حنيته بدم الذبيـح [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو توارت دمعة الحزن في عين اليتيـم=ما اشتكي من طعم دمعه بحلقـي مرّهـا
و لو توارت بسمة العطف في وجهٍ رحيم=ماتوارت بسمة الـروح يـوم تضرهـا
ولو معك بمشي على خط سيرٍ مستقيم = النجوم العالية في كفوفك صرّها
ولو جحدت الجود والمد من يدي الكريم = قلت يا كف الكرم نفس مسلم برّها [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي عطني من الوصل قرطوع =وتشوف وصل ماتجيه القطيعة
والاترى حبي مثل حبّة الكوع =مانيب من يمشي معك بالخديعة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشبيه الريم زينتك مرجان وحِلي = العبي في وسط روضٍ خضر ربي كساه
من مروج العشب وليا ضميتي ف/ انهلي = من نبع صافي وساقاه ربي من عطاه
التجارب في الزمن حـذّرت مستقبلـي = وماضي الأحداث يرسم طريق الإتجـاه
خط سيري , شال حمله على ظهر جملي = والقمر بين النجوم الرفيعة فـي سمـاه
مانـزل يـم الثـرى للثريـا معتـلـي = وحط نجم سهيل والجدي اخويا وقصراه
يا شرايين اليمين ارقصي في محفلي = و يا يسار الأورده ادفعي له مابغاه
زودي قلبي بضخك ولا تستعجلي = يصفي الدم المطهر ويستنشق هواه
هد يا ضغطي وكل الحقايق تنجلي = ماد خيل وكل سابق تبي تاصل مداه
و الرياح الموسميه تدوّر مقتلي = والمطر في الوسم كم قلب ساهم في دواه
يوم اصفي نيتي ما على النيه وليّ = غير رب الكون والصدر ما يجهل خفاه
ما خضع للمصلحة غير من هو مبتلي = يا سرع ما اقفى ليا من تحقق مبتغاه
يوم يدرج للرحاه الليالي حمّلي = ويجهضن بحملهن يوم يعطيني قفاه
واتفكر مر واقول انا قلبي خِلي = ما ارتدع رغم التجارب وكفاني عناه ؟
ومر اقول اللي تقداء بعمى بصر أخبلي = والبصيره ضايعه منه ومضيّع جداه
واحمد الله واشكره ما تغيّر منزلي = عند نفسي يوم لبّستها تاج الغناه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو تماديت بابداعي حسب ماقريت = جنّت جنونها يوم انكشف زينها
و إن بغيت الحقيقة مثل قمّة كميت = وعر درب الوصول وقلتها بحينها
ياشموخ النزاهة كل قمّة رقيت = والليالي تقافت ليه تبكينها
الله اللي عطاك الزين أنا ما عطيت = لو زهى لوحة الرسام تلوينها
و الله إني ما الوم الحرف يوم ابتديت = تِقل ينسخ ملامحها لتدوينها
و الغزل في غرامه لو نظم بيت بيت = في وصف عينها ومقرن حجاجينها
شيّب القاف يا سن المشيب ودريت = كلمتي قلتها عساك توحينها
عطني الحق والا اجحد بعد ما اعتليت = صعب لو قلت للخفاق هي وينها
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إشارة و هد اللعب يا اللي لعبت إتقان = ترى السالفة بيني وبينك و محصورة
جرايمك ما تحصى لو تقول لي غلطان = مشاعر خيالي تنسج الشعر و بحوره
قتلت القتيل وفي العراء تترك الجثمان = بقفراء من البيداء من الناس مهجورة
و مهما تسجل من هدف ما ني بخسران = ما دامك لعبت بفن يا لاعب الكورة
و وسام البراءة تستحقه بدون احسان = لو اقول لك خفف ترى النفس مأمورة
و أنا كنت لاعب في البرازيل شأني شأن = و بعد ما اعتزلت النادي إنهار جمهوره[/poem]

:)
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الرمز في مهرجان الشعر ماله حِليّ = ياللي على خط سيرك ماش مثلك وصيف
ماقلت لك لا يزيد الحمل في محمليّ= ما دمت أنا و أنت نتقاسم لنصف الرغيف
و منعتني في المسير امهل خطام ءجمليّ= وليا طلبت امهله تقول ياحيف كيف [/poem]

:)
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
.=.
شبّهت وجد الهوى تشبيه يوم ابتليت = وانا احسب ان الهوى كلمه و تهذيبها
واجتاحني مثل سونامي وانا مادريت = يوم الأئمة تصلي في محاريبها
ومن باب سد الذرائع في صلاتي دعيت= تقفي ركابي عقب دارت دواليبها
والقلب يمّك تنحى , في صلاتي نحيت = والنفس لوامه وكثرت مطاليبها
والليل قفى وانا من هاجسي ما انتهيت= بقى معي هاجس الفرقا وتقريبها[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تتفنن التعذيب بقلوب الاحباب= مشاعر الاشواق ماهيب ميته
استحلفك بالله ياشوق مرتااب = ليت المشاعر تعلن اللي قريته
لك كل حرف ٍ ما نطوى بصفحة كتاب=ولك كل نجم ٍ في الليالي سريته
الابجديه حرفها جااك منساب= طب وتخير ما بعد ذااع صيته
انسج خيال الشعر بادغااام واعراب= وأعلن صراحة شوقك اللي طويته
احساس قلبي ما فضحته للاجناب= واقراب مايدرون عما احتويه
اخاف من كلمه بها كل الانشاب= واخاف لاتزعل علي وكنيته[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاتب ولا تقسى وتحكم بالاجحاف = اعرف سبب يبطل عجب في عتابك[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البرق يطعن غيوم ٍ مدلهمة ثقال = والرجم يضحك حصاه وينتظر للمطر
المنظر اطراف ليل وللنهار ارتحال =بانت نجوم المجره والسراب اندثر[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم اوصّف واتغـزّل بمنسـوع الجديـل = وجهها مثل القمر فـي ظـلام قرونهـا
والهنادي وارداتٍ من الطـرف الكحيـل = كل نظرة تختلج في الضلـوع طعونهـا
ولو تعدينا حدود(ن) ورى سمـرا نثيـل = ماغزينا كربلاء ضمـن مـن يغزونهـا
ما حسبتك تمطر اشواق يالليـل البخيـل = خمس ساعات السحابـه تهـل مزونهـا
وقلت عنك بخيل يوم احسبك ليلٍ طويـل = واثر ساعات الزمـن يـدّرج طاحونهـا
يوم يتبـدد ظلامـك ويعلـن بالرحيـل = مع خيوط الفجر بـان البـرد بشنونهـا
ساقها النود الشمالي على يمّـة سهيـل = وراعي الذود اقتفاهـا ويقصـر دونهـا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صحيح أنا صرت شايب , ياشبيه المهاة = والذاكرة كنها تنقص مجاديفها
والعلم لو ما الجهل ما احدٌ عرف مستواه = والكلمه اللي تقال يهون تحريفها [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياالحبيبـة تُخجـل السِهـر نعّاسـك=ما يقاوم معهـن وعظّـم ءرقـودك
و إن سهرتي داعب الشِعر لإحساسك=والقلم والطرس والفكـرة جنـودك
ويَخجل العنبر ليـا خالـط انفاسـك=ايتلاشى عطره ويثبـت ءوجـودك
وناعم الـورد إن قرنّـاه بقياسـك=يخجل الجوري ليا لامـس خـدودك
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو يصغي السمع للضوضاء تفجر صدور = ثم قلت صم الأذاني خير من مسمعي
مانيب قاصر شبر لو كثروا اهل الشبور = ولا نيب زايد شبر عمّن تصافى معي
درب الردى مغلقه عن كل كذبه وزور = والباب مغلق عن الأشرار ومشمّعي
وصفحة بياض من احاسيسي وصدق الشعور = علن علن مالها تحوير في مجمعي
يا اصفى من المزن في الوسم إن تحدر حدور= واصفى من النبع في زمّ العلا مطمعي
وإن خاب حسن الضنون اقول ماجاء قصور= و اصد عن خط سير, وللنداء ما اسمعي
عشق الصبابة يشين ليا بداء به فتور = و اخشى لا اكون الفتى واحاور الأصمعي
قوس الربابه بصدري واشتكى منه جور = والمستحيل إن من عيني تسيل ادمعي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يعاند ظروف البين من قيّدوه عهـود=عطا عهده اللـي للمحبيـن ماخانـه
واشوفه تغيّر صاحبي واخلف المعهود=تغيّر بطبعه كن ماعاد لي خانـه
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عيني تراقب للرقابه في مراقيب النجـوم=يانجم لا تسري ليا خايلت عيني ساهره
لو كان من دونك غلاف الجاذبيه والغيوم=نظرة ونظره تلتقي في ضوء نجمة باهره
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ريان عوده كل ماهب نسناس=قام ايتثنى والهوى منه ما مل
يحوف جسمٍ معتدل قد ميّاس=إليا مشى غصبٍ عليه ايتمهل
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زرعت الورد بين اغصان صدري ليه ماتسقيه ؟= اخاف الورد يذبل وانت ماتدري وانا مدري
سقيته قبل يتفتح غلا وانت الذي ترويه = ولمحت الإبتعاد اللي يغرّب شمسه البدري
دخيلك لا توهمني وإذا مات الوهم تحييه = اذا وعدك وهم لا تزرع الأشواك في صدري
من الإسلوب والتغيير للموعد بعد قلت إيه = تغيّر عالم الأشواق عندي لو رفع قدري
تقول العذر ماتملك بيدّيك الوعد تعطيه = وانا اقول الأوامر من ورق ياشجرة السدري
تزايد لاهب اشواقي واناادي للغلا وادعيه = وانا اشوف الغلا عني تغلا ولا نوى غدري
غروب الشمس يرهقني وليل العشق ليه وليه = ينادي ياطلوع الفجرليه الهم والكدري
تواصل بالحروف وللشفايف عالم التشبيه = وانا اقول الشفايف بالتلامس ناتجه خدري
اخايل للمخيلة وارتجي هتان لو تمويه = واثر هتانها فوق انتحى ما ينزل لحدري
كفخ عزم الجناح وعانق رياح الهوى والتيه = عرف مبداء وقال البعد للعشاق من بدري
عسى ماينكسر منه الجناح ويرجع لماضيه= ما دام انه ورد للمزن ما عل ونوى الصدري[/poem]