:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مااخترت احبّك .. حبّي اختارني لك = واهتزّت غصون الغرام المعاليق
وادمنتي فراتي ، وانا ادمنت نيلك = (ياحبني لك دون كل المخاليق)[/poem]


:


:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غيبي مثل ماتبين وغيّبي شمسك = ماهو ضروري على ايّة حال نتواجه
لكنّ قِيسي الأمور وراجعي نفسك = هل التغلّي يزيد بقيمتك حاجه؟
أقدر على صدّك وتجريحك وحبسك = واحرمك لذّة غلاي وفلّة حجاجه
لكنّ قلبي كلامه يشبه لعطسك = والعطس من يمنعه في حزة اخراجه[/poem]

:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اتعبتني بالقلق والشك والغيره = انا دخيل الوفا .. لاتحرث اوجاعي
يشهد علي الله الرحمن ماغيره = انك نظر عيني وترنيمة اسماعي
هزّيت لك قلبي ، وطارت عصافيره = واهديت لك .. وردي ، وندّي ، ونعناعي
وسرقت قلبي .. وعقلي زاد تفكيره = وصارت حياتي بدونك .. مالها داعي
واليوم هدّيت في صدري ، كَذا ديره = وعرّضتني للشقا .. جمله ، وقطّاعي
ماقلت لك ياحبيبي .. فضّها سيره = ماكنت واعي .. ولاكان الزمن واعي
جرّحت قلبي .. على لفّه وتدويره = يوم انّك تفصّل ظنونك على اوضاعي
انا معك صادق .. ولا اعشق سوى منيره = والكذب في ذمّتي .. ماهو من اطباعي
الله يسامحك في .. حبّك وتعبيره = وانا لو انّي غلطت .. اعضّ فاصباعي[/poem]

:

:

:


:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحزن .. حملك ثقيل ، وهاك صدري جمل = وحمولك الكايده صدري يبا يشيلها
لاترهق الغالي اللي من غرامي ثمل = انا فدى دمعة عيونه ومنديلها[/poem]


:


:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اعذريني ، كان فعلي .. رد فعل .. لفعل سابق = يشهد الله ما اقصد التجريح بسيوف المكيده
كلّ مافي الأمر .. عندي قلب حي ، ودمع هابق = كلّ ماقلبي يحس بشي .. طاح الدمع سيده
وان زعلت .. يطيح عقلي غيض من عشرين طابق = وان رضيت .. اقول لجيوش الزعل : فرصه سعيده[/poem]


:

:

:


:




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري وش اللي يجيب بقلبك العيد = وفا الغريب .. وخيانه من جماعتك
وفيت والناس ماتشبع من الكيد = على عنب حامض ، وعنقود .. باعتك
مالي على اهل الوفا شرطٍ ولا قيد = لكنّ بعض العرب يحتاج راعتك
يعتاش من موتك ، وتستاقه البيد = يطلق جراد الحسد على زراعتك
ياحظي اللي مثل حظك يابو زيد = باروا بي اصحابي ، وبارت بضاعتك[/poem]


:


:

:

:




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خمسميه وخمسه وخمسين = مشاركه ، في ركني اليوم
ناتج شعور وفكر عامين = مابين جرح وفرحه ولوم
اكتب مابين الوصل والبين = وارسم هلال الفطر والصوم
وسياسه ونصيحه ودين = وعلوم غير علوم وعلوم
ومن كل لون اجيب لونين = ومن كل زومين انتقي زوم
ماجبتها سرقه ولا دين = واللي يميّز يفرق السوم
ماادعس على العداد بنزين = ولاْ اجمع جيوش الفرس والروم
والحبر من بطن الشرايين = واحساسي مقدّر ومحشوم
والناس تعرف كيف! ومنين ! = ماجاتني من حبة خشوم
واعيش عمري بين قوسين = واطير فالاجواااء واحوم
لو انّ صدري فيه سكين = ولاهو من العدوان مهزوم
والنوم ماسيّر على العين = والعين ماتعرف وش النوم
وورودي املاة البساتين = وحدودي اكبر من فضا القوم
ومن تسعطعش لستْ وعشرين = في كوم والباقين في كوم
هاذي لجل سيد المحبين = اللي بحَره يحفّز العوم
اللي يبا ياخذني لوين ؟ = الله واعلم ، بس ملزوم
ملزوم لنّه كامل الزين = في طعم توت وريح يشموم
واحساسه مسوي براكين = واسلوبه مخطط ومرسوم
اهواه ذلحينه وبعدين = والقلب بالاشواق مهجوم
سويّت له فالصدر ركنين = والركن هذا له من اليوم

[/poem]
:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يامزهريه من غلا و زهور = طينك وفاي وحبّي الساقي
يسعد صباحك ياصباح النور = يااغلى حروفي داخل اوراقي[/poem]

:

:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حلّ الرضا .. واستقبلت روحي ثوانيك = ياطيّبه حبك كبير .. وصدرك اكبر
اشوف بحرك شوق ، واوقف في موانيك = ياروح دانه نادره .. يا ريح عنبر
الله عطاك اطلالتك .. والله عطانيك = والعاشق اقبل لك غلا .. والعاقل ادبر[/poem]


:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

سحابة التيه هِلّيني مطرك الغزير = نادت عليك الغصون اليابسه .. توّها
في جادلٍ علّقت قلبي بسلك الحرير = ياضعفها قدم عيني .. بس ياقوّها
لبسْت ثوب الفرزدق مع عمامة جرير = كلّه على شان .. يا (ليتي) ويا (لوّها)
والشعر ليله سرى ، والوضع جداً خطير = واشعلت ليل السوالف واشعلت ضوّها
والقلب من فزّته ماباقي الاّ يطير = مرتاح في جوّه اللي جا على جّوها
لا سولفت لي يشمّ الليل ورد وعبير = وان بيّنت لي يسرّيني على نوّها
في كل ليله تورّدني لجال الغدير = وتقول : هات العروق الضاميه ..روّها[/poem]


:

:

:

:




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعاشقة شعر ، مدري عاشقة روح = الشعر والروح ، وجهينٍ لعُمله
الروح تسرق شعور القلب وتروح = والشعر يصطادها في كمّ جُمله[/poem]

:

:

:

:

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


باقي صغيّر وظفر الوقت ماحكك = ياللي تجرأت في لحظه على ظلمي
تعبت من كثر تجريحك ومن شكك = ياليتني البارحه ماقلت لك : كول مي
غيرتك عميا ، وتنحرني على عكك = وش عاد اسوي بعد علّمتك بعلمي ![/poem]

:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كسّري باب المحبه والغلا والمقدريّه = والعبي بالريح .. خلّي الريح تلعب في غصونك
واخنقي بيدينك الثنتين ورد المزهريّه = وادفنيها لاخذيتي روحها .. داخل ظنونك
ذا جزاي انّ الوفا جبته على راس السريّه = او جزى كحل السلام اللي نثرته في عيونك
علميني كيف اخلّي ذمّتي ماهي بريّه= وعلّميني كيف اخونك ؟ وابشري باللي يخونك
كيف اخبّي نظرة التحنان عن عين الزريّه = وكيف اقضّي عمري اللي جاي ! بك ولا بدونك ؟[/poem]

:

:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكبر جرحك ياخفوقي وش تسوّي ! = ثمنيه وعشرين حرف .. ولا تكفّيك
ورغم الألم والضيق والحزن المدوّي = ماودّك .. بجرح المحبه في تشفّيك
والله يسامح من قصد .. تعكير جوّي = حدّك على نار الجفا ، وازرى يطفّيك[/poem]


:

:

:

:




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فكي جنانك على .. ربطة حشَمك وخدَمك = أنا .. على عزّتي ماعندي مساومه
دوسي عبيدك وعبداتك - غرور - بقدمك = وانا على القلب ادوس .. ولا له مقاومه
مانيب فيصل لو انّي ماظفرت بندمك = وخلّيت روحك على مرضاتي مداومه
[/poem]



:



:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

خلاص .. لاتحلمين اليوم في جيّتي = لو انّ روحي بدونك .. ميّته ميّته
انتي على نيتك .. وانا على نيّتي = والله يجزى العرب .. كلٍّ على نيّته
غفرت سيّاتك ، ودقّقتي بسيّتي = كنّ النوايا على تجريحي .. مبيّته
ياشمس ياللي شعاعك .. طاح في فيتي = ماعاد لك غير حبٍّ كان .. في فيّته[/poem]


:

:

:


:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياوردةٍ بالدمّ قلبي شراكي = في داخلي دمعه .. وفي محجري قرح
اصطدت قلبي غلطةٍ في شباكي = يمسي على فرحه .. ويصبح على جرح
والحب اعرْفه .. فوضوي واحتكاكي = يجمع على قسمه ، ويضرب على طرح
ولا يعيش الاّ بجوّ اشتراكي = ولو ودّي اشرح يمكن يطوّل الشرح
على العموم .. الله يسعد مساكي = والله يرحم جثةٍ داخل .. الضرح
لو ماتبيني صدق ! روحي وراكي = كم شجرةٍ تعزم يديني على الطرح
ماجيت لك من لوعة البعد باكي = والوقت عوّدني على .. كذبة الفرح
جيت اسألك بالله فاعلى سماكي = وشلون خفّاقك قدر يهدم الصرح ؟[/poem]


:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

سلمت ياقلبي كبار المشاريه = ما تحتمل ذنب الوجيه وخطاها
خل الوجع .. يشفى على يد باريه = لا تطرد عدودٍ مغثرب عطاها
الليل لمّ الك الشرَك في غداريه = وان كنت حُرّ ، إسطى مثل من سطاها
والذيب خلّ عواه حزّة مساريه = يربك ثرى دنياك واللي وطاها
وبيع الذي باعك ولو كنت شاريه = ما ماتت الشجره .. بهجرة قطاها
لو كنت في صدري سواة المداريه = تلعب بها ريح الجفا .. في بطاها
وان بيّن الحزن .. وتمادت مواريه = غَط الدموع اللي تهيج .. بغطاها[/poem]


:

:

:

:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقاتل الحلم ، دم الحلم في ذمتك = انا الوريث الوحيد وطالبك للقصاص
وان جيت للحكم .. واكفوف العدل لمّتك = أنا عليّ الصبر .. وانته عليك الرصاص
حسبي على روحي اللي بالغلا ضمّتك = ياليتها دوّرت في غير حبك مناص
ماكان والله بعيني .. طحت من قمّتك = يوم انّ قلبك .. نهار احتجت لي قلب .. حاص[/poem]

:

:

:


:




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابشّرك ، حالي بخير ويسرّك = تصفق يميني .. حسرةٍ .. في يساري
وامعلّقٍ .. مابين خيرك وشرّك = واعيش ، قمّة حسرتي وانكساري
ياملهمتني شعر .. لله درّك = أبدعتي برسم العنا .. في مداري
تمتّعي .. بحروفي اللي تغرّك = واقري .. على ربعك صحيح البخاري
شكراً جزيلاً .. والوفا لا يمرّك = كذا ، ترى اسلوبك عظيم وحضاري
وآخر كلام اللي غرامه يحرّك = روحي ، فمان الله ، وباخذ قراري
وتأكدي ماراح في يوم اضرّك = ماتلغي اظروف الليالي ... وقاري[/poem]



:


:

:


:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعالي .. لعنبو كل القصيد ان ما يجيب رضاك = عسى الدنيا وانا وعيوني وقلبي .. فدى حزنك
لك الله كل شيْ حولي يقول اني .. صحيح اهواك = وعشبي لو يحاول مايعيش ..الا على مزنك
تعالي ندمح اللي راح كله .. والعمر يفداك = تعالي شوفي بقلبي .. مداك ، وحجمك ، ووزنك[/poem]



:



:

:

:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نص ساعه .. ياتجي أو ماتجي = أه ياعمري بقى له نص ساعه
بين (أهلاً مرحباً) ولا (اخرجي) =عايشٍ مابين امان وبين راعه[/poem]


:


: