ابو محمد اشكرك على شعور نبيلك :)

هاآنذا سأعود لعلي اتذكر الشعر

دم تا / بخير

:



:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيتي وانا ، تايب عن الكذب والحب=مليت احب ، ولابقالي لياقه
ادعي لي احبك وانا اقول يارب =تبقى علاقتنا ، مجرد صداقه [/poem]

:


:

:)

:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ودي اقولّك (وحشتيني) ولا اقدر = مانعتني حاجةٍ فاقصى ضميري
قرح مدري جرح مدري شيٍّ اكبر= المهم انّه لعب في خط سيري
اشهد انّك شاطره لكنّي اشطر = ماسكن في قلبك الخفاق غيري
رغم ماسوى الجفا بالسيف الابتر = لايزال الطير ابو جنحان طيري
وماسلب نومي ولاّ خلاني اسهر = غير يـ انّ خلافنا ماهو مصيري
مااختلفنا من يحب الثاني اكثر = اختلفنا في جهاز بلاك بيري
ضاقت الدنيا بعين الحر الاشقر = لاتقولي لي رجاءاً : ياعشيري
الزمان اللي مضى علّمني احذر = والزمان الجاي مايخلف مسيري
المحبّه غارقه فالبحر الاحمر = والحبايب كلّ ابوهم ( تومو جيري )
ديرتك خضرا وانا خفّاقي اصفر = مالي استعداد اساوم في مصيري
بعد ما ذقت الخساره ويش ابخسر = كثّر الله خير خفّاقك وخيري[/poem]

:

:

:

:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خسارة الدمعه اللي .. شوّهت عيني = لو انّها دبّرت للصدر .. تنسيمه
كنت امتوقّع وانا زعلان .. ترضيني = عشان احس .. انّ لي في خاطرك قيمه
ماكنت متوقّعك .. جرحي وسكيني = وانّ الغلا اللي بنيته .. سهل تحطيمه[/poem]


:

:


:

:


:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله انّي طلبتك تغفر ذنوبي = قبل مااقول للدنيا وداعيّه
واحمني من جهنّم واستر عيوبي = واقبل برحمتك جملة مساعيّه
ولاّ انا انسان من راسي لعرقوبي = والخطا مايفارق طبع راعيّه[/poem]


:


:

:

:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبّت الريح حتى طاحت الذكريات = مابقى في غصون الذكريات ثمره
لمّي الشوق من ضلع الهدى للسراة = واخذي اللي بقى لك وانزحي يامره
ولاّ انا بعتبر ياهيه مافات مات = دام حبك مابين الجد والغشمرة[/poem]

:


:

:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتحمّلني مشاريه وعتاب = مابقى لك فالصدر قلبٍ يفز
انت من شرّع لي ابواب الغياب =وانت من علمني اقسى واستفز [/poem]

:


:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض المحبة ياحبايب " كذبة ابريل " = اوّل مداها شوق وآخرها حماقه
احباب في وقت المقابل والتعاليل = واغراب في وقت التجمّل واللباقه
ياسيّدة سود العكاريش المظاليل = لن كان باقي شي من هاك الصداقه
ارمي على قبر الغلا اللي روّح اكليل = لكنّ خلي لاحترام الحي باقه[/poem]


:


:
:

سلمت يابو فليان والله يسعد ايامك بالخير
ووالله اني سعيد بسعادتك وطيب اصلك وخلقك الرفيع ، ومن الاشخاص اللي الواحد يفتخر
بمعرفتهم ويقرأ ابداعهم ...

اشكرك على ماشرفت به متصفحي المتواضع


دم تا / بخير

:
:


:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انتي تبين الصدق ولاّ ابن عمّه = في ذمتي ماقد نسيتك دقيقه
لازلتي اللي في حياتي مهمّه = رغماً عن جروح الفراق العميقه
غيرك فلا للقلب يا ( ... ) يمّه = لكنّ مالي في وصالك طريقه
طاح الغلا وازرى خفوقي يلمّه = وغطّت يدين الوقت وجه الحقيقه
جيتك وهرج الشوق ماله تتمّه = ورجعت وجروحي عداد الخليقه
ونسيت كل ايامي المدلهمّه = لعيون بعض الذكريات العتيقه
وان كان باقي ورد ممكن نشمّه = ورّيني اصعب درب يم الحديقه[/poem]

:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليوم صار العيد عيدين = جمعه وفرحتنا بسداح
غايب وله شهرٍ وشهرين = وان قالوا انّه راح ماراح
موجود بين القلب والعين = والشاهد الله رب الارواح
محبوب من كل المحبين = ومن حبّه الله جته الارباح
له في سما العالم جناحين = طيبه جناح وشعره جناح[/poem]


:
:

:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسعادة قلبها لاوالله الاّ = مابقى فالقلب من راحت سعاده
طمّن عروقي على بنت المكلا = والله يبشّرك بالحي وبلاده
روح وانشد ناسيه ولاّ تغلاّ ؟ =وروح دوّر صورتي وسط القلاده؟
وان لقيت انّ الغلا اللي كان ولاّ = لاتعلّمني وتقهرني زياده
خلّني بحيا حياتي واتسلّى = وارمي الواقع على حلم الوساده [/poem]


:
:

:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان جيت اقرّب روّحت عني بعيد = وان جيت ابعّد عن هواها قرّبت
اشواقها وصلت بصندوق الوريد = واوجاعها بين العروق اتسرّبت
جرّبت نار البعد والوقت العنيد = واهي بعد حسب اعتقادي جرّبت
واليوم صار الصمت مجرم من جديد = وسكّينته على الثنينه خرّبت
والمشكله ماني بفاهم وش تريد !؟ = يوم اشرقت شمس المحبة غرّبت[/poem]


:
:

:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الفقد ، حطّاب الغصـون المعاطيـش=والشوق ، جـلاّب السلـوك الدقاقـه
والليل ، صيّاد الرمـوش العكاريـش=والصبح ، فـلاّح الغـلا والصداقـه
والحب ، ماهو من نصيب الدراويـش=ألاّ ليـا عـوّد .. مجـرّد عـلاقـه
وان كان مايتعِب عظـام المطاريـش=ماهـوب حـبّ ، الاّ شوّيـة حماقـه
اقولهـا ، وامّ الحلَـق والدنـاديـش=جابت خفوقـي .. بـالادب واللباقـه
طفلة غلا ، وانـا عيونـي كراميـش=تنشد لها .. معنى الهوى واصطفاقـه
دانة بحر ، ماحصّلوهـا الطواويـش=لقت لهـا ورى الظلـوع .. اندراقـه
هلّت عليّه .. بالمـزون المراهيـش=وانبت لها قلبي من الـورد .. باقـه
روّض بها الصدر .. الهموم المناهيش=والغى بها كلمة ، "عنا " و "انغلاقه "
قدّامها ، روعة قصيدي .. خرابيـش=ولعيونها ، قلبـي .. يزيـد اللياقـه
يقطع لها بحرين .. فاربـع مغابيـش=لو شالوا العذّال .. مـوس الحلاقـه
ولو تصبح عظامي بيدها .. عراميش=فدوة هدبها .. يوم تغمـض رواقـه [/poem]
:
:


:

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يابنادم زخرف الدنيا هيال = ماتغرّ الاّ القلوب الغافيه
وانت لا شدّيت للقبر الرحال = عينك تشوف الامور الخافية
اعبد الله مالنا غيره مآل = ورتّل ايات الكريم الشافيه
واحمد الله واشكره في كل حال = يرزقك ويمتّعك بالعافية
واحسن النيّة تطيب الك الليال = واحتزم بالصبر تلقى الوافيه
والزم الصمت وتجنّب فالجدال = وان هرجت احذر تجيب الهافية
وان بغيت تخاوي عيال الحلال = دوّر اللي معك نفسه صافيه
رفقةٍ تُبنى على روح وتعال = ماتسرّك فالظروف الجافيه
وان زبنت ازبن صناديد الرجال = كمّ نارٍ ولّعوها طافيه
والشعر ماهوب والله راس مال = كم شجاعٍ مايعرف القافية[/poem]


:
:

:

:
:

:
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تعبت منك .. ولا تحرّك ياجبل منّك حصاه = والصبر ملّ .. وماتت احلامه على يدّ السكوت
امّا تعال وخلّنا نقطف من الدنيا .. حياه = ولاّ اكسر غصون الوله والشوق والذكرى .. وموت[/poem]:
:

:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

فالصدر بين الرجا والياس ، حمي الوطيس = والحرب ، عيّت بصدري توضع اوزارها
احد وثنين و ثلاثا واربعاء وخميس = وانا على كف عفريت ، انطر اخباها
الجادل ، الفاتن ، الدرّ النفيس النفيس = اللي على ضيم روحي تعزف اوتارها
واللي خواتم يديها اثنين ، نور ولميس = واللي عليها السحايب هلّت امطارها
القلب يضرس على لقمة لقاها ضريس = والعين ماصدّت الرمشين مدرارها
ياطيب راس الغلا اللي في ظلوعي حبيس = عهدٍ عليّ ووفا ماابيّح اسرارها
بنت الحمايل ثمينه ، لو ثمنها بخيس = مااعطيتها القلب مهر لتسعة اعشارها[/poem]

:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسيّد احلامي وانا سيفك ولاسلّيتني = الاّ على حبٍ يسيّر فالحشا كنّه جمل
ظلّى يلمّ القلب ويشيله ليا هلّيتني = من فرط حبٍ كم عليه الخافق الوافي ثمل
ليتك على درب الغلا اللي كان ما دلّيتني = ماكان بطن الشوق من نزوات خفّاقي حمل
خنت العهود الماضيه عنوه بعد ملّيتني = وانت اتعرف انّ العهود الصادقه قول وعمل
ياكبر حزني منك حتى فالشعِر شلّيتني = كم بيت حاولت اتذرّى فيه لكن ماكمل
واقل مايمكن اقوله بعد ما خلّيتني = أُصبت من جرّاء ماسوّيته بخيبة أمل[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طرد المقفّي عيب ، ومواجهه غي = وانا قبل مااهواك عايش بدونك
طويت صفحة ذكريات الغلا طي = بين اجمل ايامك ، ومجمل ظنونك
لاصرت ماني حي .. في قلبك الحي = مافيه داعي لجل اعيش لعيونك
روّح .. وانا مابسأل الوقت عن شي = والله يقدّرني واداوي .. طعونك[/poem]

:
:


:

:
:


:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المفاهيم مرتبكه على قلب شاعر = عقب كانت حياته فالليالي هنيّه
كان في نعمته محسود .. ماكان شاعر= لين فرّق مابين المزهره والسنيّه
بين عدّ الفلوس .. وبين عدّ المشاعر= الغنيّه فقيره .. والفقيره غنيّه[/poem]

:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
النفس تشبه للقزازه ، رقيقه = كسرتها قاصد ولاخفت ربك
واللي انكسر ماعاد عندك طريقه = تصلّحه في طور جرحك وطبك
تبا الحقيقه ، هاك بعض الحقيقه = صرت اكرهك من بعد ماكنت احبك[/poem]


:
:


:

:
:


:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


سرق حبّك .. منامي من عيوني=مثل مايسرق احساسك .. لسانك
وصلت لذروة العشـق الجنونـي=بعـد وصّلتـك لـذروة جنانـك
انا اتحـدّاك ، ترتاحيـن دونـي=وانا اتحدّاني ، اسلى عن حنانـك
واذا الابـداع ذا فنـي ولـونـي=يصح لسانـي ، ويسلـم بنانـك
كتبتينـي ، وخلـق الله قرونـي=وانا عبّـرت ، والتعبيـر خانـك [/poem]


:
:


: