[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاصار نمت وخاطري بات مكسور=يكفي صباح الخير من غير ورده!
مشكور ياليلي,مْجمّل ومشكور=فصل الشتاا مـ .أثـّر على الصيف برده![/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرّاات ودي أرد الوقت لايجـري=من رووعته ليته يْوقّف واغني له
ومراات ياطول ليلي ماظهر فجري=ياطول وقتي ويامكثـر غرابيلـه [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عامين له ياسعود, من يوم مامـات=والعين تذرف دمعهـا كنّـه اليـوم
أبوي مااعدّه مْن حْسـاب الامـوات=والقلب في ذكرااه ماهـوب مليـوم
حزات أشوفه وسط عيني وحـزات=أسمع صدى صوته من بْعيد مكتـوم
واقول يالبيه مـن بـد الاصـوات=مدري صدى والا هواجيس وهْمـوم
يزورني في تالـي الليـل بالـذات=واغفى على صدره من الشوق واقوم
واقوم كنّي قاطعـه لـي مسافـات=أركض وراه وُراح وعْلومي عْلـوم [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إذا ماقافي المعسول غنّى=على عزفٍ يزيل الهم عنا
حراام أني مـ .عاد أكتب جديده=ولو نرحل ونبعد عن وطنا
ولو غنّت على الغصن الحمامه=ولو كلٍ على المسحوب غنّى
وحراام أني م أطيعه لو تثيره=هبوب النود وجْرووح المعنا
اذا ماصار لامنّي بغيته=على الذوق الرفيع,اللي تمنّى
وغنيته وغناني وراقت=على حسه قلوبٍ ترجهنا[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياخاطري لاتقول ذْنوب=هذا القدر واحْسب احْسابه
وين بْتطيّر عن المكتوب؟=حاول تكيّف وترضى به[/poem]

يا مسلمه انتي علامك :(

الله يرحمه ويغفر له ويرحم ابوي انا بعد ويغفرله

تكفين المرثيات لا عاد تنزلينها

اللهم آمين..وجميع أموات المسلمين يـ مخايل

وفديتك ولاعدمت متابعتك

وأبشري:)

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
طيفه يزاورني على كل الأوقات=واللي خلقني حاشني في صلاتي
حاولت أهاجر وابتعد عنه بالذات=لكن تمكنّ من خفوقي وذاتي
خيال,واستوطن على الروح والذات=وش عاد لو جاا واقعٍ في حياتي[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يسم البدن فرقى الحبايب ويبرا الحال=ولا أدري متى بتْزين وأسلم من الفرقى
طواني الهيام,وهد حيلي,وصبري طال=وكسّر ضْلوعي عبرةٍ تنزل وترقى[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليش تغريني وأنا وش في يديني؟=كل ماعندي كتبته في رساله
غايتي تفهم علي يانور عيني=ماقصر عن طاقتي خله بْفاله
والوصال لْيا حصل بينك وبيني=يأخذ الورد الطبيعي من جماله
خل شلال الغلى يروي حنيني=لين بدر الوصل يظهر في كماله[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كانك تسولف على روحك علشاني=فـ .أنا عشانك جديد القاف غنيته
صغت أعذب الشعر من روحي و وجداني=ومريت في حال عمري ماتمنيته
شوق,وسهر,وأنتظار,وكوكبٍ ثاني=ليت القدر ماخذاني له ولاجيته
أبعدت وأبعدت,والمكتوب لاقاني=وأنكرت واقع,وباح السد,وأبديته[/poem]

[poem=font="Simplified Arabic,5,green,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
يمه عسى جنة الفردوس منزالك=يانور دنياي لو في القبر يايمه
ترعرعت شَجْرة غْصوني على جالك=ومن نور شمسك مشت رجلي على اليمّه
عشت أرْوَع العمر والأيام بظلالك=توصل بي أحلام فكري عالي القمّه
غاية طموحي أطيعك واسمع أقوالك=وأنتي على راحتي حرصه ومهتمه
وكنت أحسب الموت يبطي عظم ماطالك=وخذاك مني ضحى والناس ملتمّه
قفّى بْروحك وأنا خذت العوض شالك=أشوف باهي خيالك فيه وأضمّه
بكيت وأبكيت يوم أقفوا على رْحالك=فجوة فْراقك علي مأساة ومْطمّه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/7.gif" border="double,4,gray" type=2 line=0 align=center use=ex num="0,black""]
شد الرحال وسابق الريح بسكات=وأحرص على الكتمان في بعْض أمورك
لاتبكي عيونك على فايتٍ فات=وُلا تنْجرح لاصار ماطعْت شورك
الجد له حزه,وللمزح حزات=والوقت يرضيني ويرضي غرورك[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقولين أنا مثلك..مشاعر ورق أحساس=ولكن عشانك شاعره..تتقن التعبير
وأقول..أفهمي معْلومةٍ تجْهلك فـ .الناس=للشاعر مشاعر..تختلف عن شعور الغير[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحمام الدوح غن,جاهزه يالله تمن,وأعطني عذب اللحن,طاب يومك ياحمام=خاطري بالحيل ضايق,وأنت متهنّي ورايق,مـ .أشغلك عد الدقايق,ياعسى ربي يعين
ناايم ومرتاح ليلك,والصباح أسمع هديلك,ليت تقبلني بديلك,حدي المغرب وأنام=وأنت تسهر في مكاني,تنقلب مخلوق ثاني,شوف أنا وش كثر أعاني,يامعين الصابرين
أتمنّى وأتمنّى,لين ليل الشعر غنّى,وأقبلت منا ومنا,وضاع مضمون الكلام=يمكن أبرك لي سكاتي,لو خسرت أغلى أمنياتي,راضيه بْقسمة حياتي,ياعسى بكره تزين[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو بحت غطى مغرب الشمس شكواي=ولابقى من نبرتي جفن هاجع
كنيتها واظهرت بالزيف سلواي=وأستوطنت روحي جْرووح المواجع
[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي وأحاول وعيّى القلب ماوده=عساني أقوى على تفكيري المستحيل
فكرت فالبعد والهجران والصده=ونويت أهاجر ولو يصعب علي الرحيل[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
لا ماطلعت القمر,ولاوصلت النجوم=عاديه وُفي مكاني ماتعدّيته
لايحرقك لاهب الكنّه وحر السموم=بغيت ترقا الرفاع وشكلك أخطيته
طالع طريقك متاهات وضباب وهموم=سماك مقتم وحالك ماتمنيته
وأنا أزرع الورد وأسقي تربته كل يوم=وأطرب لحس القصيد العذب لـ .أوحيته[/poem]

آسجـل آعجابي بكل حـرف لك ..
متـآبعه لك دائمــآ .. يابآســـقـه

كل الود:wardah:

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أختبرته,خساره,مانجح فـ .أختباري=أشهد أنه صدمني,ليتني مـ .أختبرته
وأختباري صريح,وفيه عذر أضطراري=لو توقّف على معناه,يمكن عذرته
أستفزه وهو في بعض الاحيان داري=ويتجاهل ويستغبي وأنا ماخبرته
ماخبرته غبي,واعي وفاهم حواري=بيني وبين نفسي,من جوابه,شكرته
صار وجهة مساره,تختلف عن مساري=يوم بانت عناوين الحقيقه,خسرته
كنت أشوفه وأشوفه,لين غطّى مداري=وابتسم نور صبحي,عقب ليلٍ سهرته
الله أكبر على بعض الخطط والطواري=موجز أخبار صار,ومابقى,مانشرته!![/poem]

تسجيل اعجاب مدرك


ادراك تمام واعجاب لما يخط قلمك

المعذره لازعاجك

تقديري

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يـ .سعود لا,لاتحْذف الرقم يـ .سْعود=خلّه بْـ .جوالي ولو مات راعيه
نعم بْـ .جوالي وهو غير موجود=كنّه يحاكيني,وكنّي أحاكيه[/poem]