عليك ملبوسٍ من العز يزهاك
لكن زينك ضيعته البطانه بطانتك تحجب حلاك ومزاياك شدت على جسمك وهزت كيانه :0012: |
وصلت لآخر نقطه بقمة الشوق لاعاد تنشد بعدها عن شعوري اما تعال بذوق ياكامل الذوق والا شطبتك من دواعي سروري |
هذا حسابي في تويتر كامل
وعصفور حرفي باللحون يغرد ويقدم من الشعر عرضِ شامل وان فاح صدره باالقصايد برد 7 7 https://twitter.com/#!/mataralotiby |
لا ضاق عيشك وباقي معك (صبر جميل)
ارفع يدينك وقل: (ياخالقي يالطيف) يفتح لك الله بأمره (باب رزقٍ جميل) الرازق الله ماهوب (عيال عبد اللطيف) |
لا تترك اصحابك ..وتعرض علابيك الوقت لو وداك ..لازم يردك تراه لو ضحكك .. لازم يبكيك وان مدك بمدته .. بكره يشدك اصل الظروف.. اللي عن الناس تغنيك اخت الظروف.. اللي عليهم تحدك |
ناد السهر يقلط بجفني وعيني اخاف من شوفتك يحرمني النوم بيني وبينك.. صرت بينك وبيني مرتاح جداً معك.. ماودي اقوم :wardah: |
شهر وكنه في حسابي ١٠٠ عام
ياحي هالشوفه وياحي هالزول كنت اتمنى شوفتك لو بالاحلام واليوم صدفه جيت .. ماهوب معقول!! :con200: |
لا تسأل السهران وش فيه سهران اكيد به هـمٍ.... مسهّر عيونه كم واحدٍ وقته يسوق له الأحزان والناس حوله بس ماينفعونه |
ياليتني لا احتجت شوفتك اشوفك
والا ليامني بغيتك لقيتك مايمدي كفوفي تحن لكفوفك والعمر يمضي بي وانا مانسيتك :wardah: |
وزارة التعليم اهم الوزارات لكن ينقصها وزير واداره بها وزيرٍ ينحسب ضمن الاموات ضيع شباب المملكه والوزاره |
انا سماري ماينقص مقامي اسمر ولكن رجل في كل الاحوال والا انت نعومي ومبسمك دامي لولا شنيبك قلت ماانته برجال :0012: |
(الحب) كلمه دارجه ماله ساس
الا فـ/شرع الله وسنة نبيه والإنطباع اللي يعكسونه الناس (تقدير وإعجابٍ معه جاذبيه) |
اقتباس:
تصوير رايع يا مطر وابدااااااااااااااااااااااااااااااااااع |
اقتباس:
هلا والف يالامير :) :wardah: |
اطري على بالك وتطري فبالي احساس وقلوب الاوادم شواهد على الغلا والشوق فاأول وتالي اللي تجاهدها المشاعر مجاهد :wardah: |
استغفر الله من جميع المعاني اللي تجيب الضيق وتزود الذنب الله عن الزلات يمنع لساني ويحل ماشالته نفسي على الجنب |
اصبعك بس لحاله اللي مطوع
مايكتب الا مارواه البخاري مزاجك منوع وحرفك منوع يظهر عليك من التطرف مواري ياشيخنا الفاضل عيونك تروع وش رايك نمر بك قسم الطواري :icon_mrgreen: |
لثامك المجنون محظوظ بالحليل تمره انفاسك ويحضن شفايفك مدري متى بدر الدجا ينزع الليل واغذي عروق الشعر من وصايفك |
ياروح مافيه بعدك كـان عزمـت روح مليت يـاروح والدنيـا علـى حالهـا وش بعد قتل الاماني واغتيال الطموح؟ والناس تبني حوايجهـا علـى امالهـا نسابق الوقت واثر الوقت منا يروح وسباق الايام تاخذنا مع ليالها عيني على غايتي وحصان حلمي جموح والمشكله ضاع وقتـي عنـد حلالهـا دلة حياتي من احداث الليالـي تفـوح والوقت يمضي وانا ماذقـت فنجالهـا ماعاد للشعر في بعض الاحاسيس بوح لو جاوب الحانها ما شال موالها كم حرف داعيه رامي به على وجه لوح يادبرة الله فالكلمه ومن قالها |
ياروح روحي وش تبي بالمكيف
لندن براد وغيم وابوك تاجر مالك شغل فينا تبّرد وكيّف حنا يبرد جونا جح ساجر |
انا مع حروفي مسوي علاقات
اوادع الماشي واسلم على الجاي من راس مالي مامعي غير الابيات اللي تصرفني وانا فوق مركاي في داخلي زحمه وضيقه وونات تشبه لـ/صوت الناي لو مااعرف الناي اكلت في عمري جميع المطبات وارضيت *نفسي بس عجزت عن ارضاي لازلت ادور للظروف اتجاهات ولا زلت ادور بين الاوهام معناي ولازلت ادرج خطوتي فالبدايات ولازالت اقدامي تجاهد لمسعاي محطتي ضاعت بوسط المحطات وعنوانها محفوظ في وسط مخباي والحظ حي ويعتبر ضمن الاموات يشوفني لكن ماهوب واياي ياحظ ركز معي في كل مافات وانكان عندك راي قلي وش الراي يالله ياخالق جميع السموات والارض.. تسترني من ادناي لا اقصاي |
جح ساجر كامله
ياروح روحي وش تبي بالمكيف* لندن *.! براد وغيم وابوك تاجر مالك شغل فينا .. تبّرد وكيّف* حنا يبرد جونا جح ( ساجر ) ماانته بحمل البهذله ياخفيف وانته دموعك يجرحن المحاجر الجو هذا فيه صعب التكيف وحنا لايمكن من بلدنا نهاجر ماجور *ياللي ماانت قادر تصيف الجوع كافر فيك والفقر فاجر والوقت يضحك لك بضحكٍ مزيف ونفسه على ذبحك تحد الخناجر سوى سواةٍ فالنشاما تعيف يضرب بكفٍ صلب والصوت زاجر يالله يارب القوي والضعيف انك على صبرٍ صبرناه تاجر مخايلٍ ترعد وتبرق ياريف يامنشف الارياق بل الحناجر 😏🍉 |
انت وينك غايب عني وانا اتحرى حضورك امتلى قلبي من الاحساس عجل بالزياره وان منعك الوقت قلي وين عنوانك وازورك بس ريح نبض قلب معك مل من انتظاره الزمن دوار وانا للزمن محتاج دورك ودي انك معي حاضر دايم بكل استداره :wardah: |
اصعب خطا..يجيك من مصدر صواب ماينهضم..وانته ماتقدر تصرفه يضايقك ويحط في قلبك صواب ماله طبيب وﻻ عﻻج تصرفه |
تمشي وفي ممشاك حاجه وحاجه
وبكل حاجه مصدر إلهام وازعاج حولك سكون وفي وسطك ارتجاجه بحر مضيقه يتعبه صفق اﻷمواج فيك اعتدال وميلة وانعواجه شي له ارقاب المخاليق تنعاج غنجك خلقه ماأنت ناقص غناجه ارفق على الغاوين منعا لﻹحراج |
| جميع الأوقات بتوقيت GMT +3. الساعة الآن 04:08 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية