هذه مشاركة من صالح السلمي من السعودية..للفقرة 31
يكرم رسول الله عن رسوم رسام رسولنا خير البشر خير الآنام بعثه رب البيت في دين الاسلام ثبت اساسه ثم عمر مبانيه === تنشل يمنى اللي رسم قولوا آمين الحاقد اللي بان حقده من سنين هذا عدو الدين ويحارب الدين والدين دين الله يعزه ويحميه === لو حاولوا مانالوا اللي يبونه رسولنا معصوم لو يجهلونه اعمارنا من دون عرضه ودونه هذا الرسول اللي نحبه ونغليه === ماهمنا النرويج ولا الدنامرك معاقل الافساد والظلم والشرك واللي كفر بالله فالنار فالدرك لو عاش في دنياه نعمه وترفيه === رسولنا حبيبنا اللي نصحنا ياما بتعليمات دينه منحنا ايو الله انا بالصلاة (استرحنا) والمال فرضٍ كل عامٍ نزكيه === درب الهدى درب نطبق نظامه واركان الاسلام الاساسي علامه والمسلم بدينه يحقق مرامه ليا عرف هدي الرسول ومعانيه === هذا محمد كلبونا نحبه ما عاش من يجرأ عليه ويسبه منزهه ربه وحاميه ربه حاميه من كل المعادين حاميه === على رسول الله صلاة وسلاما اللي فرق بين الحلال وحراما حتى اصبح الاسلام دين ونظاما ننصر من يعزه ونجفى مجافيه === وشلون مانزعل على الكافرينا هذي غريزة دين موجود فينا رسولنا اللي ساقه الله الينا نحب من حبه ونكره معاديه |
مشاركة وصلت من عادل الحربي من المدينة المنوره..للفقرة 31
ان كان ماننصر نبي الثقلين المصطفى المرسول بالحق والدين ماظني لنا وزن وسط الموازين هذا الصحيح وزبدة القول صافيه === اللي حصل منهم يعود اليهم والحقد والتضليل منهم وفيهم يارب تنصرنا بنصرك عليهم وتعز دين المومنين وتداريه === نفدى رسول الله وعن عرضه نذود ماهمنا الحساد وقلوبهم سود الدين دين الله والعمر محدود ومن حارب الاسلام ربي يجازيه === والله مانالوا من انمل محمد لو حاولوا كثر الخطا بالتعمد اللي يسبح كل يوم ويحمد ادى الامانة صح واخلص لباريه |
تتواصل ايميلات زوار المرقاب,,,,
للفقرة 31 ومشاركة من الاخ محمد ناصر من منطقة الدوادمي... على رسول الله نصلي..نسلم ومن نهج مسلكه القويم نتعلم نوفي ونكرم ونغزي ونتولم ننهج مناهيجه ونغزي مغازيه === واللي يحاول مسه بشيمالاق عساه في النار يتعذب بالاحراق جزاه من ربٍ للآنام خلاق سبحانه المعبود عبد يراعيه === ياشعب ياللي منكم اللي تعدا اللي برسمه للجموع يتحدا دون النبي كلٍ بروحه تصدا كلٍ يبي تفديه روحه ويحميه === والبانكم واجبانكم مانبيها وكل البضايع قد سحبنا عليها سواتكم مافيه عاقل رضيها اللي معه عقلٍ وعينٍ تقديه === رسولنا معصوم عن كل زله نبع الوفا والجود والطهر كله والله مانرضى لعرضه مذلة زكاه ربي...والاوادم تزكيه === لابارك الله في دعاة التحرر اللي بقانون الصحافة تقرر واللي بمثل الرسم هذا تكرر يكرم رسول الله عن اياة تشبيه === والله مانرضى عليه الاهانة لا من فلان ولا من اخته فلانه لانه اللي يوم ادى الامانه دل البشر للحق حتى معاديه === يامسلمين اللي تحبون طه ياللي تعبدون الكريم الاله قوموا على الدنمرك واللي وراها ثم قاطعوهم ماتبا السالفه..ليه؟ === دفاعنا واجب وشيٍ اساسي ولاهي غريبه لو يزود الحماسي نشعر بحبه في جميع الحماسي وشلون مانفديه ونقول لبيه |
أقدم شكري لكل من ساهم في هذا الموضوع
ولدي مشاركه فقره رقم ((19)) [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] . . من أعماله اللي بالمدينة عملها=ليحافظ بأمن المدينة وأهلها ويبعد غثا المشرك ومن هو نزلها=بميثاق والنقاّض يلقى الجزاء فيه . . عاهد بني قريظه بحينه وأوانه=وبني النضير وقينقاع وعوانه وخيبر هل الطلع النضيد بزمانه=وأمضوا على كتابه وشافوا مباديه . . تنفق وتدفع في حروب المدينه=مع المومنين وكل جيشٍ تهينه واللي مسالم ما لكم في يدينه=ولاتتركون الدار قبل أذن واليه . . والكم علينا نصحكم والتناصر=والدين فيه أحرار والرب ناصر وارواحكم تسلم ولو تنتحاصر=إبنود مكتوبه على جلد نمضيه . . وإن كان خالفتوا بنقض العهودي=نذرٍ نسوق الروح يم اللحودي ونسبي ذراريكم وجمع النقودي=وكل المعالم تمّحيّ بفعل جانيه . . . [/poem] . . محمد مشوط الغنامي |
وهذه الى فقرة رقم
18 إذا أمكن ذلك [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] . . القصوى مأموره وخلو رسنها=تبرك وفي مربد يتامى ثمنها والمسجد يأسس بعد زيل منها=قبور شركٍ دارسه في نواحيه . . بالطين قوموا بعد خلط اليمامي=واللبن حطو رصته باستقامي وليا رفعنا حائطه للغمامي=هاتو جريد النخل نبدأ نغطيه . . بعد قضينا من البناء قووم يابلال=وأصدح ونادي للصلاوات فـ الحال في مسجد ومأوى وتعليم لجيال=وسجنٍ لاسير الحرب لعل نهديه . . مكان يعقد فيه جيش وسرايا=ومشفى لمجروح ٍ خطته المنايا ومجلس سفير ٍ للدول والقرايا=نسمع مقالتهم وبالحق نرضيه . . والفائده تكمن ببث الشجوني=للقائد الاعلى تدك الحصوني وقلوبهم تألف وتذرف عيوني=لاصار فعل الخير تلقى مساعيه . . [/poem] . . محمد مشوط الغنامي |
وصلتنا هذه المشاركة من الاخ محمد الحربي من القصيم
الفقرة (31) [poem=font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] يانصرة الاسلام يامسلمينا=نصرة نبي الله واجب علينا من زمرة الدنمرك والكافرينا=اللي طغوا والوقت زادت بلاويه === الاوله لازم نقاطعهم سنين=مانشتري منهم ولوهو بقرشين الظالمين الحاقدين الحسودين=ضعوف ماتبغى الرسول وتعاديه === اعماهم الله عن حقايق كثيره=حتى تمادوا في الغلط فالمسيره مايعرفون انه للاسلام غيره=والمسلم يحب الرسول ويواليه === نفدي رسول الله بدون اي منه=ونذود بالارواح والدم عنه واللي تجاوز بالخطا مانحنه=هذا رسول الله وشلون نصخيه === ماينطق الا بالوحي والحقايق=من عند رب البيت رب الخلايق أدى الرساله ماحسب للعوايق=الله على فضله علينا يجازيه === كل الحقايق واضحه ياجماعه=فالدين اعز كتاب واغلا وداعه ورسولنا واجب علينا اتباعه=والله يدبر كل شي ويسويه === حنا هل التوحيد نصرة نبيه=حمية اهل الدين نعم الحميه نحمي رسول الله بنفس رضيه=يعيش من يفدي رسوله ويحميه === ياهل الاسائه والرسوم المثيره=تبينت كل النوايا الحقيره لكنها خيره وخير وخيره=حب الرسول اكبر من الحقد ياهيه === مع قزة الحق اي قوة ضعيفه=فرق الثقيله غير فرق الخفيفه واشرف بشر له سيره اصلا شريفه=قوي بالله والله اللي مقويه === انتاجهم ماصابنا الجوع دونه=ياهل النقا والدين لاتشترونه جزا لهم نبع الحسد والمهونه=منزهه ربي عن الشين تنزيه[/poem] |
لايزال انهمار المشاركات مستمر من الاخوة زوار الموقع للمشاركة في ملحمة الدفاع عن الرسول صلى الله عليه وسلم
هذه مشاركة وصلتنا من سعد الهذلي من الطائف... للفقرة 31 [poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يامسلمين اللي تحبون طه=ياللي تعبدون الكريم الاله هبو على الدنمرك واللي وراها=ثم قاطعوهم ماتبي السالفه ليه؟!! === دفاعنا واجب وشيٍ اساسي=ولاهي غريبه لو يزود الحماسي نشعر بحبه في جميع الحواسي=وشلون مانفديه ونقول لبيه === لابارك الله في دعاة التحرر=اللي بقانون الصحافه تقرر واللي بمثل الرسم هذا تكرر=يكرم رسول الله عن كل تشبيه === نفديه بأغلا الناس والمال والروح=اللي جعل درب اهل الحق مفتوح أدى وبلغ لاهل الارض بوضوح=حتى عرف كلٍ يحقق أمانيه === على رسول الله نصلي ونسلم=ومن نهج مسلكه القويم نتعلم نركع ونسجد ونغزي ونتولم=نرقى مراقيبه ونغزي مغازيه === واللي يحاول مسه بشي مالاق=عساه في النار يتعذب بالاحراق جزاه من ربٍ للآنام خلاق=سبحانه المعبود مفني ملاديه === ياشعب ياللي منكم اللي تعدا=اللي برسمه للجموع يتحدى دون النبي كلٍ بنفسه تفدى=اللي على الارض اشعل النور نفديه === البانكم واجبانكم مانبيها=وكل البضايع قد سحبنا عليها سواتكم مافيه عاقل رضيها=اللي معه عقلٍ وعينٍ تقديه === رسولنا معصوم عن كل زله=نبع الوفا والجود والطهر كله والله مانرضى لعرضه مذله=زكاه ربه والاوادم تزكيه[/poem] |
السلام عليكم ورحمة الله وبركاته
مهما دافعة امة الاسلام عنه صلى الله عليه وسلم فلن توفيه حقه. الحقيقة القصور حاصل لكن العتب على النظر لكن مثل قال ابو عتيق كلها كملوها النشاما مالها الا ال 700 يعني المشاركة رقم رقم (31) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياعابدين الكلب والنار والثور=رسماتكم واعلامكم كلها زور ماتعرفون الحق والصدق والنور=عبّادة الاوثان والحق تخطية عليكم من الله ماتستحقون=لابد من يوم به الناس يدرون الله لمنه قال له كن فيكون=اللي نصر عبده على اللي يعاديه اللي نصر موسى على الظلم والشرك =واللي نصر غيره على الروم والترك ينصر رسول الله على اهل الدنمرك= والحق ماشي يغطه ويخفيه اشرف بشر واطهر بشرخلق عالارض=محبته عند امته طاعة وفرض بارواحنا نفديه والمال والعرض=كلن يبا يفديه بامه وبا ابيه ان ما وقفنا وقفة ارجال وابطال=ولا فلا فينا من الدين مثقال اشرف بشر نفديه بالحال والمال=ونفدي مكان سيّرت فيه رجليه[/poem] |
مشاركة جميلة من خالد سعد من الجبيل للفقرة 31....
مشكور يالمرقاب مشكور مشكور انا اشهد ان الشعر فالدين له الدور والملحمة فكرة يشعشع بهالنور هذا كلامٍ مايبي زود تنبيه === دفاعنا عن نسل عدنان واجب مابيننا وبين اصدق الشعر واجب وشلون مانندب حروف النواجب ونسخر الشعر وتدافع قوافيه === والشعر ياشعار عنده رساله واعظم رساله في الرسول ومجاله والله مانرضى الاساءات فاله نغضب ولايكفي الكلام ويوفيه === يامسلمين الوضع ماهو بعادي نبي نحاصرهم حصار اقتصادي ونقاطع اللي يصنعونه عنادي ونصرة رسولٍ مانضيع مباديه === بانت نواياهم وبين حسدهم من دنمارك الحقد واللي بعدهم ماهمنا لو زاد والله عددهم لازم نوقف قلب واحد ونحميه === شوفوا وش اللي صار لما نقاطع بالله يامسلم لكل الندا طع الحقد منهم صار بين وساطع وخطا مثل هذا لايمكن نعديه === وليا وقفنا كلنا قلب واحد ماهمنا حاسد وحاقد وجاحد ياليت دايم نتفق ونتواحد درس الاساءة نبه الناس تنبيه |
رسالة ومشاركة عبر الايميل من الاخت عبير من السعودية..
للفقرة 31 عن الرسول اللي نشر دين ربه نبي ندافع عنه لنّا نحبه عسى الشلل يصيب يد من يسبه حتى يعرف ان الخطا مايسويه == اهل النجاسه ماتخلي النجاسه اللي خطاهم مايحدد مقاسه رسولنا بالشين نرفض مساسه ياللي خطاكم بيناتٍ دواعيه == ماضره اللي يرسمون ويحوكون مؤامرة وهم بلاشك يدرون انه خطا لكنهم يستفزون كل النفوس اللي تحبه وتغليه |
سلام :)
[frame="9 50"] الفقرة (4) نسب الرسول صلى الله عليه و سلم: [poem=font="Arial,5,black,normal,normal" bkcolor="transparent" bkimage="backgrounds/27.gif" border="double,2,red" type=0 line=1 align=center use=ex num="0,black"] * و ان جيت اعدد...في مناسب رسوله= تشهد جميع الناس....على أصوله .=. شجرة وفا....كل الخلايق تقوله= و من لا يقوله....حجته...ما تقديه * ام الرسول ابدا بها...و احترمها=هي آمنه ...هي بنت وهب ...و كرمها .=. على البشر...يوم الخلايق خدمها= و ابوه عبدالله و لا نيب ناسيه * و الجد عبد المطلب...طيب الفال=و ابوه هاشم...جد الاخيار الابطال .=. و هاشم وراه قريش....حماية الجال=و قريش من عدنان..نص العرب فيه ***=*** * ***=*** ذرية اسماعيل و لد ابراهيم =صلى الله و بارك..عليهم بتسليم .=. و عدنان ...ولده مـعـد ..مافيه... توهيم=ثم معد جاب نزار ...ثم مضر قافيه * و الياس ...جا..ثم ..مدركه..ثم خزيمه=ابو كنانه...ثم قريش الكريمه .=. النضر ...كل قريش....لما لميمه= ذريته...و الفضل ...من فضل واليه *[/poem] [/frame] |
مشاركة من احد زوار الموقع وهي بخصوص الفقره
رقم (5): - صفاة الرسول في صغره وشبابه (20) بيت وهي كالتالي : ومن الصغر بانت عليه النبوّه والمعجزات ترافقه في نموّه غير الأمانه والورع والمروّه ما ربّته قريشٍ .. الله مربيه == جاله عن اصناف الملذات شومه يوم اقتحمها جلّ صبيان قومه عن همهم ذاك انشغل في همومه عنده من هموم العلا ما يكفّيه == ينظر بتفكيره الى رب الآنام منكر لما عليه قومه من اوهام ولا سجد لو نصف سجده للاصنام الله من الادناس والرجس حاميه == ورعى الغنم على قراريط مكه يشع له نورٍ معَ كل سكه وباب الملاهي والشهَوات صكه حبله معَ خلاقه أوثق عراويه == وشارك مع قومه ولم يبلغ الحلم مساند المظلوم حربٍ على الظلم يوم اعتدى الفجار في الاشهر الحرْم يا ماجْمل صفاته وما اجمل مباديه .. .. الشاعر : " المسرّي " |
أحب أن أشيد بهذه الفكرة وأقول : دائماً متميز يامرقاب .
مشاركة متواضعه (حجة الوداع ) وعقب فتِح مكه فرض رب الآنام على عباده خامس أركان الإسلام حج لبيت الله بشروط واحــكام فرضٍ على المسلم ولا بد يقضيه وسار النبي وأصحابه من المدينه وأحرم ولبَّى والحرم نصب عينه وطاف وسعى وأكمل به الله دينه فـ الحجة اللي ما بعدها مشاريه وكمل مناسك حجَّه وبلَّغ الناس وشهَّد عليهم من خلق خلقه اجناس ورجاه بالله ما تخالط معه يــاس سبحانه المعبود ما خاب راجيـه حجَّة وداع وسُميت حجة إتمــام فآخر سنة عشر حسب عد الأعوام فيها رضا الخالق لنا دين الإسلام وفيها رسول الله كمـَّـل مساعيه وفيها الصحابه حسَّـوا بقرب موته يوم أعتــلى المنبر ونادى بصوته في خطبةٍ مافيه مسلم تفـــوتـه الله عنَّـا بأكمل الخيـر يجـزيــه |
السلام عليكم ورحمة اللة وبركاتة
وجزاكم اللة خيرا" مشاركتي مع نصرة الرسول صلى اللة علية وسلم يقول يلمسلم الي فيك نخوة وشيمة--وبين القيم لك في سماء المجدقيمة ابغاك في حاجة يامال الغنيمة--لب النداء لاصرت بلذن توحية انصر نبيك واعرف لنصرتة كيف--اما براس الرمح والا شبا السيف والابخطن منة للظلم تخويف--نصر النبي لة عدت اهداف ووجية واكبر هدف في نصرتة بتباعة--ماهيب بس مقاطعة للبضاعة في سنتة يلزمك سمعن وطاعة--ماتدعي حبة وبعدين تعصية هبوعلى الكفار يهل العقيدة--الي هجوخيرالبشر فلجريدة هل البقروهل العقول البليدة--تحارب الاسلام من شان تلغية لكن يخزيها ولي العبادي--ويعزدينة رغم كيد الاعادي واللة يديم الامن على بلادي--الي ترا الاسلام فيها عراوية وسلامتكم اخوكم/زايــد بن ناصـر العتيبي |
الفقره 12
تعرضه صلى الله عليه وسلم واصحابه الى الإيذاء من قبل مشركي مكه ! ! [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] وقريش مكه في آذاهم يزيدون=آذوه بإيديهم وصاروا يقولون عن النبي ساحر وشاعر ومجنون=الله يلعن من يحاول يآذيه في ليلة الهجره تخيب عملهم=هموا بقتله لكن الله خذلهم أعماهم الله بعد خيب أملهم = واللي يريد الرب ينجيه ينجيه واللي تحمل الشوك تبت يداها=في جيدها نارٍ تلظى سناها كانت تحط الشوك في درب طآهآ= وابو لهب بئس الرجل تبت يديه وياكم نعدد غير هاذي وهاذي=من التأذي والاذى والمواذي واللي بربه التجا واستعاذي=من شرهم يتجيه ربه ويحميه وصحابة المبعوث عانوا وعانوا=وكفار مكه ضدهم ما استكانوا ولإنهم بإيمانهم استعانوا=من يخلص الايمان تنجح مساعيه [/poem] |
مشاركة بسيطه للفقره 13
امر بهجرة صحبه الى النجاشي ومشوا جماعه بين راكب وماشي حيثه لهم من فتنة قريش خاشي وجههم لدارٍ ضمن عدل واليه **************** صحابه آفاظل على راس جعفر (ابو المساكين) الشجاع المظفّر لسان للاسلام في كل منفر ماخيّب الله في النجاشي هقاويه ******************* توطنوا عنده على العز والجاه في ظل حاكم هيبة العرش تزهاه هذا هو العدل الحقيقي بمعناه في مثل هذا الوضع تظهر مواريه ******************* وقريش قامت باختلاق الصنيعه سوّت من ارسال الهدايا ذريعه مع عمرو ابن العاص وابن ربيعه جو للنجاشي والاساقف حواليه ********************** واهدوا لكل الحاشيه والاساقف ومن الرضى قاموا بهزّ العناقف وامسوا على الاسلام شيطان واقف من يعدل الشيطان بالكبر والتيه ********************* ومن صبح ثاني يوم صار الملاقا مير النجاشي ماسمع للحماقا حكم لجعفر والاساقف ضياقا وارتدّ وفد قريش خايب لاراضيه |
الفقره (28) ...زوجاته وأولاده...
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] من يوم عاش الين حطّوه فالنعش=تزوّج وكانوا حريمه ثلطّعش ماصابنا شِكة ولا هزّنا رعش=مثل المدارس كل مسلم تربّيه . . (خديجه) و (حفصة) و (زينب) خزيمه=أمّ المساكين العطوف الرحيمه (وعايشه) بنت الكرام السليمه=أحبّ خلق الخالق الرازق اليه . . وردّ (زينب) بنت جحش القريبه=اللي ذكرها الله بقصه عجيبه وبنت ابو سفيان (أمُّ حبيبه)=يوم النجاشي ردّها بين اياديه . . و(جويْريَه) و (وامُّ سَلَمَه) و (سوده)=و(ماريّه القبطيّه) أمّ موَلودْه و(صفيّه) اللي نالها عتق جوده=و(ميمونه) و (ريحانه) آخر مراويه . . أمّا بناته أربع بقمّة القوم=(زينب) (رقيّه) (فاطمه) و(أم كلثوم) وعياله (ابراهيم) و(القاسم).ويوم=الله أراد صغار راحوا من يديه[/poem] |
الفقرة (31) ..
*** الله اكبر فوق روس الطواغيت تعرضوا خير البشر ذايع الصيت نبينا اللي ثبّت الحق تثبيت الطاهر اللي مجد الاسلام بانيه ** من عاون اهل الكفر بالفعل يكفر اللي تحت عمدان الاسلام يحفر ماهو محرّك شي لو كان يظفر ولاهو بقادر.. خيّب الله مساعيه ** نبينا واجب نقاطع عدوّه عدونا بيعكّر الله جوّه توه يشوف الموت بالعين توّه خله عسا حرية الراي تحميه |
السلام عليكم ورحمة الله
اشكر المرقاب على الدعوة ويشرفني ان تكون اول مشاركة لي في هذه الملحمة المباركة ان شاء الله للدفاع عن سيد البشر رسولنا صلى الله عليه وسلم .............. كان الدنمركي على الشر صمد ضد الرسول المصطفى ويتعمد حنا هل الاسلام وامة محمد واللي يوذي صفوة الخلق نذيه === ياللي تشوه صورة المصطفى ليش؟ حنا لنا غيرة على صفوة قريش ولاخير فالدنيا ولا خير فالعيش ان كان مانقدر نعادي معاديه === اقل حاجه مانعامل عدوه اللي يحاول فالصحافه يشوه ونحاربه لن كان يحتاج قوه ونقاطع انتاجه ولاعاد نشريه === عبادة الابقار عباد الاصنام ترسم وتكتب فالصحافه بالاقلام وتقول هذي حربنا ضد الاسلام وحنا حماة الدين والله حاميه .. وسلامتكم |
السلام عليكم
مشاركه متواضعه في الفقره 31 صلى الله وسلم واكرم وبارك على الرسول اللي بنهجه تبارك كل الامم واللي يزل وتدارك نقول له لا باس والوقت تنبيه ,, وان كان جاهل فالجهل له معلم بالحق صلى الله وبارك وسلم سيرة محمد للاوادم تكلم بتعلم الجاهل بجهله وتنبيه واللي يتعمّد بالخطا لا تعمد يشتب حتى يحترق ثم يرمد وماهوب كفوٍ في مقارن محمد والله ثم والله ما عندنا فيه قد قالوا وقالوا وقالوا وقالوا وفي كل عصر و وقت صالوا وجالوا حتى انهم في الوقت الاتلى تتالوا لكن نبي الله ربه مزكيه اللي يبي نصرة نبيه يصلي ويصوم ويزكي ويبعد عن اللي ما يرضي الله في الزمان المولي ويطلب من الله ما يحبه ويعطيه الله خلق خلقه من اجل العباده واللي يجاهد بارك الله جهاده وان مات يستاهل من الله شهاده من العذاب وفتنة القبر تنجيه |
السلام عليكم ورحمة الله وبركاته وقواكم الله يا النشاما الفقرة 31 [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] ولا النبي عنه نذود ونصدي=للكل نعلها جهار وتحدي للشين ودروبه لزوم نحدي=اللي تعرض للنبي لزم نفنيه . هم يحسبون أنا سوات النعامة=من خوفها تلبد وفيها رخامه لا خير فينا دون رفع الكرامة=مليار مسلم لا زم تهب تفديه . يرسم ويرسم ويتهزا علينا=يمكن يضن أنا نهاب وعمينا لو هو تعرض إل حدا والدينا=نقول مسبوه وحكيه يدربيه . لا شك يتعرض لسيد البشر لا=ولا نسامح كل منهو تسلا فالمصطفى خير البشر يستغلا=الله يشل يديه والشوف يعميه[/poem] |
طلعت معي وللمشاركه وبدون تنقيح واللي يبي ينقح أويغير شي فيها المجال مفتوح وبسم جميع الامه الاسلاميه أشكر كل من ساهم في هذا الموضوع وجعله الله في موازين حسناته اللهم امين
ياأهل البقر تخسون عن رسم سيدي الحر اهو وانتم شعوب العبيدي صحيح مامنكم عقول (ن) تجيدي يامعشرالكفارعيب الحكي فيه هذي حماقه لاحقتها لقافه ماهي صحافه هذي اكبر سخافه جنون فالثيران لاحف لحافه شعب الكفر ودك بجزمتك تعطيه هذارسول الله سبحان ربي اللي زرع فيناخصايل تحبي مافيه لازله ولافيه سلبي كل الكلام الزين فدوه لرجليه اللي تعذر مانبي منه عذره ووجيهكم ياأهل البقر حيل وذره مافيكم اللي لانذر عند نذره شعب(ن)بلا ذمه وضيع مباديه ياأهل الزناوأهل الخمر والمعاصي حريّمكم عند الطبل والرقاصي وأصغر ولدفيكم طلع ورع عاصي وكم واحد(ن) في بيت جاره يربيه أعتذر على القصور ان حصل وبارك الله جهودكم وأن جد معي شي لي عوده تحياتي للجميع |
| جميع الأوقات بتوقيت GMT +3. الساعة الآن 04:43 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية