اقتباس:
ماحنيت الا الكوامري :grazy: برايف لبوحمد ياخوي اتذكر لي طعاااات ولاجيت عند الكيبورد نسيت ليه ياخووي :wiggle2: << حياته كلها طعات :rolleyes: |
اقتباس:
. هههههههههههههههههههههههههه هههههههههههههههههههههه هههههههههههههههه هههههههههه ههههه |
مره من المرااات عزمني واحدً من الربع جايينه ضيفان ومسويً واجبهم المهم اني مبطيً منهم كلهم المعزب والضيفان وقصراه اللي عنده
مالكم في الطويله قلطت عليهم لا المجلس مصّتك السلام عليكم قالوا عليكم السلام قال المعزب اررحب قلت سلّمه سلمت عليهم واحد واحد ويوم خلصت سلامي عليهم قال ذاك الواحد عيار تعال تعال عندي يابو صالح المركى اللي في جنبه فاضي جلست عنده وانا والله اني كارهً قربه المهم جلست وتخبرون التحفاي في المجلس وش حالك يابو صالح قال ذاك وش حالك يابو صالح وشحال الربع وانا وش حالك يافلان وش حالك يابو فلان الله الله المهم سكّتوا وانا اسولف انا ورفيدزي اللي جلست جنبه ومع هدوء الصجّه وسوالفي مع اللي في جنبي قال واحد بعيدن عني شوي ( هلا عبدالله كيف حالك ) قلت بخير الله يعافيك والّتفت لامهوب صوبي اثره ميد واحدً داق عليه جوال اسمه عبدالله :( ها هم دورني ماعاد تلقاني ويقوم يضحك رفيقي اللي في جنبي ضحكةً زادة الطين بلّه الله لايعيده هو وراعي الجوال ومعزبهم معهم ولكن من حسن حظي دق علي واحد وقتها ورديت عليه وحاولت اني اطوّل معه شوي واضيّع الطعّه واشوى اللي عندي بعد راحولهم مع سالفه ونسو طعّتي :) وسلامتكم :( :( :( |
(( اما طعة اللي يدورون السيارات يا مشعان ما عليها كلام
اضحكتني لين قلت بس والطعات كلها رائعة والزينة الأخيرة يا ابن قنيص متابع .. اخوكم ابو نايف |
^
^ (( ابونايف )) الحمد لله على السلامه .. (( المتابعه )) أمر مفروغ منه اللي نبيه (( المشاركه )) .. لاتأأأأأأخر ياصديقي .. !! :) |
8
8 8 كنّي اعرفه :) هههههههههههههههههههه عزالله انك ابو الطعات .. يامشعانوه :) يازين مواضيعك يابو حمد .. عزالله ان فيها روح غير كل المواضيع اللي مافيها روح وان بغيت اروح ارجع مااقدر روح ... اقول لك شي رووووووووح ياشيخ ربنا يوفأك .. تحيتي |
باك مع طعة من الزمن القديم!
، هذا واحد من الجماعه مشهور بإنه ( يغوى) يبي الزينة ويخطيها ، كان قبل 15 سنه تقريباً له حلالٍ في البر ولاهوب يجي البلاد الا في السنه حسنه ، المهم مرّه طرقيّة وتقهووا وعيّنوا من الله خير وبغاهم للعشاء وعيّوا ولزم عليهم وقالوا نبي نمشي قبل الليل ( قدهم قبل المغرب) ، قال طالبكم تطيعوني للعشاء ولا منكم تعشيتوا فإسروا الله يسري عليكم :) ، يبي يقول الله يستر عليكم :) المراد إنهم ما طاعوه وسرى الله عليهم وغدوا وغرزوا وجا عليهم ليلٍ أقشر! ، وعفاك |
موقف ذكرني فيه أبو محارب عن رحلة الكويت 00 واحد من الشباب ، سافر للكويت عن طريق البر 00 أول مرة بحياته يسافر 00 المهم وهو عند المنفذ الكويتي ، الموظف المختص يقول له عطني دفتر السيارة ، والمقصود طبعا الاستمارة ، لكن أخونا ما كذب خبر : فتح الدرج وناوله الكتالوج وقال له -- بكل ثقة -- سم! |
ويستمر مسلسل الطعّات المرقابي...
|
:)
|
:
: فيه واحد اعرفه من يوم كنا صغار .. !! <-- قبل (( 80 )) سنه تقريباً أن كان ماني واهم .. !! المهم الرجال معرفتي به سطحيه .. لأننا تجمعنا (( المدرسه )) وتفرقنا (( الحاره )) .. دارت الدنيا .. وقابلته بعد فتره .. وعرفته .. وبالصدفه كان معي واحد من (( اصدقاء ماقبل التاريخ )) .. ومن فرحتي فيه ناديته يا ........... يا ........... !! الرجال ألتفت وعرفني وجاء وسلّم وخاطره شين .. وبعد ما مشى .. ألتفت للكائن القديم اللي معي عشان اسأله .. واستغربت أني لقيته غارق في (( الضحك )) .. قلت وش يضحكك .. ؟؟ جتني في خشمك اللي كنه (( مطرقه )) مالها سندان .. قال : ياخوي انت تنادي الرجال من اليوم بـ (( عيرته )) .. !! عندها ..برد وجهي وقلت : ماتبي سندان لـ (( خشمك )) .. ؟؟ لقطّت وجهي وأحتسيت كوباً من الشاي وجلست أتلفت .. teeth: |
اقتباس:
هههههههههههههه والله مدري اضحك من السالفه والا من طريقة روايتها المهم انك (( طعه )) براسك يابن شيبون |
هذي طعه عسى ان تليق بمستوى طعاتكم وتلقى لها محل ..
هذا واحد من الجماعه رجال مخضرم عاش العصر الجاهلي والحديث :) ومازال متحجر الفكر ولا يقبل اي نقد ايآ كان صحته !! المهم الرجال راح المكه والظاهر اول مره ومعه اخوه اصغر منه وفاهم ودارس وبين هم بالطريق بين مكه وجده توقفوا لأداء الصلاه فـ أذا بأهل الخير وقفوا بجانبهم لصلاة الجماعه وبما ان اخونا المخضرم اكبر سنه وشكله متدين وراعي دين قدمووه لـ يصلي بهم !! الرجال جاء بيقيم وهو يوجه غرب !! قالوا يافلان القبله هـ الجهه !! قال يالربع الشمس غربت منا !! قالوا بس حنا قبلتنا لمكه ماهيب لغروب الشمس وهو يتشيط غضبآ قال انا من عرفت العلم اصلي قبله تبون تصلون والا لكم دينكم ولي دين فما كان من اخوه الا ان تفشل .. واقام الصلاه وصلى للقبله الصحيحه .. ومااقتنع اخينا المخضرم الا بعد ان وصل مكه ونشد شيخ :) |
تذكرت
:) هذا واحد عجل , على قولتهم سبوق ينثر الغبوق سارح وراء حلاله المهم واحد من شيبانهم غادي له ناقة غالية عنده بالحيل واغلى ابله وله مدة يدورها وحاط عليها عرقة ( جايزة ) للي بيلقاها المهم اخونا العجل سارح وراء حلاله ولقاها ولاصدق على الله قال ابي الحق الرجال اخذ العرقة قبل لايسبقني احد خابر غلاها عند شايبه ودخله الطمع الله ياكافي :) المهم راح له وطاااير بالسيارة يبي يلحق عليه راح للعزبة وقالوا سارح وراء ابله وراح الرجال طاااير بيلحقه المهم اقبل على الرجال وهو طاير وسيارته مسموح حااالها مالكم بالطويلة على مايقولون ونحر الرجال يوم اقبل عليه اكرررررررس فرمل مايمك فرمل وخر يمين يسار هنا ماله عن راعي الناقة وهو يكمخه بالموتر ودررررررررررربج << صوت الصدمة :) وهو يطلع راسه قال يافلان ابشرك لقيت الناقة لكن الشايب دخل المستشفى وخذا اسبوعين طايح مايدري عن العرب ولسان حاله يقول " الله لايعوود الناقة " :) |
^
^ يا فارس ابشرك لقيت الناقه هههههههههههههههههههههههههههههههه الله يسعد قلبك على هـ الصبحية يابو فهيد |
:
: محمد بن حميد : ههههههههههههههههههههه هذا والله الشايب (( العرد )) سلوكياً .. !! ناصر آل صامل : ههههههههههههههههههههه اجل أبشرررك لقيت (( الناقه )) .. !! هذا تجسيد لـ (( المطفوق )) في ابهى صوره .. تعال أنت تقول (( فلان )) .. ومحمد السبيعي يقول (( فارس )) وش السالفه ..؟؟ لاتكون أنت سترته ومحمد (( كب العشا )) .. ؟؟ :wiggle2: |
ههههههههههههههههههههه
هههههههههههههههههههههههههههههههههه والله الطعاة واجد هذا واحدن يكلم مديره واول مره يكلمه يوم انتهت المكالمه يشكره على انجاز الموضوع وجة الطعة هنيا قاله الله يهينك ولايطول عمرك ( الله لايهينك ويطول عمرك ) |
هذا واحد راعي طعات من صغره ..
المهم .. ذبحوا له جماعته ذبيحه وعشوه في ((خيمة)) في البر تقدر تقول استراحه .. طبعاً الرجال اول مره يعزم ويذبح له .. :) قلطوه على عشاه و كان الصحن في جمب عمود الخيمه .. وصار مكانه على الصحن تحت عمود الخيمه وفوق راسه السراج معلق على العمود .. و الرجال من يوم جلس على عشاه وهو (( يفكّر )) كيف (( يشكّر )).. ووش يبا يقول .. :) قرر الرجال وش يبا يقول وعزم انه يقوم ويقولها .. قام بغيثان بسرعه وقبل يقول التشكيره ليا السراج محوّلن في الصحن وفاضخٍ راس واحدن من الشياب وخاثع ٍ في الاخر وارثع فيهم واظهر من عشاه ولاشافوه لهالحين .. :) |
هههههههههههههههههههههههههههههههههه الله يسعدكم
الطعات واجد واجد واجد خذ عندك الشايب الله يغفر له ويطول عمره ,, كان يركز على العمره في رمضان ودائم ناخذها قبل الظهر في العشر الاواخر , ومن الامور المضحكه اني ياما اخذت عمره بسرويلي هههههه والطعه في انه كان يكرفنا انا واميتي وورعانه الباقين( 14 ) شوط فالسعي هذا الكلام ايام المتوسطه <<< متعلم لكن مبدوول هههههه عاد تصدقون ماانتبهت الا في الثانويه وبالقوه اقنعت شايبي وعرفت سبب شربي بالدس كل ما اخذنا عمره بخلاف اني دبا ههههههههههههه |
ههههههههههههههههههه اما عاد اربع طعش شوط
الله يجزاه خير يهب يا غلاب اثرك جريه من يومك صغير :) |
*********
ماعندي ولا طعه ************* |
أبو حمد .. وين طعة الولد الصغير .. مع أبوه
ههههههههههههههههههه ههههههههههههه هههههههه لا تبطي علينا ابها :) |
| جميع الأوقات بتوقيت GMT +3. الساعة الآن 07:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية