منتديات المرقاب الأدبية - عذر الدجاجه مالها مخلب ولا تملك سنون

حلفت بعد اليوم مامـدح فـي قصيـدي مـن يكـون
الا الشجـاع اللـي يدافـع عـن فلسطيـن امدحـه
دام العـرب يمسـون فـي ذل وهـوان ويصبحـون
الواجب ارجـع للقصيـد اللـي مضالـي وامسحـه
كل يوم سيل الـدم يسقـي المشمشـه والزيزفـون
مات البلح بامه وصاح الجـذع مـن مـوت ابلحـه
ماكل خلـق الله بسـوق اهـل المراجـل يربحـون
ومـن لا يحسّـب للخسـاره مـا يحسّـب مربحـه
دمعة رجل 00 دمعة طفل 00 من كل صنف وكل لون
والثوب يستر راقصه 00 والشيـخ بشتـه يفضحـه
ما شفتو اللي صار في غزه يامل فضـخ العيـون ؟ !
والقدس تصرخ 00 والقصور قبور00 والدور أضرحه
عـذر الدجاجـه مالهـا مخلـب ولا تملـك سنـون
مير البلا وش عذر جيش الـذل وعـذر الاسلحـه ؟!
ظهـر الرجـل مايكسـره غيـر الطلايـب والديـون
لا والله الـلـي يكسرالـرجـال كـثـر الدلـبـحـه
يـوم الهدانـي مالقـى لبضاعتـه عنـدي زبــون
دمه جمـد 00ماعـاد ينـزف لـو بخنجـر تذبحـه
حتـى مربيـن البقـر يتمصـخـرون ويرسـمـون
يكـرم نبـي الله عـن الكفـار ويـكـرم مشلـحـه
ما يـردع المجـرم شجـب فاضـي ولا تستنكـرون
هجرس مثـل سرحـان وكـب البحبحـه والنحنحـه
واشوف ناس ٍ يحصدون الـزرع وهـم مايزرعـون
والساقـط اللـي مـا درس سبحـان منهـو نجّحـه
والصمت ماهو من ذهب00 يـا لابتـي لا تسكتـون
والحـر كانـه مـا كفـخ مالـه ومـال الأجنـحـه
لايكشـخ الحـر النـداوي بالجـنـاح وبالمـتـون
مـادام حتـى فنـدق البطحـا كشـخ لـه باجنحـه
نشكي وقاضي المحكمه يشكي مـع اللـي يشتكـون
تسـاوت العربـان راع الـنـاي وراع المسبـحـه
تلقح وتلـد حوارهـا 00 والبـدو بـدو ويعرفـون
مير البلا نـوق العـرب كـل يـوم حبلـى ولقحـه
هذا وانـا شاعـر ولـد شاعـر وغيـري لا يهـون
ذيـب المعانـي يعـوي برجـم القوافـي واطرحـه
فعلا على راي المثل 00 والشعر ضرب من الجنـون
وجيوش فكري ممسيـات ٍ (ن ) بالعـرب ومصبّحـه
شنقـت راس الـذل وارسلتـه إلـى قبـر المجـون
واقمـت حفلـة شعـري الشامـخ بقلـب المذبحـه
مامـات خالـد بالحرايـب والضرايـب والطـعـون
سيف الله المسلـول خالـد مـات فـوق المطرحـه
ماجيت ابكتب شعر فاضـي فـي كحيـلات الجفـون
بالعمـر هـذا مالـي فبعـض السوالـف مصلحـه