الابداع ماهو غريب منك


بيض الله وجهك

هذي وصفه طبيه للعاشق


صح لسانك


تحياتي

العلاقـه صايـرن فيهـا فـتـور = وضعها ماهو علـى ماهـو يـرام

وضعها صامت مثل صمت القبور = ولونها موحش مثل لـون الظـلام

هو جفاء ياصاحبـي والا غـرور = طالت المدة وانـا اشواقـي حيـام

تعبت اشواقي على قلبـك تـدور = وانـت ماحسستهـا بـأي اهتمـام

كل ماابحث في مراسيل الشعـور = يطلـع التقريـر قيـد الأسـتـلام

ليـه ماتفتـح لهـا منفـذ عبـور = هو كذا تستقبل اضيـوف الغـرام

ماعلى حبـي ولا حبـك قصـور = لكن انت اوحيـت نقـال الكـلام

ورحت للفرقا ومديـت الجسـور = وفي نفود الهجـر بنِِّيـت الخيـام

وصارت الدعوى مثل سيلك حدور = وطارت اشواقك مع اسراب الحمام

ماالتفـت لخافقـن دمـه يـفـور = والمشاعـر جالهـا فيـه احتـدام

كاتمـن آهاتـه بوسـط الصـدور = ومخفين حزنه عن عيـون الأنـام

ودام حتى الخل في خلـه يبـور = قل على الدنيـا واهاليهـا السـلام

ورح كذا بشويش مـالازم تجـور = لاتمشيهـا علـى عكـس النظـام

لكن اسمعني ترا ماانـت امعـذور = لك من اشواقي مشاريـه ومـلااام

ايه اجل يعقل لها تسعـة شهـور = وهي على هالحال قيـد الأستـلام

مشعل بن عبدالله


ياسلالالالام عليك



عزالله قصيده فيها احساس وروح صح لسانك ملالالالايين ..



لك فائق احترامي وتقديري ...!!

شكراً للشاعر القدير مشعل بن عبدالله بن عون
على هذي القصيده الرائعه وقصيده جزله من شاعر جزل ومتخرج من مدرسه شعريه
والده العلم عبد الله بن عون
حفظ الله الجميع من كل مكروه

الله الله

صح لسانك مدد والله
وشهرك مبارك