لايزال انهمار المشاركات مستمر من الاخوة زوار الموقع للمشاركة في ملحمة الدفاع عن الرسول صلى الله عليه وسلم
هذه مشاركة وصلتنا من سعد الهذلي من الطائف... للفقرة 31 [poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يامسلمين اللي تحبون طه=ياللي تعبدون الكريم الاله هبو على الدنمرك واللي وراها=ثم قاطعوهم ماتبي السالفه ليه؟!! === دفاعنا واجب وشيٍ اساسي=ولاهي غريبه لو يزود الحماسي نشعر بحبه في جميع الحواسي=وشلون مانفديه ونقول لبيه === لابارك الله في دعاة التحرر=اللي بقانون الصحافه تقرر واللي بمثل الرسم هذا تكرر=يكرم رسول الله عن كل تشبيه === نفديه بأغلا الناس والمال والروح=اللي جعل درب اهل الحق مفتوح أدى وبلغ لاهل الارض بوضوح=حتى عرف كلٍ يحقق أمانيه === على رسول الله نصلي ونسلم=ومن نهج مسلكه القويم نتعلم نركع ونسجد ونغزي ونتولم=نرقى مراقيبه ونغزي مغازيه === واللي يحاول مسه بشي مالاق=عساه في النار يتعذب بالاحراق جزاه من ربٍ للآنام خلاق=سبحانه المعبود مفني ملاديه === ياشعب ياللي منكم اللي تعدا=اللي برسمه للجموع يتحدى دون النبي كلٍ بنفسه تفدى=اللي على الارض اشعل النور نفديه === البانكم واجبانكم مانبيها=وكل البضايع قد سحبنا عليها سواتكم مافيه عاقل رضيها=اللي معه عقلٍ وعينٍ تقديه === رسولنا معصوم عن كل زله=نبع الوفا والجود والطهر كله والله مانرضى لعرضه مذله=زكاه ربه والاوادم تزكيه[/poem] |
السلام عليكم ورحمة الله وبركاته
مهما دافعة امة الاسلام عنه صلى الله عليه وسلم فلن توفيه حقه. الحقيقة القصور حاصل لكن العتب على النظر لكن مثل قال ابو عتيق كلها كملوها النشاما مالها الا ال 700 يعني المشاركة رقم رقم (31) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياعابدين الكلب والنار والثور=رسماتكم واعلامكم كلها زور ماتعرفون الحق والصدق والنور=عبّادة الاوثان والحق تخطية عليكم من الله ماتستحقون=لابد من يوم به الناس يدرون الله لمنه قال له كن فيكون=اللي نصر عبده على اللي يعاديه اللي نصر موسى على الظلم والشرك =واللي نصر غيره على الروم والترك ينصر رسول الله على اهل الدنمرك= والحق ماشي يغطه ويخفيه اشرف بشر واطهر بشرخلق عالارض=محبته عند امته طاعة وفرض بارواحنا نفديه والمال والعرض=كلن يبا يفديه بامه وبا ابيه ان ما وقفنا وقفة ارجال وابطال=ولا فلا فينا من الدين مثقال اشرف بشر نفديه بالحال والمال=ونفدي مكان سيّرت فيه رجليه[/poem] |
مشاركة جميلة من خالد سعد من الجبيل للفقرة 31....
مشكور يالمرقاب مشكور مشكور انا اشهد ان الشعر فالدين له الدور والملحمة فكرة يشعشع بهالنور هذا كلامٍ مايبي زود تنبيه === دفاعنا عن نسل عدنان واجب مابيننا وبين اصدق الشعر واجب وشلون مانندب حروف النواجب ونسخر الشعر وتدافع قوافيه === والشعر ياشعار عنده رساله واعظم رساله في الرسول ومجاله والله مانرضى الاساءات فاله نغضب ولايكفي الكلام ويوفيه === يامسلمين الوضع ماهو بعادي نبي نحاصرهم حصار اقتصادي ونقاطع اللي يصنعونه عنادي ونصرة رسولٍ مانضيع مباديه === بانت نواياهم وبين حسدهم من دنمارك الحقد واللي بعدهم ماهمنا لو زاد والله عددهم لازم نوقف قلب واحد ونحميه === شوفوا وش اللي صار لما نقاطع بالله يامسلم لكل الندا طع الحقد منهم صار بين وساطع وخطا مثل هذا لايمكن نعديه === وليا وقفنا كلنا قلب واحد ماهمنا حاسد وحاقد وجاحد ياليت دايم نتفق ونتواحد درس الاساءة نبه الناس تنبيه |
رسالة ومشاركة عبر الايميل من الاخت عبير من السعودية..
للفقرة 31 عن الرسول اللي نشر دين ربه نبي ندافع عنه لنّا نحبه عسى الشلل يصيب يد من يسبه حتى يعرف ان الخطا مايسويه == اهل النجاسه ماتخلي النجاسه اللي خطاهم مايحدد مقاسه رسولنا بالشين نرفض مساسه ياللي خطاكم بيناتٍ دواعيه == ماضره اللي يرسمون ويحوكون مؤامرة وهم بلاشك يدرون انه خطا لكنهم يستفزون كل النفوس اللي تحبه وتغليه |
سلام :)
[frame="9 50"] الفقرة (4) نسب الرسول صلى الله عليه و سلم: [poem=font="Arial,5,black,normal,normal" bkcolor="transparent" bkimage="backgrounds/27.gif" border="double,2,red" type=0 line=1 align=center use=ex num="0,black"] * و ان جيت اعدد...في مناسب رسوله= تشهد جميع الناس....على أصوله .=. شجرة وفا....كل الخلايق تقوله= و من لا يقوله....حجته...ما تقديه * ام الرسول ابدا بها...و احترمها=هي آمنه ...هي بنت وهب ...و كرمها .=. على البشر...يوم الخلايق خدمها= و ابوه عبدالله و لا نيب ناسيه * و الجد عبد المطلب...طيب الفال=و ابوه هاشم...جد الاخيار الابطال .=. و هاشم وراه قريش....حماية الجال=و قريش من عدنان..نص العرب فيه ***=*** * ***=*** ذرية اسماعيل و لد ابراهيم =صلى الله و بارك..عليهم بتسليم .=. و عدنان ...ولده مـعـد ..مافيه... توهيم=ثم معد جاب نزار ...ثم مضر قافيه * و الياس ...جا..ثم ..مدركه..ثم خزيمه=ابو كنانه...ثم قريش الكريمه .=. النضر ...كل قريش....لما لميمه= ذريته...و الفضل ...من فضل واليه *[/poem] [/frame] |
مشاركة من احد زوار الموقع وهي بخصوص الفقره
رقم (5): - صفاة الرسول في صغره وشبابه (20) بيت وهي كالتالي : ومن الصغر بانت عليه النبوّه والمعجزات ترافقه في نموّه غير الأمانه والورع والمروّه ما ربّته قريشٍ .. الله مربيه == جاله عن اصناف الملذات شومه يوم اقتحمها جلّ صبيان قومه عن همهم ذاك انشغل في همومه عنده من هموم العلا ما يكفّيه == ينظر بتفكيره الى رب الآنام منكر لما عليه قومه من اوهام ولا سجد لو نصف سجده للاصنام الله من الادناس والرجس حاميه == ورعى الغنم على قراريط مكه يشع له نورٍ معَ كل سكه وباب الملاهي والشهَوات صكه حبله معَ خلاقه أوثق عراويه == وشارك مع قومه ولم يبلغ الحلم مساند المظلوم حربٍ على الظلم يوم اعتدى الفجار في الاشهر الحرْم يا ماجْمل صفاته وما اجمل مباديه .. .. الشاعر : " المسرّي " |
أحب أن أشيد بهذه الفكرة وأقول : دائماً متميز يامرقاب .
مشاركة متواضعه (حجة الوداع ) وعقب فتِح مكه فرض رب الآنام على عباده خامس أركان الإسلام حج لبيت الله بشروط واحــكام فرضٍ على المسلم ولا بد يقضيه وسار النبي وأصحابه من المدينه وأحرم ولبَّى والحرم نصب عينه وطاف وسعى وأكمل به الله دينه فـ الحجة اللي ما بعدها مشاريه وكمل مناسك حجَّه وبلَّغ الناس وشهَّد عليهم من خلق خلقه اجناس ورجاه بالله ما تخالط معه يــاس سبحانه المعبود ما خاب راجيـه حجَّة وداع وسُميت حجة إتمــام فآخر سنة عشر حسب عد الأعوام فيها رضا الخالق لنا دين الإسلام وفيها رسول الله كمـَّـل مساعيه وفيها الصحابه حسَّـوا بقرب موته يوم أعتــلى المنبر ونادى بصوته في خطبةٍ مافيه مسلم تفـــوتـه الله عنَّـا بأكمل الخيـر يجـزيــه |
السلام عليكم ورحمة اللة وبركاتة
وجزاكم اللة خيرا" مشاركتي مع نصرة الرسول صلى اللة علية وسلم يقول يلمسلم الي فيك نخوة وشيمة--وبين القيم لك في سماء المجدقيمة ابغاك في حاجة يامال الغنيمة--لب النداء لاصرت بلذن توحية انصر نبيك واعرف لنصرتة كيف--اما براس الرمح والا شبا السيف والابخطن منة للظلم تخويف--نصر النبي لة عدت اهداف ووجية واكبر هدف في نصرتة بتباعة--ماهيب بس مقاطعة للبضاعة في سنتة يلزمك سمعن وطاعة--ماتدعي حبة وبعدين تعصية هبوعلى الكفار يهل العقيدة--الي هجوخيرالبشر فلجريدة هل البقروهل العقول البليدة--تحارب الاسلام من شان تلغية لكن يخزيها ولي العبادي--ويعزدينة رغم كيد الاعادي واللة يديم الامن على بلادي--الي ترا الاسلام فيها عراوية وسلامتكم اخوكم/زايــد بن ناصـر العتيبي |
الفقره 12
تعرضه صلى الله عليه وسلم واصحابه الى الإيذاء من قبل مشركي مكه ! ! [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] وقريش مكه في آذاهم يزيدون=آذوه بإيديهم وصاروا يقولون عن النبي ساحر وشاعر ومجنون=الله يلعن من يحاول يآذيه في ليلة الهجره تخيب عملهم=هموا بقتله لكن الله خذلهم أعماهم الله بعد خيب أملهم = واللي يريد الرب ينجيه ينجيه واللي تحمل الشوك تبت يداها=في جيدها نارٍ تلظى سناها كانت تحط الشوك في درب طآهآ= وابو لهب بئس الرجل تبت يديه وياكم نعدد غير هاذي وهاذي=من التأذي والاذى والمواذي واللي بربه التجا واستعاذي=من شرهم يتجيه ربه ويحميه وصحابة المبعوث عانوا وعانوا=وكفار مكه ضدهم ما استكانوا ولإنهم بإيمانهم استعانوا=من يخلص الايمان تنجح مساعيه [/poem] |
مشاركة بسيطه للفقره 13
امر بهجرة صحبه الى النجاشي ومشوا جماعه بين راكب وماشي حيثه لهم من فتنة قريش خاشي وجههم لدارٍ ضمن عدل واليه **************** صحابه آفاظل على راس جعفر (ابو المساكين) الشجاع المظفّر لسان للاسلام في كل منفر ماخيّب الله في النجاشي هقاويه ******************* توطنوا عنده على العز والجاه في ظل حاكم هيبة العرش تزهاه هذا هو العدل الحقيقي بمعناه في مثل هذا الوضع تظهر مواريه ******************* وقريش قامت باختلاق الصنيعه سوّت من ارسال الهدايا ذريعه مع عمرو ابن العاص وابن ربيعه جو للنجاشي والاساقف حواليه ********************** واهدوا لكل الحاشيه والاساقف ومن الرضى قاموا بهزّ العناقف وامسوا على الاسلام شيطان واقف من يعدل الشيطان بالكبر والتيه ********************* ومن صبح ثاني يوم صار الملاقا مير النجاشي ماسمع للحماقا حكم لجعفر والاساقف ضياقا وارتدّ وفد قريش خايب لاراضيه |
الفقره (28) ...زوجاته وأولاده...
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] من يوم عاش الين حطّوه فالنعش=تزوّج وكانوا حريمه ثلطّعش ماصابنا شِكة ولا هزّنا رعش=مثل المدارس كل مسلم تربّيه . . (خديجه) و (حفصة) و (زينب) خزيمه=أمّ المساكين العطوف الرحيمه (وعايشه) بنت الكرام السليمه=أحبّ خلق الخالق الرازق اليه . . وردّ (زينب) بنت جحش القريبه=اللي ذكرها الله بقصه عجيبه وبنت ابو سفيان (أمُّ حبيبه)=يوم النجاشي ردّها بين اياديه . . و(جويْريَه) و (وامُّ سَلَمَه) و (سوده)=و(ماريّه القبطيّه) أمّ موَلودْه و(صفيّه) اللي نالها عتق جوده=و(ميمونه) و (ريحانه) آخر مراويه . . أمّا بناته أربع بقمّة القوم=(زينب) (رقيّه) (فاطمه) و(أم كلثوم) وعياله (ابراهيم) و(القاسم).ويوم=الله أراد صغار راحوا من يديه[/poem] |
الفقرة (31) ..
*** الله اكبر فوق روس الطواغيت تعرضوا خير البشر ذايع الصيت نبينا اللي ثبّت الحق تثبيت الطاهر اللي مجد الاسلام بانيه ** من عاون اهل الكفر بالفعل يكفر اللي تحت عمدان الاسلام يحفر ماهو محرّك شي لو كان يظفر ولاهو بقادر.. خيّب الله مساعيه ** نبينا واجب نقاطع عدوّه عدونا بيعكّر الله جوّه توه يشوف الموت بالعين توّه خله عسا حرية الراي تحميه |
السلام عليكم ورحمة الله
اشكر المرقاب على الدعوة ويشرفني ان تكون اول مشاركة لي في هذه الملحمة المباركة ان شاء الله للدفاع عن سيد البشر رسولنا صلى الله عليه وسلم .............. كان الدنمركي على الشر صمد ضد الرسول المصطفى ويتعمد حنا هل الاسلام وامة محمد واللي يوذي صفوة الخلق نذيه === ياللي تشوه صورة المصطفى ليش؟ حنا لنا غيرة على صفوة قريش ولاخير فالدنيا ولا خير فالعيش ان كان مانقدر نعادي معاديه === اقل حاجه مانعامل عدوه اللي يحاول فالصحافه يشوه ونحاربه لن كان يحتاج قوه ونقاطع انتاجه ولاعاد نشريه === عبادة الابقار عباد الاصنام ترسم وتكتب فالصحافه بالاقلام وتقول هذي حربنا ضد الاسلام وحنا حماة الدين والله حاميه .. وسلامتكم |
السلام عليكم
مشاركه متواضعه في الفقره 31 صلى الله وسلم واكرم وبارك على الرسول اللي بنهجه تبارك كل الامم واللي يزل وتدارك نقول له لا باس والوقت تنبيه ,, وان كان جاهل فالجهل له معلم بالحق صلى الله وبارك وسلم سيرة محمد للاوادم تكلم بتعلم الجاهل بجهله وتنبيه واللي يتعمّد بالخطا لا تعمد يشتب حتى يحترق ثم يرمد وماهوب كفوٍ في مقارن محمد والله ثم والله ما عندنا فيه قد قالوا وقالوا وقالوا وقالوا وفي كل عصر و وقت صالوا وجالوا حتى انهم في الوقت الاتلى تتالوا لكن نبي الله ربه مزكيه اللي يبي نصرة نبيه يصلي ويصوم ويزكي ويبعد عن اللي ما يرضي الله في الزمان المولي ويطلب من الله ما يحبه ويعطيه الله خلق خلقه من اجل العباده واللي يجاهد بارك الله جهاده وان مات يستاهل من الله شهاده من العذاب وفتنة القبر تنجيه |
السلام عليكم ورحمة الله وبركاته وقواكم الله يا النشاما الفقرة 31 [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] ولا النبي عنه نذود ونصدي=للكل نعلها جهار وتحدي للشين ودروبه لزوم نحدي=اللي تعرض للنبي لزم نفنيه . هم يحسبون أنا سوات النعامة=من خوفها تلبد وفيها رخامه لا خير فينا دون رفع الكرامة=مليار مسلم لا زم تهب تفديه . يرسم ويرسم ويتهزا علينا=يمكن يضن أنا نهاب وعمينا لو هو تعرض إل حدا والدينا=نقول مسبوه وحكيه يدربيه . لا شك يتعرض لسيد البشر لا=ولا نسامح كل منهو تسلا فالمصطفى خير البشر يستغلا=الله يشل يديه والشوف يعميه[/poem] |
طلعت معي وللمشاركه وبدون تنقيح واللي يبي ينقح أويغير شي فيها المجال مفتوح وبسم جميع الامه الاسلاميه أشكر كل من ساهم في هذا الموضوع وجعله الله في موازين حسناته اللهم امين
ياأهل البقر تخسون عن رسم سيدي الحر اهو وانتم شعوب العبيدي صحيح مامنكم عقول (ن) تجيدي يامعشرالكفارعيب الحكي فيه هذي حماقه لاحقتها لقافه ماهي صحافه هذي اكبر سخافه جنون فالثيران لاحف لحافه شعب الكفر ودك بجزمتك تعطيه هذارسول الله سبحان ربي اللي زرع فيناخصايل تحبي مافيه لازله ولافيه سلبي كل الكلام الزين فدوه لرجليه اللي تعذر مانبي منه عذره ووجيهكم ياأهل البقر حيل وذره مافيكم اللي لانذر عند نذره شعب(ن)بلا ذمه وضيع مباديه ياأهل الزناوأهل الخمر والمعاصي حريّمكم عند الطبل والرقاصي وأصغر ولدفيكم طلع ورع عاصي وكم واحد(ن) في بيت جاره يربيه أعتذر على القصور ان حصل وبارك الله جهودكم وأن جد معي شي لي عوده تحياتي للجميع |
فداك عرضي والنسب والقبيلة
من دون عرضك يارسول الفضيلة ياداعيٍ للحق ْوضد الرذيلة رسولنا ندقم خشم من يعاديه ضد الكفر واهله نوقف طوابير ماننثني مثل الجبال المشاهير الذل لعيال القرود الخنازير والعز للي طاع ربه ومرضيه حنا حماة الدين يااهل الكباير ناقف سوا في وجه عُمي البصاير نطلب الاهٍ عالمٍ بالسراير نصره وذل المعتدي هو واهاليه دون الرسول نقوم قومة رجاجيل ماهي هروجٍ فاضيات واقاويل ناطى على من كثر القال والقيل ومن لا تربى لازم انّا نربيه هذا رسول الله وحنا له اتباع نضرب بحد مصقل السيف بتاع نضرب ولا نخشى الردي قاصر الباع لى قامت الهيه فلابد نرديه ندقم خشم من وزعوا للتصاوير بالسيف والا المال والا التعابير وانتو خباثٍ حقكم بالسواطير يجز واحدكم بعد قطع اياديه ياللي رسمتوا بالمعاني جهلتوا وبفعلكم هذا حشى مافلحتوا العيب فيكم يالرخم لو جحدتوا كلٍ معبي بالمعاصي مخابيه لا ما عرفتوا الطيب هو وين مجناه الكل منكم ناقلٍ داه برداه تلهث على درب المعاصي مطاياه على دروب الشين تركض مواطيه من مثلكم ناقص علومه رديّه ضايع في وسط المعصيه والزريّه على دروبٍ عوج ماهي سويّه يقودكم شر المخاليق للتيه شلة رخومٍ ماتعرف المبادي تسخر من اطهر واحدٍ فالعبادي يالعنبوهم حان وقت الجهادي من مثلهم واجب من الكون نفنيه وسلامتكم اخوكم فيصل عبدالرحمن البعادي |
سلام :) هذه متواضعة عن الفقرة 31 ارجو لها القبول، بدر [FRAME="11 50"][POEM="font="Arial,6,orangered,normal,normal" bkcolor="transparent" bkimage="./images/backgrounds/29.gif" border="solid,2,blue" type=0 line=0 align=center use=ex num="0,black""]***=*** يا للعجب مِن وضع قانون اوروبا=للانبياء يجيز شتم ٍ و سبا .=. و يغضب ليا قيل اليهودي يهَبّا= انا اشهد انه، فاشلات ٍ دعاويه *=* خلا النصارى ما تسب اليهودي= لو اليهودي قد تعدا الحدودي .=. و موسى و عيسى شتمهم ما يكودي= عند الذي قانون الأخلاق ناسيه *=* يغضب عليك ليا لعنت ابو شارون= يقول لك عاديت سام، انت مسجون .=. و محمد الخاتم، رسم عنه كرتون=خاب الذي يرسم ، و خابت مساعيه *=* محمد رسول ٍ معتقٍ عبد من سيد= لين الذي في القيد حرر من القيد .=. و على النسا وصى مرار و تراديد= عقب العذاب اللي جميع النسا فيه *=* وصى بتقوى الله، و للعبد تحرير= و قال اتق الله فالنسا و افعلو خير .=. و سمى النسا، من لطفهن، بالقوارير= رهاف المشاعر، كسرها وش يسويه *=* عالج مشاكل ما لها عد و حساب= خلى البشر تسعى لتعليم و كتاب .=. و للمعرفه، شريعته فكت الباب= يوم الكنايس قالت : العلم مافيه *=* الهندسة و الفن ، و ش هن لولاك = يا مسلم ٍ بالطب و حساب الافلاك .=. ابدعت و انشيت المدارس للادراك = و ليل الجهالة نور الإسلام ماحيه *=* تعليمنا جاب الرخا و السعاده= و تعليم اوروبا هولوكوست الاباده .=. و قنابل اليابان فيها شهاده = شتان بين اللي يميته و يحييه *=* و حنا تعيش بجالنا كل الاديان= اقباط مصر تعيش في جنب الأخوان .=. شعب متعدد عرق و اديان و لسان= ما عندنا تطهير عرقي و تشويه *=* حنا هل التوحيد للي خلقنا= ما نشرك المرزوق مع من رزقنا .=. انا اشهد ان الله عنكم فرقنا= ما للبشر فينا عباده و تأليه *=* انتم رجال تقبلون الدعاره= حليلة الرجال تمسي لجاره .=. و حنا قصيرتنا كريمه مجاره= الرحم للرحمن بالدين حاميه *=* انتم عيال المرقص اللي يلالي= بيت الخمور أم الخنا و الضلالي .=. و ابوكم و ثوب ٍ ما يعز العيالي= أولاد مجهولٍ يدنس مواطيه *=* اخلاقكم هشه، هشاشه قزازه= و بيت القزازه، لو برق لك طرازه .=. حذفة حصاة ، و تسمعون اهتزازه= ليا حذفتوا منزل ٍ عز بانيه *=* بيت العناكب، واهن، الله يزيده= و ليا اندمر، ما العنكبوت ابفقيده .=. بالذل يبني به، و بالمكر صيده= و ليا انهدم مبناه ما نيب باكيه *=* يارب لا تغضب علينا و صِنّا= و بديننا يا رب حصّن وطنا .=. ارسلت به رسولك ،اللي غبنا= سَب النجوس لحق ٍ إلْه انت راضيه *=* انت الذي و جهت له بالرساله= و النصر تحت ارادتك لا محاله .=. انصر رسولك يا محب العداله= و ارفع جدار ٍ، جور الأيام مرخيه *=* اطلبك باسماك انت يا رب الارباب= يا من نصر جنده على جند الأحزاب .=. يسر لنا نصرة رسولك و الأصحاب=حيثك مجيب للدعا و انت توحيه ***=***[/POEM][/FRAME] و سلامتكم :) |
*******
بيض الله وجيهكم عزالله ما قصرتوا تقبلوا تقديري **** |
[align=center]بسم الله الرحمن الرحيم
مشاركتي للفقرة (31) الدفاع عن الرسول [/align] [poem= font="Tahoma,5,darkblue,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black"] لا والله الا قربت ساعة الحسم=ماتنفع الكافر دعايه ولارسم الدين سيفه يقسم المعتدي قسم=واللي يعادينا من الكون نمحيه ----------------------------------------------------- نرخص على شان النبي كل غالي=ونحارب اهل الكفر واهل الظلالي بالدين هيبتنا تهز الجبالي=والمعتدي بأهون وسيله نذكيه ---------------------------------------------------- على اليهود المشركه نعلن الحرب=حرب تهز الشرق وتدمر الغرب والله مايهناكم طعاما ولاشرب=ترا النبي بالمال والحال نفديه --------------------------------------------------- محمد الهادي عليه السلامي=نزيه عن قوم الكفر والاثامي ندعيك يالمولى بشهر الصيامي=تنصر رسولك وامة(ن) تفتخر فيه -------------------------------------------------- ياللي تحرف صورته وين رايح =فاجر وحاوي مجتمعك الفضايح واويل حالك بعد فوح القرايح =نهجيك ومسوي سواياك نهجيه -------------------------------------------------- حنا هل التوحيد والنصر معنا=ونبينا دينه ومجده رفعنا ماللظلاله بيت في مجتمعنا=بسم الله الرحمن وابليس نخزيه -------------------------------------------------- يالدينامرك اضحت صحافتكم غبار=متى على الله تشعل النار بالنار حتى نسنعكم ورى ذيك الاشجار =ماتنقذ الجابان والموت ناصيه[/poem] |
المشاركة في الفقرة (31) الدفاع عن النبي صلى الله عليه وسلم
[align=center]صلى الله وسلم على خير هادي معلم المسلم بفضل الجهادي شفيعنا يوم اجتماع العبادي واللي يشوه صورته تبت يديه ----------------- ياأمة الاسلام واجب علينا نفداه بالارواح مهما حيينا وليا لزمنا الصمت لاخير فينا مهما حصل نلعن ثوى من يعاديه ----------------------------- يامشوه الرسمات يمناك يسرى قبلك هدمنا عرش قيصر وكسرى اهل الضلاله والرسومات خسرى يكرم رسول الله وتكرم مباديه[/align] |
| جميع الأوقات بتوقيت GMT +3. الساعة الآن 12:15 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية