سلطان البقمي
مرحبا ياسلطان رئيس القسم الشعبي هههههههههههههههههه يا فرحه ما تمت تدري كم خدمتي رئيس اقل من شهر وفصلني معيض ما هوب فصل طرد وامشكله ان الخدمه قليله ما يحسب فيها لا حقوق ولا اجازات:) لكن نرجي الله في الخطه الجايه اضنهم يحطون لي وظيفه انظر اسمي فوق وش مكتوب اسماء شعراء المحاوره ذكرتهم سابقا وبأمكانك تشوف الجواب والله مدري على اي سؤال ما عاد اجمع:) سلطان الهاجري والله ما بيني وبين ابو محمد الا الزين اخر ما كلمته البارح وصديق وزميل ورفيق درب ابد صدقني مافيه شي مجرد دعايات تحيتي لك يا سلطان |
عواض سالم
هلا ومرحبا يشرفني ويسعدني انك من المعجبين بي وهذا شرف وفخر اعتبره وسام على صدري ماتت حليمه مير ما ماتت عقيم%% جابت لها خمسة عيال في شهر تحمد الله ما بهم واحد يتيم ماهوب غشيم زي ما ذكرت لو انهم يا صاحبي خمسة عشر حنا كنا خمسه عتبان رشيد خلف مستور حبيب فهد يقول انتهت المغتره الليله اخر شي بس ما ماتت وهي عقيم تحيتي لك |
فهد رجاء مرحبابك
والله عدد حفلاتي لا احصيها ولو تقريبا ما اقدر بعد:) ولكن كلها موثقه ما عدا القليل ويمكن اغلب حفلاتي في البدايات ما وثقت مكاتب الشعر منها الايجابي ومنها السلبي ولو قلت لك اغلبها او كلها بمعنى اصح سلبي ما عدا مكتبين هه تقدر تقول مالها تاثير على الشعراء بالعكس ولكن تاثيرها على الشعر اكثر تحيتي لك |
سيف السيف
هلا وسهلا ومشكور طال عمرك وانا ممنون ولا قلت غير الحقيقه وانت ما قصرت ومن جاء ما ابطى ويكفيني اسمك هنا لو بدون سؤال لو قلت عكاشه فقط ومشيت يكفيني لا عدمتك السؤال الاول والله اني ما اذكر هذا البيت ولو كنت حاضر او سمعته نسيته بالتاكيد وان شاء الله ابي اسال حبيب ويقول لي ان كان يذكر يمكن قاله للطيب نعم الطيب علي من الجماعه وشاعر محاوره ونظم وسبقني في هذا المضمار ولي انا واياه صولات ولكن الرجل انقطع من فتره طويله لاسباب عائليه وعمليه وان شاء الله يعود وهو الان بخير ومتعافي جهاميه:) ما تخلي خفة دمك ياسيف وعيارتك الحلوه صدقني اني احب اسلوبك الى حد الجنون وهذا الاسلوب لا يملكه سواك ماشاء الله عليك عوض القوانه وليس عواض نعم هذا برضه من الجماعه وجهامي بعد ماهوب عفيفي من شلة حبيب جهاااااااامييييييييي وهذا الولد من الشعراء الشباب الممتازين وعنده قصائد نظم قويه وله مشاركات في الاعلام وحنا والله انا مثلك حرصين عليه ولكن عندنا في جهام الحبيب ما وصلت خطوط التليفون الثابت شغالين هالحين فيها والرجل مستقر هناك عائليا وعمليا ولا يستطيع الا ان كان تبغاه يستاجر في البجاديه والله ابي اقول له بس المشكله لازم يستاذن من ناصر النفيعي هههههههههههههههههههههههههههههههههههههههه الله يشغل شيطانك يا سيف دوختني انت واسئلتك والله اني متوقعها من شفت اسمك ومعك واحد اسمه شفق الف شكر والف تحيه وتقدير لك وبالمناسبه الرساله وصلتني وحاولت ارد عليك وليا انك مانع خاصية المراسله الخاصه مدري وش بلاك انت وبعض الناس والموضوع اللي في الرساله انا فاهمه من الاساس ومتعمده واقول لك بيض الله وجهك هذا من طيب اصلك ومن وفاك ومنك استفيد الى اللقاء |
هلا ومرحبا يا مشعل
وشرفت طال عمرك وسؤالك تراه مهم جدا جمهور المحاوره اجزم انه في جميع انحى المملكه والخليج لكن بحكم سؤالك عن الطائف اقول نعم ولا تنسى الرياض هذا من ناحية الكثره لكن الطائف متميز لاقدمية الشعر فيه وفيه بعد شي ثاني يمزه عن غيره وهو كل الناس عشاق شعر حضر وبدو والزواج اللي مافيه ملعبه عندهم ما يعتبرونه اضف على هذا حسن التنظيم والتشجيع على الوصول الصحيح وبعد لا تنسى ان مقر فطاحلة الشعر من ذو مائتين سنه هناك من قبل بديوي الوقداني والى الان شكرا لك اخوي مشعل وبيض الله وجهك تحياتي |
سرحان الوذيناني
هلا وسهلا مرورك يكفي طال عمرك ولا قصرت الله يعطيك العافيه تحيتي لك |
فهدالعازمي
السلام عليكم ورحمة الله وبركاتة
كل عام وأنتم بخير وصحة وسلامة كل شكر للمدير معيض على أتاحة الفرصة لنا لسلام على شاعرنا فهد العازمي حبيت أسلم عليك يابوريان أخوك حمد الدحابيب |
حمد الدحابيب
الله يسلمك ويعافيك فخور بمرورك |
الله عليك يبو رياان
الف شكر سعدت بالاطلااع تحيااتى لك |
الشاعر القدير والعلم فهد العازمي.......
الله يمسيك بالخير... انت شاعر من كبار الشعراء ولك باع طويل في مجال شعر المحاورة .... وانا اعتبر شهادتي مجروحة في علم من اعلام الشعر (ابو ريان) الاسئله والله يعين:_ 1/ هل لعب (فهد العازمي ) مع الشاعر الكبير محمد بن جرشان البقمي؟ 2/هل لعبت يابو ريان مع الشاعر المرحوم بإذن الله مطلق الثبيتي؟ 3/ هل لي بسماع رائي فهد العازمي في هذين الشاعرين (ابن جرشان_مطلق الثبيتي)؟ 4/ ماذا تقول في الشاعر (عاضة البقمي)؟؟؟؟(مهمه الاجابه يابو ريان) ـــــــــــــــــــ الله يعطيك العافية على سعة صدرك ولاهنت يابو ريان اخوك سعد البقمي |
هلا وسهلا ياسعد
الله يعطيك العافيه ومشكور وغمرتني بأطائك الطيب انما الاجابه ؟؟؟ محمد بن جرشان ومطلق يرحمه الله والله ما تشرفت باللعب معهم مع الاسف مطلق مات ومحمد اعتزل اما رائي فليس من حق طالب من طلاب طلابهم ان يدلي برايه في هذين العملاقين عاضه::: من افضل الشعراء على الساحه لكن الاعلام ظلمه وكذلك تواجده قليل عاضه شاعر كبير بكل ما تعنيه هذه الكلمه من معنى شكرا لك |
| جميع الأوقات بتوقيت GMT +3. الساعة الآن 07:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية