لاتنفعل وتثور والعلم يفداك

يفداك .. ويفدا ثورتك وانفعالك





طش الخطا منّاك .. والعذر منّاك

أجادلك وأقنع مع أوّل جدالك





ولا تعقد حجاجك وتزعل محيـّاك

وأبسط فراش الصدر وأجلس لحالك





أجلس لحالك .. عن هذولا وذولاك

وأنا ومكنون الجــــوارح حلالك





يهواك قلب ٍ كل ما قلت يهواك

نبض لك ولمـّك وحطــّك وشالك !





جابوا مجالك قلت يا حيّ طرياك

وطرياك لو يقصر .. يطوّل مجالك





ناس ٍ تسولف بك وتقفي وتقفاك

ويخيب فال الناس .. ويطيب فالك





نم ٍ تمثناني .. و نم ٍ تمثناك

ماعاد فيها قول ( مالي ومالك ) ؟





ترا المحبّه متعبه لا عدمنــاك

أمـّا كذا وألاّ فـ لاهي كذلك





أحـّرفك فـ البال واكتبك واقراك

والحبّ كلمــه بين بالي وبالك





وأهيم بك وأحط روحي بيمناك

وأقول صفـّق في يمينك شمالك





ولانيب ميّت غير من ريح حنــّاك

وأن متّ من حنّــاك سقت العزاا لك





تلعب بي الأشواق وأنا اتحرّاك

أخاف لا تجزع وتقطع وصالك





وغابت عليّ الشمس والحبّ فتـّاك

وضاقت على رجلي جميع المسالك





أشوف حالي فيك وأقول وش جاك

عني تلد الشوف .. وتشوف حالك ؟





لو ان كل الخلق مثلك وشرواك

واللــّه ما يصلح حبيب ٍ بدالك




لــ ســداح

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شهرين مشغول عن غيرك وفاضي لك=احاول افهمك بالتفصيل والمجمل
وارسمك واتفنّن برسمك وتشكيلك=واعتّقك في زوايا الذاكرة واثمل
واحيا معك وقتي الحاضر واضحي لك=بالقادم المنتظر والماضي المهمل
ماودي اطفي وهج صوتك بشوفي لك=وارجع بحلمٍ كسير وجرح مايدمل
اتركني اعذب اسورتك ومنديلك=والعقد الالماس والبرفان والمخمل
واعوّذك بامّهات الحرز وادعي لك=من باسمه البرق سبّح والرعد بسمل
صحيح زينك يشكّل فرق عن جيلك=وان ما كملت انت عمر الزين ما يكمل
لكن ظلمتك وعين العقل ظلمي لك=لو كان فسرتها على كذا محمل
جوري عليك انتصف لك من مقاتيلك=يوم احصروك بنطاق العين وانت اشمل
واللي منعني( ل) اجي واقرا تفاصيلك=احساسي اني اشوفك من بعيد اجمل[/poem]


لــ إبراهيم الشيخي

[align=center](*( أغـبـى قـراراتـي )*)


انا اخترت الفراق .. ولا تخيرته بدون اسباب \\ وأنا اللي في غيابك .. غيّر الموقف قناعاتي

بكيت ! .. وبلل الدمع المحاجر .. والجفا مخلاب \\ تعلق بالشرايين .. وتوزع مع كرياتي

يلاحقني خيالك .. واتوهم .. واقفل الابواب \\ واشوفه فى الزوايا .. والمرايا .. واكتم آهاتي

انا لاوين القـّي عنك ..؟ وانت محاصر الاهداب \\ تجي بيني وبين الشوف .. وترتب مسافاتي

تحاصرني هداياك .. وصورك .. وافتح الدولاب \\ تعلق عيني بساعة (إبـِل) .. من بد ساعاتي

نسيتك .. وارتفع صوت الآذان وغرد المحراب \\ ذكرت الله .. وصليت ، ولقيتك في صلاواتي

تراودني لك العوده .. واراودها رضا .. وانساب \\ واهم بوصلك وياقف .. شموخي في ممراتي

وافوز بعزتي .. مير الهوى ياصاحبي غلاب \\ خياراتي : هواي وعزتي .. ماقسى خياراتي

وانا لو قدّر الله .. واحتويت المشكله بعتاب \\ لك الله .. ما انفتح باب الندم يا أغبى قراراتي

تلبست الغضب ثوب .. وتقنعت الزعل جلباب \\ وفاح الغيظ في صدري .. وسقت اقسى عباراتي

جرحتك .. ؟ وأرتجف كفي .. وطيرت الحنان اسراب \\ فرغ قلبي .. من الحب وعجزت املا فراغاتي

كرهتك .. ! لا وربي ماكرهتك والعيون كتاب \\ ولكن كنت ابي كرهٍ .. يبرر انفعالاتي

ألا ياليتني باركت ( خلينا اجل اصحاب ) \\ رفضت العرض .. وكان الرفض لك آخر اشاراتي

بعدها .. وش بعدها ..؟ ميزوها يااؤلي الالباب \\ مع جرح الغلا .. جرح الغياب ارسى معاناتي

حبيبي .. جيت لك غصن يترنح .. والغلا حطاب \\ دخيلك .. جمّع اغصان العمر .. واشعل قصاصاتي

خسرت الكبرياء .. وماتت العزه .. وراسي شاب \\ كسبت برجعتي قربك .. خسرت برجعتي ذاتي





الله الله الله
الله الله الله


شاعره لا زالت في القلوب




المبدعه \\ نيّافه[/align]

قصيده عالقه في ذاكرتي منذو ادراجها فالشعبي بـ تاريخ
10 / 12 / 2002

لـ الشاعره / وسميه







[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هبي عليه الوسم يابهجة العيد = وارويه من شووقي وصاافي حناني

قولي ترى وسميتك شيخة الغيد = تااج القصيد ونكهة الزعفراني

عليه شووقي والحنايا مواريد = من وين ما لديت طيفه لفااني

أغليه كثر الناس والبحر والبيد = وكثر الجروح وكثر لووعة زمااني

وكثر الطعون اللي بصدري شواهيد =وكثر الغرام اللي نساه ودعااني

راح وتنحّا واخلفته الموااعيد= واقفى وضاقت بي حدود المكاني

أشتاق له واصد واغتااض واهيد= وارجع لدربه والدموع تحدااني

أمانه أمّنتك اليا رحت يااعيد= تاخذ من جروحي كثر ماعطاني

وترفق علي بغيبته لاغدت قيد= وتزيل هم ما قوته المحاني

يااعيد لا تنسى (خياار الأواليد)= اسبل عليه من الرضاا والاماني

قلة ترى وسميتك شيخة الغيد = مابدلت حبك من الحب ثااني[/poem]

مبدع كبير ومقلّ في الكتابه
بيّاعة الورد .. لفارس العتيبي





[poem=font="Simplified Arabic,5,black,bold,normal" bkcolor="skyblue" bkimage="" border="solid,4,sienna" type=2 line=0 align=center use=ex num="0,black"]
جتني بعد ماطواها البعد مشتاقه= تخفي بمنديلها عني عبايرها
.

وتقول والله ماجيتك علي فاقه=وادخل علي الله حياتي لا تدمرها

.
بياعة الورد باقي عندها باقه= باكر علي لمة العشاق تنثرها

.
الغضه اللي لذنب الناس علاقه=يوم انكسر خاطري.. جبرت خاطرها

.
ماعاد فعيونها لجل البكا طاقه=تجمع الحزن كله في محاجرها

.
ولو كان ماهي ربيع العمر ووراقه=لكنها باقيه في بال شاعرها

.
والشاعر اللي يشيل الود فـ اعماقه=لو يكره البنت.. مايجرح مشاعرها[/poem]



..

لـ المبدع / محمد المسعري


[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]وين انت مبطي عنك يا قرة العين=ياويّ يا وقتٍ مضى معك ياويّ



المشكله ماهيب وينك وانا وين=المشكله في ردّت يدينك إيديّ



كتبت فيك امن القصايد لهالحين=خمسين فارع كلها مستوى ذيّ



معقول ما غنّو عليك المغنّين=منها ولا جاك الخبر بأنها ليّ



ما شفت منك الا الغرابيل والبين=مع كل هذا إمحبتك ..مثل ماهيّ



يا غايتي عطيتك امن الهوى لين=مليت قلبك حب وتشوفه شويّ ؟



ارخصت لك قلب وعروق وشرايين=لكن خذاك الكبر والطيش والغيّ



كنت احسبنّا غير .. بالشين والزين=ونعشق بعض مادمت عايش وانا حيّ



سبحان من تقلب يديه الموازين=اللي يبدّل عتمة الليل بالضيّ



اسخف موادع في سجل المحبّين=حطوه بإسمي والسبب فعلتك فيّ



نبني محبتنا لنا شهور وسنين=وننهي محبتنا بتامر على شيّ ؟



يا ليت عند اهل المحبّه قوانين=ما كان جرحك كيّ واعلاجه الكيّ[/POEM]



..

لـ الرائع / عواض العازمي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا هجوس الشعر كان ان المشاعر حية = عبريلي عن زمان الضيم والحرماني
بين(ن) للحزن فوق وجيهنا مارية= واضح(ن) للناس ما ينفع به الكتماني
لو نخفي ما تشيل اقفاصنا الصدرية= حزننا واضح ومن ضيم الزمان نعاني
يا هجوس الشعر مابه حاجتن مخفيه= فيه موضوع(ن) على نظم البيوت اغراني
جسرنا اللي يربط البحرين بالشرقية= صار زحمه خانقه يا ليح يا ليحاني
والدراسات إيدت له توسعة فورية= واعتمد له توسعة في شكل جسر(ن) ثاني
ايييه كم مليار لازم تندفع حتمية=قبل لا يبدا المقاول يرفع البنياني
لو توزع فوق جمعياتنا الخيرية =ما بقي فديارنا لو واحد(ن) فقراني
ولا بقي محتاج في ذيك القرى الريفية= كم وكم محتاج في ذاك المكان يعاني
يا حليلك يا الحلول العجله الجذرية=بس لو توزن مباديها على الميزاني[/poem]


...

للمبدع / عفاس بن حرباش



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

برق السعد من بادي الوقت مالاح=وعذوق حظي بالفرح ماتدلّـت
ودي اريح نفسي شوي وارتاح = النفس من دنياي كلت وملّـت
كن الفرح متوشحً عني وشاح = ولا الهموم لسوء حظي تجلّـت
اعطي حياتي روح واخسرلي ارواح=ومع كثر ماتاخذ ولاشي خلّـت
يارب عبدك جاك لرضاك نزاح= عينه من دموعه توضت وصلّـت
مازال عهده معك ثابت ولاطاح = لو ان نفسه للمعاصي تفلّـت
في عالمً كله متاهات واتراح= الوقت مقفي والمواثيق ولّـت
واصلاحنا نفسه يبي وقفت اصلاح =في امةً عن سيف نصرك تخلّـت
جغرافيا الاسلام بيدين جراح= اعروق جسمه بالضغاين تملّـت
وتاريخنا كله على فك تمساح = بمستنقعً فيه الطحالب تعلّـت[/poem]


...

[align=center]عظيم الشان في قربك وفي بعدك عظيم الشان ,,, وصالك موت ! .. والموت الحمر من قلة وصالك

رهيف .. اي والله انك سيف ياعمري بروح انسان ,,, على الحدين تدمي لمستك .. في كل احوالك

مثل جمر الغضى في ليلةٍ .. فيها المسا بردان ,,, وأنا ذاك الغريب اللي .. ذبحه البرد واشتالك

يضمك .. للدفا واحرق اصابيعه من الحرمان ,,, هرب من هول بعدك .. وارتمى في جملة اهوالك

حرارة قربك ارحم من جليد البعد .. والنسيان ,,, يشب القلب من نارك .. واقول النار اشوى لك

اعرفك .. واعرف احوالك ، واعرف ان السفر احزان ,,, أجل مانيب انا اللي عايشت حلك وترحالك ؟؟

سفرك .. الموت للخافق ، من الشريان للشريان ,,, ترى غيبتك تذبح ياحبيبي .. وش على بالك !!

حبيبي والبلد موحش بعدك ، ولابه اطمئنان ,,, كأن العالم اللي فيه راحت معك .. تبرا لك

كأنك يوم رحت تقول : انا ومن بعدي الطوفان ,,, وانا لك ماقويت اقول : فال الله ولا فالك

سفرك الله يسلم لي عيونك ، فوهة بركان ,,, وأنا من قلة الحيله .. ماغير اقيس زلزالك

يعين الله على بعدك ، حبيبي ياعظيم الشان ,,, ويعين الله على قرب .. يشابه قلة وصالك




[mark=CCCCCC]للمبدعه \\ نيـّافــه[/mark][/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فكري .. من ايام معدوده و هو في .. دوام=مانام .. لو قام في شرع المنام .. هدبي
أسمع .. له اصوات اهازيج و صخب .. و ازدحام=كنّه .. مدرّج لقاء القمّه .. الديربي
انا .. وشعري مع احداث الدهر في .. صدام=ما غبت .. لو غاب من صدر السما .. كوكبي
ما للمشاعر .. مع الشاعر جداول .. نظام=تأتي .. و تذهب بدون إئتي ولا .. إذهبي
مشيت .. يوم الطريق المستقيم .. استقام=ووقفت .. يوم انعطف ما رحت آواصل .. حبي
دخلني .. الوقت في خانة شريط .. المهام=لين .. اصبح اهمّ حمل يقوم به .. منكبي
واصبح .. يصلّط عليّ من الهموم .. الهُمام=اللي .. نطحني مع الدرب و نهب .. مزهبي
و ابقى .. ظلوعي من الحيره بقايا .. حطام=و استيسر .. جنود فكري و استباح .. تعبي
وش .. عذري امام وجهي من مقص .. الملام=لا قام .. ياخذ من اطرف لحيتي .. و شنبي
صوت .. الحقيقه يقول : انّا بكل .. احترام=مستنقع .. الاوبئه من مرّ فينا .. وبي
بغيت .. اوقع معه و ابصم براس .. البهام=لكن .. تغاضيت و استدعيت عرق .. نسبي
و اسمعت .. و اشبعت حاضرنا الكلام .. التمام=و القيت .. تاريخينا الماضي على .. مكتبي
حتى .. استلم واقعي عنّي زمام .. الكلام=واثنى .. على طيب ماضينا و جاب .. سببي
صحيح .. كنّا العرب للمجد ذروة .. سنام=مير .. الزمن لولبه في عصرنا .. اللولبي
وشلون .. ضاعت مكارمنا و نحن .. الكرام=يا لهف .. نفسي على نفسي و ما حلّ .. بي
هيهات .. يا مجد عصر المسلمين .. القدام=تاريخك .. الصعب هزّ الشارع .. الاجنبي
منك .. أصبح الدين الاسلامي محل .. اهتمام=العالم .. اجمع بما في العالم .. اليعربي
حتى .. إرتدى وضعنا الراهن من الذل .. خام=و قامت .. تفلّت على الإسلام برق .. العبي
سلمت .. يا سيّدي أحمد عليك .. السلام=يا خاتم .. الأنبيا يا اكرم و يا اشرف .. نبي
يا خير .. مرسل على خير الامم .. و الانام=يا من .. عليه أُُنزل الوحي بلسان .. عربي
إختارك .. الله على الأمه و كنت .. الإمام=العادل .. القائد الشهم الشجاع .. الأبي
هزّيت .. مع مولدك عرش الملوك .. العظام=وأنكرت .. من طهرك الأصنام وانته .. صبي
قد .. أبصر النور من هديك و زال .. الظلام=حتى .. تبيّن بنور الحقّ كل .. مغبي
بدأت .. الاسلام و اكملته و كان .. الختام=إعلاء .. كلمتك و ابليس يخسي .. و يهبي
كمّ .. آتمنّى على قبرك يطول .. المقام=و اخبرك .. بالحال لو ماهو مثل .. ما تبي
أصابنا .. يا أبا القاسم بعدك .. إنقسام=من .. شاطي عمان حتى الشاطي .. المغربي
ذقنا .. من الغرب طعم الخوف .. و الإنهزام=نالوا .. من امجادنا و اخذوا شرفنا .. سبي
و إستهزؤا .. من حرم طيبه و بيت .. الحرام=و من .. روحك الطاهره فِداكَ أمي .. و أبي
و احوالنا .. ساءت ولاهي على .. مايرام=ينتابنا .. شي من ذعر و جفال .. الظبي
صرنا .. لمبدأ سلام الشرق الاوسط .. حمام=لعبة .. حقير و لعب فيها الذكي .. و الغبي!![/poem]


للرائع / رحيّم الغنامي

مدري احد ورّدها قبلي ولالا ,



يعطيك ألف عافيه يامحمد

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

انا ماني اكبر منك لكني اخبر منك=وفرق العمر لاشي مع فارق الخبرة
يجي يوم تطلب فزعتي فيه غصبا عنك=وادلك على المخرج واعلمك بالدبرة
تعلم تغانم فرصة الوقت اذا مكّنك=وكن في حياتك معتبر لاتكن عبرة
واذا كنت تجهل من تكون اختبر معدنك=كفيل الزمان انه يبيّن مدى صبره
على شان تعرف تحتقر شخص ماثمنك=وتثبت لمن يفخر بك انك على خبره
لو انك تصديت لهوى النفس ماوطنك=على الاتكال وضيعة الحال والثبرة
فكم ميتٍ ودك لو مكفنه كفنك=وكم حي ودك تذبحه وتحفر قبره
والانسان لو كفه بطاقة وجيبه بنك=على جرته فالارض مايلتقي شبره
لاترقب سعة غيرك تجد حالتك في ضنك=لو انك بقصر تشوفه اضيق من الابرة
تندم على ما فات لكن لايحزنك=الانسان ماتغسل قذا عينه العبرة[/poem]

لـ ثلاثي الابعاد
ابراهيم الشيخي

[align=center]بين اللحم والعظام !







سبحانه اللي يدوم وغير وجهـه مـادام
بأمره يمـد الشفـاء والغمّـه يزيلهـا

العالي المؤمن العـدل الكريـم السـلام
الوالي اللي جميع الخلـق والـي لهـا

أعوذ به من شرور الجن وبغض الأنـام
ومن عقدة أهل العقود ومـن محابيلهـا

ما يحذفون الحـلال ألاّ عيـال الحـرام
ناس ٍ نغزها بليس وقـام يومـي لهـا

اللي في قلبه صدا واللي في خشمه عرام
وكبودها سود مدري ويش اسـوي لهـا

الحمـدلله زان الحـال والحـظ قــام
ولدن لقـاح الليالـي وأحملـن حيلهـا

بانت وجيـهٍ تبادلنـي غـلا وإحتـرام
وغابـت وجيـه ٍ تجاملنـي بتمثيلهـا

والحيّه اللي تشيل السـمّ والسـمّ سـام
أقـرا علـى راسهـا وتـردّه لذيلـهـا

مابيني وبينكم يا أهـل الضغايـن كـلام
ألاّ الفلق .. وآيـة الكرسـي وترتيلهـا

ولا حلّقت فـالظلام ألاّ طيـور الظـلام
واليا انتفض ريشهـا شبّـت قناديلهـا

شكري على البندقيه والفشق والحـزام
وأم المفاتـيـل تنجيـهـا مفاتيلـهـا

واقف على حيلي وهجسي طواه الحيـام
عسى القصيده معي تآقف على حيلهـا

تقول بيني وبين الشعـر نقطـة نظـام
من يردع اهل المثايـل عـن تماثيلهـا

والنبره اللي في صوتي من ثلاثين عـام
أطيـح واحطّهـا .. وأقـوم وأشيلهـا

ترادفت واستقامـت والطريـق أستقـام
وأستقتهـا حسـب معناهـا وتأويلهـا

الضبط والربط لو ما جاء على مايـرام
الجابـه المايلـه مـا يعتـدل ميلـهـا

عز الله اني قنعت من الهـوى والغـرام
وسرّتني اللي على ليلي .. سرا ليلهـا !

حمامة ٍ من لحنها غيـر كـل الحمـام
أمسيت معها تغنيّ لي .. وأغنـيّ لهـا

يا شين حبٍ يجي بين اللحـم والعظـام
ما يجني مـن الضلـوع ألاّ محاصيلهـا

يا صاحبي لو نقول الطـقّ فـك اللحـام
طقّ المواليـف مـا يقطـع مواصيلهـا

وشلون ما أهتمّ بك وأنته محط إهتمـام
ومحبّتك في ضميري مسـرج ٍ خيلهـا

أربط حزام الأمان .. الخوف ماله حـزام
وأخفض جناح الموده لين أعـديّ لهـا

تعال يكرم جنابـك يـا عزيـز المقـام
بلاش مـن طـاري الدمعـه ومنديلهـا

أقول أحبك وأنا صـادق علـيّ الحـرام
لازال غيـث المشاعـر دارجٍ سيلـهـا

أما أستملني غلا .. وألاّ عليك السـلام
لابـد فرقـاك تاصلـنـي مراسيلـهـا



الله الله الله
الله الله الله
والله انها رووووعه


للمبدع دائمآ \\ سدّآح[/align]


[align=center]
*[/align]

انا ماني اكبر منك لكنـي اخبـر منـك
وفرق العمر لاشي مع فـارق الخبـرة
يجي يوم تطلب فزعتي فيه غصبا عنـك
وادلك على المخرج واعلمـك بالدبـرة
تعلم تغانـم فرصـة الوقـت اذا مكّنـك
وكن في حياتك معتبـر لاتكـن عبـرة
واذا كنت تجهل من تكون اختبر معدنـك
كفيل الزمان انـه يبيّـن مـدى صبـره
على شان تعرف تحتقر شخص ماثمنـك
وتثبت لمن يفخر بك انك علـى خبـره
لو انك تصديت لهوى النفـس ماوطنـك
على الاتكال وضيعـة الحـال والثبـرة
فكـم ميـتٍ ودك لـو مكفنـه كفـنـك
وكم حـي ودك تذبحـه وتحفـر قبـره
والانسان لو كفه بطاقـة وجيبـه بنـك
على جرته فـالارض مايلتقـي شبـره
لاترقب سعة غيرك تجد حالتك في ضنك
لو انك بقصر تشوفه اضيق من الابـرة
تندم علـى مـا فـات لكـن لايحزنـك
الانسـان ماتغسـل قـذا عينـه العبـرة
............................................
بصراحه هنا القصيده وعفاكم

لله درك يابراهيم

[align=center]يا لايمـي مـن بعـض لومـك خلّنـي
انـا علـى اللـي مارجيـت الا رجـاه

ملّيـت مـن عـدّ الجـروح وملّـنـي
وقتي ولكن مـا رحمنـي مـن غثـاه

لـي موعـدٍ كنـت احتريـه وزلّـنـي
ابطـيـت قـدامـه وخـلانــي وراه

ليتـه تجمّـل يـوم حــلّ وحلّـنـي
ما كنت ابشكي معه من فقـدي سـواه

مالله كتـب لـي يـوم مـرّ يشلّـنـي
وانا قبل يلفـي علـيّ احسـب خطـاه

روّح ولا أشّر لـي (هنـاااااك) ودلّنـي
ولا سمـع ونـه تبيـن لــه غــلاه

احتلّنـي غـايـب وجــا واحتلّـنـي
واقفى وهـو محتلّنـي ويـش السّـواه

وامـا انـت ياغـالـي وراك تغلّـنـي
بالبعـد ياليـت السفـر حذفـة حصـاه

لاجيـك متعـنّـي عـسـاي لعلّـنـي
واسوم منـك الوصـل واثّمـن عطـاه

واقـول يـا مبعـد غيـابـك سلّـنـي
اعـط المريـض دواه وادر انــك دواه

اجمـع مواجيـعـي بـيـدك وفلّـنـي
واهجم علي اقرب حزن لي واشقر عصاه

ولـو بغيـت تغيـب تكـفـا خلّـنـي
في قلبك الطاهـر علـى طـول الحيـاه



الله الله الله


للمبدع \\ عبداللطيف الغامدي[/align]

[align=center]عكاشه مبدع بكل حالاته


وهذي أحد إبداعاته[/align]



[poem= font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
على وداع إمعانقة هاجسي ضقت=ضيقة حزن...منها على طول ضايق

انااحسب ان السالفه مسالة وقت =وياشيب عيني يوم شفت الحقايق

حقيقةٍ صدقتها بعد ما ارهقت=وماعاقني من دونها ايّــات عايق

ومن جورها عن جور همي تدرقت=واقول رايق لو مانيب رايق

وانا على رمش الغلا قد تعلقت=واذوق من سكرات موتي ذوايق

اشتقت؟؟ من صدقك تقولينها اشتقت؟= الا عليك عروق كبدي طرايق

ومثل اليتيم اللي تغلق..تغلقت=وتقطعت فيني جميع العلايق

من ساعة افراقك وانا ماتوفقت=تقوول سايقني على الموت سايق

واللحظه اللي لملمتني ولا عقت=على عقاربها تموت الدقايق

ياليتني من سكرة العشق مافقت=ولا..لحقني من عناها لحايق

انا احسب اني من حبالك توثقت= واثر الحبال بكف غيري ..وثايق

ومع واقع اهمومي بكيت وتعانقت= ضايق ومن دمع المشاريه ضايق [/poem]



[align=center]((سيف السيف / عكاشه ))[/align]

[align=center]الحزن .. يقسى على حالي .. ويثّر فينـي
يستفز اصدق مفاهيم الفـرح .. واغلاهـا

لو درى ان دموع عيني .. ما تداني عيني
ما تركني جالـسٍ .. ماغيـر انـا وياهـا

والا انا صوتي .. وبحّة صوتي .. وتلحيني
حطّمت حتى النخاع الشوكي .. بشكواهـا

لا الظروف مناسبه .. ولا السنين سنينـي
خل عاد جروحي .. ومن زاداها .. وادماها

غير جعل الشعر يفقد زولـي .. ويبكينـي
كان ما لبّسته من اغلا الحُلل .. واحلاهـا

شاعر .. ولا كل شيّ يمـر .. يستهوينـي
آتختّـل صيدتـي .. واضمّهـا وارفـاهـا

من خُلاصة فكري .. ومنهاجي .. وتكويني
حاجةٍ مخصوصه .. ومن شافهـا خلاهـا

اسهل من اللي تساومني .. وهي في ايديني
واصعب من الكلمه اللي مآحـدٍ .. طراهـا

وان خذاني الشوق للي .. كنهـا تدعينـي
كل ما بانت ملامـح صورتـي .. جواهـا

واكتشفت ان الظروف .. مقيّـده رجلينـي
كيف ابلقى لي حياةٍ .. فالحياه .. احياهـا

ايه انا المخطي وانا اللي فيني .. ما يكفيني
والا هي عن واقع الموضوع .. وش دراها

بلغوها .. من يطمـن قلبـي ويرضينـي
لا تباعدنا .. وطال الصمت .. بين شفاهـا

اتحرّى .. طيفها اللي كل ليـل .. يجينـي
واستلذّ بكل كلمه .. مـا اعـرف معناهـا

تمتمت صوت الغرام .. ونبرته .. تحيينـي
عقب موتي .. يوم حدّوني علـى فرقاهـا

وآدعتني .. واتركت لي .. حاجةٍ تلهينـي
عطرها .. وانفاسها .. وشوي من حناهـا

ليت لي حيله .. واخبّي دمعتي في عينـي
وليت عيني تقتصد .. فاللي بقى من ماها!



الله الله الله


للمبدع \\ خالد الحصيّن[/align]

ليت المطر يومنـه ينظّـف القـاع
ينظّف قلوب البشـر مـن عفنهـا
تنظف قلوب الناس وتزين الاطباع
وتطّهر قلوب المـلا مـن ضغنهـا
شفت الرجال اشكال وازوال وانواع
فيهـم فئـه مافيهـم اشـر منهـا
اللي تظنـه مطلـق حجـاج وذراع
والحيـه بـدربٍ سريتـه دفنهـا
لو رحت عنها تقضي العمر ملتـاع
غدر العزيز اقوى الهموم وفتنهـا
يومنهـا جهمـات جدانـي شبـاع
وعلى النقـاوه والمـرّوه سننهـا
واليوم في خيرات والذيب ماجـاع
وش غيّر نفوس الرجـال ولعنهـا
ماني بحاجة مـال ياقاصـر البـاع
لكنّ نفسـك ردوّا الخبـث عنهـا
الطيب لاقدّم على القـرم ماضـاع
والمرجله خابرك قاضـب رسنهـا
وش جنّبك والطيب في سيرتك شاع
صقطتك قبـر لمرجلتـك وكفنهـا



للمبدع
سلطان
بن بتلا ..

[frame="2 80"][align=center][poem= font="Traditional Arabic,7,deeppink,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنت .. يا موهوب .. يبغى .. لـك .. صقـل = من .. رسولك .. يوم .. كلٌـف .. بالبـلاغ
المشاعـر .. كثرهـا .. يبـغـى .. نـقـل = للقلـوب .. اللـي .. عواطفهـا .. تــداغ
لا تعيـد .. ولا .. تـزيـد .. ولا تـقـلْ !! = أكشف .. البرقع .. وبـ(ا) .. طش الشمـاغ
أشتهيـت .. التـوت .. وكسـرْ .. البـقـل = لا سرى .. تطعيمها .. وسـط .. الدمـاغ !!
خوختيـن .. ووردتيـن ٍ .. فـي .. حقـل = لا تلـوم .. القلـب .. لا صـمْـل .. وراغ
هل .. علمـت أنـك .. بحسنـك .. لا تقـل = عن .. ذوات الحسن .. وأرباب الصبـاغ ؟؟
يا غنج .. يـا تيـه .. يـا ثقـل .. وعقـل = يا صياغه .. بس !! من ربـي ... تصـاغ
الرمـوش .. اللـي تشـابـكْ ... فالمـقـل = أستساغت ... شـي .. لا يمكـن .. يسـاغ
أخـذ .. منـي .. كلمتيـن ٍ مــن عـقـل = جملةٍ .. تغنـي .. عـن .. هـروجٍ مـلاغ
الطنـاش .. أحيـان .. يحسـب مـن ثقـل = والوصال ... أحيان .. يحسب .. من فراغ !! [/poem]


للمبدع
والمدهش


عبدالرحمن السمين ..
[/align][/frame]

[align=center]شيب .. عيني يوم أمر ويوم .. أشـوف
ما .. بدالـي خلـف سـور .. المقبـره

مرّ بي .. دربي علـى درب .. معـروف
مـاحـدٍ .. بـيـن الاوادم .. ينـكـره

ما قصدته .. بالمجي ميـر .. الظـروف
ساقت .. أقدامـي لـه و قالـت .. زره

لين .. وقفت بي على .. صرعى الحتوف
المكـان .. اللـي فجعنـي .. منـظـره

أعتبر .. و أشوف كم حنّـا .. ضعـوف
وأنظـر .. بحالـي لحالـي .. وأستـره

وأرجع .. وكنّي من الوقت .. محفـوف
مثل .. من ساقـوا فأبـوه .. المعـذره

الجسد .. مهدود و الوجـه .. مخطـوف
داخلـي .. ونّـه و فالعيـن .. عـبـره

مصرع .. أهل اللي نصايبها .. وقـوف
يقف .. جلد الرجـل منهـا .. وشعـره

مشهدٍ .. مفزع و يملا العيـن .. خـوف
فيـه .. لاصحـاب البصايـر .. تذكـره

عالمٍ .. في عالـم البـرزخ .. ضيـوف
شـدّوا .. وشالـوا لـدار .. الآخــره

جيتهم .. طرقي و لـي نيّـة .. نكـوف
أدعي .. إلهم و أحمـد الله .. و أشكـره

قبل .. أزاورهم و أنا فـوق .. الكتـوف
مـا معـي .. قـوّه ولا لـي .. مقـدره

ناس .. تحت ظلال دانيـة .. القطـوف
و نـاس .. يالله العفـو .. و المغفـره

أحد .. مشوار التعب معـه .. مخلـوف
و أحد .. في مالله كتب لـه .. واومـره

يلحق .. ابن آدم على الدنيا .. حسـوف
في .. ضحى يومٍ يجيب الـك .. خبـره

ساعـةٍ .. فيهـا يضيعـن .. الحـروف
وما عمل .. من خيـرٍ و شـرٍّ .. يـره




ماشاءالله قصيده اكثر من رائعه

للمبدع .,’ رحيّم الغنّآمي[/align]

[align=center]*


*


مفاتيح الكلم !



ياليل لـو ماثمنـت روحـي جمايلـك وعطـاك
ماكان من بـدري تقاسمنـا البسـاط الاحمـدي

ياليل يوم ابدي عليك اسرار قلبـي مـن غـلاك
لاتنتحـي عنـي وتتركنـي للامـر بمـفـردي

انت الوحيد اللـي لـه الحـق يتمتـع بأنتهـاك
ماطاب له من زاكي آلامي .. ومن فيض جهـدي

معك اقتل شعور الخجل .. واغتال عمر الارتباك
واجرّ صوتي لين احـرر كـل قيـد ٍ فـي يـدي

الله عطاني من مفاتيـح الكلـم .. والله عطـاك
رحابة ٍ تملا مقـام سهيـل فـي عيـن الجـدي

على جبينـك كـل ليلـه ودّي افـض اشتبـاك
جوارح ٍ بالوجد تمشـي بـي .. وبالهـم تعـدي

مالي ملاذ امرر اوجاعـي علـى متنـه سـواك
وانت اجودي .. لكن ضيق النفس ماهوب اجودي

يضفي علي من العنـا مايملـك الحـال امتـلاك
في حينهـا بـدءاً بروحـي وانتهـاءً بجسـدي

اصبحت مابين التعب والضيق كني غصـن راك
اقلّ شي يبيّـن اوراقـي .. ويخلـف مقصـدي

لله ياقلب ٍ كثر ما اعطيت مـن صـدق اعتـراك
جرح تهادى بك علـى درب الغيـاب السرمـدي

في ظل عاتية الرياح .. الصبر مايقوى الحـراك
والعين عيّـا دمعهـا للحـزن الامثـل يهتـدي

مافيه شـي ٍ يجعـل الانسـان عرضـه للهلاك
الا الشجاع ليا استطاع ..وخانـه الحـظ الـردي





ماشاءالله
تواصل ابداعي وتميّز غير


للرمز .,’ عناد النفيعي


http://www.islamup.com/uploads/image...ad1b1c66b5.gif


*


*[/align]

[frame="7 80"][align=center]

[poem=font="Courier New,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافجر عمري ومصباحي ومشكاتـي = هل ليّ بشـئ ٍ تخلـده عباراتـي ؟
شيئٌ تُضئ لـه الدنيـا بمارَحُبـت = من صُلب ِ دمّي ومن همّي وابياتـي
انشُدكِ عُذراً بسمع ٍ منـك ِ ناتجـهُ = يُقايظُ الفقدَ عن توطيـن ِ أشتاتـي
دعي لي السهد أنى كُنـتِ نائمـة ً = فالسهـد ارض ٌ تعانقهـا براءاتـي
واستوطني بسـلام ٍ بيـن أروقتـي = إني على مُقلتيك ِ جِئتُ بالآتـي :-
ان لم تـري انـك الدنيـا بأكملهـا = وانك ِ ذات نبـض ٍ زُج فـي ذاتـي
ولم تري عنك اضلاعـي تراودنـي = من كل حدب ٍ لكي تقتـات زفراتـي
ولم تري غلظّـة الأيمـان حاملـة ً = اليك عهدي ووعـدي وابتهالاتـي
فما اقول ؟ وماقولي ؟ ومـا تعبـي = ومن تكون بحق الـرب مولاتـي ؟
ياربّة الحسن ِ .. يا أنثى ً تحاورهـا = في كل صبح ٍ ظنونـي واحتمالاتـي
متى تكفيـن عـن كبـر ٍ بـوادره = تُحاوِلُ النيل َ ظلما ً من قناعاتـي !!
اما علمتي بإني عشت في نصـب ٍ = يسومُ حالي لصدقي فـي اتجاهاتـي
قد اخسر الكـون اجـلالاً واكبـاراً = لفرطِ جـزء يسيـر مـن ولاءاتـي
لكِ من الروح ماللروح من جسـدي = ومستـقـرٌ تـداولَـه ُ كُريـاتـي
فلا تُطيليـن بُعـدا ً اننـي رجـل ٌ = أُطاولُ الغيم حتـى فـي انكساراتـي
تحرري من قيود الخوف وانتصري = لنا .. وللحب .. ان شئت ِ ملاقاتي ! [/poem]



للداهيه
والمبدع
والمثقّف
والمبهر
والجميل
والرائع
والمتدفّق
باالمختصررر


...عنــــاد النفيعي[/align][/frame]

[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كم صيحةٍ منها تكدر صفو ذيب=وكم واحدٍ جت هقوته دون ضنّه
وارزاقنا في يدين من يعلم الغيب=اللي وعد خلقه بنار(ن) وجنّه
ما يحسد الشايب على كثرة الشيب=لو يحسد المولود في صغر سنّه
العمـر سـاعه والدقايق مناديب=وسود الليالي ما عطنّه خذنّه
ما به بشر ما انتابه الشك والريب=عذر الحياه حظوظ والموت سنّه
الجهل في غيب الأمل والمطاليب=علم اليقين وفاقد الشي كنّه
يعرف عن تريحيب شلفا تريحيب=ومعزب الضيفان نجره يدنّه
طيور شلوى مدميات المخاليب=تمسي ويصبح صيدهن في مغنّه
العرف زاد وملح ماله معازيب=مشروب فنجاله وهيله وبنّه
حنْ الولد من ترك فعل المواجيب=والاّ لفعل المرجله لا تحنّه
العيب برهان الردى والعذاريب=والطيب ماله في هل الطيب منّه
ياذيب لاجاك العشا في المراقيب=منك الرعايا عدها مطمهنه
كم صيحةٍ منها تكدر صفو ذيب=وكم واحدٍ جت هقوته دون ضنّه[/poem]

لــ فهد بداح السهلي ...

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انهزام النفس ينهي طموح الانتصار=والثقافه تثري الفكر وتزيد الوعي
والعقول النيره منبعٍ للابتكار=ثابتٍ مبدى الخبر يدّعي من يدّعي
الشعر له منهجيه ولافيه احتكار=كان قبل الاصمعي صار عقب الاصمعي
والدعايه شي والنشر باب الانتشار=والسعي لاصار له ساس ماخاب السعي
قرّت افكاري ورميي على الشاره قرار=باقي احيي نديمي وودع مضجعي
ودنا نختار لكن مافيها خيار=ياهواجيس اقبلي ياهواجيس ارجعي
لو بحور المعرفه تصطفق ليل ونهار=الحقيقه كل شربي على راس اصبعي
ماتعلمت المهازل ولا لعب القمار=اعرف ادروب الرجاجيل واعرف مرجعي
مار يادنيا الفنا للعمار وللدمار=يوم وجهك شان ما زان والشاهد معي
سافرتبي ذكرياتي على كل الديار=واصبح التفكير كنه مبنّج موضعي
يا إلهي فزعتك قبل تعطيل العشار=دايم اذكر مطمعي طاعة الله مطمعي
الكلام ابغايته والحقيقه باختصار=يالبيب القلب مصرعك والا مصرعي
الجهل لولاه ماصار للعالم وقار=والردا لولاه ماننعي الطيب نعي[/poem]

لــ صالح الناصر

[poem= font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طاح العتب .. ما هيـب لحيـة مشاريـه=خل الكـلام .. و حبـل الأعـذار طـوّه

ما راح اقول أشلون .. او كيف .. او ليه ؟=تـرى السـؤال بـدون أجابـه مـشـوّه

العذر مااات .. و مـات همـه و رااعيـه=و الجرح جف .. و جـف غيمـه و نـوّه

صاحبك ضاع الهـرج مـن بيـن أشافيـه=مـا كنّـه اللـي كـان قبلـك .. مـفـوّه

يجمع لـك مِـن الشعـر فاخـر معانيـه=و يمـوت عنـدك قبـل فـيـه ايتـفـوّه

ليـه أنصـدم ؟ و تخـون قلبـي هقاويـه=و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه=طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه=و أنت اتعرف قلبي .. و خيـره و سـوّه

يمكن لو انك قلت غلطـان .. قلـت أيـه=مير البـلا انـك قلـت .. ناقـص مـرّوه

قل لي متى شحيـت فـي شـي ٍ أعطيـه=و قل لي متى صـارت محبتـك .. خـوّه

يصعـب علـى الرجـال يثبـت مباديـه=و ان كانه اثبـت .. كيـف يثبـت سمـوّه

الله يبيحـك عــن خـطـاك و تمـاديـه=و يبيـح قلبـك عـن خـطـاه و غـلـوّه

ما دام حبـك خالطـه شـك .. مـا ابيـه=حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه=يغمـرك بأحسـاس و حـنـان الأبــوّه

و ما كنـي اللـي كـل مـا مـر طاريـه=ضج الفضـا باسمـه .. و عكـر هـدوّه

يـا مرحبـا بالـجـرح .. و الله يحيـيـه=لا صـار مـن يمنـاك و الجـرح تــوّه

بعض الجروح ان صابـت القلـب تنهيـه=و بعض الجروح .. تـزوّد القلـب قـوّه

الله كتب .. و القـوس فـي كـف باريـه=و اللي تشوفه يا أبيـض الوجـه .. سـوّه[/poem]

لــ عبدالله ذويبان