^
^

أرحب والله (ن) ترحب >> وهو يقحص :icon_mrgreen:

حيك وحي ما جبت والله يبيض وجهك ووجه ابن حويتان وأبوحمد بعد :)

أقتحامك تحت وطأة المشاعر الأخويه يعني لي الكثير .. ( بس فكنا من السلاح الأبيض ) (pst-

الله يحيك والله يا متعب أخ عزيز وغالي وأتشرف بك وأتنومس بك << ومن ذل سلم :11:

طرّاه البتسا يا متعب :(



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
كفكف ادموع عينك قبل أقول : الوداع = كم موادع .. دموع العين ما ردّته
قلتها من محنيّه .. وموقف شجاع = ما بغيته يحس بذنب في صدّته
وأثرها عيب / في راع العيون الوساع = دمعته تسبق ايدينه على خدّته !![/poem]




:( + :( + :( = 3 :(

دايماً دموووع دموووع دموووع :( << مسكيييييييين :icon_mrgreen:

الليل هذا ليل تفريغ الشحنات الكهروبكائيه :)


وبرضوووو طراه البتسا :(




جيت أببكيك .. لكنّي ما عندي عزيمـه
أشحذ العين دمعه .. وأشحذ القلب همّه


والعيون الشحيحه .. واليدين الكريمـه
حوّلت راس راعيها .. على راس كمّه


احتمي شيمتي والدمع ما فيـه شيمـه
لو دهن سير عيني جاب في ّ المطمّـه


الدوافع كبيـره .. والعواقـب وخيمـه
لا تحرّا دموعي يا ضنـا أبـوه وأمـه


عدّ في صدر بيت الذكريـات القديمـه
مالك ألا كرامة شعر .. وإبـراء ذمّـه


وإن بغيت الكلام الصدق .. ذبّ الخريمه
روح عنّي .. ترى مشغول بأشيا مهمّه


من مربع تناقيع عاجل يفتح بيده :icon31:

كبير ياعايض كبير ..


ماشاءالله عليك ..

جيت هنا طرقي .. والظاهر بصير راعي محل



:wardah:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الشعر ( نقطة نظام ) .. ( وخط تحذير ) = والشاعر مقيّد .. ومقصور قيده !
اما يغني على شان الجماهير = لو الجماهير ما هي مستفيده
والاّ تجرّه .. وتغريه المجارير = والله يعين الطواريق الجديده
فاض البحر فاض من كثر البوابير = مافيه بابور ما صدّا حديده
يا حامل المسك / نزّل نافخ الكير = سويت معروف .. والله لا يعيده
كثرت علينا القصايد .. والشواعير ؟ = كم ٍ فريد أطرش .. وكم ٍ فريده !!
والعود / والطبل / والمزمار / والزير = ترقص علاه الشياطين المريده
حنّا بلشنا مع أوساع الحناجير = وأخبارهم ضيّقت صدر الجريده
لعبت فأذواقنا يا داهن السير = الذوق / ما عاد باقي له شريده
لو يصبح الصبح .. يا شجرْة العصافير ؟ = إن كان .. والله يدبر ما يريده
من صب فالوقت والناس التفاكير = أما حتين الشقا .. والاّ طريده !!
لكنّ يا هاجسي .. مسّيت بالخير = صبرت والصبر عاقبته حميده
واليوم ماعاد تتعبك المشاوير = من باب بيت القصيده .. للقصيده
امبهر دلال .. وامعزّب مسايير = عامر مكانك .. ونيرانك وقيده
واللي على شوفتي ساق التباشير ! = ليته يبشّرني بعيدي وعيده !
يا ذاهبه / لا تلومين المداوير = تدفن جررك العواصيف الشديده
أرسلت شوقي .. على حشمه وتقدير = لكنّ ما وصّله ساعي بريده
أفقدك .. وآقول في نفسي : ( عسى خير !! ) = وألقاك وآقول : يا ( فرصه سعيده )
وأطبّ وأنقى من سمان المعاذير = وأوصّل العذْر .. وأقطع لك وريده !
وش فيك زعلان منّي .. خير يا طير ؟ = أخفض جناح العلاقات الوطيده
يا مصدّر أمر الزعل .. للأمر الأخير = أرضاك ما هوب شرع / ولا عقيده
أرضيك من باب ( رفقاً بالقوارير ) = وأزعلْك بمصادم الروس العنيده
من قال لك : يكفي الأحساس تعبير ؟ = يكتب مشاعر .. وأحاسيسه بليده !!
وإن ما اسعفتك الليالي والمقادير = احسابنا فالهوى جمّد رصيده
إن جيت يا مرحبا .. والصاير يصير = وإن رحت مــ / أفقدك .. لو إنك فقيده[/poem]

مرحبا بك يا مسفر والكبير الله

محلك لا عدمتك والله يحيك في أي وقت .. لا تقاطع تقاطيع :)

لمناسبة ما :11:



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
بالله يا سوّاقنا .. والخط الأسود مستقيم = منته على طيارة ٍ يجنح بها طيّارها
تحتك قار .. وفالمكينه نار .. والبودي سليم = أظبط عيارك .. والمكينه ما يهسّ عيارها
واليا سريت / أسهر عيون القط فالليل البهيم = خل ( العيون الساهره ) ترقد على رادارها
لو إن طرقتنا عديمة نفع .. والمسرا عقيم = جار العيون اللي تبنّاها سهرها .. جارها
وأعدل على خط الحجاز .. أعدل على خط القصيم = أهم شي إن الرياض تغيب عنك أنوارها
من غير نقص ولا مهونه .. فالعليا والنسيم = ومن غير زود ٍ .. في برودة طقسها وأغبارها !!
معنا سبب مقنع .. وأنا صادق .. ووالله العظيم = ما ودّنا بالعاصمه .. والقلب هاوي غارها
لك حق يالحب الجديد .. اتهمّش الحب القديم = والحب وزعه / والقلوب الولف ما تختارها
الله يا كم ٍ ربيع قلوب في قفر ٍ وخيم !! = والله يا كم دار ريم امقزّيه خطارها
يا دار حمران العلابي .. والصوابر .. والبريم = الناس مبليه بحب ديار .. غير ديارها
ما كنّي آلد نظري / وأشوف زمزم والحطيم = ولا كنّ إلي عين ٍ كفيفه عن حليلة جارها !![/poem]
:wardah: :wardah: :wardah:

:con200: + (hrt777-


ما فيه مانع تخليني على أعصابي
أهم شي .. احتريني لا تخليني


أبطا بك الشوق .. بس الشوق مـ / أبطا بي
أروح من ساعتي .. وأجيك من حيني



شفتي وش اللي حصل من بابك لبابي ؟
جرحت خدّ الوطا .. وأدميت رجليني !!

:(

..




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تعبان نفسياً .. وضايق .. ومكبوت = أحسّ .. لكن فرط الاحساس عيبي
من حر كبدي يمكن أفصّخ الكوت = وأعارض ( الشهلول ) .. وأطر جيبي
أموت وآنا حي .. وأحيا وأنا أموت!! = بالله قدرّ موقفي يا حبيبي
قلبك قسى .. وش فيك يا ناعم الصوت = مالت على حظيّ .. وميّل نصيبي
الكحل من ذرّه على عين جالوت ؟!! = وأعمى قريب الشوف .. وأعمى قريبي
تراي واثق من مشاعرك يا ( نوت ) = مثل وثوقي في مقام العتيبي[/poem]


(cir5555-

[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تعبان نفسياً .. وضايق .. ومكبـوت=أحسّ .. لكن فرط الاحسـاس عيبـي
من حر كبدي يمكـن أفصّـخ الكـوت=وأعارض ( الشهلول ) .. وأطر جيبي
أموت وآنا حي .. وأحيا وأنا أموت!!=بالله قـدرّ موقـفـي يــا حبيـبـي
قلبك قسى .. وش فيك يا ناعم الصوت=مالت على حظـيّ .. وميّـل نصيبـي
الكحل من ذرّه على عين جالـوت ؟!!=وأعمى قريب الشوف .. وأعمى قريبي
تراي واثق من مشاعرك يا ( نـوت )=مثـل وثوقـي فـي مقـام العتيـبـي [/poem]

لله درّكـ
ياشيـــــخ


وصح لساانكـ
من مبطي
حتى ترضــى



تقبّل
مرور
آخـــــوكـ

:SnipeR (69):

:con200:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
على كثر ما تخطي عليّ .. ويا كثر أخطاك = أقول الخطا مردود .. وأزريت لـ / أردّه
عساني فداك .. ويا عسى كل شي افداك = ترى ما يصير اللي تسوّيه من مدّه
ياليتك توضح ياحبيبي وش اللي جاك = ترى ماني ابمستوعب اتصد هالصدّه !
وباب العتب مفتوح .. لا تفتح الشبّاك = زعلك متلوّي .. والمشاريه ممتدّه
أدوّر رضاك .. وللأسف ما لقيت ارضاك = ولا باقي الا نجرد السيف ونحدّه
أنا أعوذ بالله من عنادك ومن فرقاك = قبل تنبعث فتنتك .. وآحارب الردّه
يا سبحان خالقك .. ويا سبحان من سوّاك = تراخت عظامي لك .. والأعصاب مشتدّه
أبارد حياض الموت .. وآموت بين ايداك = لو إني مع العشاق مارد بحر جدّه[/poem]



:wardah: :wardah:

مرحبتين كبار كبار

أرررررحب يا عبدالله من القلب الصافي
شرفت المكان الله يشرفك بالإيمان وأعز من يجيني

صح بدنك والله يحيك ومرورك تشريف لأخوك

لا خلا ولا عدم :SnipeR (69):

(cir5555-



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مدوّر جديدي .. لا تدوّر جديد = حارت أفكار راسي .. والقدم حايره
كن فالراس صدع / وكن فالرجل قيد = درّجي يا جمال الحمله الجايره
ما يفيد الحديد اللي يفل الحديد = لازم أصبر على هالوضع وآسايره
العراقي / ورى دجله يطق اللبيد = واليماني / ورى مارب معه ثايره
لو ( سامي ) يجبّر .. ما يلحّم ( دريد ) = أرضنا بور .. والعمله بعد بايره
والحكومه رشيده.. والمواطن رشيد = والثنينه عليهم دارت الدايره[/poem]


:icon31:

:woow55:




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اللي يحسّف ناس ما تاخذ أرياه ؟ = اليا زعل .. محد ٍ عليه متحسّف !!
لو هو رفيق / ويذبح الذيب للشاه = وللثوب زر .. وللعمامه منسّف
مانيب مربوط ٍ بمثله وشرواه = أبعتذر عن خوّته .. وآتأسّف
من واقع ٍ عشته ولا أدري وش أقصاه = أسمع ولو فيها شويّة تعسّف
سلّم على خشم العدو .. قبل تاطاه ! = وأتفل .. على وجه الرفيق المحسّف !![/poem]


:woow55:

..



[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سم بالله وأقرآ يا مطوّع عليّ = حالتي ما تطمن .. بس شف لي خراج
أتّبع رقية / أحمد حنبل الحنبلي = فلّ روس العقد .. وآفل معك الحجاج
خل عدّ الروى .. يرده مميح الدلي = ما هي ابفارقه ما ( ورد ) .. والاّ هماج
دام قلبك من الإيمان ( مخرج ملي ) ! = انفث انفث على صدري .. وصدري سياج
يمتلي ما يغيض .. ايغيض ما يمتلي !! = ما تقول إن فضلوعي شويّة عواج !!
ضاقت أوسع مداخل صدري ( الحايلي ) = صرت لو أرفع الهمّه .. رفعت احتجاج
لق يا شيخ يمّي .. قبل ألق الخلي = السما صافيه .. والقاع ثوّر عجاج
بس يا شيخ جعل الله يخليك إلي = قبل أصفّي حساب .. وقبل أعكّر مزاج
والله إني مريض من الهوى يا هلي = لا تودوني الدكتور .. مالي علاج !!
ضاع في ماضي العشّاق / مستقبلي = للصبابه حنين .. وللمشاعر اخلاج
حسبي الله على .. حبيبي الأولي = أبتلاني وأنا مصلّي .. وصايم .. وحاج
ليت مالله يجازيني بحسْب عملي = كثرت اذنوبي .. ولا عاد أبا الاّ الخراج[/poem]

(cir5555-

:con200:




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صدري رحب والضيق حاجز له مكان = من وسع صدري ما نويت أضايقه !!
أهيء أسباب السعاده والأمان = وأسباب خوفي من وراه موايقه
ودّي بطرد الضيق الآن .. وقبل الآن = وأشوفها ما هيب والله لايقه
أخاف يفضحني وهو شاهد عيان = لـ / أسرار حب اللي لقلبي بايقه[/poem]


(hrt777-

صوره مع التحيه لـ :
عفاس + علي نايف + عادل بن حجنه :icon_mrgreen:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يابراهيم ( ساهر ) ما رقد لين جيته = شافني بعد غيبه .. واضحكت لي سنونه
ابتلاني وأنا في عقر داره بليته = واستبحت الرياض اللي حرمها مصونه !!
حبّها حي .. بس قلوبنا مستميته = كل حي ٍ نباه .. وساهر يحول دونه
قام يكشح فلاشه في عيوني وليته = ما يركّز عليّه .. لا تناقز عيونه
طحت في وسط زحمات الرياض .. ونسيته = واتصل فيّ ( ابن حامد ) على تيلفونه
قال مخرج ( حدعش ) اطلع معه / وإن عطيته = لا تهدّي / حركْة السير فيها مرونه
وأثر ( ساهر ) على المرصاد من دون بيته = ثاقبه نظرته .. ويصور اللي يجونه
وصف ( سلطان حامد ) ليتني ما خذيته = لو ندى كف ابن حامد يندّي صحونه[/poem]

دوك يا حبيب خشمي يا سلطان :SnipeR (69):


* ابراهيم أخوي اللي سيارتي بأسمه :icon_mrgreen: <- ما سويت شي بريء:11:

جبتها ياذيبان

حي ذا العين

ودي أدعي يصورك ساهر دائم ودي نستمتع بالشعر وخايف عليك من الخسارة

صح لسانك يامبدعنا الكبير

^
^

صح بدنك وفكنا من الدعَوه الله يرحم والديك :icon_mrgreen:

مناصره للجندي المجهول :)


[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا أهل قطر من دون ( سلوى ) برى الحال = وأن جيت ( سلوى ) .. رحت من دون / في دون
أقبل على المنفذ .. وأنا كلّي آمال = وأرجع من المنفذ .. وأنا كلّي اغبون
ما كنّي ألبس ثوب / واشماغ / واعقال = يمنعني الحد السعودي وتدرون ؟
أشيل في مخباي ( بطاقة احوال ) = وأحطها فالبوك .. وأمشي على الهون
ما غير أنقّلها ولا عندي إشكال = أشيل لي كرتون .. وأحط كرتون !!
لا قلت أبستانس وابا أوسّع البال = يردّني قانون ما هوب قانون
العسكري رجال زي أي رجال = ما باقي الا تعزلونه عن الكون !!
حنّا عساكر قبل لا نلبس ابدال = ومن دون حد المملكه درع واحصون
ياللي لكم فالأنظمه باب مدخال = عينتوا الصاحي .. على رقم مجنون
( الجندي المجهول ) عرضة للأهمال = على مهب الريح .. وأبليس ملعون
وإن قلت لي شي ٍ ولا هوب ينقال ؟ = أببلع إلساني على ما تقولون !!
مـ / أشوف .. مـ / أنطق حرف .. مـ / أسمع وش يقال = وأنا معاي لسان .. وآذان .. وعيون !
أول حدود السالفه ( رقم جوال ) = والظاهر آخرها ( كلبشات واسجون ) [/poem]
:icon_mrgreen:

يارب سترك :con200:

^
^ ^

ماهيب هي يا ولد ترى بينا عيش وملح وحليب زنجبيل :woow55:

:wardah:





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أركن عليّه .. وأحذف الدنيا وراك = الموت سْهم أمّا نزل .. والاّ رقى
لا تمنع المحروم من مالله عطاك = وأحروفك أسياد .. وسوالفك اعتقا
سولف وعفويتك تاخذ من حلاك = والاّ اللباقه منك شينه وامحقا
قل للركود العاطفي : تبّت يداك = لا تقتل الفرصه على وضح النقا
فرقاك صعبه .. لكن أسهل من لقاك = وانا لـ .. جيت أودّعك ،، عدّه لقا
أجيك أرحّب في محلّك من غلاك = ودام المحبّه حاضره .. دام البقا
حنّا حبايب .. ياحبيبي وش بلاك ؟! = ميّز شعورك .. عن شعور الأصدقا
حتى على وصلك ملامح من جفاك ! = وأنا على سعادتي .. بصمة شقا
الله ينصر ( جرأتك ) على ( حياك ) = عشان يظهر من حنينك مـ / أتـّقى[/poem]



:wardah: :wardah:

من موضوع الذاكره للقدير / عبداللطيف الغامدي
كتبتها في علم من اعلام المرقاب ولا يحتاج للتعريف
( رحيّم الغنّامي )

أتمنى عودة أبو راشد لمرقابه عند إخوانه




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الذاكره .. ما عاد تسمح لي وأخزن فيها = نسيت أسامي .. بس لا زلت احتفظ بـ/اسامي
أسما كثيره لو تغايب .. ماني ابناسيها !! = واسمـا كثيره ما اتذكرها .. وهي قدّامي !!
من خبره ومن صيت اعرف الناس بأساميها = أعرف كبير الأسم .. لو ماهوب إسم إعلامي
ما كبّر اكبار الأسامي غير فعل ايديها = لين صغرت معهم مقامات القصيد السامي
والله ما أجاملهم .. من أولها ليا تاليها = واحزامي احزام السعد .. لن عوّدت لحزامي
مالي وراهم يعلم الله مصلحهٍ بأقضيها = والمصلحة متْقيده بـ/انظام غير انظامي
لكن كلمة حق تجبرني .. وابا ابدّيها = وأقولها وأعيدها .. لو كثـّروا ظلاّمي
أحد رموز الشعر والساحه ماهو خافيها = شاعر كبير .. وتعرفون ( رحيّم الغنـّامي )
قصيدته .. ما كل شاعر يقدر يجاريها = اليا غدى فالحلم فكر .. مفسّر الأحــلامي
مالي شهاده / وأدري أن القوس مع باريها = شهادتي مجروحه .. وجرح الشهادة دامي
هذي حقيقه .. والحقيقه / ماني ابكانيها = أجند اجهودي لها .. تجنيد شبه إلزامي
يا صاحبي عبداللطيف أسلم / وأسلّمكيها = رسالة ٍ فيها عتاب امحب حامي / حامي
أعاتب أصحابي / عشان الصحبه آقوّيها = ماني مسوي مشكله تبغا قضا وامحامي
ســود الليـالــي دايره .. يالله يا كافيها = اتجمّع اهموم العرب .. واتفرّق اللّيامي
دوك السوالف .. خل عهدتها على راويها = واليا لقيت ( رحيم ) اسردها بصدر ٍ شامي
قلّه ترى يا غيبته / محد ٍ ترى راضيها = وأنا على شوفه على المرقاب جايع ظامي[/poem]


يالله لقيتها فالأرشيف ما طلعت منه ألاّ وأنا مشهّب :icon_mrgreen:

[poem=font="Simplified Arabic,5,black,bold,normal" bkcolor="transparent" bkimage="" border="none,4,black" type=1 line=1 align=center use=ex num="0,black""]
فض اشتباك .. الغرام وفضّها سيره = مشاكل الحب قلّي ويش داعيها ؟
مالك ومال السهر والشوق والغيره = ومالي ومال الحمامه يوم ألاحيها !
خل البشر فالزمان وفي مقاديره = يموت زعلانها .. وايعيش راضيها
ياخلّي اللي ما غيره خل ما غيره = من غير لأسمّي العالم بأساميها
أحفظ مقامك وصدري صار لك ٍ ديره = عليك حتى الضلوع العوج حانيها
قم طفّ نور الفراق وولّع النيره = البرد قارص ونارك لا تطفّيها
ما دام فوج الجفا دكّوا مساييره = الله يحييّك .. والله لا يحييّها
لا طاب فال القصيد ولا كثر خيره = إن كان خيرة بيوتي ما تغنيّها
شاعرك ما خانه إلاّ بس تعبيره = والاّ المشاعر موفّيها موفّيها
العام يكفخ على حد السما طيره = واليوم حتى القدم يسحب خطاويها
أقول : خيره .. وانا مـ / أعلم عن الخيره = وأقول : يمكن .. وأنا يمكن مـ / أدانيها
لو نضرب الأوله .. في وجه الاخيره = من خلقة الناس ناخذها ونعطيها[/poem]