[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لقيت لك في جسمي اربع جماهير=الفكر والاحساس والشوف والسمع
إن غبت عني صار بالمخ تغيير=ما ميّز القسمه من الطرح والجمع
وان جيت جتني كل فرحه بتعبير=بالكشف والاشعاع والقدح واللمع
يامشغلٍ عندي جميع التفاكير=شمعت قلبي فوق برج الهوى شمع
[/poem]

[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالله ياللي عندكم فزعه وعلم ومعرفه=عندي قضيّه ودّي اعرف حلّها يالغانمين
لاصار عندي شيك حبّ انا احفظه والاّ اصرفه؟=بالذّات في وقتٍ به الاسرار للعاذل تبين
وقتٍ به الدنيا على حَدّ النهايه مشرفه=والصدق نادر والغلا والصدق شرط العاشقين
كم عاشقٍ عانا مع العشّاق والدمع اذرفه=يبغى يخفّف من معاناته وزاد الميّ طين
قام يتمشّى في طرف واد الشقا لين اجرفه=واصبح يردد : مالك الاّ الصبر يالقلب الحزين
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامختفي عن عين غاليك فتره=فترة غيابك خلّت الحيل فاتر
ألبستني من لبس الاحزان ستره=لو ان ما في لبس الاحزان ساتر
الوصل ثوب وبشت اماره وغتره=والهجر وصفه ماتشيله دفاتر
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وشلون اذوق النوم والسبت بكره؟=السبت اعرفه زين والنوم اعرفه
السبت يكره نوم عيني وانا اكره=زولٍ نهار السبت مافيه صرفه
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
صدّ وتنكّر عقب ذيك الرفاقه=ياليتني عن رفقتي ذيك خيّرت
اتلا العهد به يوم قطع العلاقه=للغرب سيّر يوم للشرق سيّرت
قدمي طريق الخير واسع نطاقه=وليا تغيّر صاحبي ماتغيّرت
طلعت سالم لو شعرت بحماقه=مسّتني الطيره وانا ماتطيّرت
اللي علشانه كرهت الصداقه=إلا صداقة واحدٍ فيه نيّرت
ماعاد يحزني جفاه وفراقه=فرقاه عيد وعقبها ماتحيّرت
الله عطاني عقل فهـم ولباقه=اليابغيت اختار صاحب تخيّرت
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياساكن القلب قلبك مسكن لقلبي=قلبك سكن قلبي وقلبي سكن قلبك
فيك الوفا ايجابي ومنك الردا سلبي=عنك الردا شدّ يوم الطيب نازلبك
ان كان لي حقّ عندك لاتماطلبي=شفني تحمّلت كلّ ايجابك وسلبك
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامعلّم التعبير عبّر عن الشام=ملّيت من موضوع شبه الجزيره
ابحث مع الطلاّب تحقيق الاحلام=النصر حلم وسيرة الشام سيره
احوالنا ياستاذ في تال الايام=ما بين تقصير وجهاله وحيره
كثير منّا يحسب الواقع اوهام=ويسمّي اوهامه حقايق مثيره!
حتّى اليهود اللي تربّص بالاسلام=ماباقي الّا يعتبرهم عشيره
الياعطاه العلج رفسه بالاقدام=يقول سامح جعل بالامر خيره!
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليتك تشوف النور ياساري الليل=من شان تدرك دربك اللي سلكته
امّا طلع دربك خضر مثل ماقيل=والاّ طريقٍ مايسرّ وتركته
لاتنتظر فزعه من الجدي وسهيل=وتصير بعيون المخاليق نكته
افزع لنفسك واتبع الميل تعديل=تفعل كذا يعني طريقك حبكته
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرّه من المرّات رحت اتمشّى=في منتزه (جامل مع الناس تسلك)
لقيت ناسٍ في بعضها تعشّى=أثر المجامل نوب يعمي ويهلك
[/poem]

[poem=font=",5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ودّي اسولف معك بس مادري ويش اقول؟!=لاجل ذلك في (صباحك مسرّات) اكتفي
الخواطر كل ماجالت الذكرى تجول=والسعاده مثل شمسٍ تبين وتختفي
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اجعل همومك سرّ بينك وبينك=لاتشتكيها للبشر ثمْ تحسّف
اليادروا بهمومك الله يعينك=ماعاد ينفعك الندم والتآسّف
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الماضي اللي يعطي الحاظر دروس=يستاهل الذكرى ويستاهل الحفظ
مثل انتصار الشيخ شامل على الروس=موقف بطولي فعله يطابق اللفظ
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السكوت اثنين والثالث هلاك=شوف عاد ايّ السكوت يناسبك
سكتة العاقل بوقت الارتباك=تعتبر حكمه ومحبوكه حبك
وثاني السكتات يسكتها هذاك=واحدٍ ياجعل ماهو صاحبك
يحرجك بالهرج قدّام اخوياك=وان بغيته حزّة الجدّ ارتبك
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سَمّوك نجم سهيل يالقطة غليص=سهيل كلّه نور والاّ انت ظلما
لو معك من شيخ المزايين ترخيص=بسّ الحليب احيان ممزوج بالما
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا لقيت ابليس باسواق العثيم=هذي يناديها وذيك يقزّها
قلت اشهد ان ابليس شيطانٍ رجيم=قال: انظر لهذيك كيف ت....
قلت: ابشر بنارٍ لظى . قال: الجحيم؟=قلت: ايه . قال: الناس معي اكزّها
قلت: انت مقطوع الرجا . قال: اللئيم=قلت: الغوايه منك . قال: اعزّها
قلت: السبب؟. قال: انحرمت من النعيم=وابغى البشر بالنار معي ادزّها
يالله تكفينا عدوّك يا كريم=اللي يضايق خلقك ويبتزّها
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياناشدٍ عن سبب فكري وسجّاتي=انشد عجاجان وان علّمك علّمني
حاول تركّز معي واستوعب الاتي:=ماحدٍ بجابرك يابن الناس تفهمني
الفرق بيني وبين الخبل غاياتي=والاّ مايلزم جميع الناس يلزمني
الظاهر انّي نويت اقطع علاقاتي=مع كلّ واحد لياسجّيت يزهمني!
[/poem]


ملاحظة :
(عجاجان) : اسم جبل .

في أحد المواقع , كان هناك موضوع بعنوان (شنو تكتب على جدار الزمن؟) ,
فـكتبت الأبيات التاليــة :


[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اكتب على جدار الزمن واوجودي=وجد الغريب اللي نسوه وتغرّب
عليك ياللي ماهرٍ بالصدودي=ومن الدلع عن المواجَه تهرّب
عندك خبر نقض العهد لليهودي=أحذر على طبع اليهودي تدرّب
عاهدتني وانا وفيت بعهودي=والسرّ منّي مستحيل يتسرّب
اسمع كلامي ياعريب الجدودي=ان كان مانت قريّبي لاتقرّب
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا قريتك في كتاب الشوق واحلام الليال=تآليف همسات الضمير وفهرسة صدق الغلا
وارسلت مندوبي عليك وقلتله روح وتعال=لكنّ مندوبي تآخّر ليت ماصابه بلا؟!
بالمختصر يعني فراقك هزّني يابن الحلال=كلمه وابعلنها على المكشوف قدّام الملا
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياطويل العمر من لا عرف قدر الرجال=ضاع قدره بين ناسٍ عزاز نفوسها
تدّعي بالكذب والكذب هو ساس الضلال=ضلّل اصحاب الريا كذبها وفلوسها
ليه ماتاخذ تجارب من دروس الليال؟=الليال السود تنفعك بعض دروسها
مثل درس (احساس الانسان يعطيه احتمال)=والصحيح (اخبار الامطار عند عسوسها)
ومثل (اذا تجهل طريق العرب روح وتعال=ثمّ عدّل مشـيةٍ كنت قبل تحوسها)
ومثل (حسن اخلاق الاحباب يدعو للوصال)=ومثل درس (افزع للاصحاب ترفع روسها)
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العمر فلمٍ نجاحه يتبع اخراجه=جمله مفيده من اصدارات تفكيري
ماذقت من لذّة الدنيا ولا حاجه=لكن عزاي انّها مادامت لغيري
يوم انّ كلٍٍّ سلك دربه ومنهاجه=لقيت دربي دبابيس ومساميري
لو القضيّه قضيّة نطح ومواجه=كان اتّخذت احتياطاتي وتدبيري
مار القضيّه لاجت عوجا وموّاجه=هذي هي اصعب قضيّه حسب تقديري
النفس لمجامل الاصحاب محتاجه=مايرضي اصحابي الّا حسن تعبيري
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سرابي هاجسي حتى وقفبي بالخلا الخالي=بلا موتر ولا صاحب ولا موعد ولا حاجه
وقمت اقول هل هذي حقيقه او يورالي؟=ولاكن مالقيت اللي يقول الحقّ ويواجه
ابي سبحه وابي شعرٍ على الكيف يتهيّالي=وابي معنى وابي طاروق مع صفّين لجلاجه
أبشرح كلّ ما في خاطري واللي على بالي=سوى الاسرار حيث السرّ ماهو هرج هرّاجه
أقول الله يعين المهتدي في وقتنا التالي=يشوف الناس حول النّار ورّاده ودوّاجه
ولايقدر يعدّل كلّ عودٍ للردا مالي=جداه يحنّ لعصور السلف ويعالج احراجه
طواه الشوق لعصورٍ مضت والدمع همّالي=يبا عصر البخاري واحمد الحنبل وابن ماجه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الغلا ياهل الغلا لاتسمّونه غلا=لين يكمل فيه شرطين من بدّ الشروط
شرط ماتنسى حبيبك لو انّك بالخلا=وشرط ماينساك لو دونك الياس امحطوط
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالفعل والترهيب شبّهت ساهر=بمعمّر وحافظ وحسني وبشّار
حيثه بظلم الناس فنّي وماهر=يكرّر الجزيه على الشعب تكرار
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلٍٍّ على ليلاه لالا وغنّا=هذا بكى حرقه وهذا بكى شوق
المشكله منّا ومنّا ومنّا=لكن بنفس الوقت للصابر حقوق
أصبر على دنياك مهما تعنّا=أنت ادمي على المعاناه مسبوق
قبلك عبادٍ بالاماني تمنّا=ومع الصبر لحقوا على كلّ ملحوق
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
النعم يستاهله سلطان ابن بتلا=حرٍٍّ نهار اللقا مايعرف الذلّه
داس المخاطر وخاض المعركه وابلى=قدّم حياته رخيصه في سبيل الله
سطح القمر عالي وقدر الشهيد اعلا=كم واحدٍ لاجل هذا سيفه يسلّه
يتبع نبي الله اللي رايته مثلى=الدين كلّه خذه والاّ اتركه كلّه
[/poem]