الهم ذيبه جر في صدري عواه
حتى ضلوعي جاوبت عويت الذيب

واهتز صندوق الضماير من اقصاه
حل السهر مافيه شك وﻻ ريب

محتاج روتين ثاني غير هذا القديم
اخذ معه لو ثلاث شهور واغيره

ياوين ابا القى رفيق للصداقه حميم
شيك يجور الزمان الصعب ماجيره

بالحيل بردان من برى ومن جوى
وعلى مشاهد عيونك دقت اجراسي

غنيت ابا اغويك لكن جيتك مغوى
والشعر ماعاد يقدر يشرح احساسي

وينك الله يمهل ايامك غيابك كيف اطيقه
تعبت اعصابي من الحاجه وقلبي فانتظارك

أتضاهربالسعد والعوج داخلها حريقه
والجوارح كلها تدعيك عجل في قرارك

اتحرى جيتك والوقت اعده بالدقيقه
والزمن لن فاتت الفرصه معه ماتنتدارك

انت حلم جابك الواقع وجيتك بالحقيقه
والغلا والود والاحساس وانته واختيارك

باب الوصل لاهل المواصيل مفتوح
حي الله الى جابه الشوق عاني

واهلا هلا قبله وبعده من الروح
اقلط هنا بين الضلوع المحاني

سلام.. لعيونك.. وخدك.. وقدك
جاك الشعر بالشوق ..قم وافتح الباب

ضمه وخله فوق صدره يشدك
من باب تجديد المحبه والاعجاب!!!

انا ماني بحاجة شهادتك يادلوع
انا بإسمي اهرج وانت هرجتك باسم امك

وانا ماني بموضوع يالجاهل الموضوع
انا اشره على نفسي لا جيت التفت يمك

تعال الله يمسيك بالخير والاحساس
انا ادعيك محتاج الك والشاهد احساسي

ادورك وانته وين غايب عسى ماباس؟
اكيد ان عذرك محرجك..ماانته بناسي

انا مأاعرف اوصف ولا اداني التوصيف
لكن ان تقفاك الهوا .. رحت مع يدها

وش خانة إحساسي معك لا صرت ما احسك معي
كلمة احبك ..ما تسر القلب ما دامك ...بعيد

الصوت مثل الشوف ما ارضاني ولا ادرك مطمعي
غير التمني ...والتمني للمشاعر ..وش يفيد

انا حرّ وشعوري حرّ واسراري مع الاحرار
ولايمكن يبوح احساس قلبي غير مع حرّه

صحيح الحب سلطان القلوب ويعمي الابصار
لكن لا تحلمين اني احبك يا صنيفرّه

الصدفه اللي جابتك فاخر الليل
قدام لا تقبل شعرت بدفاها

عطني علامه لليال المقابيل
بعض المشاعر معك ذعذع هواها

ماذا تقول لحظك:

والله لو اني حظك اني لا اسنعك
لكن حظك شين ماجيت حظك

:icon_mrgreen::wardah:

ليت الصدور اللي بها الشوق وقاد
يضحك لها ليل الغرام وتلاق

في غفله.. وصدفه.. على غير ميعاد
لين القلوب من المشاعر تساقى

صباحك سعاده ياحبيبي وراحة بال
فقدتك وفي غيبتك ميزت وش قدرك

تعال.. الشعر له وقت يشرح لك الاحوال
قبل مااسألك وين انت؟.. خذني على صدرك

يقول وش ودك وانا اقول ودي
اروي عروق القلب من كل ما بك

ويقول صبرك قلت بيحت سدي
تعبت اقلب صورتك في غيابك

نسيت روحي يوم جابو مجالك
واخذت مع ذكراك بالفكر سجه

كم لي وانا ادور سبيل لوصالك
لكن ما حصلت للقرب حجه

في شاشة الذكرى لقيت لك صوره
وقربت منها لين سالت دموعي

ليت الزمان يعيد للقلب دوره
واروي ضمايه منك واسد جوعي

لي ثلاث ليال والهاجوس لا غنيت غنى
والبحر نجدي ولحن الحرف في صدري جنوبي

كل ماحاولت ابا انسى ذعذت منا ومنا
وين مااوجه تهب ابها هبوب الود صوبي

لا عضّت شفايفها ضرب في خفوقي شوط
يالبى شفايفها ... وعضّة شفايفها

واهني اليدين اللي تصافح يدينك
واهني العيون اللي تطالع عيونك

ليتني بين يسراك استريح ويمينك
واترك ازعاج قلبي يندفن في سكونك

سبحان من ميزك عن كل الازوال
الشعر منصاع لك .. واللي يقوله

بالله سلم لي على حبة الخال
والا على رمش العيون الخجوله

شف بالي مااقدر اشوفه وصعب اني اكبه
والسعد صايم ولا له نيه لقلبي يعيّد

كلما جيت اتقدم دق في صدري منبه
ودون شفي شيمتي خلتني بعير مقيّد

كان المعاني على الشعار محسوبه
يالله بدق الهواجس لا تواخذنا


حروفنا تالي الايام منكوبه
من نزغة ابليس يارحمن عوذنا

مناوره بيني وبين ناصر تراحيب


العسكري ماهوب مثل المعلم
العسكري قوي باس وحمر عين
دايم لصكات الزمان متولم
يوم المعلم قوته فالوراعين

مطر العازمي

العسكري والنعم لو ما تكلّم ،
نفخر بفعله في جميع الميادين
لولا .. المعلّم علّمه .. ما تعلّم ،
يمديه مابين الغنم و البعارين

ناصر تراحيب

مدرس الطلاب قام يتزلم
على حماة الدار والشعب والدين
العسكري لا جا النهار المظلم
درع المعلم عن سيوف المعادين

مطر العازمي

ما انت متضرر لا تونّ و تظلّم
حسب الشريعه فالبلد والقوانين
الاّ اذا ، مدحي يزعلك .. علّم
وابشر بمطلوبك ياحام السلاطين

ناصر تراحيب