|
|
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
الدمعه ابلغ .. من حديث احتجاجي = على قرارٍ صادرٍ منك .. محسوم سَكّر على قلبي ، وعكّر مزاجي = وانا بشر ماني عن الذنب .. معصوم محتار ، مابين الغلا واحتياجي = لاصرت اشوف الما .. وانا منه محروم يانوت ، ما لك في عقاب العواجي = يلومك ، ولاهوب سالم من اللوم دخلت في حبك .. ولااعرف خراجي = والليل ، تشهد لي نجومه .. على النوم وانتي سبب .. في راحتي وانزعاجي = وبحر الزمن غدّار .. والحب محشوم جيتي ، على ريحة غلاي ونتاجي = مثل الفراشة .. فوق ورده ويشموم رجواي في دنياي .. فلّة حجاجي = ورجواك فالدنيا .. كبر فصّة الثوم اخاف لا اقسى .. ياالشعاع الزجاجي = واكسرك في صدري .. واصير ابك مرحوم ومانيب يائس .. بسّ مانيب راجي = من كف وقتي .. غير تصبيرة الصوم والله يبدّل ضيقتي .. بانفراجي = لاصرت في دنياي .. عاشق ومحروم [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
مكامن القوّة .. تغيّرها حسب وضع النزال = والجوع كافر فالهوى .. والآدمي روح وجسد حاجه طبيعيه ، ليا شفت الأسد .. ياكل غزال = بس الغريب ، اتشوف لك غزال .. ياكل له أسد [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
يابحر ، موجك موج .. واصدافك اصداف = بيني وبينك .. فيه فرق وتشابه الفرق واضح .. ماعلى فرقك خلاف = غدرك ، وظلماتك ، وحوتك ونابه ووجه الشبه .. على نقيضين الاطراف = مشرق ، وذوّب فالصميم السحابه انته ظهرك .. يشيل قارب ومجداف = وانا على ظهري .. حمول الغلابه وصوتك ، هدير الموج ، والموج خوّاف = وصوتي ، مثل وبل الحزن .. فالربابه عميق ، واسرارك عميقه ماتنشاف = وانا كثر مااقول .. عمقي مشابه كبير ، قاعك فرش .. وامواجك لحاف = وانا بعيني .. كبر نجد وهضابه وملحك ، يزيد الضامي .. اجحاف واجحاف = وملحي ، يذوقه خاطري .. فالكتابه ولولك ، على وزنه .. من اللام للكاف = ولولي ، على وزنه .. يعيش بغرابه[/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
إفرض ، مثلاً مثلاً يعني = انّي بـ/اترك حبّك .. مرّه انته .. بتجيني .. تودّعني ! = ولاّ بتغادر .. بالحَرّه ! افتح لي قلبك .. واسمعني = يادُرّه .. ماحولك دُرّه الوقت اللي مرّ .. اقنعني = انّ الوقت .. الغالب شرّه وحبي لك .. دايم يمنعني = مااحبس روحك .. دامت حرّه حلّق في جوّك .. واقطعني = والدرب الموحش .. لاتمرّه وفي حلمك .. حاول تزرعني = واقطف شاعر .. لله درّه وفالواقع .. لاتبلش طِعني = كم يُكسر فالواقع .. جُرّه لكن ، ياتكفى .. ودّعني = مااقوى ارحل في قلبي .. حَرّه [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
أحياناً القرب .. من وحي الأنانيه = واحياناً البعد ، فيه ايثار لايُنسى تغور في داهيه .. كلمة ( أمانيّه ) = لعيون ، من يحسبنّي في هواه اقسى واللي يلبّس .. على الفاظي معانيّه = مال الطُهر في شواطي نزوتي .. مرسى وعلى الغلا اللي .. تعشّب في محانيّه = ابا اتناسى ، لأنّي مستحيل انسى وفي ذمّة اعوامك اللي .. في ثوانيّه = ياغاليه ، لاتذوب عيونك الخرسا روحي فمان الغلا .. يااجمل اغانيّه = يحرم صباح النقا .. على يد الممسى [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
من قال ابنساك ؟ بسم الله على قلبي = واللي خلق قلبي .. انّك بلسم جروحه ماغير هاجس .. سقاني كاسه السلبي = ولاّ وش الآدمي ! لا روّحت روحه يمكن عشان الغلا طاغي .. وهبّل بي = ونطح سحاب السما .. واهتزّت صروحه[/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
غلا مات ! ، لاطبعاً .. سلامات = سلامات ، مادام الغلا حي ياعلّ التعب ، فيك انت .. بالذات = ليا مرّ صدرك .. مالقى فيّ يملّك ، وتطرده المسرّات = ويكرهك ، كره العرْق للكي يسافر .. ويقطع له مسافات = ولاعاد يعرف عنك .. أي شي [/poem] |
اقتباس:
,, يقوله غازي المغيليث وانا اردده هنا سلامي عليك وحب لي خشمك بشتى الوسائل |
صح لسانك يابو راكان ، وصح لسان غازي
مرور يفتخر به الصميم ويقيم له الاحتفالات بعد :) اعجابك محل فخر ، محبتي دم تا / بخير |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
مما كسبته .. من تجارب شبابي = ياآدمي ، عقلك سبب في شقائك من الذكاء ، انّك تكون متغابي = ومن الغباء ، انّك تعيش بذكائك [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
شوفوا جنون الهوى .. ياللي تلومونّي = حبيبتي استرسلت فيني .. وانا اسمعها تقول : احبّك ، ولو حتى تبا تخونّي = والله ، لااحبّها .. اللي خنتني معها [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
كان الفضا .. بين اللقا والوداع = صدره .. على سيف المفارق .. رحيب وكان التعب للقلب .. سقط المتاع = أزرى يلاقي فالأماني .. نصيب البارحه ، كنّ الثواني جياع = واكلت ثقه ، حتى نسينا النحيب وتمزّق ، لوجه السعاده .. قناع = وتحقق ، الحلم الصعيب .. الصعيب ورغم ، السفينه والبحر والشراع = والخوف ، من هذا الزمان الغريب الصدر ، فك الشرنقه لليراع = وطاح الرطب .. ولامسكه العسيب والذاكرة ، نست ( سنين الضياع ) = والشارقة ، نست مكان المغيب والشوق ، ساق النوّ للإندفاع = والحب ، جمّل في حبيب و حبيب [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
ياحارس اسبانيا .. يا( كاسياس ) = غزّه تناديك ، فكّ حصارها حنّا شربنا عليها .. كاس ياس = ومات الأمل .. في طوال اعمارها [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
مهما بغيت اقول .. ماتتخيّلي = في توأمة روحين .. كيف اتخيّلك! البارحه ، سرقت منّك .. شي لي = واليوم ، منّي سارقتني .. شي لك [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
أسهل اشعور للعاشق .. شعور الغرام = واصعب اشعور يتمنّاه .. وصف الشعور وماعلى اهل المحبّه .. عيب ولاّ ملام = ولا لحقهم على وصف المشاعر .. قصور كيف لا ؟ والحروف اشبه لسرب الحمام = عايشه فالغصون المورقه .. فالصدور كيف لا ؟ والهوى لا هبّ .. طار الكلام = وكلّ مازاد قوّه .. زاد بُعد الطيور كيف لا ؟ والهوى لاساق .. وبل الغمام = مايعبّر ولو حاول .. عن اللي يدور [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
ياالاتصالات ، الخطا غير مقبول = والوضع ، ضرّ المشترك فالأماني الحظ ، جواله على طول مقفول = والإنتظار ، اسرف سماع الاغاني والوصل ، عن خدمات الاحباب مفصول = والشوق ، واصل حدّه الائتماني والبعد ، خطّه فالمعاليق مشغول = والوقت ، محسوبه عليه الثواني امّا ، اخدمينا فالأماني على طول = ولاّ ، استمرّينا كذيّا نعاني [/poem] |
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]
من حقي ، اذوق الملذّه .. ملذّه = وانا حبيبي ، أجمل الخلق .. فالخلق للوصل والاحساس والشوق .. لذّه = تشبه لريح الورد .. في جوّه الطلق ياساكنٍ في خافق الصدر .. غذّه = جوعه تمكن .. لايصير بيدك غلق والحُب .. تمرة جوع ، والعقل .. فذّه = ما توكل ، وتجرح .. ليا وصلت الحلق [/poem] |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حبيبتي ، من وين ابلقى منامي ؟ = وان كان فيها شي .. من باب الانصاف ! مدّي بعيني قامتك .. ثم نامي = جفني لك فراشك ، ورمشي لك لحاف واذا صحيتي .. بلّغيني سلامي = وقولي لي انّي نمت .. ماحولي خلاف [/poem] : : : |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عاد رمضان ، وكل عام انتم بخير = ومن الضروري .. نستغلّ الثواني ونرمي دلو زمزم .. على جمّة البير = ونسلّم الاخلاص .. سبع المثاني حتى نشوف القلب .. في هيئة الطير = ويشيله الايمان .. في جوّ ثاني ياالله تهدينا ، وتكتب لنا الخير = ويعيد عيد الله .. بكل المعاني لو انّ هذا العام .. تركيبته غير = جاني بعيد الفطر .. قبل رمضاني[/poem] : : : |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] خالك ، تحت شفّتك .. من كثر زينك = ضامي ، يبا منهال نهرك و ضفتّك واثر ، العلاقة بين .. قلبي وبينك = مثل العلاقه .. بين خالك وشفّتك يااغلى هدايا العمر .. عيني بعينك = تسلم يدٍ .. ورّتك قلبي ، ودفّتك أصلاً ، سنيني عايشه مع سنينك = وظروفنا ، خفّت حياتي .. وخفّتك البارحه وانا اتحرّى .. يمينك = مابين ، توليفة جنونك وعِفّتك وزَنت حبّك .. في مقابل ضنينك = ورجْحَت على ميزان الايام .. كِفّتك انا فدى .. روحك وفكرك وطينك = والعذر منك ، ان كان روحي ماكفّتك[/poem] : : : |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر ماهو دايماً .. فلّة حجاج = صاحب ، يوثّق للسنه تجربتها يوقف معك فزعه .. ولاهوب يحتاج = تنبّهه للساعه .. وعقربتها والذبذبات المرسله .. بين الابراج = احيان ، تجرح خاطري ذبذبتها احاول القى للمشاريه .. مخراج = عشان ، اسلّم مهجتي كهربتها العقل صاحي زين ، والقلب هرّاج = وحروفي ، كفوف الحياه اكتبتها ونخل الحسا مسقيه .. من عين الافلاج = ونخلة سما الايام .. اكلت رطبتها لبّست راس العمر فيما مضى .. تاج = وظروف وقتي .. دست فوق رقبتها والعمر مثل الفيل ، والفيل له عاج = والنار ، ماتالع بدون حطبتها لابس على كتفي من العزّ .. ديباج = والارض فسحه ، والمراجل نبَتها ماهمّني في هرج .. مفرج وفرّاج = اللي تموت وطيحتي .. مااكسبتها وافي ، وقلبي للمعاريف دوّاج = وسكّينتي .. ماساعدت حبحبتها عوّدت ، اسمّر من ورى الباب مزلاج = على أمل ، نار الرجا وعطبتها محبوس في نفسي .. ولاادوّر افراج = ومبسوط ، بين جدارها وعتبتها مبعد عن الشاطي ، ولا احب الامواج = اللي قصور اهل القلوب .. اخربتها وهدّاج تيما ، لين ذا الحين هدّاج = كم روح ! مرّت مويته واشربتها شاعر ، وفير .. احساس وافكار وانتاج = قطفت خوخة جنّتي .. وعنبتها ورسمت لي في ساحة الشعر .. منهاج = واصبحت مرجع شعر .. في مكتبتها ماقال لي لااحتجت .. منعاً للإحراج = ومشاعري ، مايوم عنّي كبتها والآدمي ، محتاج محتاج محتاج = يرتّب انفاسه .. بعد كركبتها هاذي ( حكاية شخص ) .. تأليف واخراج = نفس الظروف ، اللي معاي اعطبتها[/poem] |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الصمت في بعض المواقف .. جزاله = يقول عنك .. الفين كلمه وكلمه والكذب ، مهما طال .. تقصر حباله = والصدق ، مهما صار .. يوفيك سلمه والقلب ، لازوّد عليك انفعاله = محاولة ظالم .. لتبرير ظلمه والظلم ، مايعطيك رُبع العداله = لو الحليم .. يزيد فالوقت حلمه واللعب ، صدري مايطيق احتماله = مااحط قلبي .. بين جهله وعلمه والحب ، من حاله لحاله لحاله = للحين .. والاحداث تُعرض بفلمه [/poem] : : : |
كل عام وكل مسلم بخير
وكل عام وكل اعضاء المرقاب وزواره بأتم صحه وعافيه بمناسبة قدوم شهر رمضان المبارك أعاننا الله على صيامه وقيامه ، وأن يكون فرصة لمراجعة الحسابات . محبكم / فيصل السواط ، 28 :) دم تم / بخير |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الركن هادي ، بس في شهر رمضان اصبح مخيف = واصحاب الاركان الله الله ، لاجلوس ولاوقوف ياعناد ، ياخالد ، يابن حرباش ، ياعبداللطيف = ياكلاش ، يامشعان ، ياطلال ، ياوجد ، وعيوف ماجيت ابرّر .. حاجة الانسان في لقمة رغيف = لكنّ ودّي صدق .. احطّك يالنقط فوق الحروف شهر رمضان ، الله يبلّغناه دوم .. اعزّ ضيف = له واجب الفرحه .. وتكثيف العباده فالصفوف وقراءة القرآن ، والسنّه من النهج الشريف = ومواصل الاقراب والاصحاب .. بقلوب ، وكفوف ياالله ترحمنا ، وتلطف في عبادك يالطيف = وتمنح قلوب الناس .. فالدنيا أمان ، ومنك خوف والشعر، ماهو ذنب حتى يسقط اوراق الخريف = حاله شعوريه ، ولاتقبل من الشاعر خسوف حتى الغزل ماهو حرام .. اليا بقى غزل عفيف = نسقي به اغصان القلوب البيض .. وتطيح القطوف[/poem] : : : |
:
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياتوأم الاحساس ، والفكر ، والروح = ياحبني لك ، كثر حبك وحبي اروح لك ، واجيك ، واجيك ، واروح = مانيب لبّ احدٍ ، لو الناس لبّي حاولت اخبّي ، لكن الشوق مفضوح = وشلون يقدر من يحبك .. يخبّي ياورد ، شم العطر في خلّي وفوح = وهبي عليّه ياالهواجيس .. هبي مالي بشعرٍ ماانكتب فيه .. مصلوح = وانا لعينه بس .. اصير متنبي[/poem] : : : |
| جميع الأوقات بتوقيت GMT +3. الساعة الآن 06:28 AM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية