منتديات المرقاب الأدبية
صفحة 33 من 33 « First 91011121314151617181920212223242526272829303132 33
عرض 25 مشاركات من هذا الموضوع لكل صفحة

منتديات المرقاب الأدبية (http://www.montada.mergaab.com/index.php)
-   ..: الأرشيف :.. (http://www.montada.mergaab.com/forumdisplay.php?f=117)
-   -   ¨°•√♥ تواقيع العابرين ♥√•°¨ 5 (http://www.montada.mergaab.com/showthread.php?t=45281)

عفاس بن حرباش 08-08-2010 05:31 AM
اقتباس:
المشاركة الأصلية كتبت بواسطة فيصل السواط (المشاركة 1292282)
[poem=font="Traditional Arabic,6,silver,bold,normal" bkcolor="transparent" bkimage="backgrounds/22.gif" border="double,10,gray" type=2 line=0 align=center use=ex num="0,black""]


من حقي ، اذوق الملذّه .. ملذّه = وانا حبيبي ، أجمل الخلق .. فالخلق
للوصل والاحساس والشوق .. لذّه = تشبه لريح الورد .. في جوّه الطلق
ياساكنٍ في خافق الصدر .. غذّه = جوعه تمكن .. لايصير بيدك غلق
والحُب .. تمرة جوع ، والعقل .. فذّه = ما توكل ، وتجرح .. ليا وصلت الحلق
[/poem]
ماقول غير يسعد صباح الابداااااع !

عيوف 08-08-2010 06:10 PM
اقتباس:
المشاركة الأصلية كتبت بواسطة مرزوق الروقي (المشاركة 1292011)
الله الله الله الله الله
لاتعليق .. ياسيدة شاعرات الجيل ..
عساه ابداع ماينقطع وبس :)

متابع لحظه بـ لحظه ..,

اخي : مرزوق الروقي

ممتنه لـ اطرائك ، وشهادتك اعتز بها
الف الف شكر لـ كرم حضورك ،

دمت بخير

فيصل السواط 08-08-2010 07:49 PM
اقتباس:
المشاركة الأصلية كتبت بواسطة عفاس بن حرباش (المشاركة 1292287)

ماقول غير يسعد صباح الابداااااع !

اخي وصديقي / عفاس بن محمد بن حرباش المرشدي العتيبي السعودي :)

يسعد صباحك ، والابداع بعضاً مما لديك يامبدعنا

اتمنى دائماً ان ارسم ملامح الرضا على ذائقتك الجميلة ،،،



دم تا / بخير

مخايل 09-08-2010 05:23 AM
اقتباس:
المشاركة الأصلية كتبت بواسطة شاعرة نجد (المشاركة 1292736)
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كان تسأل عن عْلومي في غيابك=ماتسر الحال ف/غيابك عْلومي
لاتهيضني ولاترسل جوابك=ليتها ف/إيدي وأوزعها همومي
مره أوصل مع خيالي عند بابك=واتعلّى في سماك امْع النجومي
ومره أنهر خافقي لامن حكابك=واجحد دْموعي ولو تغرق كْمومي[/poem]


صح لسانك ولا هنتي

خالد السيحاني 09-08-2010 08:45 AM
اقتباس:
المشاركة الأصلية كتبت بواسطة فيصل السواط (المشاركة 1292732)
:
:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاد رمضان ، وكل عام انتم بخير = ومن الضروري .. نستغلّ الثواني
ونرمي دلو زمزم .. على جمّة البير = ونسلّم الاخلاص .. سبع المثاني
حتى نشوف القلب .. في هيئة الطير = ويشيله الايمان .. في جوّ ثاني
ياالله تهدينا ، وتكتب لنا الخير = ويعيد عيد الله .. بكل المعاني
لو انّ هذا العام .. تركيبته غير = جاني بعيد الفطر .. قبل رمضاني[/poem]

:

:
،

لله درك يابو عبدالله .. 5 ابيات لها وقّع خاص وفـ الصميييييييييييييم لا حرمك الله الاجر ...

اعجابي يا مبدعنا ddu098-


:

عبدالرحمن حمد العتيبي 09-08-2010 01:31 PM
اقتباس:
المشاركة الأصلية كتبت بواسطة محمد السبيعي (المشاركة 1280964)
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عندي خبر بإن الحزن صار عاده = عند البشر ماهوب عندي لحالي!

لكني أحاول بـ عزم وإراده = اسمع لمن ضاقت عليه ، وشكى لي !

لا اسعدت شخص آعيش جو السعادة= وشلون لا من صار هالشخص غالي ؟![/poem]

في (( شتات )) محمد السبيعي ..
هناك أكثر من شعور (( يجمعنا )) ..
وهذا واحد منها .. !!
هنا جعلت (( ملح )) الشعور ..
يفوق (( عذوبة )) الشعر .. !!

صح بيانك .. وأحساسك يـ (( صديقي )) .. !!


http://www.mlame7.com/vb/images/smilies/14.gif

فهد الزعبي 09-08-2010 02:54 PM
اقتباس:
المشاركة الأصلية كتبت بواسطة متعب الشيباني (المشاركة 1289964)
:





































ليه الندم و انتي مشاعرك ../ ( ماتت )

إذا حَيتْ عندك [ مشاعر ] ../ عطيني



وإن كان قلتي :- لحظة الحب .. فاتت

انا بـ .. احبك ( بين نفسي و / بيني ) !
الله الله الله

الله يسعد أيامك يـ ( صديقي ) الحميم
ركن مليء .. بـ / الفكر المتفرد

تح ـياتي

عفاس بن حرباش 09-08-2010 03:10 PM
اقتباس:
المشاركة الأصلية كتبت بواسطة الفجر البعيد (المشاركة 1293283)
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الموت نزع انسان من قلب الانسان=وموت الشعور اقسى من الموت نفسه[/poem]

مرحبا بعودة الابداع
منوره الاركان يالفجر !

متعب الشيباني 09-08-2010 03:25 PM
اقتباس:
المشاركة الأصلية كتبت بواسطة فهد الزعبي (المشاركة 1293299)
الله الله الله

الله يسعد أيامك يـ ( صديقي ) الحميم
ركن مليء .. بـ / الفكر المتفرد

تح ـياتي
( فهد الزعبي )
الله يسعد كل اوقاتك :) ..
ركني يتشرف بك وبحضورك فيه :) ..

لا عدمتك يا ( صديقي ) .,

؛

متعب الشيباني 09-08-2010 03:28 PM
اقتباس:
المشاركة الأصلية كتبت بواسطة عفاس بن حرباش (المشاركة 1293289)
رسالة لـ صديقي المبدع جداً ( فيصل الدوسري ) !


حرار الافكار تسري بالرسن والقياد
تمشي لها ليل ولا ليال تجري جري !

ترعى همومي ،وتجفل من عيون الجراد
وتنحاش عن سوره ، وقولي لها : استسوري !

مالومها دام عاشت في حدود البلاد
اللي تغبن الحقود وتفضح المفتري !

لو نكس اعلامها غيبة نقيض السواد
مالومها لو بقت طول العمر تحتري !

تشب نار الفرح وتروح ناره رماد
لا اجرم غيابه وعود من حضوره بري

شاعر وتطرب من بيوته هجوس الجماد
لو ماتاخر وجوده ، همّش البحتري

وقبل الشعر طيّب وهقوات نفسه بعاد
مايقرب العيب ، لكن ف المراجل جري !

صافي ولو زاودوا ف الطيب بالطيب زاد
رصيد عزمه يبدد طمعة المشتري !

يالمرجله بلغي من عاش وسط البلاد
طول غياب المواطن : فيصل الدوسري !




وهذا رد ( ابو سعد ) !


ياديرة الشعر عن بدع البيوت الجداد
تطبّعي بالصبر مع شاعرك واصبري


انكان مابانت افكاري وغابت سعاد
من حقي آكسّر اقلامي على دفتري

حرار عفاس لامن حان وقت الهداد
يكلّ عزمي معاها من سهر محجري

الشاعر اللي بدع جزل القوافي واجاد
كأنّه يقول لغيوم القصيد ( امطري )

تسعة فناجيل شعر مبهّره بالقناد
تسوقها يد كريم ٍ بالمكارم جري

ماهو نجم شعر لكنّه بدون اضطهاد
كوكب شعر واكبر من الارض والمشتري

ان جاتني شرهته من دون كل العباد
ماقلت ياشرهته تسللي واعبري

قامت يدين الحضور تشوح زول البعاد
وقمت اطعن ظروفي بسيفي وفي خنجري

لنّه ضماد الجروح اللي بليا ضماد
شاعر وزحزيح وسنافي وقرم وصري

ان عودت في نتاج اشعارنا والحصاد
انا فقير القصيد العذب وهو الثري

سبة غيابي ماهوب من الغضب والعناد
لا والله الا طبيعة شغلي العسكري


:rolleyes:
الله وأكبر ..

اقسم بالله ان كل قصيده تستاهل متصفح لحالها ..

لله دركم , لله دركم
صحّت قلبوكم وألسنكم .,

فيصل السواط 09-08-2010 09:53 PM
اقتباس:
المشاركة الأصلية كتبت بواسطة خالد السيحاني (المشاركة 1293099)

،

لله درك يابو عبدالله .. 5 ابيات لها وقّع خاص وفـ الصميييييييييييييم لا حرمك الله الاجر ...

اعجابي يا مبدعنا ddu098-


:

ابو غازي / ممتن لك بهذه الإشادة ، اتمنى ان انال اعجاب قريحتك دائماً وأبداً


شرفتني ياخالد ، واعجابك محل تقدير


دم تا / بخير

شاعرة نجد 10-08-2010 12:38 AM
اقتباس:
المشاركة الأصلية كتبت بواسطة مخايل (المشاركة 1293032)
صح لسانك ولا هنتي
يصح بدنك وتسلمين

ولاعدمت متابعتك

تحيتي’,,

عبدالرحمن السمين 10-08-2010 01:21 AM
اقتباس:
المشاركة الأصلية كتبت بواسطة عبدالله حنيف (المشاركة 1293378)
[ALIGN=CENTER][TABLETEXT="width:100%;background-color:burlywood;"][CELL="filter:;"][ALIGN=center]
http://alajman.net/up/uploads/3086519cf0.gif

حتى وانا مفارقك ( حافظ رسايلك ) !
وسجلتها فـ ( الحافظه ) [ كانت ايام ]

ومسحت كل الي يجي من ( موبايلك )
ساعدني أمسح ( مايجيبك فالاحلام )
[/ALIGN][/CELL][/TABLETEXT][/ALIGN]
يازين الأبداع يا عبدالله صح لسانك وبيانك .

عبدالرحمن السمين 10-08-2010 01:25 AM
اقتباس:
المشاركة الأصلية كتبت بواسطة عبدالله بن علي (المشاركة 1293322)
http://store2.up-00.com/Aug10/le057627.jpg


[poem=font="Arial,5,sienna,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من حَسَبْ عرفي وتَجْربة الحياه = مالقيت آمَرْ من خَمْسَة امور
خَمْسَة آمور ٍ مثل نَقش الدوآه = في قلوب ابنا البطون من الظهور
الكرم في جنب من تبخل يدآه = والله انه مثل من يشهد بزور
والشجآعه مع مواليف العباه = مثل من شاور قصيرين الشبور
والصِدِق مع كاذب ٍ يابس جمآه = كَلْمة ٍ عوجآ تغص ابها النحور
وصادق الوقفه تقل تنحت صفآه = في رفيق المصلحه لو هي حضور
مثل نآقل بندقِه وسط الرمآه = وبطنها مشقور والمحزم قشور
والتفآني (حب) في خل ٍ عطآه = الجحود وجرح لاضِمِّد يثور
مثل من يشتم مع العالم آبآه = ومثل شآحذ لقمته عند امعسور
كل هالخَمَسه تبي عين انتبآه = من قلوب ٍ واعيه ماهي تبور
ومن فعلها من جهآله ماعلاه = الشبه واضح ولامنّه قصور
والله انّه مثل من ينطح حصآه = لو توفّى مادرت عنه القبور [/poem]
أبداع أبداع أبداع .....

والله أن محلها الشعبي يامبدع ....

صح قلبك ونبضك .
مودتي لك .

فهد الزعبي 10-08-2010 05:09 AM
اقتباس:
المشاركة الأصلية كتبت بواسطة محمد بن عون (المشاركة 1293813)
[align=CENTER][tabletext="width:100%;background-color:black;"][cell="filter:;"][align=center]

رجل ٍ
[/align][align=center]



وهو



ميت



تنفذ



وصاته !

































ورجل ٍ



ما أحد



يسمع



كلامه



وهو



حي !



[/align][/cell][/tabletext]





[/align]

الله الله الله أكبر عليك يا / أبو سطام

عزالله إنه بيت لـ / التاريخ ..
صح الله لسانك ، وواصل جعلك ماتعجم

تح ـياتي

محمد بن عون 10-08-2010 05:16 AM
اقتباس:
المشاركة الأصلية كتبت بواسطة فهد الزعبي (المشاركة 1293815)
الله الله الله أكبر عليك يا / أبو سطام

عزالله إنه بيت لـ / التاريخ ..
صح الله لسانك ، وواصل جعلك ماتعجم

تح ـياتي

لبى قلبك يافهد

مأسرع خطفت هالبيت ؟!

عسى عمرك طويل

ومبارك عليك الشهر

فهد الزعبي 10-08-2010 05:39 AM
اقتباس:
المشاركة الأصلية كتبت بواسطة عيوف (المشاركة 1293835)

،











[mark=#332a2a]انسان[/mark] ؟ يعني كل كله ، خطايا !

حتى رسول الله ماكان معصوم



بعض الخطايا نعتبرها ، [mark=#ff0000]هدايا[/mark] !

وبعضنا ظالم عفى عنه مظلوم



وبعض التناقض يستفز الحنايا !

يمحى كلام ليالنا صبح مشؤوم



صرنا ضحايا بعضنا والضحايا !

اقلوب مسكينه تعاني من اللوم



كل ٍ يسوي في [mark=#3b3535]عشيره[/mark] ، سوايا !

لكنّ هذا كوم / وجروحنا كوم



احيان ما يحسب لـ حسن النوايا !

حتى ولو في ديننا الصفح محتوم



والامنا / و اسرارنا / والخفايا !

دايم تعيش بداخل إنسان مضيوم



وده يحس بتضحيات ، وعطايا !

محروم يرمي هم روحه لـ محروم



هي حكمة الله في جميع البرايا !

دنيا مافيها راحه الامر محسوم



كل ٍ يعالج كيّـته .. بـ الكوايا ..!

علوم يا دنيا ً.. تلـّوعني علوم



وش عاد باقي غير حوض المنايا ؟

مرحوم ياقلب ٍ بكى /[mark=#ff0000] دم [/mark] ، مرحوم



هذي بقايا .. من بقايـا / بقايا ..!

قلب ٍ ماكان من الخطا يوم معصوم




،

لله درك من مبدعة
دمتي بهذا العطاء

صح لسانكِ مدد
تح ـياتي

محمد الشويّب 10-08-2010 06:21 PM
اقتباس:
المشاركة الأصلية كتبت بواسطة عبدالرحمن حمد العتيبي (المشاركة 1294228)
[align=center][tabletext="width:100%;background-color:Black;"][cell="filter:;"][align=center]

http://up.mergab.com/uploads_pic/441b3b4a3f.jpg


لاتندمين ..
لاتندمين ..
لاتندمين ..
ان الحياة سقف (( مستعار )) ..
وكلانا عابرين ..
لاتندمين ..
مري على اجساد من سبقونا .. واسئليها
هل طال بالندم عمر النادمين .. ؟؟

لاتندمين ..
فكل أقدارنا تجري ..
فأتركيها ترسم في لوح الحياة المتين ..
لون من شقاء ..
ولون من عناء ..
ولون من بلاء ..
ولون يستحث الهاربين ..
وأملائي صدرك بـ (( الأمال )) وأبتسمي ..
فماقتل الشقاء ..
مثل ابتسامات اليقين ..

لاتكوني يافتاتي .. كـ (( ناي )) حزين ..
استقام اجوفاً ..
فمال صوته للبكاء ..
لعبة الأفواه في جوفه ..
ينطقها أنين ..


لاتندمين ...
أفرجي عن كل ابتساماتك المأسورة ..
وكل أمالك المقهورة ..
وأفرجي عن طيرك (( الحر )) الثمين ..
فأن السجن والسجان ..
ماوجدوا الا لقهر سجين .. !!



[/align][/cell][/tabletext][/align]



لله درررررررررررك
:(

عبدالله حنيف 10-08-2010 08:00 PM
اقتباس:
المشاركة الأصلية كتبت بواسطة عبدالرحمن السمين (المشاركة 1293689)


يازين الأبداع يا عبدالله صح لسانك وبيانك .
صح بدنك ي عبدالرحمن ، شاكر لك نقاءك .
دمت كما تحب


جميع الأوقات بتوقيت GMT +3. الساعة الآن 03:19 AM.
صفحة 33 من 33 « First 91011121314151617181920212223242526272829303132 33
عرض 25 مشاركات من هذا الموضوع لكل صفحة

Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية